DANƖƐL 9:5 - WƖA TENIŊ

⁵ La ŋaa wʋbɔŋ nɛ a ŋaa wɩaa sɩ bɩ ba bʋa lɛ ŋaa. La ŋaa nɩbɔmɔ nɛ a vɩa ŋ niiŋ, la joŋ harɩŋ yɩa wɩalɩŋ ŋ sɩ daga arɩ wombie-la ŋ sɩ bile dɩ la tuto nɛ.

DANƖƐL 9:5 ပူးပေါင်းရင်းမြစ်များ

2 KUOROO 18:12

Wɩaa deemba kala ŋaa Iziral tɩŋŋaa lɛ, a tɩŋ ba sɩ bɩ ba TƖƖNA Wɩa niiŋ to nɛ, aŋ chei nii-la ʋ sɩ bile ʋ dɩ ba pɛgɛ arɩ wɩalɩŋ La TƖƖNA tɩntɩnna Mosis sɩ dagɛba. Ba bɩ wɩalɩŋ jegile nɩɩ koo a toba.

2 KUOROO 21:15

bɛɛ wɩaa ba ŋaa wʋbɔŋŋɔɔ nɛ mɩ sɩɩŋ lɛ, a leŋ mɩ baanɩŋ sii a chɩŋ bʋa-la lɛ ba naabalɩmaba sɩ lɩɩ Ijipiti tinteeŋ lɛ a kaa kɔ arɩ jɩnɩŋ.”

ƐZƖRA 9:6

a sʋlʋ a bʋl, “Ou mɩ Wɩa, hɩɩsɩŋ kɛmmɛ nɛ arɩ mɩ sɩ jaŋ kɛŋ mɩ sɩaa je ŋ sɩpaaŋ, bɛɛ wɩaa la wʋbɔŋŋɔɔ chʋɔra nɛ a sii kɩɩ la nyusuŋ. La wʋcheelee paala jɩla yiyi wɩa-nyuŋ nɛ.

WƖA YƖƖLAA 106:6

La ŋaa wʋbɔŋŋɔɔ nɛ arɩ la naabalɩmaba fa sɩ ŋaa ŋɩɩ. La ŋaa nɩbɔmɔ nɛ a ŋaa wʋbɔŋŋɔɔ.

WƖA YƖƖLAA 119:102

Mɩ bɩ wombie-la ŋ sɩ bile dɩ la tuto lɛ lɩa, bɛɛ wɩaa ŋ tɩtɩa nɛ dagɛmɛ.

WƖA YƖƖLAA 119:176

Mɩ yeŋŋe nɛ a nagɛ piese sɩ lɛlɛ. Chɛ kɛŋ mɩ-na ŋ tɩntɩnna, bɛɛ wɩaa mɩ bɩ ŋ wʋdagaa yʋa.

WƖA YƖƖLAA 18:21

Mɩɩ to La TƖƖNA wombiee nɛ, mɩ ha bɩ Wɩa harɩŋ lɩa a ŋaa wʋbɔŋ.

AZAAYA 53:6

La kala nagɛ piesee sɩ yeŋŋe nɛ, la kʋŋkala joŋ ʋ tɩtɩa wombiiŋ. Hɛɛ-la la kala fa sɩ jaŋ na a tɩŋ la wʋbɔŋŋɔɔ wɩaa, La TƖƖNA mɩɩra joŋo daŋ ʋ lɛ nɛ.

AZAAYA 59:13

La TƖƖNA, la vɩa ŋ niiŋ wɩaa nɛ a joŋ harɩŋ yɩa la Wɩa. La dɔgɩsɛ nɩaa nɛ woruŋ aŋ joŋ harɩŋ yɩaŋ. La tʋɔbɩɩnaa kala ŋaa kʋbɔmɔ nɛ, la nyɩnyɩɛ wɩaa.

AZAAYA 64:4

Bumbuŋ kala, nʋʋ ha bɩ Wɩa dɔŋ wɩaa nɩa, ŋɩɩ ha bɩ nʋʋ dɩgɩl jʋa, ʋ sɩaa ha bɩ Wɩa dɔŋ na a nagɩŋ, dɩ ʋ ŋaa wɩaa deemba doho a pɩ nɩalɩŋ sɩ joŋ ba yɩɛlaa hɛ ʋ lɛ.

JƐRƖMAAYA 14:20

La TƖƖNA, la sɛɩ la tʋɔhɛɩ wɩalɩŋ la sɩ ŋaa nɛ arɩ wɩalɩŋ kala la nyɩmmaba sɩ cheye. La chaasa ŋaa wʋbɔŋŋɔɔ nɛ ŋ lɛ.

JƐRƖMAAYA 14:7

La wʋbɔŋŋɔɔ daga arɩ la ŋaa chei nɛ. La TƖƖNA, tɩŋ ŋ yɩrɩŋ wɩaa a ŋaa wɩɩ pɩla. La vɩa ŋ harɩŋ tonuŋ a yʋgɛ nɛ, la ŋaa wʋbɔŋŋɔɔ nɛ ŋ lɛ.

JƐRƖMAAYA 3:25

Má leŋ la yaara kɛŋ la hɩɩsɩŋ pɩŋ, a leŋ la hɩɩsɩŋ diila. La ŋaa wʋbɔŋ nɛ La TƖƖNA Wɩa lɛ, la dɩ la naabalɩmaba kala. A chɩŋ la hambiiriŋ lɛ a kaa kɔ jɩnɩŋ, la bɩ La TƖƖNA Wɩa niiŋ to.”

JƐRƖMAAYA 30:14

Ma sɩŋŋaa kala yʋ ma wɩaa nɛ, ba bɩ ma wɩaa chɩla. Mɩ ŋmooma a nagɛ ma dʋndɔmɔ sɩ jaŋ ŋmooma ŋɩɩ nɛ, a dɔgɩsɛma a nagɛ tʋɔhɛɛ tɩɩna sɩ jaŋ ŋaama ŋɩɩ, bɛɛ wɩaa ma cheeriŋ chaasa yʋgɛ nɛ, ma wʋbɔŋŋɔɔ ma faasa yʋgɛ.

JƐRƖMAAYA 44:3

a tɩŋ wʋbɔmɔ-la ba sɩ ŋaa wɩaa. Ba leŋe mɩ baanɩŋ sii ba nyuŋ nɛ ba sɩ nyɩgɛ kʋsʋɔrʋsʋŋ a kpʋkpaarɛ vesiŋ, ba-na koo ma-na koo ma naabalɩmaba sɩ bɩ jɩŋ.

JEMBIEE 1:18

La TƖƖNA ŋaa tʋɔpʋl Tɩɩna nɛ, ka mɩ pɛ vɩa wɩalɩŋ ʋ sɩ daga. Nʋʋkala jegili mɩ teeŋ, má bee na hɛɛ-la mɩ sɩɩ na. Mɩ bapʋɔsaa arɩ mɩ hatoloo kala nɛ ba kɛsɛ mʋ yoŋ-baga.

JEMBIEE 1:20

“La TƖƖNA, na ŋɩɩ mɩ tʋɔŋ sɩ faasa chei, hɛɛŋ chaasa jʋʋmɛ nɛ. Mɩ tʋɔbɩɩnaa wʋwalɩmɛmɛ, bɛɛ wɩaa mɩ vɩa ŋ niiŋ a mʋ kieli nɛ. Ba kpʋ mɩ nɩaa jeeŋ harɩŋ nɛ, dɩa tʋɔŋ-na paala nagɛ lɛlɛɛ-jaŋ nɛ.

JEMBIEE 3:42

“La ŋaa wʋbɔŋŋɔɔ nɛ a vɩa ŋ niiŋ ka ŋ bɩ joŋo chɛla.

ƐZƖKƖƐL 5:6

Ama a tɩŋ ʋ bɔnsʋŋ wɩaa, ʋ vɩa mɩ wombie-la mɩ sɩ bile dɩ ba tuto arɩ wɩalɩŋ mɩ sɩ daga nɛ, a kɩɩ tinteye-la nɩaa sɩ gollu. Ʋ vɩa mɩ wombie-la mɩ sɩ bile nɛ, a bɩ wɩalɩŋ mɩ sɩ daga maa to.

ƐZƖKƖƐL 6:9

Tinteye-la lɛ ba sɩ jaŋ kɛsɛba mʋ dɩ ba hɛ yoŋ-baga lɛ, ba jaŋ liisi ŋɩɩ ba sɩ ŋaa mɩ tʋɔŋ chei a tɩŋ ba sɩ bɩ wʋtɩtɩɩ kɛnɛ a joŋ harɩŋ yɩamɛ a cho vʋɩyaa. Ba tʋɔŋ jaŋ lɩɩ ba tɩtɩa a tɩŋ wʋbɔmɔ-la arɩ wʋkɩsɩa-la kala ba sɩ ŋaa.

DANƖƐL 9:11

Iziral tɩŋŋaa kala chei wombii-la ŋ sɩ bile dɩ ba tuto nɛ a joŋ harɩŋ yɩaŋ a vɩa dɩ ba to ŋ niiŋ. Ŋɩɩ wɩaa kalɩbɩna-la arɩ ŋmɩaŋ-la ŋ-na Wɩa tɩntɩnna Mosis sɩ ŋmʋnsa bil ŋ wombiiŋ teniŋ tʋɔŋ mɩɩra wurisila nɛ, bɛɛ wɩaa la ŋaa wʋbɔŋ nɛ ŋ teeŋ.

DANƖƐL 9:15

La TƖƖNA Wɩa, ŋ nɛ kɛŋ ŋ naduo-la a kɛŋ ŋ nɩaa kaa lɩɩ Ijipiti tinteeŋ lɛ a laa yɩrɩŋ pɩ ŋ tɩtɩa a kaa kɔ arɩ jɩnɩŋ. La ŋaa wʋbɔŋ nɛ, la cheye nɛ.

DANƖƐL 9:9

La TƖƖNA Wɩa, ŋŋ fá nɩaa nenige nɛ a joŋ wɩaa chɩchɛba, arɩ la sɩ lɩɩ ŋ harɩŋ ma kala,

HOSIA 1:2

La TƖƖNA sɩ suomo dɩ ʋ to Hosia lɛ a bʋl wɩaa pɩ Iziral tɩŋŋaa, ʋ bʋla pʋ, “Mʋ jaa hachɔrʋmʋŋ dɩ ʋ lʋl mɛŋgaa-biiriŋ, bɛɛ wɩaa ŋɩɩ tɩtɩa nɛ mɩ nɩaa vɩa mɩ-na ba TƖƖNA aŋ kpʋkpaarɛ vʋɩyaa.”

MALAKAƖ 3:7

Ma naabalɩmaba bʋa lɛ nɛ ma suomo vɩa mɩ niiŋ wɩaa a bɩ wombie-la mɩ sɩ dagɛma ka to. Dɩ ma nɛ mɩɩra kɔ mɩ teeŋ, mɩ ma jaŋ kɔ ma teeŋ. Ama ma yie pɩɛsɛ, ‘Ɛɛ nɛ la jaŋ ŋaa a mɩɩra kɔ ŋ teeŋ?’

Hiburu TƖŊŊAA 3:12

Mɩ naambiiri, má pɔ ma tɩtɩa lɛ dɩ ma tʋɔŋ nʋʋ sɩ́ wʋbɔŋ bɩɩnʋ koo a kɛŋ tʋɔbɩɩna-la sɩ jaŋ leŋ dɩ ʋ sɩ́ Wɩa laa dii, dɩ ŋɩɩ leŋ dɩ ʋ joŋ harɩŋ yɩa Wɩa sɩ weye.