DANƖƐL 9:4 - WƖA TENIŊ

⁴ Mɩ sɩɩ sʋl mɩ TƖƖNA Wɩa ŋɩɩ, mɩ dagɛ wʋbɔmɔ-la mɩ nɩaa sɩ ŋaa a bʋl: “La TƖƖNA ŋ nɛ Wɩa sɩ yʋga a kɛŋ fawʋllʋŋ. Ŋ kɛŋ wʋtɩtɩɩ nɛ nii-la sɩ hɛ la dɩ ŋ pɛgɛ. Ŋ dagɛ ŋ chono-la sɩ bɩ dɛrɛ a pɩ nɩalɩŋ sɩ choŋ a ŋɩŋaa wɩalɩŋ ŋ sɩ daga nɛ.

DANƖƐL 9:4 ပူးပေါင်းရင်းမြစ်များ

1 KUOROO 8:23

aŋ chʋɔlɛ Wɩa a bʋl: “Ou, La TƖƖNA, Iziral tɩŋŋaa Wɩa, kʋŋkala tuo wɩa-nyuŋ koo tinteeŋ lɛ a magɩŋ. Ŋ sɩ cho ŋ nɩaa a hɛ nii-la ŋ dɩ ba pɛgɛ, ŋ bɩ ʋ wɩaa yʋa. Ŋ yie chɩŋ ŋ nɩalɩŋ sɩ kɛŋ ba tʋɔŋ kala a tuto wɩalɩŋ ŋ sɩ daga harɩŋ nɛ.

2 IZIRAL TƖŊŊAA NAABARƖŊ 7:14

dɩ mɩ nɩaa nɛ jaŋ kɛŋ ba tɩtɩa muuri a sʋla chɩchɛmɛ, aŋ bɩrɩma lɩɩ ba wʋbɔŋŋɔɔ lɛ, mɩ hɛ mɩ jaŋ lɛ nɛ, mɩ jaŋ nɩɩ ba sʋla a joŋ ba wʋbɔŋŋɔɔ chɛba aŋ leŋ dɩ ba tinteeŋ fɩɛlɛ.

ƐZƖRA 10:1

Ɛzɩra fa sɩ chʋɔlɛ Wɩa aŋ pɛ dɩdagɛ wɩalɩŋ ba sɩ ŋaa chei, a yiyel a foro titel Wɩa dɩa sɩpaaŋ, ŋɩɩ nɛ Iziral tɩŋŋaa nɩ-daŋ, baalaa, haalaa arɩ hambiisiŋ kʋ chɩna gollu, a ma faasa yiyel.

NƐHƖMAAYA 1:5

Ŋɩɩ nɛ mɩ bʋl, “Ou, La TƖƖNA Wɩa, ŋ sɩ hɛ ŋ jaŋ lɛ, ŋ kɛŋ doluŋ nɛ woruŋ, la chaasa fɩfáŋ. Ŋ kɛŋ nii-la sɩ hɛ ŋ dɩ ŋ nɩaa pɛgɛ kaa tɩtɩŋ nɛ arɩ wʋtɩtɩɩ, nɩalɩŋ sɩ choŋ a tuto ŋ wʋdagaa.

NƐHƖMAAYA 9:32

Lɛɛlɛ la Wɩa, ŋ nɛ yʋga a kɛŋ doluŋ nɩaa fɩfáŋ, ŋ sɩ cho ŋ nɩaa a hɛ nii-la ŋ dɩ ba pɛgɛ, ŋ kaa tɩtɩŋ nɛ. Sɩ́ bee kieli hɛɛ-la la sɩ na a chɩŋ bʋa-la lɛ Asiiria kuoroo sɩ dɔgɩsɛla a kaa kɔ jɩnɩŋ. La kuoroo arɩ la sɩpaalaaraa, la ŋ Wɩɩsʋllɩ sɩpaalaaraa arɩ ŋ wʋlaabʋllaa, la naabalɩmaba arɩ ŋ nɩaa kala nɛ na hɛɛ-la.

WƖA YƖƖLAA 32:5

Mɩ sɩ, “Mɩ jaŋ dagɛ mɩ wʋbɔŋŋɔɔ pɩ La Tɩɩna.” Ŋɩɩ nɛ mɩ dagɛ ba kala pɩŋ a bɩ kaa faaŋ. Ŋ joŋ ba kala chɛmɛ.

MOSIS KƐŊ IZIRAL TƖŊŊAA LƖƖ 20:6

Ama nɩalɩŋ sɩ chomi a tuto mɩ niiriŋ, mɩ jaŋ dagɛ mɩ chonuŋ a pɩba arɩ ba biiriŋ arɩ ba nihee arɩ ba nihi-lɩɛrɛba a kaa mʋ wuu.

JƐRƖMAAYA 3:13

Má-na sɛɩ arɩ ma cheye nɛ. Ma fa vɩa mɩ-na ma Tɩɩna Wɩa niiŋ nɛ. Ma joŋ ŋɩɩ ma sɩ chomi a pɩ vesiŋ nɛ tɩɩ-lugunuŋ bʋbʋɔŋ, aŋ vɩa dɩ ma to mɩ niiŋ. Mɩ-na ma TƖƖNA nɛ bʋla.’ ”

JƐRƖMAAYA 32:23

Ba kʋ jʋʋ tintee-la nɛ a tɩɩʋ, ama ba bɩ ŋ niiŋ sɛyɛ koo a to wombii-la ŋ sɩ bile dɩ ba tuto. Ba bɩ wɩalɩŋ ŋ sɩ daga dɩ ba ŋaa kʋŋkala ŋaa. Ŋɩɩ nɛ ŋ kɛŋ wʋlɔrʋŋ deeŋ kala kʋ hɛ ba lɛ.

DANƖƐL 6:10

Danɩɛl sɩ nɩa dɩ ba tɔ boŋ-la nɛ a ŋmʋnsa bil nʋʋkala jɩŋ, ʋ mɩɩra mʋ dɩa a jɩl ʋ lusuŋ nyuŋ dɩa, lee-la tokoroba sɩ suroo chaasɛ Jerusalɛm dɩɩrɩŋ. Nɩmɛ nɛ ʋ yie kpirime chʋɔlɛ Wɩa naansɩɩŋ butori tapʋlɩɩ kala, a lɔllʋ arɩ ʋ fa sɩ vɛnɛɛ ŋaa ŋɩɩ.

DANƖƐL 9:3

Ŋɩɩ nɛ mɩ chʋɔlɛ La TƖƖNA Wɩa a sʋlʋ, a vɔɔ niiŋ a laalɛ tʋɔ-chei gɛnnɩŋ a ŋaa tʋɔrʋŋ bʋgɛ.

Luuk 1:72

Ʋ bʋla arɩ ʋ jaŋ fá la doho nɩaa nenige, a liise yi nii-zɔŋ-la ʋ sɩ bile ʋ dɩ la naabalɩmaba pɛgɛ.

Rom Tɩŋŋaa 8:28

La jɩma wɩɩkala lɛ, Wɩa yie leŋ wɩaa zɔŋ nɛ a pɩ nɩalɩŋ sɩ chou, nɩalɩŋ ʋ sɩ lɩɩsa ʋ tʋɔtɔrʋŋ lɛ.

MOSIS BƖRA WULLI WƖA WOMBIIŊ 5:10

Ama nɩalɩŋ sɩ chomi a tuto mɩ niiriŋ, mɩ jaŋ dagɛ mɩ chonuŋ a pɩba arɩ ba doho doho bʋɩba sɩ jaŋ to ba harɩŋ kɔ.

MOSIS BƖRA WULLI WƖA WOMBIIŊ 7:12

Dɩ ma nɛ to wombie-la woruŋ a kɛmba tɩtɩŋ, ma TƖƖNA Wɩa jaŋ choma a leŋ dɩ nii-la ʋ sɩ hɛ ʋ dɩ ma pɛgɛ chɩŋ, arɩ ʋ sɩ ŋmɩɛsɛ ŋɩɩ pɩ ma naabalɩmaba.

MOSIS BƖRA WULLI WƖA WOMBIIŊ 7:21

Má sɩ́ leŋe dɩ fawʋllʋŋ kɛmma a tɩŋ nɩalɩŋ wɩaa, ma TƖƖNA Wɩa hɛ ma teeŋ nɛ, ʋ ŋaa Wɩa sɩ kɛŋ doluŋ nɛ woruŋ a magɛ dɩ nʋʋkala fɩfáʋ.

MOSIS BƖRA WULLI WƖA WOMBIIŊ 7:9

Ŋɩɩ wɩaa, ʋ maga dɩ ma jɩŋ arɩ La TƖƖNA Wɩa dʋndʋŋa nɛ Wɩa, ʋ nɛ kɛŋ wʋtɩtɩɩ. Ʋ jaŋ leŋ dɩ nii-la sɩ hɛ ma dɩ ʋ pɛgɛ chɩŋ. Ʋ jaŋ dagɛ ʋ chonuŋ a pɩ nɩalɩŋ kala sɩ chou a tuto wɩalɩŋ kala ʋ sɩ daga doho doho bʋɩba.

Jeems 1:12

Wɩa jaŋ pɛ nɩɩ-la wɩɩŋ sɩ jʋa lɛ, aŋ ka ʋ wuo nyalɩmɛ a chɩŋ. Ʋ sɩ wuo nyalɩmɛ ŋɩɩ, Wɩa jaŋ joŋ mɩɩsɩ-la sɩ bɩ dɛrɛ a timu, mɩɩsɩ-la ʋ sɩ sɩ ʋ jaŋ joŋo pɩ nɩalɩŋ kala sɩ chou.

Jeems 2:5

Mɩ naambii-kpɩanaba, má jegile nɩɩ mɩ teeŋ. Nɩalɩŋ sɩ ŋaa summoo dʋnɩa deeŋ lɛ, Wɩa tʋɔsɛba nɛ dɩ ba laa ʋ wɩaa dii woruŋ a jʋʋ ʋ kuorii-la, lee-la ʋ sɩ sɩ ʋ jaŋ joŋo pɩ nɩalɩŋ sɩ chou.