DANƖƐL 6:4 - WƖA TENIŊ

⁴ Ŋɩɩ nɛ nɩhɩasɩ-la arɩ sɩpaalaara-la tɩŋ ŋɩɩ wɩaa a wʋwalɩmɛ dɩ ba na dɩ Danɩɛl chei wɩɩ ʋ tɩntɩŋŋaa lɛ, ama ba bɩ wuo na wɩɩ. Ba bɩ ʋ wʋcheeli kala na, bɛɛ wɩaa ʋ fa kɛŋ wʋtɩtɩɩ, a bɩ nɩaa ka gɩrɩmɛ a kɛŋ sɩɩfɩɛsɩŋ ʋ tɩntɩŋŋaa lɛ.

DANƖƐL 6:4 ပူးပေါင်းရင်းမြစ်များ

WƖAA DƖ-SUOMUŊ 41:38

Ŋɩɩ nɛ Ijipiti tinteeŋ kuoro pɩɛsɛ ʋ nɩhɩasɩŋ, “La jaŋ bɩra wuo na nʋʋ sɩ nagɛ baala deeŋ Wɩa dɩma-la hɛ ʋ lɛ?”

WƖAA DƖ-SUOMUŊ 43:18

Ʋ sɩ kɛmba kaa mʋ Josɛf dɩa ŋɩɩ, fawʋllʋŋ kɛmba. Ba bɩɩna arɩ moribie-la ba fa sɩ joŋo hɛ ba bɔtɔba tʋɔŋ wɩaa nɛ. Ba bɩra bɩɩna baa chɛ dɩ ba na wombiiŋ a dii doluŋ ba lɛ a laa ba kakusuŋ aŋ kɛmba ŋaa yosi.

NAMAGABA 29:27

Tʋɔpʋl tɩɩna bɛrɛ nɩɩ-la sɩ bɩ wʋtɩtɩɩ kɛnɛ nɛ. Nɩbɔmʋŋ ma bɛrɛ nɩɩ-la sɩɩ ŋaa wɩaa ba bʋa lɛ.

TƖƖCHA 4:4

Mɩ bɩra na dɩ tɩntɩmɩɩ-la kala nɩaa sɩɩ tɩŋ arɩ kɩalɩŋ kala ba sɩ yie na lɩɩ ba yaraa sɩɩ bieri ba dɔŋɔ nyuŋ nɛ. Wɩɩŋ deeŋ ma bɩ bʋbʋɔ kɛnɛ, ʋ nagɛ nʋʋ sɩɩ kiri peliŋ nɛ.

JƐRƖMAAYA 18:18

Ba sɩ, “Má kɔ dɩ la vʋʋrɛ wɩɩ-la la sɩ jaŋ ŋaa Jɛrɩmaaya lɛ, bɛɛ wɩaa dɩ la nɛ ŋaa ŋɩɩ ma, wɩalɩŋ Wɩɩsʋllɩ sɩpaalaaraa sɩ daga a tɩgɛ wombii-la ba sɩ bile dɩ la tuto bɩ jaŋ kɔ dɩ ba lɛlɛ. Wʋjɩnnaa ma sɩɩ dagɛ wɩalɩŋ arɩ Wɩa wʋlaabʋllaa sɩɩ bʋl wɩalɩŋ bɩ jaŋ kɔ dɩ ba lɛlɛ. Ŋɩɩ wɩaa má leŋ dɩ la nyɩɛ wɩaa pʋ aŋ sɩ́ wɩalɩŋ ʋ sɩɩ bʋl jegilu.”

JƐRƖMAAYA 18:23

La TƖƖNA, ŋ jɩŋ ŋɩɩ kala ba sɩ vʋʋra dɩ ba kpʋmɛ nɛ. Sɩ́ ba wʋbɔŋŋɔɔ joŋo chɛba, sɩ́ ŋ sɩaa lɩɩsɛ ba wʋbɔŋŋɔɔ lɛ. Leŋ dɩ ba tele bilimi ŋ sɩpaaŋ. Na baanɩŋ a dɔgɩsɛba.

JƐRƖMAAYA 20:10

Mɩ nɩa dɩ nɩaa yʋga a munso bʋbʋl, “Fawʋllʋŋ hɛ lee-kala nɛ. Má wuoli ʋ bʋbʋɔŋ. Má leŋ la wuoli ʋ bʋbʋɔŋ.” Mɩ nandɔnsʋŋ kala nɩɩ gbɛrɛ dɩ mɩ tel a bʋbʋl, “Kapo la jaŋ wuo nyɩsʋ a yuo diiu a joŋ la baanɩŋ fɩɩsɛ ʋ lɛ.”

JƐRƖMAAYA 29:7

Má chɩchɛ dɩ wɩaa vɛŋ woruŋ tabal-la lɛ mɩ sɩ kɛmma mʋ yoŋ-baga ma hɛ. Má sʋl mɩ-na ma TƖƖNA pʋ, bɛɛ wɩaa, dɩ wɩaa nɛ vɛŋ woruŋ taŋ-la lɛ, wɩaa jaŋ vɛŋ woruŋ a pɩ ma ma.”

DANƖƐL 3:8

Bʋa deeŋ lɛ nɛ Babɩlɔŋ nɩaa dɔnsʋŋ kʋ lɩɩ a bʋl wɩaa lɩɩ Juu tɩŋŋaa harɩŋ.

DANƖƐL 5:12

Baa yɩrɛ baala deeŋ Danɩɛl nɛ, ka kuoro ma fa kɛnʋ yɩyɩrɛ Bɛlɩtɛsaza. Ʋ fa na dɩ ʋ kɛŋ wʋjɩmɩŋ nɛ a jɩŋ wɩaa sɩaa a dɩdagɛ duosoo bʋbʋɔŋ, a wuo dɩdagɛ namagaba ma bʋbʋɔŋ aa wasɛ wɩalɩŋ sɩ hɛyɛ nɩaa teeŋ. Yɩrɛ Danɩɛl, ʋ jaŋ kʋ dagɛ kɩalɩŋ ba sɩ ŋmʋnsa bʋbʋɔŋ pɩŋ.”

DANƖƐL 6:22

Mɩ Wɩa tɩŋ ʋ tɩndaara nɛ, ʋ kʋ tɔ naachige-la niiŋ. Ba bɩ mɩ chaŋa, bɛɛ wɩaa ʋ na dɩ mɩ bɩ wɩɩ cheye, a bɩ wɩɩ cheye ŋ-ma Kuoro lɛ.”

Matiu 26:4

Ba hilimi a vʋvʋʋrɛ ba sɩ jaŋ to wombii-la a lʋara kɛŋ Yesu a kpʋʋ.

Matiu 27:18

Paalɩt fa jɩma arɩ Juu tɩŋŋaa kʋhɩasɩŋ yaraa faa bieru nɛ, ŋɩɩ nɛ tɩɩ ba kɛŋ Yesu kaa kɔ ʋ teeŋ.

Luuk 20:20

Ŋɩɩ nɛ ba bee chɩchɛ wombii-la ba sɩ jaŋ to a kɛnʋ. Ba joŋ moribiee kpal nɩaa ka dɩ ba fugi arɩ ba ŋaa nɩtɩtɩɩba nɛ, a magɩsɛ Yesu a pɩɛsʋ wɩaa dɩ ba na ʋ jaŋ bʋl wɩɩ chei, dɩ ba wuo to ŋɩɩ lɛ a kɛnʋ a kaa mʋ hɛ ba kuoru-balɩŋ nɩsɩŋ lɛ, dɩ ʋ ŋaaʋ ŋɩɩ kala ʋ sɩ cho.

Luuk 20:26

Ʋ sɩ bʋl ŋɩɩ, ba bɩ wɩɩkala na ba sɩ jaŋ wuo to ŋɩɩ lɛ kɛnʋ nɩalɩŋ sɩ hɛ nɩmɛ sɩpaaŋ. Wɩalɩŋ ʋ sɩ bʋla ŋaaba wʋkpuŋkpere, ba niiŋ kala maa.

Luuk 22:2

Ŋɩɩ nɛ Wɩɩsʋllɩ sɩpaalaaraa kʋhɩasɩŋ arɩ Wɩa teniŋ kerichiba wʋwalɩmɛ dɩ ba na wombii-la ba sɩ jaŋ to a kpʋ Yesu dɩ nɩalɩŋ bɩ jɩŋ, bɛɛ wɩaa baa fá nɩalɩŋ nɛ.

Jɔɔŋ 19:4

Ŋɩɩ nɛ Paalɩt bɩra mɩɩra lɩɩ nɩalɩŋ teeŋ a bʋla pɩba, “Má bee na, mɩ kɛnʋ kaa kʋʋ lɩɩ ma teeŋ nɛ dɩ ma jɩŋ arɩ mɩ-na bɩ wɩɩkala na ʋ sɩ ŋaa chei.”

2 Kɔrɩntɩ Nɩaa 11:12

Mɩ sɩɩ tɩŋ mɩ tɩntɩŋŋaa aŋ bɩ kʋŋkala ka chɛ ma teeŋ ŋɩɩ, mɩ ha jaŋ ŋɩŋaa ŋɩɩ. Mɩ bɩ chɛ dɩ nɩalɩŋ sɩ sɩ ba ŋaa Yesu nanzɔɔba nɛ sɩ wuo na wombiiŋ a bibigisi ba tɩtɩa lɛ arɩ la dɩ ba kala to wɛŋ-bala a tɩtɩŋ tɩntɩŋŋaa.

Fɩlɩpa Nɩaa 2:15

Dɩ ma nɛ ŋaa ŋɩɩ, ma jaŋ ŋaa tʋɔpʋl tɩmma a sɩ́ wʋcheeli kala kɛŋ. Ma jaŋ ŋaa Wɩa biiriŋ a hɛ wʋbɔŋ ŋaaraa arɩ nɩbɔŋŋɔɔ tʋɔŋ dʋnɩa deeŋ lɛ. Ma chaanɛ nɩaa deemba tʋɔŋ a nagɛ chɛnwʋlaa sɩ chaanɛ ŋɩɩ wɩa-nyuŋ.

1 Timoti 5:14

Ŋɩɩ wɩaa, mɩ jaŋ bʋl dɩ yo-haala-la sɩ ŋaa hantolibiisiŋ, dɩ ba jaa balaba a lʋlʋl biiriŋ a bibemba, a tɩtɩŋ ba dɩa tɩntɩŋŋaa. Dɩ ba nɛ ŋaa ŋɩɩ, la dʋndɔmɔ Sɩtaanɩ bɩ jaŋ wuo na wombiiŋ a bʋl wʋbɔŋ kala a tɩgɛ la lɛ.

Taatɩs 2:8

Bʋl wʋtɩtɩɩ, dɩ nʋʋkala sɩ́ wuo kaa lɛrɛ. Dɩ ŋ nɛ ŋaa ŋɩɩ, hɩɩsɩŋ jaŋ kɛŋ ŋ dʋndɔŋŋɔɔ, bɛɛ wɩaa ba bɩ jaŋ wuo na wʋbɔŋ kala a bʋla tɩgɛ la lɛ.

1 Pɩɩta 2:12

Ma sɩ guoli nɩalɩŋ sɩ bɩ Wɩa wɩaa laa dii tʋɔŋ, má kɛŋ ma tɩtɩa woruŋ, dɩ ba sɩ́ wombiiŋ na a bʋl arɩ ma ŋaa nɩbɔmɔ nɛ. Dɩ ba nɛ bʋla arɩ maa ŋaa wʋbɔŋŋɔɔ ma, má leŋ dɩ ba na wʋzɔmɔ-la ma sɩɩ ŋaa, a dɛnnɛ Wɩa dɩ ʋ yɩrɩŋ yɩrɛ tapʋlɩɩ-la ʋ sɩ jaŋ dii nɩaa sarɩya.

1 Pɩɩta 3:16

Bʋa na-kala lɛ, má leŋ dɩ ma tʋɔbɩɩnaa chesi, dɩ ma wʋŋaalaa dagɛ arɩ maa to Kirisito nɛ. Dɩ ma nɩɩ ŋaa ŋɩɩ, hɩɩsɩŋ jaŋ dii nɩalɩŋ sɩɩ chei ma yɩrɩŋ.

SƖPAALAARAA 14:4

(Ʋ nyɩmma arɩ ʋ naaŋ fa bɩ jɩŋ arɩ La TƖƖNA nɛ leŋe Samɩsɩŋ ŋɩŋaa ŋɩɩ, a chɩchɛ wombiiŋ dɩ ʋ yuo Fɩlɩsɩtɩa tɩŋŋaa, bɛɛ wɩaa bʋa-la lɛ ba nɛ faa beŋ Iziral tɩŋŋaa.)

1 SAMƲƐL 12:4

Iziral tɩŋŋaa bʋl, “Ŋ ha bɩ la kʋŋ gʋra koo a dɔgɩsɛ la kʋŋ, ŋ ha bɩ la kʋŋ ma kɩaa kaa laa.”

1 SAMƲƐL 18:14

Wɩɩ na-kala Devit sɩ ŋaa vɛŋ woruŋ nɛ, bɛɛ wɩaa La TƖƖNA chɩŋ ʋ harɩŋ nɛ.

1 SAMƲƐL 22:14

Ahɩmɛlɛk bɩra pɩɛsɛ kuoro Sɔɔl, “Ŋ tɩntɩnnaa kala tʋɔŋ, kʋbɛɛ nɩɩ to ŋ niiŋ a magɛ Devit? Ʋ paala ŋaa ŋ hɩɩlɛ-baala nɛ, a ŋaa laalɩyuoro-la sɩɩ pɔŋ nɩhɩaŋ, ŋ dɩa nɩaa ma kala zizilu woruŋ.