DANƖƐL 7:18 - WƖA TENIŊ

¹⁸ Ama Wɩa sɩ kɩɩ kʋŋkala nɩaa jaŋ laa kuorii-la a diiu a kaa mʋ wuu.”

DANƖƐL 7:18 ပူးပေါင်းရင်းမြစ်များ

WƖA YƖƖLAA 45:16

Ŋ biiriŋ arɩ ŋ nihee ma jaŋ dii kuoruŋ arɩ ŋ naabalɩmaba fa sɩ die ŋɩɩ. Ŋ jaŋ leŋ dɩ ba dii kuoruŋ dʋnɩa sɛmɛ kala.

WƖA YƖƖLAA 49:14

Ba jaŋ sʋʋ a nagɛ piesee, sʋʋŋ jaŋ nagɛ nɩɩ-la sɩɩ daaba. Ʋ jaŋ daaba kaa mʋ hɛ sʋʋŋ bʋa lɛ. Chʋchʋɔŋ tʋɔpʋl tɩŋŋaa jaŋ yuo diiba, dɩ ba pʋa bʋa tʋɔŋ dɩ lɛlɛɛ-jaŋ ŋaa ba dɩa.

AZAAYA 14:2

Tintee-daŋ jaŋ pɛ Iziral tɩŋŋaa lɛ a kɛmba mɩɩra kɔ ba tinteeŋ. Jekɔb doho nɩalɩŋ jaŋ tɩɩ tinteye-la nɩaa dɩ baalaa arɩ haalaa tɩma pɩpɩba tintee-la La TƖƖNA sɩ joŋo pɩba lɛ. Nɩalɩŋ fa sɩ yuo kɛsɛ Iziral tɩŋŋaa, ba ma jaŋ yuo kɛsɛba, a bibeŋ nɩalɩŋ fa sɩ dɔgɩsɛba.

DANƖƐL 7:14

Ʋ joŋ doluŋ, yɩrɩŋ arɩ kuoruŋ doluŋ pʋ. Nɩaa kala, tinteyee nɩaa arɩ yikoro na-kala nɩaa dɩdɛnnʋ. Ʋ doluŋ ŋaa dol-la sɩ bɩ dɛrɛ nɛ, ʋ bɩ lɛl. Ʋ kuoruŋ ma ŋaa kʋŋ nʋʋ sɩ bɩ jaŋ wuo chei.

DANƖƐL 7:17

Ʋ sɩ, “Baga kɩaa kʋbala-la banɛsɛ ŋaa kuoru-gentisiŋ banɛsɛ nɛ sɩ jaŋ hɛ dʋnɩa lɛ a kɛŋ doluŋ.

DANƖƐL 7:22

a kaa mʋ yi bʋa-la lɛ Nɩɩ-la sɩ hɛ nɩmɛ faafaa kala sɩ kʋ lɩɩ dii sarɩya a laa pɛ Wɩa sɩ kɩɩ kʋŋkala nɩaa lɛ. Bʋa-la yie nɛ dɩ ba laa kuorii-la dɩ ʋ ŋaa ba kʋŋ.

DANƖƐL 7:25

Ʋ jaŋ bʋl wɩaa lɩɩ Wɩa sɩ kɩɩ kʋŋkala harɩŋ, aŋ nyagɛ Wɩa nɩaa bil, aŋ wʋwalɩmɛ dɩ ʋ kɛŋ wombii-la Wɩa sɩ bile dɩ ba tuto wɩaa bɩrɩmɛ. Ba jaŋ joŋ Wɩa nɩaa hɛ ʋ nɩsɩŋ lɛ jɩsɩŋ batori arɩ kpaa magɛ dɔŋɔ.

DANƖƐL 7:27

Ba jaŋ joŋ doluŋ arɩ kuoruŋ yuŋuŋ kala sɩ hɛ dʋnɩa lɛ a pɩ Wɩa sɩ kɩɩ kʋŋkala nɩaa. Ba kuoruŋ doluŋ bɩ jaŋ dɛrɛ. Kuoroo kala sɩ hɛ dʋnɩa lɛ jaŋ to ba niiŋ a tɩma pɩpɩba.”

OBADAAYA 1:17

Ama Zaayɔŋ peel-la nyuŋ nɛ laatanɩŋ jaŋ hɛ, ʋ jaŋ ŋaa lee sɩ bɩ disiniŋ kɛnɛ, dɩ Jekɔb doho nɩaa tɩɩ ʋ dʋa kala.

Luuk 1:33

Ʋ jaŋ dii kuoruŋ Jekɔb doho nɩaa tʋɔŋ a kaa mʋ wuu. Ʋ kuoruŋ bɩ jaŋ dɛrɛ da.”

1 Kɔrɩntɩ Nɩaa 6:2

Ma bɩ jɩŋ arɩ Wɩa nɩaa nɛ jaŋ dii dʋnɩa nɩaa sarɩya? Dɩ ma nɛ jaŋ dii dʋnɩa nɩaa sarɩya, ma bɩ wʋbiisiŋ deemba wuo bʋla wʋwasɛɛ?

Ɛfɛsɩs Nɩaa 1:3

Má leŋ dɩ la dɛnnɛ Wɩa. Ʋ nɛ ŋaa La Tɩɩna Yesu Kirisito Nyɩmma. La dɩ Kirisito sɩ ŋaa kʋbala nɛ tɩɩ ʋ pɛ la lɛ a joŋ wʋzɔŋ na-kala sɩ lɩɩ ʋ teeŋ a pɩla.

Ɛfɛsɩs Nɩaa 6:12

Ama la bɩ naga nɩalɩŋ sɩɩ yuo nuhuobiinee. Laa yuo Sɩtaanɩ arɩ ʋ harɩ-tooroo nɛ, arɩ kʋŋkala sɩ kɛŋ doluŋ nɩalɩŋ sɩ hɛ birimiŋ tʋɔŋ teeŋ. Dʋnɩa deeŋ arɩ dol-bɔmɔ-la kala sɩ hɛ wɩa-nyuŋ, ba nɛ laa yuo.

Jɔɔŋ Wʋnaalaa 20:4

Ŋɩɩ nɛ mɩ na kuoru kpasɩnɩŋ dɩ nɩaa hɔŋ ba nyuŋ. Nɩaa deemba nɛ Wɩa pa doluŋ dɩ ba dii dʋnɩa nɩaa sarɩya. Ŋɩɩ nɛ aŋ ka mɩ na nɩaa dɩnsɩŋ. Nɩaa deemba nɛ faa bʋl wʋtɩtɩɩ-la Yesu fa sɩ daga a pɩ nɩaa, aŋ pɛɛ bʋl Wɩa niiŋ wɩaa. Ŋɩɩ nɛ ba kpʋba a keri ba nyusuŋ. Nɩaa deemba-na fa bɩ baga kʋ-la ka chʋɔlɛ, ba bɩ kʋ-la ba sɩ mɛ ʋ nagʋ ma chʋɔlɛ. Ba bɩ baga kʋ-la magɩlɩŋ kɛnɛ ba tilliŋ lɛ koo ba nɩsaa lɛ. Nɩaa deemba sii sʋʋŋ lɛ, ba dɩ Kirisito dii kuoruŋ a beŋ dʋnɩa nɩaa jɩsɩŋ bʋɩ.

Jɔɔŋ Wʋnaalaa 22:5

Taŋ bɩ jaŋ biri nɩmɛ. Ba bɩ chaanɩŋ koo wɩɩpɔsʋŋ pʋlʋmʋŋ chɛ nɩmɛ. La Tɩɩna Wɩa nɛ jaŋ ŋaa ba pʋlʋmʋŋ. Ba nɛ jaŋ beŋ dʋnɩa a kaa mʋ wuu.

Jɔɔŋ Wʋnaalaa 3:21

Nɩɩ-la sɩ wuo yuo dii Sɩtaanɩ, mɩ jaŋ pʋ wombiiŋ dɩ ʋ pɛ hɔŋ mɩ kuoru kpasa nyuŋ arɩ mɩ ma sɩ yuo dii Sɩtaanɩ aŋ pɛ hɔŋ mɩ Nyɩmma kuoru kpasa nyuŋ ŋɩɩ.

Jɔɔŋ Wʋnaalaa 5:10

Ŋ leŋe nɩalɩŋ ŋ sɩ yɔbɔ, dii kuoruŋ nɛ a laa nɩaa nyuŋ a tɩma pɩpɩ Wɩa. Ba jaŋ beŋ tinteeŋ kala.”