DANƖƐL 7:1 - WƖA TENIŊ

¹ Bɛlɩsaza sɩ dii Babɩlɔŋ kuoruŋ, ʋ jɩ-bumbuŋ lɛ nɛ tɩtaŋ kʋbala Danɩɛl pɩŋ a duoso na wɩaa, a ŋmʋnsɛ duoso-la bil.

DANƖƐL 7:1 ပူးပေါင်းရင်းမြစ်များ

WƖAA DƖ-SUOMUŊ 15:1

Ʋ ŋɩɩ harɩŋ nɛ Wɩa bʋl wɩaa a pɩ Abɩram arɩ duosoo tʋɔŋ. Ʋ sɩ, “Abɩram, sɩ́ leŋe dɩ fawʋllʋŋ kɛnɩŋ. Mɩ nɛ jaŋ chu tɔ ŋ lɛ, ŋ time jaŋ yʋgɛ.”

WƖAA DƖ-SUOMUŊ 46:2

Tɩtaŋ kʋbala Wɩa bʋl wɩaa pɩ Iziral arɩ duosoo tʋɔŋ a yɩrʋ, “Jekɔb, Jekɔb.” Ŋɩɩ nɛ ʋ sɛɩ, “Na mɩ nɛ ŋ-la.”

JOB 4:13

Wɩɩ-la fa nagɛ nʋʋ sɩɩ duosu nɛ, bʋa-la lɛ nɩaa sɩ faasa pɩŋ doŋ.

AZAAYA 30:8

Mʋ ŋmʋnsɛ mɩ nɩaa wʋkɛnɛɛ a hɛ tabɩɩ-taala arɩ teniŋ lɛ a bil, ʋ jaŋ pɩŋ a ŋaa magɩl pɩba a kaa mʋ wuu arɩ ba ŋaa nɩbɔmɔ nɛ.

AZAAYA 8:1

Ŋɩɩ nɛ La TƖƖNA bɩra bʋla pɩmɛ, “Joŋ teŋ-jalɩɩ a ŋmʋnsɛ wɩaa deemba hɛ: Maha-Salal-Hasɩ-Bas. (Ʋ bʋbʋɔŋ nɛ: Má yuo diiba a paa ba kɩaa viiri lɩma.)

JƐRƖMAAYA 23:28

Leŋ dɩ wʋnyɩɛrɩ wʋlaabʋlla-la sɩ kɛŋ duosoo wɩaa ba bʋbʋl, ama nɩalɩŋ ma sɩ kɛŋ mɩ wɩaa, ba bʋlba arɩ wʋtɩtɩɩ. Sekeliŋ arɩ mɩɩ-biiŋ bɩ dɔŋɔ maga, La TƖƖNA nɛ bʋla.

JƐRƖMAAYA 27:7

Tinteyee kala jaŋ tɩma pɩ ʋ dɩ ʋ nanʋala arɩ ʋ nihiŋ see dɩ bʋa-la ʋ tɩtɩa tinteeŋ sɩ jaŋ tel yie, ŋɩɩ lɛ nɛ tintee daŋ arɩ kuori-balaa jaŋ yuo diiu dɩ ʋ tɩmaa pɩba.

JƐRƖMAAYA 36:32

Ŋɩɩ nɛ Jɛrɩmaaya bɩra joŋ teniŋ dɔŋɔ a pɩ Neria nanʋala Baruk sɩ ŋaa Wɩa teniŋ kerichi. Ŋɩɩ nɛ Jɛrɩmaaya bʋl wɩalɩŋ, Baruk ŋmʋnsɛba hɩhɛ teŋ-la lɛ, wɩalɩŋ kala fa sɩ hɛ teŋ-la Juda kuoro Jehoyakim sɩ nyɩga tʋɔŋ. Ba ŋmʋnsɛ wʋdaŋ sɩ nagɛ bumbuŋ wɩalɩŋ nɛ a pɛ.

JƐRƖMAAYA 36:4

Ŋɩɩ nɛ Jɛrɩmaaya yɩrɛ Neria nanʋala Baruk, a bʋbʋl wɩalɩŋ kala La TƖƖNA sɩ bʋla pʋ, ka Baruk ŋmʋnsa hɩhɛ teniŋ lɛ.

ƐZƖKƖƐL 1:1

Ba sɩ yuo kɛsɛ Juu tɩŋŋaa kaa mʋ yoŋ-baga Babɩlɔŋ lɛ, ʋ jɩsɩŋ mara arɩ fii, chɛŋ-nɛsɩmɩŋ tapʋl-nɔŋ chɛɛŋ, dɩ mɩ-na Ɛzɩkɩɛl sɩ ŋaa Wɩɩsʋllɩ sɩpaalaara, a ŋaa Buzi nanʋala, fa hɛ Juu tɩmma-la ba sɩ kɛsɛ mʋ Babɩlɔŋ tʋɔŋ. La fa hɛ fuo-la ba sɩɩ yɩrɛ Keba niiŋ nɛ. Ŋɩɩ nɛ wɩa-nyuŋ suri, Wɩa kɛŋ wɩaa dagɛmɛ a nagɛ duosoo tʋɔŋ.

ƐZƖKƖƐL 40:2

A nagɛ duosoo tʋɔŋ, Wɩa jommi kaa mʋ Iziral tinteeŋ a kɛmmɛ mʋ sagɛ peel-leŋii kʋbala nyuŋ. Peel-la wɩɩpɔsʋŋ nadiiŋ dɩɩrɩŋ, dɩɩsɩŋ hɛ nɩmɛ a nagɛ tabal.

DANƖƐL 1:17

Wɩa pɩ bapʋɔsɛ biisiŋ deemba banɛsɛ wʋjɩmɩŋ arɩ jɩma dɩ ba wuo jɩŋ teniŋ arɩ wɩɩkala. Danɩɛl-na paala wuo jɩŋ wɩalɩŋ ba sɩ yie na arɩ duosoo tʋɔŋ arɩ duosi dosunuŋ kala bʋbʋɔŋ nɛ.

DANƖƐL 2:1

Nebukadineza sɩ dii kuoruŋ ʋ jɩ-lɩa lɛ, ʋ duosi duosoo, ba chaasa walɩmʋ woruŋ, ʋ bɩ doŋ wuo pɩŋ.

DANƖƐL 2:26

Ŋɩɩ nɛ kuoro pɩɛsɛ Danɩɛl (ʋ nɛ baa yɩrɛ Bɛlɩtɛsaza ma), “Ŋ jaŋ wuo dagɛ wɩɩ-la mɩ sɩ na duosoo tʋɔŋ aŋ dagɛ ʋ bʋbʋɔŋ maa?”

DANƖƐL 4:13

Mɩ sɩ pɩna a duduosi duoso deeŋ ŋɩɩ, mɩ bɩra beŋ a na Wɩa tɩndaara dɩ ʋ lɩɩ Wɩa-jaŋ a kʋʋ tuu.

DANƖƐL 4:5

Tɩtaŋ kʋbala mɩ duosi, duoso-la leŋ fawʋllʋŋ kɛmmɛ. Mɩ sɩ pɩŋ mɩ bɔsɔ lɛ, mɩ na wɩaa nɛ sɩ leŋe fawʋllʋŋ kɛmmɛ.

DANƖƐL 5:1

Baal kʋbala ma nɛ fa dii kuoruŋ Babɩlɔŋ tinteeŋ lɛ baa yɩrɛ Bɛlɩsaza. Tapʋlɩɩ kʋbala ʋ leŋ ba ŋaa kʋdiilee arɩ girep nɛnɛɛ sɩnɩŋ yʋgɛ, ʋ yɩrɛ ʋ nɩhɩasɩŋ bʋɩ ba kʋ dii kɩalɩŋ, ka ʋ dɩ ba nyʋnyʋa tɩɩnɛnɛɛ sɩŋ-la.

DANƖƐL 5:22

Ama ŋ-na Bɛlɩsaza sɩ ŋaa ʋ nanʋala, ŋ jɩŋ wɩaa deemba kala nɛ aŋ bɩ ŋ tɩtɩa kaa muuri.

DANƖƐL 5:30

Tɩtaŋ-la tɩtɩa nɛ ba kpʋ Babɩlɔŋ kuoro Bɛlɩsaza.

DANƖƐL 7:13

Mɩ duoso-la tʋɔŋ tɩtaŋ-la, mɩ bɩra beŋ a na kʋŋ sɩ nagɛ nuhuobiine dɩ ʋ to duoŋ-bɩlɩmbaanaa tʋɔŋ kʋʋ tuu. Ʋ sɩ kʋ kpagɛ nɩɩ-la sɩ hɛ nɩmɛ faafaa kala, ba kɛnʋ kaa mʋ ʋ teeŋ.

DANƖƐL 7:15

Mɩ-na Danɩɛl sɩ duoso na wɩalɩŋ, ba chaasa walɩmɛmɛ nɛ woruŋ.

DANƖƐL 7:7

Mɩ duoso-la tʋɔŋ tɩtaŋ-la mɩ bɩra na baga kʋnɛsɩmɩŋ mɩ sɩpaaŋ, sɩ kɛŋ fawʋllʋŋ a fufugisi nɩaa a kɛŋ doluŋ ma woruŋ. Ʋ nyɩlaa fa ŋaa hɔɔnʋŋ nɛ aŋ barɩmɛ, ʋ kaa dɩŋ ʋ dʋndɔŋŋɔɔ yɛrɛ liliŋ aŋ nʋɔsɛ kʋkaanaa bʋrɩgɛ. Ʋ dɩ bumbuŋ baga kɩalɩŋ kala fa bɩ dɔŋɔ naga. Ʋ fa kɛŋ nyilliŋ fii nɛ.

DANƖƐL 8:1

Bɛlɩsaza sɩ dii kuoruŋ, ʋ jɩ-tori lɛ nɛ, mɩ-na Danɩɛl bɩra na wɩaa a nagɛ duosoo tʋɔŋ, bumbuŋ duoso-la harɩŋ lɛ.

JOWƐL 2:28

Ŋɩɩ harɩŋ, mɩ jaŋ joŋ mɩ Dɩma hɛ nʋʋkala lɛ. Ma hambolibiisiŋ arɩ ma hantolibiisiŋ jaŋ bʋbʋl wɩaa mɩ doluŋ lɛ, ma nɩhɩasɩŋ ma jaŋ duduosi duosoo, ma bapʋɔsaa ma jaŋ nɩna wɩaa a nagɛ duosoo tʋɔŋ.

AMƆS 3:7

Wɩɩ na-kala mɩ-na ma Tɩɩna Wɩɩjarɩbakɔ sɩ bɩɩna dɩ ma ŋaa, mɩ yie leŋ mɩ tɩntɩnna-la sɩ ŋaa mɩ wʋlaabʋllaa jɩŋ nɛ.

HABAKU 2:2

Ŋɩɩ nɛ La TƖƖNA bʋla pɩmɛ, “Ŋmʋnsɛ wɩalɩŋ mɩ sɩ kaa dagɩŋ hɛ tabɩɩ-taalaa lɛ, a leŋ dɩ ba chaasa lɩɩ chɩŋ dɩ nʋʋ nɩɩ fá ma, dɩ ʋ wuo karɩmɛ a bʋla pɩ nɩaa.

NAMBABA 12:6

ʋ bʋl, “Má jegile nɩɩ wɩalɩŋ mɩ sɩɩ chɛ mɩ bʋl. Dɩ nʋʋ nɛ hɛ ma tʋɔŋ a ŋaa mɩ wʋlaabʋllʋ, mɩ yie kɛŋ mɩ tɩtɩa dagʋ a nagɛ duosoo tʋɔŋ nɛ, aŋ bʋl wɩaa pʋ duoso lɛ.

Rom Tɩŋŋaa 15:4

Wɩalɩŋ kala ba fa sɩ ŋmʋnsa Wɩa teniŋ tʋɔŋ, ba ŋmʋnsa dɩ ba dagɛla nɛ, Wɩa teŋ-la nɛ dagɛla ŋɩɩ la sɩ jaŋ ŋaa a kɛŋ kenyiri, a ŋaa la nyuŋ nyaasɛ, dɩ la wuo yɩyɩɛlɛ kɩalɩŋ sɩ hɛ la sɩpaaŋ.

2 Kɔrɩntɩ Nɩaa 12:1

Ʋ maga mɩ sɩ bigisi mɩ tɩtɩa lɛ, arɩ ŋɩɩ sɩ bɩ jaŋ pɛ mɩ lɛ ma, ama mɩ ha jaŋ bigisi mɩ tɩtɩa lɛ a bʋl wɩalɩŋ Wɩa sɩ leŋe mɩ na a nagɛ duosoo tʋɔŋ, arɩ wɩalɩŋ ʋ sɩ joŋo dagɛmɛ.

Jɔɔŋ Wʋnaalaa 1:19

Lɛɛlɛ ŋmʋnsɛ wɩalɩŋ ŋ sɩ na, wɩalɩŋ sɩ hɛ nɩmɛ arɩ wɩalɩŋ sɩ jaŋ ŋaa harɩŋ.

Jɔɔŋ Wʋnaalaa 10:4

Bʋa-la lɛ duonuŋ sɩ kpɩa, mɩ faa chɛ dɩ mɩ ŋmʋnsɛ wɩalɩŋ bil. Ŋɩɩ nɛ nʋʋ yikoro lɩɩ wɩa-nyuŋ a bʋla pɩmɛ, “Leŋ dɩ wɩalɩŋ duonuŋ sɩ kpɩa bʋl hɛ ŋ tʋɔŋ, sɩ́ ŋmʋnsa bil.”