Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




DANƖƐL 7:9 - WƖA TENIŊ

9 Mɩ sɩ bene, mɩ na dɩ ba bil kuoru kpasɩnɩŋ. Nɩɩ-la sɩ hɛ nɩmɛ faafaa kala hɔŋ ʋ kuoru kpasa nyuŋ. Ʋ gɛnnɩŋ fa pʋlla nɛ a nagɛ kuŋkunuŋ. Ʋ nyu-pʋnaa ma pʋllɛ a nagɛ pie-pʋnaa. Ʋ kuoru kpasa-la faa chol nyiniŋ nɛ, ʋ gɩrɩŋgɩrɩmba kala ŋaa nyiŋgeliŋ.

အခန်းကိုကြည့်ပါ။ ကော်ပီ




DANƖƐL 7:9
34 ပူးပေါင်းရင်းမြစ်များ  

Mɩkaaya bɩra bʋl, “Má jegile nɩɩ wɩɩ-la La TƖƖNA sɩ bʋla: Mɩ na La TƖƖNA dɩ ʋ hɔŋ ʋ kuoru kpasa nyuŋ, ka ʋ tɩndaaraa kala chɩna gollu, ʋ nadiiŋ arɩ ʋ nagʋa.


Mɩkaaya bɩra bʋl, “Má jegile nɩɩ wɩɩ-la La TƖƖNA sɩ bʋla: Mɩ na La TƖƖNA dɩ ʋ hɔŋ ʋ kuoru kpasa nyuŋ, ka ʋ tɩndaaraa chɩŋ ʋ nadiiŋ arɩ ʋ nagʋa.


Ŋ kuoru gɛnnɩŋ kala nɩɩ sʋɔrɛ bʋsa bʋsa arɩ tʋlaalɩɩ, ka ba du cheŋ a yɩɩ yɩɩlaa a ŋaa ŋ tʋɔŋ tɔrɛ ŋ kuoru dɩa-la lɛ ba sɩ kpɩɛra arɩ batu-nyɩlaa.


Ka dɩ ŋ-na ŋaa peelee, koo a ŋaa tinteeŋ arɩ dʋnɩa bʋa-la kala lɛ, ŋ nɛ Wɩa a kaa mʋ wuu.


Faafaa kala nɛ ŋ kuoruŋ chɩŋ kpaŋkpaŋ, ŋ hɛ nɩmɛ nɛ a kaa mʋ wuu.


Jɩna-la lɛ kuoro Uzia fa sɩ sʋba nɛ mɩ na La TƖƖNA a nagɛ duosoo tʋɔŋ dɩ ʋ hɔŋ ʋ kuoru kpasa nyuŋ a yʋga kɩɩ kʋŋkala, ʋ gɛrɩŋ jɛrɛ su Wɩa dɩɩ-bal-la sɩ hɛ Jerusalɛm lɛ.


bɛɛ wɩaa ba lʋl bii nɛ a pɩla, hambolibie nɛ ba joŋo pɩla, ʋ nɛ jaŋ bibenla. Ba jaŋ yɩyɩrʋ: Nɩɩ-la sɩ jɩŋ nɩaa chagɩlɩŋ ʋ dɔŋ tuo, Wɩa sɩ kɛŋ doluŋ, Nyɩmma-la sɩ jaŋ hɛ nɩmɛ deeŋ deeŋ, Kuori-bile sɩ kɛŋ fɩɛlɩŋ kʋkɔ.


Mɩ jaŋ bil mɩ kuoru kpasa Ɛlam lɛ a chei ʋ kuoro arɩ ʋ tɩntɩnnɩ-hɩasɩŋ.


Kʋ-la sɩ nagɛ wɩa-nyuŋ a chugili kɩalɩŋ sɩ weye nyuŋ ma nyuŋ, kʋŋ kʋbala chɩŋ a nagɛ kuoru kpasa ba sɩ kɛŋ tabɩɩ kʋbala sɩ nagɛ diibelimbine a tʋtʋl a ŋaa, ka kʋŋ hɔŋ kuoru kpasa-la nyuŋ a nagɛ nuhuobiine.


Mɩ duoso-la tʋɔŋ tɩtaŋ-la, mɩ bɩra beŋ a na kʋŋ sɩ nagɛ nuhuobiine dɩ ʋ to duoŋ-bɩlɩmbaanaa tʋɔŋ kʋʋ tuu. Ʋ sɩ kʋ kpagɛ nɩɩ-la sɩ hɛ nɩmɛ faafaa kala, ba kɛnʋ kaa mʋ ʋ teeŋ.


a kaa mʋ yi bʋa-la lɛ Nɩɩ-la sɩ hɛ nɩmɛ faafaa kala sɩ kʋ lɩɩ dii sarɩya a laa pɛ Wɩa sɩ kɩɩ kʋŋkala nɩaa lɛ. Bʋa-la yie nɛ dɩ ba laa kuorii-la dɩ ʋ ŋaa ba kʋŋ.


Bɛtɩlɛhɛm Ɛfɩrata, Juda tinteeŋ tasɩŋ kala tʋɔŋ ŋ nɛ muuro. Ama La TƖƖNA sɩ ʋ jaŋ lɩɩsɛ kuoro ŋ lɛ dɩ ʋ bibeŋ Iziral, nɩɩ-la doho nɩaa sɩɩ dii kuoruŋ faafaa kala.


“Ou La TƖƖNA, ŋ nɛ hɛ nɩmɛ faafaa kala. Mɩ Wɩa, ŋ bɩ disiniŋ kɛnɛ, la bɩ jaŋ sʋʋ. Ou mɩ TƖƖNA, ŋ nɛ fa lɩɩsɛ Babɩlɔŋ tɩŋŋaa dɩ ba laa la wɩaa jɩŋ. Mɩ Wɩa, ŋ nagɛ bʋŋ nɛ a chu tɔla, ŋ nɛ fa lɩɩsɛba a pɩba doluŋ dɩ ba dɔgɩsɛla.


Nɩmɛ nɛ Yesu bɩrɩmɛ ba sɩpaaŋ. Ʋ sɩaa kala tʋtʋl a nagɛ wɩɩpɔsʋŋ sɩɩ tʋl ŋɩɩ. Ʋ gɛnnɩŋ ma pʋllɛ a tʋtʋl.


Ʋ sɩaa nagɛ duonuŋ sɩ lɩgɩsa nɛ, aŋ ka ʋ gɛnnɩŋ pʋllɛ kpʋl kpʋl.


Ʋ gɛnnɩŋ kala pʋllɛ kɩŋkɛŋ a tʋtʋl. Gɛrɩ-chɛsɩrʋ kala bɩ jaŋ wuo chɛsɛ gɛnnɩŋ dɩ ba pʋlla nagɛ ŋɩɩ.


Ʋ fa ŋaa Wɩa wʋlaabʋllʋ nɛ a wuo jɩŋ wɩalɩŋ Wɩa sɩ sɩ ʋ jaŋ ŋaa pʋ. Wɩa ŋmɩɛsa pʋʋ nɛ arɩ ʋ jaŋ leŋ dɩ ʋ-na Devit doho nɩaa dɔŋɔ dii kuoruŋ ʋ nyuŋ lɛ.


Wɩa chɩsʋ ʋ sii jɩla hɔŋ Wɩa nadiiŋ, nɩduoŋ dɩhɔnʋŋ, a bɩra pʋ ʋ Dɩŋ-zɔmʋŋ arɩ ʋ fa sɩ bʋl ŋɩɩ. Dɩŋ-zɔmʋŋ deeŋ Yesu sɩ joŋo hɛ la lɛ jɩnɩŋ, ʋ nɛ wɩalɩŋ ma sɩɩ na a nɩnɩɩ ma.


dɩ mɩ dɩ Kirisito kala ŋaa kʋbala. Tʋɔpʋla-la mɩ sɩ kɛnɛ, ʋ bɩ mɩ tɩtɩa lɛ lɩa, ʋ saa bɩra bɩ Juu tɩŋŋaa naabalɩmaba wombiiŋ ma lɛ lɩa. Ama lɛɛlɛ mɩ sɩ laa Kirisito wɩaa dii, ŋɩɩ nɛ tɩɩ mɩ kɛŋ tʋɔpʋla ʋ teeŋ. Tʋɔpʋla deeŋ-na lɩɩ Wɩa teeŋ nɛ, ʋ joŋu pɩ nʋʋkala sɩ laa ʋ wɩaa dii nɛ.


Ʋ dʋndʋŋa nɛ bɩ sʋʋ. Ʋ hɛ pʋlʋŋ-bal tʋɔŋ nɛ, nʋʋkala bɩ nɩmɛ wuo mʋ. Nʋʋkala ha bɩ ʋ na, nʋʋ ma kala saa bɩ ʋ wuo na. Ʋ maga dɩ nɩaa kala zizilu nɛ. Ʋ nɛ kɛŋ doluŋ a kaa mʋ wuu. Amɩɩ.


Wɩalɩŋ Wɩa Bie sɩ dagɛla a tɩgɛ Wɩa lɛ, ba nɛ ŋ-la: Wɩa nɛ pʋlʋmʋŋ, birimiŋ mʋa ma tuo ʋ lɛ.


Ʋ nyuŋ arɩ ʋ nyu-pʋnaa kala pʋllɛ a nagɛ kuŋkunuŋ, a pʋlla nagɛ bʋrʋŋ sɩ tɔ. Ʋ sɩaa kala nagɛ nyiŋgeliŋ.


Má kʋ dii kuoroo nammɩa, laalɩyuori-hɩasɩŋ arɩ nɩduoruŋ nammɩa, janɩŋ arɩ ba jɩjɩllaa nammɩa, nuhuobiinee, nɩalɩŋ sɩ tɩɩ ba tɩtɩa, nɩalɩŋ sɩ ŋaa yosuŋ, nɩhɩasɩŋ arɩ hambiisiŋ kala nammɩa.”


Ŋɩɩ nɛ mɩ na kuoru kpasɩnɩŋ dɩ nɩaa hɔŋ ba nyuŋ. Nɩaa deemba nɛ Wɩa pa doluŋ dɩ ba dii dʋnɩa nɩaa sarɩya. Ŋɩɩ nɛ aŋ ka mɩ na nɩaa dɩnsɩŋ. Nɩaa deemba nɛ faa bʋl wʋtɩtɩɩ-la Yesu fa sɩ daga a pɩ nɩaa, aŋ pɛɛ bʋl Wɩa niiŋ wɩaa. Ŋɩɩ nɛ ba kpʋba a keri ba nyusuŋ. Nɩaa deemba-na fa bɩ baga kʋ-la ka chʋɔlɛ, ba bɩ kʋ-la ba sɩ mɛ ʋ nagʋ ma chʋɔlɛ. Ba bɩ baga kʋ-la magɩlɩŋ kɛnɛ ba tilliŋ lɛ koo ba nɩsaa lɛ. Nɩaa deemba sii sʋʋŋ lɛ, ba dɩ Kirisito dii kuoruŋ a beŋ dʋnɩa nɩaa jɩsɩŋ bʋɩ.


Bʋa-la lɛ Wɩa Dɩŋ-zɔmʋŋ guu kʋ jʋʋmɛ, ŋɩɩ nɛ mɩ beŋ a na kuoru kpasa dɩ ʋ chɩŋ Wɩa-jaŋ lɛ, ka nʋʋ hɔŋ ʋ nyuŋ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ