DANƖƐL 8:5 - WƖA TENIŊ

⁵ Mɩ sɩ kɛŋ wɩɩŋ deeŋ a bɩbɩɩnɛ, dɩ gbuŋgbogo guu lɩɩ wɩɩjʋʋlʋŋ dɩɩrɩŋ. Nyil-duo kʋbala hɛ ʋ sɩaa pɛgɛ, a tʋɔra golli dʋnɩa kala, ka ʋ naasɩŋ bɩ tinteeŋ dige.

DANƖƐL 8:5 ပူးပေါင်းရင်းမြစ်များ

DANƖƐL 11:3

Ŋɩɩ lɛ nɛ kuoru-duo kʋbala jaŋ dii kuoruŋ nɩmɛ a kɛŋ ʋ doluŋ ŋaa wɩɩ-la kala ʋ sɩ cho.

DANƖƐL 2:32

Sɛlɩmɛ nɛ ba kaa mɛ kʋ-la nyuŋ, a kɛŋ hɔpʋla mɛ ʋ bɔyɛ arɩ ʋ vaasɩŋ, aŋ kɛŋ kɔlɩɩŋ ma mɛ ʋ luoruŋ arɩ ʋ naapuyee.

DANƖƐL 2:39

Ŋ harɩŋ lɛ, kuoru dɔŋ jaŋ bɩra kɔ, ʋ bɩ jaŋ kɛŋ doluŋ a nagɩŋ. Ʋ ŋɩɩ harɩŋ kuori-tori jaŋ kɔ. Ʋ nɛ ŋaa kɔlɩɩ-la, ʋ jaŋ beŋ dʋnɩa kala.

DANƖƐL 7:6

Ʋ ŋɩɩ harɩŋ mɩ bɩra na baga kʋa dɔŋɔ mɩ sɩpaaŋ, ʋ ma nagɛ kpeye. Kɩŋkɛnsɩŋ banɛsɛ hɛ ʋ duguno lɛ a nagɛ diibie kɩaa. Baga kʋa deeŋ fa kɛŋ nyusuŋ banɛsɛ nɛ, ba joŋ doluŋ pʋ dɩ ʋ dii kuoruŋ.

DANƖƐL 8:21

Gbuŋgbogo-la ma nɛ ŋaa Giriisi tinteeŋ kuoro. Nyil-duo-la ma sɩ chɩŋ ʋ sɩaa pɛgɛ nɛ ŋaa ba kuoru-bumbuŋ.

DANƖƐL 8:6

Ʋ na baanɩŋ kɩŋkɛŋ a tʋɔrɛ chaasɛ pie-bele-la mɩ fa sɩ na dɩ ʋ chɩŋ fuo-la sɛmɛ a kɛŋ nyilliŋ balɩa.

DANƖƐL 8:8

Gbuŋgbogo-la bɩrɩmɛ geriwoŋŋu, arɩ ʋ doluŋ sɩ yʋga ma kala, ama ba ha yɩ ʋ ma nyil-duo-la bori nɛ. Ka nyil-duoruŋ banɛsɛ mɩɩra nyʋ nyile-la leriŋ. Ba kʋŋkala chaasɛ dʋnɩa loŋgorunu-la banɛsɛ dɔŋɔ.