DANƖƐL 7:8 - WƖA TENIŊ

⁸ Mɩ fa sɩɩ beŋ nyilli-la, nyil-bie kʋbala kʋ lɩɩ ba tʋtʋɔbaanɩŋ, a churi nyilli-la batori sɩ laa sɩpaaŋ hɛ nɩmɛ. Nyile deeŋ fa kɛŋ sɩaa nɛ ba nagɛ nuhuobiine sɩaa a kɛŋ niiŋ a bʋbʋl babiibal wɩaa.

DANƖƐL 7:8 ပူးပေါင်းရင်းမြစ်များ

WƖA YƖƖLAA 12:3

La Tɩɩna, leŋ dɩ nɩalɩŋ sɩ kɛŋ nii-sɩma arɩ babiibal wʋbʋllaa niiŋ tɔ.

DANƖƐL 11:36

Siiria kuoru-la jaŋ ŋaa wɩɩ-la kala ʋ sɩ cho, a kɛŋ ʋ tɩtɩa yʋga kɩɩ vene kala a bʋl wɩalɩŋ sɩ bɩ maga a tʋʋsɛ Wɩa sɩ kɩɩ kʋŋkala joŋŋoo. Wɩaa jaŋ vɛŋ woruŋ pʋ a kaa mʋ yi bʋa-la lɛ Wɩa sɩ dɔgʋsʋ arɩ baanɩŋ, bɛɛ wɩaa Wɩa jaŋ ŋaa wɩɩ-la ʋ sɩ bɩɩna dɩ ʋ ŋaa.

DANƖƐL 7:19

Ŋɩɩ nɛ mɩ chɩchɛ dɩ mɩ jɩŋ baga kʋnɛsɛ-la bʋbʋɔŋ. Ʋ nɛ fa bɩ dɔnsʋ-la naga ŋɩɩ aŋ kɛŋ fawʋllʋŋ kɩŋkɛŋ. Ʋ nyɩlaa ŋaa hɔɔnʋŋ, ʋ naanii-fʋlaa nagɛ kɔlɩɩŋ. Ʋ nɛ dɩŋ ʋ dʋndɔŋŋɔɔ yɛrɛ liŋ aŋ nʋɔsɛ kʋkaanaa bʋrɩgɛ ŋɩɩ.

2 Tɛsalonaaka Nɩaa 2:4

Ʋ nɛ ŋaa nɩɩ-la sɩ lɩɩ Wɩa harɩŋ a kɛŋ ʋ tɩtɩa a kaa yʋga kɩɩ Wɩa arɩ kʋŋkala nuhuobiine sɩɩ chʋɔlʋ. Ʋ jaŋ jʋʋ hɔŋ Wɩa dɩa tʋɔŋ a bʋl arɩ ʋ nɛ ŋaa Wɩa.

2 Timoti 3:2

Nɩaa jaŋ cho ba tɩtɩa aŋ pɛ cho moribiee. Ba jaŋ bibigisi ba tɩtɩa lɛ, ba sɩaa bɩ jaŋ susu nʋʋkala ma, ba jaŋ tʋtʋʋsɛ nɩaa ma. Ba bɩ jaŋ tuto ba nyɩmmaba arɩ ba naamba niiŋ. Ba bɩra bɩ jaŋ kɛŋ zile. Ba bɩ jaŋ kɛŋ tʋɔpʋla ma Wɩa sɩpaaŋ.

2 Pɩɩta 2:18

Ba yie bʋbʋl babiibal wɩaa sɩ bɩ bʋbʋɔŋ kɛnɛ. Ba yie kɛŋ nii-sɩma a nyɩnyɩsɛ nɩalɩŋ sɩ bumo lɩɩsɛ ba tɩtɩa nɩalɩŋ sɩ bɩ wʋtɩtɩɩ jɩŋ lɛ.

Juud 1:16

Nɩaa deemba yie gʋgʋrɩmɛ wɩaa, a dʋdɔŋ nɩaa, baa to ba tʋɔbɩɩŋ bɔŋŋɔɔ harɩŋ nɛ, a bibigisi ba tɩtɩa lɛ, a kɛŋ nii-sɩma a nyɩsa lɩlaa nɩaa kɩaa.

Jɔɔŋ Wʋnaalaa 13:1

Ŋɩɩ nɛ mɩ na baga kʋŋ dɩ ʋ lɩɩ mʋgʋ-balɩŋ tʋɔŋ a kʋʋ lɩɩ. Ʋ fa kɛŋ nyusuŋ balɩpɛ nɛ, ʋ nyilliŋ ma fii. Ʋ fa chu kuori-nyunchuuluŋ fii nɛ ʋ nyilliŋ fii-la lɛ. Yɩrɩ-la ʋ fa sɩ kɛnɛ ʋ nyusu-la lɛ faa tʋʋsɛ Wɩa joŋŋoo nɛ.

Jɔɔŋ Wʋnaalaa 9:7

Hɔbɔ-la fa nagɛ janɩŋ nɛ ba sɩ kpɩɛra dɩ ba kaa mʋ laalɩŋ. Ba chu kɩaa sɩ nagɛ sɛlɩmɛ nyunchuuluŋ nɛ. Ba sɩaa ma nagɛ nuhuobiinee sɩaa.

1 SAMƲƐL 2:3

Má sɩ́ babiibal wɩaa bʋbʋl koo a bibigisi ma tɩtɩa lɛ, bɛɛ wɩaa La TƖƖNA Wɩa nɛ jɩŋ wɩɩkala, a jaŋ dii nʋʋkala sarɩya.