30 Tɩtaŋ-la tɩtɩa nɛ ba kpʋ Babɩlɔŋ kuoro Bɛlɩsaza.
Wɩaa deemba kala jaŋ guu ŋaa ŋ lɛ tapʋl bala. Ŋ biiriŋ jaŋ lɛl, ka dɩ ŋ pɛ nagɛ yo-haal ma, arɩ ŋ sɩ kɛŋ jɩma arɩ ŋ chichiribiŋ ma kala.
Babɩlɔŋ, mɩ hɛ bɛrɛ nɛ a bil ŋ lɛ, ŋ jaŋ jɩjɩŋ dɩ ʋ kɛnɩŋ. Ba naŋ nɛ a yuo kɛnɩŋ, bɛɛ wɩaa ŋ lɩɩ mɩ-na ma TƖƖNA harɩŋ nɛ.
Má taa ma to-hɛŋŋɛɛ, aŋ paa ma hɔɔtaalɩ-la ma sɩ kaa kɛrɛɛ laa bayuori hɛŋŋɛɛ. La TƖƖNA yigi Media tɩŋŋaa kuoroo hɛ nɛ, bɛɛ wɩaa ʋʋ chɛ ʋ chei Babɩlɔŋ nɛ. La TƖƖNA jaŋ joŋ ʋ baanɩŋ tiŋ ʋ lɛ a tɩŋ ʋ dɩɩ-bal-la wɩaa.
Tɩndaaraa paa puu dɔŋɔ nɛ, dɩ ba mʋ heele pa Babɩlɔŋ kuoro arɩ ba yuo dii ʋ tabalɩŋ kala nɛ.
Ama ba jaŋ sisii, dɩ mɩ ŋaa kʋdiilee arɩ kʋnyʋalaa a pɩba a leŋ dɩ ba bugi, dɩ ŋɩɩ leŋ dɩ ba mɔmɔ ŋɩŋaa goŋ, a pɩŋ a kaa mʋ wuu a bɩ sii. Mɩ-na ma TƖƖNA nɛ bʋla.
Mɩ jaŋ ŋaa dɩ ʋ tɩntɩnnɩ-hɩasɩŋ arɩ ʋ wʋjɩnnaa kala bugi, a pɛ ʋ tinteeŋ nɩhɩasɩŋ lɛ, ʋ tɩntɩnnaa arɩ ʋ laalɩyuoroo. Ba jaŋ pɩŋ doŋ a kaa mʋ wuu, ba bɩra bɩ jaŋ sii. Mɩ-na ma TƖƖNA doluŋ kala Tɩɩna sɩ ŋaa kuoro nɛ bʋla.”
Ŋɩɩ wɩaa, ma nɛ ba jaŋ laa sɩpaaŋ kɛsɛ kaa mʋ yoŋ-baga dɩ ma ŋaa yosi. Sɩma-la ma sɩɩ nɩɩ jaŋ dɛrɛ.
