DANƖƐL 8:4 - WƖA TENIŊ

⁴ Mɩɩ beŋ ŋɩɩ nɛ ka pie-bele-la tʋɔra mʋ wɩɩjʋʋlʋŋ dɩɩrɩŋ, wɩɩpɔsʋŋ nagʋa dɩɩrɩŋ arɩ wɩɩpɔsʋŋ nadiiŋ dɩɩrɩŋ. Pʋna kala tuo a wuo chemu, kʋŋ ma bɩ ba wuo laa ta ʋ nɩsɩŋ lɛ. Ʋ ŋaa ʋ tʋɔtɔrʋŋ nɛ, a bɩrɩmɛ geriwoŋŋu.

DANƖƐL 8:4 ပူးပေါင်းရင်းမြစ်များ

1 KUOROO 22:11

Wʋnyɩɛrɩ Wɩa wʋlaabʋlla-la dɔŋɔ yɩrɩŋ nɛ fa Zedikaaya, a ŋaa Kɛnaana nanʋala. Ʋ fa kɛŋ hɔɔŋ libi banyilliŋ nɛ, ʋ kaa heele bʋl, “Wɩɩ-la La TƖƖNA sɩ bʋla nɛ ŋ-la: ‘Kɩaa deemba nɛ ŋ jaŋ kaa tɩɩgɛ Siiria tɩŋŋaa kala kpʋ.’ ”

JOB 10:7

Ŋ jɩma mɩ bɩ wɩɩkala ŋaa cheyiŋ, a jɩŋ dɩ nʋʋkala ma bɩ jaŋ wuo laamɛ ta ŋ nɩsɩŋ lɛ.

WƖA YƖƖLAA 44:5

Ŋ doluŋ lɛ nɛ la yuo dii la dʋndɔŋŋɔɔ, a nʋɔsɛba bil ŋ yɩrɩŋ lɛ.

WƖA YƖƖLAA 50:22

Ma nɩalɩŋ sɩ yʋ mɩ-na Wɩa wɩaa, má jegili wɩɩŋ deeŋ, dɩ ŋɩɩ dee, mɩ jaŋ kɛmma pʋɔsɛ, ka nʋʋ tuo dɩ ʋ laama ta.

WƖA YƖƖLAA 7:2

Dɩ ŋɩɩ dee, ba jaŋ kɛmmɛ pʋɔsɛ muno muno a nagɛ naachigiŋ sɩ yie kɛŋ kʋa pʋɔsɛ ŋɩɩ, ka nʋʋ jaŋ tuo dɩ ʋ laamɛ ta.

ƐZƖKƖƐL 34:21

Piese-la sɩ dolie kɛŋ ba nyilliŋ nɛ a kiri pie-pʋgʋnʋ-la ta.

DANƖƐL 11:16

Siiria kuoru-la sɩ kɔ dɩ ʋ yuoba jaŋ ŋaa wɩɩ-la kala ʋ sɩ cho. Nʋʋkala bɩ ʋ sɩpaaŋ jaŋ wuo chɩŋ. Ʋ dɩ laalɩyuoroo jaŋ chɩŋ Iziral tɩŋŋaa tintee-zɔŋ-la lɛ a yuo laa ʋ kala a cheyu.

DANƖƐL 11:36

Siiria kuoru-la jaŋ ŋaa wɩɩ-la kala ʋ sɩ cho, a kɛŋ ʋ tɩtɩa yʋga kɩɩ vene kala a bʋl wɩalɩŋ sɩ bɩ maga a tʋʋsɛ Wɩa sɩ kɩɩ kʋŋkala joŋŋoo. Wɩaa jaŋ vɛŋ woruŋ pʋ a kaa mʋ yi bʋa-la lɛ Wɩa sɩ dɔgʋsʋ arɩ baanɩŋ, bɛɛ wɩaa Wɩa jaŋ ŋaa wɩɩ-la ʋ sɩ bɩɩna dɩ ʋ ŋaa.

DANƖƐL 5:19

Ʋ sɩ leŋe ʋ dɩchɩnɩŋ yuŋ ŋɩɩ, nɩaa kala, tinteyee nɩaa arɩ yikoro na-kala nɩaa fɩfáʋ. Nɩalɩŋ kuoro sɩ cho dɩ ʋ kpʋ, ʋ kpʋba nɛ. Nɩalɩŋ ma ʋ sɩ bɩ cho dɩ ʋ kpʋa, ʋ lemba nɛ. Nɩalɩŋ ʋ sɩ cho dɩ ʋ leŋ ba dɩchɩnɩŋ yuŋ, ʋ leŋe ba dɩchɩnɩŋ yʋgɛ nɛ. Nɩalɩŋ ma ʋ sɩ cho dɩ ʋ kɛmba muuri, ʋ kaa muuri nɛ.

DANƖƐL 5:30

Tɩtaŋ-la tɩtɩa nɛ ba kpʋ Babɩlɔŋ kuoro Bɛlɩsaza.

DANƖƐL 7:5

Mɩ bɩra na baga kʋlɩamɩŋ, ʋ nagɛ lʋgʋmʋŋ. Ʋ sii chɩŋ ʋ hui-naasɩŋ nyuŋ, aŋ ka ʋ chɛbɛ sɛnpɛrɩ-biee haŋgbelee batori ʋ niiŋ lɛ. Ba bʋla pʋ, ‘Sii chaŋ nammɩa a magɛ ŋɩɩ kala ŋ sɩɩ chɛ.’

DANƖƐL 8:7

Mɩ na dɩ ʋ chaga kɛŋ pie-bele-la arɩ baanɩŋ a yɩ ʋ nyilli-la balɩa bori. Pie-bele-la bɩra bɩ doluŋ kɛnɛ dɩ ʋ chɩna chagʋ. Gbuŋgbogo-la yɩʋ a lo tinteeŋ, a nʋɔsʋ woruŋ, ka kʋŋkala tuo dɩ ʋ laa pie-bele-la ta bʋʋŋ-la nɩsɩŋ lɛ.

MƖKA 5:8

Jekɔb doho nɩkaana-la jaŋ guoli tinteyee nɩaa tʋɔŋ, a hɛ nɩ-daŋ tʋɔŋ, a nagɛ naachigiŋ sɩ guoli baga kɩaa tʋɔŋ duuŋ lɛ. Ba nagɛ naachigi-bie sɩ guoli pie-laalɩŋ lɛ nɛ, a yie fɩla chɩchaalɛba a kɛmba pʋɔsa ta vɩvɛŋ ka nʋʋ tuo dɩ ʋ laaba ta.

MOSIS BƖRA WULLI WƖA WOMBIIŊ 33:17

Josɛf kɛŋ doluŋ a nagɛ nɛŋ bii-bumbuŋ sɩ ŋaa bele nɛ. Ʋ nyilliŋ nagɛ baga nɛŋ nɛ. Ʋ nyilli-la nɛ ŋaa Manasɛ doho nɩaa bʋɩ-la arɩ Efirem doho nɩaa bʋɩ fii-la. Nyilli-la nɛ ʋ jaŋ kaa gbaa tinteyee a hɛ dɔŋɔ a yigiba mʋ ta dʋnɩa dɩdɛrɩŋ.”