DANƖƐL 5:7 - WƖA TENIŊ

⁷ Kuoro ŋaa ba yɩrɛ Babɩlɔŋ nɩalɩŋ sɩ yie beŋ chɛnwʋlaa aŋ dɩdagɛ wɩaa, wʋjɩnnaa arɩ vʋgʋraa ba kɔ. Ʋ bʋla pɩba, “Nɩɩ-la kala sɩ wuo karɩmɛ kɩalɩŋ ba sɩ ŋmʋnsa a dagɛ ba bʋbʋɔŋ pɩmɛ, mɩ jaŋ joŋ gɛrɩ-vachalɩŋ a laalʋ, a joŋ sɛlɩmɛ banzɔlɔ a hɛ ʋ baŋŋaa, aŋ leŋ dɩ ʋ ŋaa nɩ-tori-la sɩ jaŋ kɛŋ doluŋ a bibeŋ mɩ tinteeŋ.”

DANƖƐL 5:7 ပူးပေါင်းရင်းမြစ်များ

WƖAA DƖ-SUOMUŊ 41:8

Ʋ sɩ sii chʋchʋɔ-fɩɛla, ʋ tʋɔŋ kala vʋgʋmɛ. Ʋ yɩrɛ ʋ jaŋ wʋjɩnnaa arɩ nɩalɩŋ kala sɩ ŋaa chichiribe kala hɛ dɔŋɔ lɛ a bʋl ʋ duoso-la pɩba, ama nʋʋkala bɩ wuo dagɛ duoso-la bʋbʋɔŋ pʋ.

ƐSƖTA 3:1

Wɩaa deemba sɩ bala, bʋa kʋbala lɛ kuoro Zɛzɛs joŋ ʋ tɩntɩnnɩ-hɩasɩŋ ma kala hɩasɩŋ a pɩ baal kʋbala ba sɩɩ yɩrɛ Hamaŋ, ʋ nyɩmma nɛ Hamɛdata a ŋaa Agag doho nʋʋ.

MOSIS KƐŊ IZIRAL TƖŊŊAA LƖƖ 7:11

Ŋɩɩ nɛ Ijipiti tinteeŋ kuoro yɩrɛ ʋ jaŋ wʋjɩnnaa, vʋgʋraa arɩ ba chichiribee kala, ba ma ŋaa ŋɩɩ tɩtɩa arɩ ba chichiribiŋ.

NAMAGABA 1:9

Wɩalɩŋ ba sɩ jaŋ dagɩŋ jaŋ leŋ dɩ ŋ mɛlɛ zɔŋ a nagɛ ŋ sɩ jaŋ joŋ nyu-bɛlɛ a bɛ ŋ tɩtɩa koo ŋ sɩ jaŋ joŋ banzɔlɔ hɛ dɩ ʋ leŋ dɩ ŋ zɔŋ ŋɩɩ.

SOLOMOŊ YƖƖL-SƖMƖŊ 1:10

Ŋ chaŋkpaŋŋaa arɩ dɩgɩlɩŋ-kpɛnsɩŋ zɔmɔ, ŋ baŋŋaa arɩ banzɔlɔba ma zɔŋ.

AZAAYA 47:13

Wɩalɩŋ kala ba sɩ bʋla chagɩlɩŋ mɩɩra cheyiŋ nɛ. Leŋ dɩ ŋ nɩalɩŋ sɩ yie beŋ chɛnwʋlaa a dɩdagɛ wɩaa kʋ lɩɩ, nɩalɩŋ sɩ yie bʋl wɩalɩŋ maachie sɩ jaŋ ŋaa a pɩpɩŋ chɛnɛ na-kala, leŋ dɩ ba laaŋ ta wɩalɩŋ sɩ jaŋ ŋaaŋ lɛ yei.

JƐRƖMAAYA 50:35

Laalɩŋ jaŋ jʋʋ Babɩlɔŋ nɩaa, Laal-la jaŋ kpʋ nɩalɩŋ sɩ hɛ Babɩlɔŋ lɛ, ba tɩntɩnnɩ-hɩasɩŋ arɩ ba wʋjɩnnaa.

ƐZƖKƖƐL 16:11

Mɩ joŋ kpɩɛra-la a kpɛrɩŋ ŋɩɩ a joŋ nɩsɩŋ hɔɔnʋŋ hɛ ŋ nɩsaa a bɩra joŋ banzɔlɔ hɛ ŋ baŋŋaa,

DANƖƐL 1:20

Wɩɩ na-kala kuoro sɩ pɩɛsa a mʋ tɩgɛ wʋjɩmɩŋ arɩ wɩaa sɩaa jɩmɩŋ lɛ, ʋ na dɩ ba nɛ kpɩa ʋ tinteeŋ chichiribee arɩ vʋgʋraa kala naansɩɩŋ fii.

DANƖƐL 1:4

Ba maga ba ŋaa bapʋɔsɛ biisiŋ sɩ́ bɩ nyɔɔ kala kɛnɛ nɛ, a ŋaa nɩzɔmɔ sɩ kɛŋ ba tɩtɩa hɛ dɔŋɔ dɩ ba gʋnnɛ wɩɩkala, a kɛŋ dɩgɩlɩŋ jegilee, a ŋaa nɩaa ba sɩ daga ba kɛŋ wʋjɩmɩŋ a jaŋ wuo guu jɩŋ wɩaa sɩaa woruŋ, a magɛ dɩ ba tɩtɩŋ kuoru dɩa lɛ. Ʋʋ chɛ dɩ Asɩpɛnas dagɛba Babɩlɔŋ tɩŋŋaa yikoro karɩmɩŋ arɩ ʋ ŋmʋnsʋŋ nɛ.

DANƖƐL 2:2

Ŋɩɩ nɛ kuoro yɩrɛ chichiribee, vʋgʋraa, nɩalɩŋ sɩ yie beŋ chɛnwʋlaa aŋ dɩdagɛ wɩaa, arɩ wʋjɩnnaa kala dɩ ba kʋ dagɛ ʋ duoso-la bʋbʋɔŋ. Ba kʋ chɩŋ ʋ sɩpaaŋ.

DANƖƐL 2:27

Danɩɛl bʋl, “Wʋjɩnnʋ, vʋgʋrʋ koo chichiribu koo nɩalɩŋ sɩ yie beŋ chɛnwʋlaa a dɩdagɛ wɩaa kʋŋ tuo sɩ jaŋ wuo dagɛ ŋ-na kuoro wʋkpuŋkpere-la ŋ sɩɩ chɛ,

DANƖƐL 2:48

Ŋɩɩ nɛ kuoro leŋ Danɩɛl dɩchɩnɩŋ yuŋ woruŋ a joŋ kɩaa ma yʋgɛ a dii zile ʋ lɛ. Ʋ leŋ ʋ bibeŋ Babɩlɔŋ tinteeŋ kala aŋ ŋaa ʋ wʋjɩnnaa ma kala nɩhɩaŋ.

DANƖƐL 2:6

Ama dɩ ma nɛ dagɛ duoso-la pɩmɛ a dagɛ ʋ bʋbʋɔŋ ma, mɩ jaŋ joŋ kɩaa siilima a zilma woruŋ. Ŋɩɩ wɩaa má dagɛ duoso-la aŋ dagɛ ʋ bʋbʋɔŋ ma pɩmɛ.”

DANƖƐL 4:14

Ʋ faasa kpɩa goŋ a bʋl, ‘Má keri tɩa-la a kuosi ʋ naakelee, a chɩrɛ ʋ pɩpaarɩŋ a kɛŋ ʋ nɛnɛ-la kala pɩsɛ, dɩ baga kɩalɩŋ sɩ pɩŋ ʋ bʋbʋɔŋ arɩ diibiisi-la sɩ sagɛ ʋ naakelee lɛ viiri.

DANƖƐL 5:11

Baal kʋbala nɛ hɛ ŋ tinteeŋ lɛ, vesiŋ doluŋ hɛ ʋ lɛ. Ŋ nyɩmma Nebukadineza kuoruŋ bʋa lɛ, ʋ na dɩ ʋ kɛŋ wʋjɩmɩŋ a jɩŋ wɩaa sɩaa a nagɛ vesiŋ. Kuoro lɩɩsʋ ʋ ŋaa chichiribee, nɩalɩŋ sɩ yie beŋ chɛnwʋlaa aŋ dɩdagɛ wɩaa, wʋjɩnnaa arɩ vʋgʋraa kuoro.

DANƖƐL 5:15

Ba kɛŋ wʋjɩnnaa arɩ chichiribee kɔ mɩ sɩpaaŋ nɛ dɩ ba karɩmɛ kɩalɩŋ ba sɩ ŋmʋnsa a dagɛ ba bʋbʋɔŋ pɩmɛ, ama ba bɩ wuo dagɛ ba bʋbʋɔŋ.

DANƖƐL 5:16

Mɩ bɩra nɩa dɩ ŋ jaŋ wuo dagɛ wɩaa bʋbʋɔŋ a wuo wʋwasɛ wɩalɩŋ sɩ hɛyɛ nɩaa teeŋ. Dɩ ŋ nɛ wuo karɩmɛ kɩalɩŋ ba sɩ ŋmʋnsa a dagɛ ba bʋbʋɔŋ pɩmɛ, mɩ jaŋ joŋ gɛrɩ-vachalɩŋ a laalɩŋ a joŋ sɛlɩmɛ banzɔlɔ a hɛ ŋ baŋŋaa, aŋ leŋ dɩ ŋ ŋaa nɩ-tori-la sɩ jaŋ kɛŋ doluŋ a bibeŋ mɩ tinteeŋ.”

DANƖƐL 5:29

Ŋɩɩ nɛ Bɛlɩsaza ŋaa ba joŋ gɛrɛ vachalɩŋ a laalɛ Danɩɛl, a joŋ sɛlɩmɛ banzɔlɔ a hɛ ʋ baŋŋaa, aŋ heele bʋl arɩ ʋ nɛ ŋaa nɩ-tori-la sɩ kɛŋ doluŋ a bibeŋ tintee-la.

NAMBABA 22:17

Mɩ jaŋ timiŋ a yʋgɛ, aŋ pɛ ŋaa wɩɩ-la ma kala ŋ sɩɩ chɛ. Ŋ-na kʋ kalɩba hɛ nɩaa deemba lɛ a pɩmɛ.”

NAMBABA 22:7

Ŋɩɩ nɛ kuoro Balak joŋ moribiiŋ a pɩ Mʋab tɩŋŋaa arɩ Midiaŋ tɩŋŋaa nɩhɩasɩŋ dɩ ba kaa mʋ a pɩ Balam, dɩ ʋ laa a pɛ tabɩɩŋ pɩba. Ŋɩɩ nɛ ba kɔ Balam teeŋ a bʋl wɩalɩŋ kala kuoro Balak sɩ bʋla a pʋ.

NAMBABA 24:11

Mɩ fa sɩ mɩ jaŋ timiŋ a yʋgɛ, ama La TƖƖNA bɩ sɛyɛ, sii viiri lɩma.”

1 SAMƲƐL 17:25

Iziral tɩŋŋaa laalɩyuoro-la lɛɛlɛ bʋbʋl, “Ŋ-na baala deeŋ sɩ kʋ lɩɩ chɩŋ nɛɛ? Ʋʋ tʋʋsɛ Iziral tɩŋŋaa joŋŋoo nɛ. Nɩɩ-la kala sɩ wuo kpʋʋ, kuoro jaŋ pɩ tɩɩna dʋa a yʋgɛ. Ʋ jaŋ joŋ ʋ tolo ma pʋ dɩ ʋ jaa, aŋ leŋ dɩ tɩɩna arɩ ʋ dɩa nɩaa kala bɩra sɩ́ lampoo tiŋ Iziral tinteeŋ lɛ.”