DANƖƐL 7:10 - WƖA TENIŊ

¹⁰ Ka nyiniŋ nagɛ fuoŋ a pɩpɛllɛ, a lɩlɩɩ ʋ sɩpaaŋ. Nɩaa bʋɩ-bʋɩba tɩma pʋpʋ, ka nɩaa bʋɩ-bʋɩba fii bʋbʋɔ-bugoo bʋɩ fii chɩŋ ʋ sɩpaaŋ. Ba suomi dɩ ba dii nɩaa sarɩya a suri tenniŋ.

DANƖƐL 7:10 ပူးပေါင်းရင်းမြစ်များ

1 KUOROO 22:19

Mɩkaaya bɩra bʋl, “Má jegile nɩɩ wɩɩ-la La TƖƖNA sɩ bʋla: Mɩ na La TƖƖNA dɩ ʋ hɔŋ ʋ kuoru kpasa nyuŋ, ka ʋ tɩndaaraa kala chɩna gollu, ʋ nadiiŋ arɩ ʋ nagʋa.

2 IZIRAL TƖŊŊAA NAABARƖŊ 18:18

Mɩkaaya bɩra bʋl, “Má jegile nɩɩ wɩɩ-la La TƖƖNA sɩ bʋla: Mɩ na La TƖƖNA dɩ ʋ hɔŋ ʋ kuoru kpasa nyuŋ, ka ʋ tɩndaaraa chɩŋ ʋ nadiiŋ arɩ ʋ nagʋa.

JOB 25:3

Kʋbɛɛ nɛ jaŋ wuo dɩɩsɛ ʋ laalɩyuoroo? Kʋbɛɛ lɛ nɛ ʋ pʋlʋmʋŋ bɩ chaana hɩhɛ?

WƖA YƖƖLAA 103:21

Má dɛnnɛ La Tɩɩna, ma Wɩa tɩndaaraa kala sɩ ŋaa ʋ tɩntɩnnaa aa to ʋ niiŋ.

WƖA YƖƖLAA 18:8

Ka nyʋɔsʋŋ lɩlɩɩ ŋ-na La TƖƖNA mɩɩ-boyee lɛ, nyiŋgeliŋ arɩ nyiŋ-hal-muloo maa lɩɩ ŋ niiŋ lɛ.

WƖA YƖƖLAA 50:3

La Wɩa kɔ nɛ ʋ bɩ lʋara, nyiŋgeliŋ laa ʋ sɩpaaŋ nɛ, ka pel-duoŋ gollu.

WƖA YƖƖLAA 68:17

Wɩa laalɩyuori janɩŋ torukoba ŋaa bʋɩ bʋɩba nɛ. La Tɩɩna lɩɩ Sɩnaɩ peel-la lɛ nɛ a kʋ jʋʋ ʋ dɩɩ-bal-la.

AZAAYA 30:27

Má bee na, La TƖƖNA doluŋ arɩ ʋ tʋla nɛ lɩɩ dɩ-bolii a kʋkɔ. Ʋ baanɩŋ chaasa sii nɛ a nagɛ duoŋ-bɩlɩmbaanɩŋ sɩ tɔ nyʋɔsʋŋ. Ʋ niiŋ wʋbʋlaa kɛŋ baanɩŋ, ʋ nɛ suri ʋ niiŋ ʋ nagɛ nyiniŋ sɩ joŋ kɩaa didii nɛ.

AZAAYA 30:33

Ba gɩrɛ daasɩŋ nɛ lee-la ba sɩɩ yɩrɛ Tɔfɛf lɛ faafaa kala a gbɩgbɛrɛ Asiiria kuoro. Ba leŋe nyiŋ-la bʋa luŋ nɛ aŋ jal ma, nyiniŋ arɩ daasɩŋ yʋga nɛ a hɛ nɩmɛ. La TƖƖNA wiese jaŋ nagɛ juribiiŋ sɩ chol nyiŋgeliŋ a jomba dii.

DANƖƐL 12:1

Ŋɩɩ nɛ kʋ-la sɩ nagɛ nuhuobiine a laalɛ gɛrɩpɛ fʋfʋlʋŋ gɛrɩŋ bɩra bʋl, “Bʋa-la lɛ Wɩa tɩndaarɩ-hɩaŋ-la ba sɩɩ yɩrɛ Maakɩl, nɩɩ-la sɩɩ pɔ ŋ nɩaa jaŋ kʋ lɩɩ. Bʋa-la lɛ hɛɛŋ jaŋ hɛ nɩmɛ. Wɩa sɩ ŋaa dʋnɩa a kaa kɔ bʋa-la lɛ hɛɛ-la doho ha bɩ jʋa aŋ ka. Ama ŋ nɩalɩŋ kala yɩraa sɩ hɛ mɩɩsɩŋ teŋ-la tʋɔŋ, ba jaŋ laaba ta.

DANƖƐL 7:22

a kaa mʋ yi bʋa-la lɛ Nɩɩ-la sɩ hɛ nɩmɛ faafaa kala sɩ kʋ lɩɩ dii sarɩya a laa pɛ Wɩa sɩ kɩɩ kʋŋkala nɩaa lɛ. Bʋa-la yie nɛ dɩ ba laa kuorii-la dɩ ʋ ŋaa ba kʋŋ.

DANƖƐL 7:26

Ama Wɩa jaŋ dii ʋ sarɩya, a laa ʋ doluŋ kala a cheyu a kaa mʋ wuu.

ZƐKARƖYA 14:5

Ma jaŋ fá to lɩɩ-libe-la, bɛɛ wɩaa ʋ jaŋ kɛŋ ŋɩɩ mʋ yi lee-la ba sɩɩ yɩrɛ Azɛl. Ma jaŋ fá a nagɛ ma sɩ fá lɩɩ tinteeŋ sɩ zigile lɛ ŋɩɩ Juda kuoro Uzia kuoruŋ bʋa lɛ. Mɩ TƖƖNA Wɩa jaŋ kɔ, ʋ dɩ ʋ tɩndaaraa kala.

Matiu 25:31

Dɩ mɩ-na Nuhuobiine Bie nɛ dii mɩ kuoruŋ a kɔ, mɩ dɩ Wɩa tɩndaaraa kala jaŋ kɔ. Ŋɩɩ nɛ mɩ jaŋ hɔŋ mɩ kuoru kpasa nyuŋ a chaanɛ.

MOSIS BƖRA WULLI WƖA WOMBIIŊ 33:2

Ʋ sɩ, “La TƖƖNA lɩɩ Sɩnaɩ peel-la lɛ nɛ a mʋ chugili ʋ nɩaa nyuŋ, a chaana hɛ ba lɛ a chɩŋ Ɛdɔm lɛ a kaa mʋ yi Paraŋ peel-la. Ʋ kɔ arɩ Wɩa tɩndaarɩ-daŋ nɛ a lɩɩ ʋ peel-la wɩɩpɔsʋŋ nadiiŋ dɩɩrɩŋ lere-la sɩ chullo a tutuu.

Hiburu TƖŊŊAA 1:14

Wɩa tɩndaara-la kala ŋaa Wɩa tɩntɩnnaa nɛ. Wɩa yie tɩmba ba mʋ pɛ nɩalɩŋ ʋ sɩɩ chɛ ʋ laa ta lɛ nɛ.

Hiburu TƖŊŊAA 12:22

Ama ma nɩalɩŋ sɩ laa Yesu wɩaa dii, ma kʋ yi peel-la ba sɩɩ yɩrɛ Zaayɔŋ nɛ. Ma kʋ yi tabal-la ba sɩɩ yɩrɛ Jerusalɛm a hɛ Wɩa-jaŋ lɛ nɛ. Wɩa sɩ weye jaŋ nɛ ŋɩɩ. Ma kɔ Wɩa tɩndaaraa bʋɩ bʋɩba bʋɩ sɩ hilimi lee-la arɩ tʋɔtɔrʋŋ nɛ,

Juud 1:14

Baal kʋbala ba sɩɩ yɩrɛ Ɛnɔk fa bʋl wɩaa Wɩa doluŋ lɛ faafaa kala nɛ a tɩgɛ nɩaa deemba lɛ. Ʋ fa ŋaa Adam nihi-lɩɛrɩ-pɛmɩŋ nɛ. Ʋ sɩ, “Má bee na, La Tɩɩna Wɩa ka kɔ nɛ arɩ ʋ tɩndaaraa bʋɩ fii fiiba sɩ bɩ disiniŋ kɛnɛ,

Jɔɔŋ Wʋnaalaa 11:18

Dʋnɩa nɩaa fa na baanɩŋ nɛ ŋ nyuŋ. Ama bʋa-la ŋ baanɩŋ sɩ jaŋ sii ba nyuŋ yie nɛ. Bʋa-la lɛ ŋ sɩ jaŋ dii nɩalɩŋ sɩ sʋba sarɩya yie nɛ, arɩ bʋa-la lɛ ŋ sɩ jaŋ siili ŋ tɩntɩnnaa sɩ ŋaa ŋ wʋlaabʋllaa, a pɛ ŋ nɩaa kala lɛ, arɩ nɩalɩŋ sɩɩ ziliŋ lɛ, nɩhɩasɩŋ arɩ hambiisiŋ kala, Bʋa-la yie nɛ dɩ ŋ chei nɩalɩŋ sɩ chei dʋnɩa.”

Jɔɔŋ Wʋnaalaa 5:11

Ŋɩɩ nɛ mɩ beŋ a na dɩ Wɩa tɩndaaraa bʋɩ bʋɩba bʋɩ golli kuoru kpasa-la arɩ kɩalɩŋ sɩ weye arɩ nɩhɩasɩ-la. Mɩ nɩa dɩ ba faa yɩɩ yɩɩl nɛ.