DANƖƐL 6:7 - WƖA TENIŊ

⁷ La-na ŋ tinteeŋ nɩhɩasɩŋ, sɩpaalaaraa, nɩalɩŋ sɩɩ chagɩlɩŋ arɩ ŋ tɩntɩnnɩ-hɩasɩŋ sɛyɛ nɛ, dɩ ŋ tɔ boŋ a leŋ dɩ ʋ chɩŋ, dɩ nʋʋkala jɩŋ arɩ tapʋlaa mara arɩ fii pɛgɛ, nɩɩ-la kala nɛ chʋɔlɛ vene kala koo nuhuobiiŋ dɩ ŋ-na kuoro dʋndʋŋa dee, dɩ ba joŋ tɩɩna yuo hɛ naachigee dɩjʋʋlʋŋ.

DANƖƐL 6:7 ပူးပေါင်းရင်းမြစ်များ

WƖA YƖƖLAA 10:9

Ba yie pɔ lere-la a nagɛ naachigiŋ nɛ, dɩ ba kɛsɛ nɩalɩŋ sɩ bɩ lee kɛnɛ. Ba yie kɛmba ba bɛrɛ lɛ a lɛrɛ viiri.

WƖA YƖƖLAA 2:2

Tinteeŋ kuoroo kʋ hɛ dɔŋɔ lɛ nɛ dɩ ba yuo La Tɩɩna arɩ Nɩɩ-la ʋ sɩ lɩɩsa.

WƖA YƖƖLAA 59:3

Bee na, ba faa nɛ a gbɛrɛmɛ. La Tɩɩna, mɩ bɩ wɩɩkala cheye, ka nɩbɔŋŋɔɔ vʋʋrɛ a chɩŋ mɩ lɛ.

WƖA YƖƖLAA 59:5

La Tɩɩna Doluŋ kala Tɩɩna, ŋ nɛ Iziral tɩŋŋaa Wɩa. Sii a dɔgɩsɛ tinteye-la nɩaa kala. Sɩ́ nɩbɔmɔ-la sɩ ŋaa zɛmbɛ tɩŋŋaa nenige fá.

WƖA YƖƖLAA 62:4

Maa chɛ dɩ ma lɩɩsɛmɛ lee-la sɩ kɛŋ yɩrɩŋ lɛ nɛ. Ma cho wʋnyɩɛrɩŋ nɛ woruŋ. Ma yie kɛŋ niiŋ bʋl wʋzɔŋŋɔɔ pɩ nɩaa, aŋ kɛŋ tʋɔŋ ŋmɩɛsa hɛ ba lɛ.

WƖA YƖƖLAA 83:5

Ba niiŋ ŋaa kʋbala nɛ ba vʋʋrɛ. Ba pɛ dɔŋɔ lɛ nɛ dɩ ba ŋaa wɩɩ-la ba sɩ vʋʋra a tɩgɛ ŋ lɛ.

WƖA YƖƖLAA 94:20

Ŋ dɩ nɩalɩŋ sɩ bɩ sarɩya ka dii ʋ bʋa lɛ bɩ wɩɩ pɛ. Ba wʋŋaalaa kɛŋ wʋtɩtɩɩ kaa bɩrɩmɛ tulo nɛ.

DANƖƐL 2:4

Ŋɩɩ nɛ nɩalɩŋ sɩ yie beŋ chɛnwʋlaa aŋ dɩdagɛ wɩaa kɛŋ Aramek yikoro a bʋla pɩ kuoro, “A leŋ dɩ kuoro mɩɩsɩŋ duomi. La ŋaa ŋ tɩntɩnnaa nɛ, dagɛ ŋ duoso-la pɩla dɩ la dagɛ ʋ bʋbʋɔŋ.”

DANƖƐL 3:11

nɩɩ-la kala sɩ́ bɩ tuu kpirime chʋɔlɛ kʋ-la, ba jaŋ joŋ tɩɩna yuo hɛ nyiŋ-balɩŋ tʋɔŋ.

DANƖƐL 3:2

Ʋ yɩrɛ ʋ tɩntɩnnɩ-hɩasɩŋ kala, nɩalɩŋ sɩɩ beŋ ʋ tinteeŋ ba sɩ kaa kpaa leree, nɩalɩŋ sɩɩ tɩgɛba lɛ, nɩalɩŋ sɩɩ beŋ ba jaŋ tɩntɩŋŋaa wɩaa, nɩalɩŋ sɩɩ chagɩlɛ kuoro, nɩalɩŋ sɩɩ bil ba moribiee, nɩalɩŋ sɩɩ dii ba sarɩya, sarɩya diiri-hɩasɩŋ arɩ ba tinteeŋ sɛsɩŋ dɔnsʋŋ tɩntɩnnɩ-hɩasɩŋ, dɩ ba kɔ kʋ-la ʋ sɩ ŋaa bil gbiele.

DANƖƐL 3:27

Nɩalɩŋ sɩɩ beŋ ʋ tinteeŋ ba sɩ kaa kpaa leree, nɩalɩŋ sɩɩ tɩgɛ ba lɛ, nɩalɩŋ sɩɩ beŋ ba jaŋ tɩntɩŋŋaa wɩaa arɩ nɩalɩŋ sɩɩ chagɩlɛ kuoro kʋ chigiba. Ba na dɩ nyiŋ-bal-la bɩ ba yaraa liere, wɩɩkala bɩ ba nyu-pʋnaa ŋaa, ba gɛrɩ-duduosu-la bɩ die, nyiniŋ ma bɩ ba kʋŋkala lɛ ka sʋɔrɛ.

DANƖƐL 3:6

Nɩɩ-la kala sɩ́ bɩ tuu kpirime chʋɔlɛ kʋ-la, ba jaŋ guu joŋ tɩɩna yuo hɛ nyiŋgeliŋ dɩa tʋɔŋ.”

DANƖƐL 6:16

Kuoro pa wombiiŋ ba kɛŋ Danɩɛl kɔ a joŋu yuo hɛ naachigee dɩjʋʋlʋŋ. Ŋɩɩ nɛ kuoro bʋla pʋ, “Danɩɛl, a leŋ dɩ ŋ Wɩa-la ŋ sɩ tɩma pɩpa bʋa kala laaŋ ta.”

DANƖƐL 6:22

Mɩ Wɩa tɩŋ ʋ tɩndaara nɛ, ʋ kʋ tɔ naachige-la niiŋ. Ba bɩ mɩ chaŋa, bɛɛ wɩaa ʋ na dɩ mɩ bɩ wɩɩ cheye, a bɩ wɩɩ cheye ŋ-ma Kuoro lɛ.”

MƖKA 6:5

Mɩ nɩaa, má liise yi wɩɩ-la Mʋab kuoro ba sɩɩ yɩrɛ Balak fa sɩ bɩɩna dɩ ʋ ŋaa ma lɛ arɩ ŋɩɩ Balam nanʋala ba sɩɩ yɩrɛ Bioo ma fa sɩ bʋla pʋ. Má liise yi ma sɩ vɛnɛ lɩɩ Sɩtɩm a mʋ Gɩlɩgal a wuo jɩŋ tʋɔpʋl wɩalɩŋ mɩ-na ma TƖƖNA sɩ ŋaa.”

NAHUM 2:12

Nɩnɩvɛ fa nagɛ naachigiŋ nɛ, a kpʋ kɩaa yʋgɛ a pɩ ʋ biiriŋ aŋ chigi bagɩla pɩ ʋ haala ma, ka ʋ dɩ-faalɩŋ arɩ ʋ dɩjʋʋlʋŋ kala su arɩ kɩalɩŋ ʋ sɩ kpʋa.

Matiu 12:14

Ŋɩɩ nɛ Farisii tɩŋŋaa lɩɩ lee-la a mʋ vʋʋrɛ ŋɩɩ ba sɩ jaŋ ŋaa a kpʋ Yesu.

Matiu 26:4

Ba hilimi a vʋvʋʋrɛ ba sɩ jaŋ to wombii-la a lʋara kɛŋ Yesu a kpʋʋ.

Maak 15:1

Ŋɩɩ nɛ chʋchʋɔ-fɩɛla, Wɩɩsʋllɩ sɩpaalaaraa kʋhɩasɩŋ arɩ ba taŋ kʋhɩasɩŋ arɩ Wɩa teniŋ kerichiba arɩ nɩalɩŋ kala sɩ yie hilimi a vʋvʋʋrɛ wɩaa, ba kala kʋ hilimi a vʋʋrɛ. Ba kɛŋ Yesu a vɔɔ a kɛnʋ kaa mʋ Paalɩt teeŋ.

Jɔɔŋ 12:10

Ŋɩɩ nɛ Wɩɩsʋllɩ sɩpaalaaraa kʋhɩasɩŋ vʋʋrɛ dɩ ba kpʋ Lazarɔs ma.