DANƖƐL 8:12 - WƖA TENIŊ

¹² Nyil-bie-la sɩ bɩ sɛyɛ ŋɩɩ, Wɩa nɩaa bɩra bɩ tapʋlɩɩ kala Wɩɩsʋlʋŋ pʋsʋŋ wuo kpʋ a ŋɩŋaa Wɩɩsʋlʋŋ. Wɩɩkala nyil-bie-la sɩɩ ŋaa wasɛ woruŋ, ʋ leŋ ba joŋ wʋtɩtɩɩ yuo ta tinteeŋ lɛ.

DANƖƐL 8:12 ပူးပေါင်းရင်းမြစ်များ

JƐRƖMAAYA 12:1

La TƖƖNA, ŋ kɛŋ tʋɔpʋla nɛ bʋa na-kala lɛ, dɩ mɩ nɛ kɛŋ wɩɩ kɔ ŋ teeŋ. Ama mɩ ha jaŋ pɩɛsɩŋ wɩaa a mʋ tɩgɛ ŋ wʋtɩtɩɩ lɛ: Bɛɛ nɛ tɩɩ nɩbɔŋŋɔɔ wɩaa vɩvɛŋ woruŋ? Bɛɛ nɛ tɩɩ nɩalɩŋ kala sɩ bɩ wʋtɩtɩɩ kɛnɛ ŋ teeŋ hɔŋ, wɩɩ bɩ baa walɩmɛ?

AZAAYA 59:14

La kiri wʋtɩtɩɩ ta nɛ la dɩ tʋɔpʋla ma pɛgɛ bol. La wɩaa dɩ-bʋlʋŋ kala wʋtɩtɩɩ lɛlɛ nɛ, ʋ bɩ mʋa ma ka.

Jɔɔŋ Wʋnaalaa 13:7

Ba pʋ wombiiŋ nɛ dɩ ʋ kɛŋ Wɩa nɩaa a yuo laalɩŋ, a yuo diiba. Ba fa pʋ doluŋ nɛ ʋ wuo doho kala, nɩaa kala, tinteyee kala arɩ nɩaa sɩɩ bʋl yikoro kala.

DANƖƐL 11:28

Siiria kuoru-la jaŋ mɩɩra kɛŋ dʋa yʋgɛ a mʋ ʋ tinteeŋ, ama ʋ jaŋ kɛŋ tʋɔ-lɔrʋŋ Wɩa nɩaa wombiee lɛ a ŋaa wɩɩ-la kala ʋ sɩɩ chɛ ba lɛ, aŋ-na mɩɩra mʋ ʋ tinteeŋ.

DANƖƐL 8:4

Mɩɩ beŋ ŋɩɩ nɛ ka pie-bele-la tʋɔra mʋ wɩɩjʋʋlʋŋ dɩɩrɩŋ, wɩɩpɔsʋŋ nagʋa dɩɩrɩŋ arɩ wɩɩpɔsʋŋ nadiiŋ dɩɩrɩŋ. Pʋna kala tuo a wuo chemu, kʋŋ ma bɩ ba wuo laa ta ʋ nɩsɩŋ lɛ. Ʋ ŋaa ʋ tʋɔtɔrʋŋ nɛ, a bɩrɩmɛ geriwoŋŋu.

WƖA YƖƖLAA 119:142

Ŋ tʋɔpʋla bɩ dɩdɛrɩ kɛnɛ, wombii-la ŋ sɩ bile dɩ la tuto ma ŋaa wʋtɩtɩɩ nɛ.

WƖA YƖƖLAA 119:43

Leŋ dɩ mɩ bʋbʋl wʋtɩtɩɩ bʋa na-kala, bɛɛ wɩaa mɩ joŋ mɩ yɩɛlaa kala hɛ wombie-la ŋ sɩ bile dɩ la tuto lɛ nɛ.

JOB 12:6

Ama gaaraa hɔnɔ nɛ, wɩɩkala bɩ baa walɩmɛ, nɩalɩŋ sɩ ŋaa Wɩa baanɩŋ sii ma kala hɔnɔ ta jɩa nɛ, a bibigisi ba doluŋ lɛ.

1 SAMƲƐL 23:9

Devit sɩ nɩa dɩ Sɔɔl ka kɔ dɩ ʋ yuou nɛ, ŋɩɩ nɛ ʋ bʋla pɩ Wɩɩsʋllɩ sɩpaalaara Abɩata, “Kɛŋ gɛrɩ-laala-daŋɩɩ-la kɔ.”

WƖA YƖƖLAA 28:5

Ba sɩpaaŋ tuo wɩalɩŋ ŋ-na La Tɩɩna sɩ ŋaa lɛ, arɩ kɩalɩŋ kala ŋ sɩ ta. Ŋɩɩ wɩaa, cheiba dɩ ba lɛl a kaa mʋ wuu.

DANƖƐL 7:21

Mɩ fa sɩɩ beŋ, mɩ na dɩ nyile-la kɛŋ Wɩa nɩaa yuo laalɩŋ a yuo didiiba,