DANƖƐL 9:2 - WƖA TENIŊ

² Ʋ sɩ dii kuoruŋ ʋ jɩ-bumbuŋ lɛ nɛ, mɩ-na Danɩɛl karɩmɛ Wɩa teniŋ a jɩŋ wɩɩ-la La TƖƖNA sɩ to ʋ wʋlaabʋlla Jɛrɩmaaya lɛ a bʋl, arɩ Jerusalɛm jaŋ pɩŋ jikpeeŋ jɩsɩŋ mahɩŋ batori arɩ fii.

DANƖƐL 9:2 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 36:21

Tintee-la fa pɩŋ pɛɩ nɛ a wiesi jɩsɩ-la kala ba sɩ bɩ leŋe ʋ wiesi. Ʋ pɩŋ ŋɩɩ nɛ a mʋ yi jɩsɩŋ mahɩŋ batori arɩ fii, a leŋ wɩɩ-la La TƖƖNA wʋlaabʋlla Jɛrɩmaaya fa sɩ bʋla kʋ ŋaa wʋtɩtɩɩ.

ƐZƖRA 1:1

Siirus fa sɩ dii Pɛsɩa tinteeŋ kuoruŋ ʋ jɩ-bumbuŋ lɛ, La TƖƖNA sɩɩ chɛ dɩ ʋ leŋ dɩ wɩɩ-la ʋ sɩ to Jɛrɩmaaya lɛ bʋl kʋ ŋaa wʋtɩtɩɩ, ʋ digi Pɛsɩa tinteeŋ kuoro Siirus tʋɔŋ nɛ, ʋ ŋaa ba ŋmʋnsɛ heele deeŋ a pɩ ʋ tinteeŋ nɩaa kala:

WƖA YƖƖLAA 119:24

Wɩalɩŋ ŋ sɩ daga dɩ la tuto nɛ leŋe mɩ tʋɔŋ tʋtɔrɛ, wɩalɩŋ nɩɩ dagɛmɛ.

AZAAYA 64:10

Ŋ tasɩ-la kala sɩ bɩ disiniŋ kɛnɛ nagɛ tintee-hɩlɩŋ nɛ. Jerusalɛm paala nagɛ jikpeeŋ nɛ, Zaayɔŋ pɩŋ hoi.

JƐRƖMAAYA 1:1

Wɩalɩŋ Hɩlɩkaaya nanʋala Jɛrɩmaaya sɩ bʋla nɛ ŋ-la. Ʋ fa ŋaa Wɩɩsʋllɩ sɩpaalaaraa dɔŋɔ nɛ, a lɩɩ taŋ-la ba sɩɩ yɩrɛ Anatɔf sɩ hɛ Bɛnjamɩŋ tinteeŋ lɛ.

JƐRƖMAAYA 25:18

Ba nɛ: Jerusalɛm arɩ Juda tasɩŋ dɔnsʋŋ kala, ba kuoroo arɩ ba tɩntɩnnɩ-hɩasɩŋ, dɩ ʋ jaŋ cheiba dɩ ba ŋaa mɔmɩa dɩ nɩaa sisieri ba lɛ, dɩ nɩaa naba dɩ fawʋllʋŋ kɛmba dɩ ba hihirigi, aŋ kɛŋ ba yɩrɩŋ ŋmɩɛsa hɩhɛ nɩaa lɛ, arɩ ba sɩ nagɛ ŋɩɩ jɩnɩmba,

JƐRƖMAAYA 26:18

“Mɩka sɩ lɩɩ taŋ-la ba sɩɩ yɩrɛ Mɔrɛsɛf fa bʋl wɩaa Wɩa doluŋ lɛ nɛ bʋa-la lɛ Hezikaaya sɩ ŋaa Juda tinteeŋ kuoro. Ʋ fa bʋla pɩ Juda nɩaa kala: Wɩɩ-la La TƖƖNA doluŋ kala Tɩɩna sɩ bʋla nɛ ŋ-la, ‘Ba jaŋ pɛrɛ Zaayɔŋ a nagɛ baga. Jerusalɛm jaŋ pɩŋ jikpeeŋ a nagɛ pupuluŋ. Wɩa dɩɩ-bal-la sɩ chɩŋ dundolo-la nyuŋ jaŋ lugi a nagɛ duuŋ.’

JƐRƖMAAYA 26:6

ŋɩɩ-na mɩ jaŋ leŋ dɩ mɩ dɩɩ-balɩŋ deeŋ ma nagɛ taŋ-la ba sɩɩ yɩrɛ Sɩlɔ, dɩ dʋnɩa tinteyee nɩaa kala kɛŋ tabalɩŋ deeŋ yɩrɩŋ ŋmɩɛsa hɩhɛ nɩaa lɛ.’ ”

JƐRƖMAAYA 27:7

Tinteyee kala jaŋ tɩma pɩ ʋ dɩ ʋ nanʋala arɩ ʋ nihiŋ see dɩ bʋa-la ʋ tɩtɩa tinteeŋ sɩ jaŋ tel yie, ŋɩɩ lɛ nɛ tintee daŋ arɩ kuori-balaa jaŋ yuo diiu dɩ ʋ tɩmaa pɩba.

JƐRƖMAAYA 29:10

Wɩɩ-la La TƖƖNA bɩra sɩ bʋla nɛ ŋ-la: “Dɩ jɩsɩŋ mahɩŋ batori arɩ fii-la mɩ sɩ joŋo pɩ Babɩlɔŋ nɛ suo, mɩ jaŋ ŋaa wʋzɔŋŋɔɔ pɩma, a leŋ dɩ tʋɔtɔrɛ nii-la mɩ sɩ hɛ arɩ mɩ jaŋ kɛmma mɩɩra kɔ leriŋ deeŋ kʋ ŋaa wʋtɩtɩɩ.

JƐRƖMAAYA 7:34

Mɩ jaŋ leŋ dɩ tʋɔtɔrɛ goŋ-la ha-falaa arɩ ba balaba sɩɩ ŋaa dɛrɛ Juda tasɩŋ arɩ Jerusalɛm womporunuŋ lɛ, bɛɛ wɩaa ba tinteeŋ jaŋ pɩŋ hoi.”

JEMBIEE 1:1

Bee na Jerusalɛm tabal-la sɩ pɩŋ jikpeeŋ ŋɩɩ, taŋ-la nɩaa fa sɩ suo, ʋ mɩɩra nagɛ yo-haal nɛ. Ʋ fa ŋaa ta-zɔŋ nɛ tinteyee tʋɔŋ. Tinteyee tʋɔŋ, ʋ nɛ fa yʋga, ʋ nɛ lɛɛlɛ bɩrɩmɛ yoŋ ŋɩɩ.

ƐZƖKƖƐL 29:11

Nuhuobiiŋ koo pʋna kala naaŋ bɩ jaŋ to lee-la bal. Nʋʋkala bɩ jaŋ hɔŋ nɩmɛ a kaa mʋ yi jɩsɩŋ mahɩŋ balɩa.

DANƖƐL 9:3

Ŋɩɩ nɛ mɩ chʋɔlɛ La TƖƖNA Wɩa a sʋlʋ, a vɔɔ niiŋ a laalɛ tʋɔ-chei gɛnnɩŋ a ŋaa tʋɔrʋŋ bʋgɛ.

MƖKA 3:12

A tɩŋ ma wɩaa, ba jaŋ pɛrɛ Zaayɔŋ a nagɛ baga. Jerusalɛm jaŋ pɩŋ jikpeeŋ a nagɛ pupuluŋ. Wɩa dɩɩ-bal-la sɩ chɩŋ dundolo-la nyuŋ jaŋ lugi a nagɛ duuŋ.

ZƐKARƖYA 1:12

Ŋɩɩ nɛ La TƖƖNA tɩndaarʋ-la bʋl, “La TƖƖNA doluŋ kala Tɩɩna, ɛɛ nɛ ŋŋ chɛ ŋ vɩa Jerusalɛm nɩaa arɩ Juda tasɩŋ nenige fanɩŋ a diene magɛ, nɩalɩŋ nyuŋ ŋ sɩ na baanɩŋ jɩsɩŋ mahɩŋ batori arɩ fii?”

ZƐKARƖYA 7:5

“Pɩɛsɛ tintee-la nɩaa arɩ Wɩɩsʋllɩ sɩpaalaaraa kala: Ma sɩ vɔɔ niiŋ a yel chɛŋ-nɔŋ arɩ chɛŋ-pɛɩ tʋɔŋ jɩsɩŋ mahɩŋ batori arɩ fii-la kala sɩ bala lɛ, mɩ wɩaa nɛ ma sɛnɛ vɔɔ nii-la?

Matiu 24:15

Ma jaŋ na kʋ-la sɩ kɛŋ disiniŋ aa chei leriŋ, kʋ-la wɩaa Wɩa wʋlaabʋlla Danɩɛl fa sɩ bʋla. Ba jaŋ joŋ kʋ-la bil Wɩa dɩa lɛ, lee-la sɩ bɩ disiniŋ kɛnɛ (lee-la nɩɩ-la sɩ kɛŋ disiniŋ sɩ bɩ maga dɩ ʋ mʋ). Ma nɩalɩŋ sɩ karɩmɛ wɩaa deemba, ma jaŋ jɩŋ ba bʋbʋɔŋ.

Maak 13:14

Ma jaŋ na dɩ ba joŋ kʋ-la sɩ kɛŋ disiniŋ aa chei leriŋ a bil lee-la ʋ sɩ bɩ maga ʋ hɛ. Kʋa deeŋ jaŋ ŋaa wʋbɔŋŋɔɔ. Ʋ jaŋ chei Wɩa yɩrɩŋ. (Ma sɩ jaŋ karɩmɛ wɩaa deemba, ma jaŋ jɩŋ ba bʋbʋɔŋ.) Dɩ ma nɛ na ŋɩɩ, má leŋ dɩ nɩalɩŋ sɩ hɛ Judiya tinteeŋ lɛ, dɩ ba fá jɩl peelee nyuŋ a faa.

Tɩntɩŋŋaa 8:34

Ŋɩɩ nɛ bafere-la pɩɛsɛ Fɩlɩp, “Kʋbɛɛ wɩaa nɛ Wɩa wʋlaabʋllʋ-la bʋbʋl ŋɩɩ? Ʋ tɩtɩa wɩaa nɛ koo nʋʋ ma dɔŋ wɩaa nɛ?”

1 Timoti 4:13

Ŋaa sɩɩfɩɛsɩŋ karɩmɛ Wɩa niiŋ wɩalɩŋ pɩ nɩaa dɩ ma nɛ hilime, a dɩdagɛ nɩaa, aŋ pɛ bʋl wɩalɩŋ pɩpɩ nɩaa, aŋ ka dɩ mɩ-na kɔ.

Jɔɔŋ Wʋnaalaa 1:3

Nɩalɩŋ sɩ karɩmɛ wɩaa deemba nɩaa nɩɩ arɩ nɩalɩŋ sɩ jegile nɩɩ wɩaa deemba a laa hɛ ba tʋɔŋ lɛ a tutoba, Wɩa jaŋ pɛ ba lɛ, bɛɛ wɩaa bʋa-la wɩaa deemba sɩ jaŋ ŋaa kpaga nɛ.