DANƖƐL 6:3 - WƖA TENIŊ

³ Danɩɛl tɩntɩŋŋaa nɛ fa lɩɩ sɩɩŋ a kɩɩ ʋ nɩhɩa-dɔsʋ-la arɩ sɩpaalaara-la kala. Ʋ sɩ wuo wɩaa ŋɩŋaa ŋɩɩ, kuoro bɩbɩɩnɛ dɩ ʋ leŋ dɩ ʋ nɛ bibeŋ ʋ tinteeŋ kala.

DANƖƐL 6:3 ပူးပေါင်းရင်းမြစ်များ

ƐZƖRA 4:22

Má pʋpɔ ma sɩ́ wɩɩŋ deeŋ vɩa. Bɛɛ nɛ tɩɩ ma jaŋ leŋ dɩ nɩaa deemba kanfugo pʋŋa pɩpɛ, a chichei kuoro tʋɔŋ?”

NƐHƖMAAYA 7:2

Mɩ joŋ Jerusalɛm hɛ mɩ naambie Hanani arɩ Hananaaya sɩ ŋaa dɩ-duo-la laalɩyuori-hɩaŋ nɩsɩŋ lɛ ba bibeŋ, bɛɛ wɩaa Hananaaya fa ŋaa nʋʋ sɩ jɩŋ ʋ tɩtɩa kɛnɩŋ nɛ a fɩfá Wɩa a kɩɩ nɩaa jesiŋ kala.

ƐSƖTA 10:3

Modikaaya, Juu tɩɩna-la nɛ faa tɩgɛ kuoro Zɛzɛs lɛ ʋ tinteeŋ kala lɛ. Ʋ fa ŋaa nɩbal nɛ Juu tɩŋŋaa tʋɔŋ ba zizilu woruŋ, bɛɛ wɩaa ʋ yie ŋaa wɩaa a pɩpɛ Juu tɩŋŋaa lɛ nɛ, ʋ yie wuo bʋl wɩaa kuoro teeŋ a chɩchɛ Juu tɩŋŋaa doho kala zɔmʋŋ.

NAMAGABA 17:27

Nɩɩ-la sɩ jɩŋ ʋ niiŋ kɛnɩŋ ŋaa wʋjɩnnʋ nɛ. Nɩɩ-la sɩ jɩŋ wɩaa sɩaa bɩ baanɩŋ kɛnɛ.

NAMAGABA 22:29

Nɩɩ-la kala sɩ jɩŋ ʋ tɩntɩŋŋaa woruŋ, ʋ jaŋ tɩŋ kuoro sɩpaaŋ. Ʋ bɩ jaŋ tɩŋ nɩalɩŋ sɩ bɩ nɩfɩɛma ŋaa teeŋ.

TƖƖCHA 2:13

Mɩ na dɩ wʋjɩmɩŋ nɛ kpɩa yaarɩŋ, a nagɛ pʋlʋmʋŋ sɩ kpɩa birimiŋ ŋɩɩ.

DANƖƐL 5:12

Baa yɩrɛ baala deeŋ Danɩɛl nɛ, ka kuoro ma fa kɛnʋ yɩyɩrɛ Bɛlɩtɛsaza. Ʋ fa na dɩ ʋ kɛŋ wʋjɩmɩŋ nɛ a jɩŋ wɩaa sɩaa a dɩdagɛ duosoo bʋbʋɔŋ, a wuo dɩdagɛ namagaba ma bʋbʋɔŋ aa wasɛ wɩalɩŋ sɩ hɛyɛ nɩaa teeŋ. Yɩrɛ Danɩɛl, ʋ jaŋ kʋ dagɛ kɩalɩŋ ba sɩ ŋmʋnsa bʋbʋɔŋ pɩŋ.”

DANƖƐL 5:14

Mɩ nɩa dɩ vesiŋ doluŋ hɛ ŋ lɛ nɛ, ŋ kɛŋ jɩma, a jɩŋ wɩaa sɩaa a kɛŋ wʋjɩmɩŋ woruŋ.

DANƖƐL 5:7

Kuoro ŋaa ba yɩrɛ Babɩlɔŋ nɩalɩŋ sɩ yie beŋ chɛnwʋlaa aŋ dɩdagɛ wɩaa, wʋjɩnnaa arɩ vʋgʋraa ba kɔ. Ʋ bʋla pɩba, “Nɩɩ-la kala sɩ wuo karɩmɛ kɩalɩŋ ba sɩ ŋmʋnsa a dagɛ ba bʋbʋɔŋ pɩmɛ, mɩ jaŋ joŋ gɛrɩ-vachalɩŋ a laalʋ, a joŋ sɛlɩmɛ banzɔlɔ a hɛ ʋ baŋŋaa, aŋ leŋ dɩ ʋ ŋaa nɩ-tori-la sɩ jaŋ kɛŋ doluŋ a bibeŋ mɩ tinteeŋ.”

DANƖƐL 9:23

Ŋ sɩɩ sʋl Wɩa ŋɩɩ, ʋ laa ŋ sʋla nɛ. Ŋɩɩ nɛ mɩ kɔ dɩ mɩ bʋla pɩŋ. Ʋ choŋ nɛ woruŋ, ŋɩɩ wɩaa jegile nɩɩ tɩndaarɩ-la mɩ sɩ kɛnɛ a jɩŋ duoso-la bʋbʋɔŋ.