DANƖƐL 7:20 - WƖA TENIŊ

²⁰ Mɩ fa bɩra chɩchɛ dɩ mɩ jɩŋ nyilli-la fii sɩ hɛ ʋ nyuŋ lɛ arɩ nyile-la ma dɔŋɔ sɩ kʋ lɩɩ bʋbʋɔŋ, ka nyilli-la batori-na churo tel. Nyile-la nɛ kɛŋ sɩaa arɩ niiŋ a bʋbʋl babiibal wɩaa ŋɩɩ.

DANƖƐL 7:20 ပူးပေါင်းရင်းမြစ်များ

DANƖƐL 7:11

Ŋɩɩ nɛ mɩ ha bibeŋ a tɩŋ babiibal wɩalɩŋ nyil-bie-la fa sɩɩ bʋl wɩaa. Mɩ faa beŋ ŋɩɩ nɛ halɩɩ, ka ba kpʋ baga kʋnɛsɛ-la a chei ʋ kala a paa yuo hɛ nyiŋgeliŋ lɛ.

DANƖƐL 7:19

Ŋɩɩ nɛ mɩ chɩchɛ dɩ mɩ jɩŋ baga kʋnɛsɛ-la bʋbʋɔŋ. Ʋ nɛ fa bɩ dɔnsʋ-la naga ŋɩɩ aŋ kɛŋ fawʋllʋŋ kɩŋkɛŋ. Ʋ nyɩlaa ŋaa hɔɔnʋŋ, ʋ naanii-fʋlaa nagɛ kɔlɩɩŋ. Ʋ nɛ dɩŋ ʋ dʋndɔŋŋɔɔ yɛrɛ liŋ aŋ nʋɔsɛ kʋkaanaa bʋrɩgɛ ŋɩɩ.

DANƖƐL 7:21

Mɩ fa sɩɩ beŋ, mɩ na dɩ nyile-la kɛŋ Wɩa nɩaa yuo laalɩŋ a yuo didiiba,

DANƖƐL 7:23

Wɩɩ-la ʋ sɩ bʋla pɩmɛ nɛ ŋ-la, “Baga kʋnɛsɛ-la ŋaa kuori-gentiŋ-nɛsɛ nɛ sɩ jaŋ dii kuoruŋ dʋnɩa lɛ. Ʋ dɩ kuori-gentisi-la dɔnsʋŋ wɩaa bɩ jaŋ nagɛ dɔŋɔ, ʋ jaŋ kpʋ dʋnɩa nɩaa a nʋɔsɛba bʋrɩgɛ.

DANƖƐL 7:7

Mɩ duoso-la tʋɔŋ tɩtaŋ-la mɩ bɩra na baga kʋnɛsɩmɩŋ mɩ sɩpaaŋ, sɩ kɛŋ fawʋllʋŋ a fufugisi nɩaa a kɛŋ doluŋ ma woruŋ. Ʋ nyɩlaa fa ŋaa hɔɔnʋŋ nɛ aŋ barɩmɛ, ʋ kaa dɩŋ ʋ dʋndɔŋŋɔɔ yɛrɛ liliŋ aŋ nʋɔsɛ kʋkaanaa bʋrɩgɛ. Ʋ dɩ bumbuŋ baga kɩalɩŋ kala fa bɩ dɔŋɔ naga. Ʋ fa kɛŋ nyilliŋ fii nɛ.

DANƖƐL 7:8

Mɩ fa sɩɩ beŋ nyilli-la, nyil-bie kʋbala kʋ lɩɩ ba tʋtʋɔbaanɩŋ, a churi nyilli-la batori sɩ laa sɩpaaŋ hɛ nɩmɛ. Nyile deeŋ fa kɛŋ sɩaa nɛ ba nagɛ nuhuobiine sɩaa a kɛŋ niiŋ a bʋbʋl babiibal wɩaa.

Jɔɔŋ Wʋnaalaa 12:3

Ŋɩɩ nɛ kʋkpuŋkpere dɔŋɔ ma kʋ lɩɩ wɩa-nyuŋ. Kʋkpuŋkpere deeŋ fa nagɛ dɩmɩŋ sɩ yʋga kieli nɛ a kala fɩɛsɛ a nagɛ chalɩŋ. Dɩŋ-la fa kɛŋ nyusuŋ balɩpɛ nɛ arɩ nyilliŋ fii, a chu kuori nyunchuuluŋ balɩpɛ.