DANƖƐL 6:8 - WƖA TENIŊ

⁸ Kuoro, pɩ wombiiŋ dɩ ba tɔ boŋ-la aŋ ŋmʋnsa bil dɩ nʋʋ sɩ wuo kaa bɩrɩmɛ, a nagɛ Medis arɩ Pɛsɩa tɩŋŋaa wombiee ba sɩ bile dɩ ba tuto sɩ dagɛ ŋɩɩ.”

DANƖƐL 6:8 ပူးပေါင်းရင်းမြစ်များ

ƐSƖTA 1:19

Ŋɩɩ wɩaa kuoro dɩ ŋ tʋɔŋ nɛ jaŋ tɔrɛ, leŋ dɩ ba heele bʋl arɩ ŋ habidiire Vasiti maachie bɩra bɩ maga ʋ kɔ kuoro sɩpaaŋ, aŋ ŋmʋnsa hɛ Pɛsɩa arɩ Media tinteeŋ wɩalɩŋ ba sɩ bile dɩ ba tuto teniŋ tʋɔŋ, dɩ ʋ ŋaa wɩɩ sɩ bɩ jaŋ dɩsɛ. Ka dɩ la laa ʋ maŋgaazɩa-la a pɩ haal dɔŋ sɩ kpɩaʋ.

ƐSƖTA 3:12

Chɛŋ-bumbuŋ-la ba sɩɩ yɩrɛ Nɩsaŋ tapʋlaa fii arɩ batori chɛɛŋ, Hamaŋ yɩrɛ nɩalɩŋ sɩɩ ŋmʋnsɛ kuoro teniŋ, dɩ ba kɛŋ ba tinteeŋ yikoro na-kala a ŋmʋnsɛ tenniŋ a pɩ ba tinteeŋ sɩpaalaaraa arɩ ʋ tɩntɩnnɩ-hɩasɩŋ. Ŋɩɩ nɛ ba ŋmʋnsɛ tenni-la kuoro yɩrɩŋ lɛ a kɛŋ nenii-pɩrɩ-la kuoro sɩ kaa magɩlɛ ʋ tenniŋ a magɩlɛ.

ƐSƖTA 8:10

Modikaaya ŋmʋnsɛ tenni-la kuoru Zɛzɛs yɩrɩŋ lɛ nɛ a joŋ nenii-pɩrɩ-la kuoro sɩ kaa magɩlɛ ʋ tenniŋ a magɩlɛ, dɩ tɩndaaraa laa tenni-la a jɩl kuoro janɩ-la sɩ faasa fá, a kaa gɔllɔ kpaa.

ƐSƖTA 8:3

Ŋɩɩ nɛ Ɛsɩta bɩra sii mʋ dɩ ʋ bʋl wɩaa kuoro teeŋ. Bʋa deeŋ-na lɛ ʋ mʋ kpirimi ʋ naadʋsʋŋ nyuŋ nɛ a sʋlʋ aŋ yiyel a bʋl, “Mɩɩ sʋlʋŋ kuoro giri wʋbɔŋ-la Hamaŋ Agag tɩɩna-la fa sɩ bɩɩna dɩ ʋ ŋaa, a kpʋ Juu tɩŋŋaa kala.”

ƐSƖTA 8:8

Mɩ pɩŋ wombiiŋ nɛ lɛɛlɛ dɩ ŋ chɩŋ Juu tɩŋŋaa kala naasɩŋ lɛ a ŋmʋnsɛ teniŋ dɔŋɔ mɩ-na kuoro yɩrɩŋ lɛ sɩ jaŋ leŋ dɩ ba sɩ́ Juu tɩŋŋaa kpʋ, a kɛŋ mɩ nenii-pɩrɩ-la mɩ sɩ kaa magɩlɛ tenniŋ a magɩlɛ dɩ nʋʋkala sɩ́ wuo kaa bɩrɩmɛ.”

WƖA YƖƖLAA 94:21

Ba vʋʋra sii chɩŋ tʋɔpʋl tɩŋŋaa lɛ nɛ, aa kpʋ nɩalɩŋ sɩ bɩ wɩɩ cheye.

AZAAYA 10:1

Wɩɩŋ puu ma nɩalɩŋ sɩ bil wombie-la sɩ bɩ wʋtɩtɩɩ lɛ ka to, a dʋdɔgɩsɛ mɩ nɩaa,

DANƖƐL 5:28

Paasɩŋ: Ʋ bʋbʋɔŋ nɛ, ba kɛŋ ŋ kuoruŋ kpaa nɛ a pɩ Medis arɩ Pɛsɩa tɩŋŋaa.”

DANƖƐL 6:12

Ŋɩɩ nɛ ba mʋ kuoro teeŋ a pɩɛsʋ wɩaa a mʋ tɩgɛ boŋ-la ʋ sɩ tɔ lɛ. Ba sɩ, “Ŋ bɩ boŋ tɔ a leŋ nʋʋkala jɩŋ arɩ tapʋlaa mara arɩ fii pɛgɛ nʋʋkala nɛ chʋɔlɛ vene koo nuhuobiiŋ kala dɩ ŋ-na kuoro dʋndʋŋa dee, dɩ ba joŋu yuo hɛ naachigee dɩjʋʋlʋŋ?” Kuoro bʋl, “Boŋ-la chaasa chɩŋ nɛ a nagɛ Medis arɩ Pɛsɩa tɩŋŋaa wombiee ba sɩ bile dɩ la tuto, nʋʋ bɩ jaŋ wuo kɛmba bɩrɩmɛ sɩ dagɛ ŋɩɩ.”

DANƖƐL 6:15

Ŋɩɩ nɛ nɩalɩŋ bɩra sii hɛ dɔŋɔ a mʋ kuoro teeŋ a bʋla pʋ, “Kuoro, ŋ jɩma Medis arɩ Pɛsɩa tɩŋŋaa wombiiŋ lɛ, dɩ kuoro nɛ tɔ boŋ koo a bʋl wɩɩ bil, nʋʋkala bɩ jaŋ wuo kɛnʋ bɩrɩmɛ.”

Matiu 24:35

Wɩa nyuŋ arɩ tinteeŋ kala jaŋ lɛl, ama wɩalɩŋ mɩ sɩ bʋla bɩ jaŋ lɛl.