DANƖƐL 5:23 - WƖA TENIŊ

²³ Ŋ mɩɩra kɛŋ ŋ tɩtɩa yʋgɛ arɩ ŋ nɛ kɩɩ La TƖƖNA sɩ hɛ Wɩa jaŋ lɛ. Ŋ ŋaa ba paa ʋ dɩɩ-balɩŋ nyʋnyʋalʋ-la kaa kʋ pɩŋ nɛ, ŋ dɩ ŋ nɩhɩasɩŋ, ŋ haalaa arɩ haala-la ŋ sɩ bile aŋ bɩ jaa kaa nyʋa sɩnɩŋ. Ŋ dɛnnɛ vesi-la ba sɩ kɛŋ sɛlɩmɛ arɩ hɔpʋla, kɔlɩɩŋ, hɔɔŋ, daaŋ arɩ tabɩaa a ŋaa nɛ, kɩalɩŋ sɩ bɩ na, a bɩ wɩaa ka nɩɩ, a bɩ wɩaa ma jɩŋ, aŋ vɩa dɩ ŋ zil Wɩa, nɩɩ-la nɩsɩŋ lɛ ŋ mɩɩsɩŋ arɩ ŋ wɩɩ wɩɩkala sɩ hɛ.

DANƖƐL 5:23 ပူးပေါင်းရင်းမြစ်များ

JOB 12:10

Kʋŋ na-kala sɩ kɛŋ mɩɩsɩŋ hɛ ʋ nɩsɩŋ lɛ nɛ, nuhuobiiŋ kala mɩɩsɩŋ lɩɩ ʋ teeŋ nɛ.

DANƖƐL 4:37

Lɛɛlɛ mɩ-na Nebukadineza ka dɛnnɛ Wɩa sɩ ŋaa kuoro a hɛ ʋ jaŋ lɛ a yɩyɩrɛ ʋ yɩrɩŋ, bɛɛ wɩaa ʋ ŋaa wɩɩkala ʋ bʋa lɛ nɛ, ʋ wʋŋaalaa kɛŋ wʋtɩtɩɩ. Nɩalɩŋ sɩɩ bigisi ba tɩtɩa lɛ, ʋ yie kɛmba muuri nɛ.

JƐRƖMAAYA 10:23

La TƖƖNA, mɩ jɩma nuhuobiine tɩtɩa dee bɩ ʋ mɩɩsɩŋ koro. Nuhuobiine tɩtɩa dee bɩ ʋ naavɛnɛɛ ka dagɛ.

AZAAYA 37:23

Kʋbɛɛ nɛ ŋ bɩɩnɛ ŋ tʋʋsa aŋ chichei ŋɩɩ? Kʋbɛɛ nyuŋ nɛ ŋ ŋɩŋaa goŋ arɩ babii-ballɩŋ ŋɩɩ? Iziral tɩŋŋaa Wɩa sɩ bɩ disiniŋ kɛnɛ teeŋ nɛ ŋ ŋɩŋaa wɩaa deembaa?

AZAAYA 2:12

Tapʋlɩɩ-la, La TƖƖNA doluŋ kala Tɩɩna jaŋ leŋ dɩ nɩalɩŋ sɩɩ bigisi ba tɩtɩa lɛ arɩ nɩalɩŋ sɩ kɛŋ ba tɩtɩa je sɩaa tuu tinteeŋ.

JƐRƖMAAYA 50:29

Má yɩrɛ to-yuoroo hɛ Babɩlɔŋ lɛ, nɩalɩŋ kala sɩɩ yuo tosuŋ. Má ŋmoo buguŋ a gollu. Má sɩ́ leŋe dɩ nʋʋkala fori. Má joŋ ʋ wʋŋaalaa chɩmɩŋ tiŋ ʋ lɛ. Má joŋ ŋɩɩ ʋ sɩ ŋaa nɩaa lɛ a ŋaa ʋ ma lɛ. Ʋ chei mɩ-na ma TƖƖNA yɩrɩŋ nɛ, Iziral tɩŋŋaa Wɩa sɩ bɩ disiniŋ kɛnɛ.

NAMAGABA 20:24

La Tɩɩna nɩɩ dagɛ nuhuobiiŋ kala naavɛnɛɛ. Ɛɛ nɛ saa nʋʋ jaŋ wuo jɩŋ wombii-la ʋ sɩɩ to?

JOB 31:4

Ʋʋ na wɩalɩŋ kala mɩ sɩɩ ŋaa nɛ, a jɩŋ mɩ naavɛnɛɛ ma kala.

Hiburu TƖŊŊAA 4:13

Kʋŋkala tuo sɩ jaŋ wuo kɛŋ ʋ tɩtɩa faa Wɩa teeŋ. Wɩa na kʋŋkala nɛ, ʋ teeŋ ba kala hɛ pʋlʋmʋŋ tʋɔŋ nɛ. Ʋ jaŋ leŋ dɩ la dagɛ la wʋŋaalaa kala a pʋ.

AZAAYA 37:19

Ba paa ba vesi-la sɩ bɩ Wɩa ŋaa a nyɩgɛ nɛ. Daasɩŋ arɩ tabɩaa nɛ nuhuobiinee kaa ŋaaba.

WƖA YƖƖLAA 139:3

Dɩ mɩɩ mʋ lee nɛɛ, dɩ mɩ pɩna nɛɛ, ŋ jɩŋ mɩ wʋŋaalaa kala nɛ.

2 KUOROO 14:10

Amazɩa, ŋ bɩɩna ŋ dolie nɛ ŋɩɩ ŋ sɩ yuo dii Ɛdɔm tɩŋŋaa a bibigisi ŋ tɩtɩa lɛ. Hɔŋ ŋ dɩa lɛ sɔm, sɩ́ wɩaa lɔgɔ hɛ ŋ tɩtɩa arɩ Juda tinteeŋ nɩaa kala lɛ.”

1 Timoti 3:6

Dɩ nʋʋ nɛ laa Yesu wɩaa dii ʋ bɩ dieni, ʋ bɩ maga dɩ tɩɩna ŋaa Wɩa nɩaa nɩhɩaŋ. Dɩ tɩɩna nɛ ŋaa Wɩa nɩaa nɩhɩaŋ, ʋ jaŋ dagɛ ʋ tɩtɩa. Dɩ ʋ nɛ ŋaa ŋɩɩ, ʋ jaŋ tel arɩ Sɩtaanɩ sɩ tele ŋɩɩ.

1 Kɔrɩntɩ Nɩaa 8:4

Ŋɩɩ wɩaa aŋ ka vʋɩŋ kʋdiile-la wɩaa. La jɩma arɩ vʋɩŋ bɩ ku-wei ŋaa. La bɩra jɩma arɩ Wɩɩ-bala dʋndʋŋ nɛ hɛ nɩmɛ.

Tɩntɩŋŋaa 17:25

Ʋ bɩ naga ʋ sɩ chɛ kʋŋ ka nɛ tɩɩ ʋʋ chɛ nuhuobiinee tɩma pʋ. Ʋ nɛ pɩ nuhuobiinee mɩɩsɩŋ arɩ wiese arɩ kʋŋkala.

HABAKU 2:4

Bee na, nɩalɩŋ sɩɩ dagɛ ba tɩtɩa, ba wʋchɛɛlɛɛ bɩ tʋʋla. Ama tʋɔpʋl tɩŋŋaa-na jaŋ hɛ nɩmɛ a tɩŋ ba sɩ laa mɩ-na Wɩa wɩaa dii.

ƐZƖKƖƐL 31:10

Lɛɛlɛ, wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: A tɩŋ ʋ sɩ waa a kɩɩ tɩɩsɩ-la kala a jɩla tɩgɛ wɩa-nyuŋ ŋɩɩ, ʋ dɩdagɛ ʋ tɩtɩa.

ƐZƖKƖƐL 28:17

Ŋ faa dagɛ ŋ tɩtɩa nɛ a tɩŋ ŋ sɩ zɔmɔ wɩaa. Ŋ yɩrɩŋ sɩɩ sii ŋɩɩ ŋ wʋjɩmɩŋ leŋ ŋ chei ŋ tɩtɩa. Mɩ joŋuŋ yuo ta tinteeŋ, kuoroo kala chaarɛ sɩaa pɛ ŋ lɛ.

ƐZƖKƖƐL 28:5

Ŋ sɩ jɩŋ bayalɩŋ wɩaa woruŋ, ŋɩɩ leŋe ŋ dʋa pʋŋa pɛ nɛ. Ŋ dʋa sɩ pʋŋa pɛ ŋɩɩ, ŋ kɛŋ babii-ballɩŋ.

ƐZƖKƖƐL 28:2

Nuhuobiiŋ, bʋla pɩ Taaya kuoro, “Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Ŋ bigisi ŋ tɩtɩa lɛ a bʋl, ‘Mɩ ŋaa wɩa nɛ, a hɔŋ wɩa kuoru kpasa nyuŋ mʋgʋ-balɩŋ tʋɔŋ.’ Ama ŋ ŋaa nuhuobiiŋ nɛ, ŋ bɩ wɩa ŋaa, ŋ sɩ bɩɩna ŋ jɩŋ wɩaa a nagɛ wɩa ŋɩɩ.

AZAAYA 42:5

La TƖƖNA Wɩa nɛ ŋaa wɩa-nyuŋ a leŋ ʋ jɛrɛ tɔ leriŋ, ʋ nɛ ŋaa tinteeŋ arɩ kɩalɩŋ kala sɩ hɛ ʋ lɛ. Ʋ nɛ pɩ nuhuobiine mɩɩsɩŋ.

AZAAYA 33:10

La TƖƖNA sɩ, “Mɩ jaŋ sii lɛɛlɛ, a ŋaa wɩaa dagɛ ŋɩɩ mɩ sɩ kɛŋ doluŋ.

WƖA YƖƖLAA 146:4

Dɩ ba nɛ sʋba, ba yie bɩrɩmɛ hagɩla nɛ, tapʋlɩɩ-la tɩtɩa nɛ wɩalɩŋ kala ba sɩ bɩɩna dɩ ba ŋaa yie dɛrɛ.

WƖA YƖƖLAA 115:16

Wɩa-jaŋ nɛ ŋaa La Tɩɩna kʋa, ama ʋ joŋ tinteeŋ nɛ a pɩ nuhuobiinee.

WƖA YƖƖLAA 104:29

Dɩ ŋ nɛ joŋ harɩŋ yɩaba, fawʋllʋŋ yie kɛmba nɛ. Dɩ ŋ nɛ laa ba mɩɩsɩŋ, ba sʋʋ, a bɩrɩmɛ hagɩla.

SƖPAALAARAA 16:23

Bʋa kʋbala lɛ, Fɩlɩsɩtɩa tɩŋŋaa kuorusu-la kʋ hilimi dɩ ba chaasa kpaarɛ ba vene-la ba sɩɩ yɩrɛ Daagɔŋ aŋ pɛ gbieli. Ŋɩɩ nɛ ba bʋl, “La vene Daagɔŋ nɛ joŋ la dʋndɔmɔ Samɩsɩŋ a hɛ la nɩsɩŋ lɛ.”

WƖAA DƖ-SUOMUŊ 14:19

Ŋɩɩ nɛ ʋ sʋl Wɩa pɩ Abɩram aŋ bʋl, “Wɩa-la sɩ kɩɩ kʋŋkala a ŋaa wɩa-nyuŋ arɩ tinteeŋ nɛ jaŋ pɛ Abɩram lɛ.

WƖAA DƖ-SUOMUŊ 2:7

La TƖƖNA Wɩa lɔgɛ tɩɛrɩŋ nɛ a mɛ nuhuobiine aŋ wiese hɛ ʋ mɩɩ-boiŋ lɛ, ʋ kɛŋ mɩɩsɩŋ a wei.

Jɔɔŋ Wʋnaalaa 9:20

Dʋnɩa nɩkaana-la nyanyal bɔŋŋɔɔ deemba sɩ bɩ kpʋa, ba ma ha bɩ bɩrɩma lɩɩ ba wʋbɔŋŋɔɔ ŋaanɩŋ lɛ. Ba haa to Sɩtaanɩ nɛ a kpʋkpaarɛ vʋɩyaa. Sɛlɩmɛ arɩ hɔɔŋ arɩ kɔlɩɩŋ nɛ ba kaa mɛ vʋɩya-la dɔnsʋŋ, dɔnsʋŋ ma ŋaa tabɩaa, dɔnsʋŋ ma ŋaa tɩɩsɩŋ. Vʋɩya-la bɩ na, ba bɩ wɩaa maa nɩɩ, ba bɩra bɩ wuo vɩvɛŋ ma.

AZAAYA 13:11

Mɩ jaŋ dɔgɩsɛ dʋnɩa nɩaa a tɩŋ ba wʋbɔŋŋɔɔ wɩaa, a dɔgɩsɛ nɩbɔŋŋɔɔ a tɩŋ ba wʋbɔŋŋɔɔ wɩaa. Mɩ jaŋ leŋ dɩ nɩalɩŋ sɩ kɛŋ ba tɩtɩa jije tuu tinteeŋ, dɩ ba babii-ballɩŋ kala dɛrɛ. Mɩ jaŋ dɔgɩsɛ sɩɩ-duo tɩmma-la sɩ chaasa bɔŋ.

AZAAYA 14:13

Ŋ fa yie bʋl ŋ tʋɔŋ lɛ, ‘Mɩ jaŋ jɩl Wɩa-jaŋ, mɩ jaŋ leŋ dɩ mɩ kuoru kpasa jɩla kieli Wɩa chɛnwʋlaa, mɩ jaŋ hɔŋ mɩ kuoru kpasa nyuŋ peel-la nyuŋ vesiŋ sɩɩ hilimu.

JƐRƖMAAYA 48:26

Má leŋ dɩ ʋ bugi, bɛɛ wɩaa ʋ dagɛ ʋ tɩtɩa nɛ mɩ-na ma TƖƖNA teeŋ. Má leŋ dɩ Mʋab bilimi kɩalɩŋ ʋ sɩ tʋɔsa tʋɔŋ. Má leŋ dɩ ʋ bɩrɩmɛ kʋŋ dɩ nɩaa sisieri ʋ lɛ.

1 SAMƲƐL 17:26

Devit pɩɛsɛ laalɩyuoro-la dɔnsʋŋ sɩ chɩna kpagʋ, “Ma sɩ bɛɛ nɛ ba jaŋ ŋaa pɩ nɩɩ-la sɩ jaŋ kpʋ Fɩlɩsɩtɩa tɩŋŋaa baala deeŋ a lɩɩsɛ Iziral tɩŋŋaa hɩɩsɩŋ lɛ? Kʋbɛɛ nɛ ka Fɩlɩsɩtɩa tɩɩna deeŋ sɩ bɩ Wɩa ka to, aa tʋʋsɛ Wɩa-la sɩ weye laalɩyuoroo joŋŋoo?”

1 SAMƲƐL 17:36

Mɩ kpʋ naachigee arɩ lʋgʋmaa nɛ woruŋ, Fɩlɩsɩtɩa tɩŋŋaa baala deeŋ sɩ bɩ Wɩa ka to ma jaŋ nagɛ ba dɔŋɔ mɩ teeŋ, bɛɛ wɩaa ʋ tʋʋsɛ Wɩa-la sɩ weye laalɩyuoroo joŋoo nɛ.

JƐRƖMAAYA 50:28

Má jegile nɩɩ nɩalɩŋ sɩ foro lɩɩ Babɩlɔŋ kɔ sɩɩ bʋl wɩalɩŋ Zaayɔŋ lɛ, ŋɩɩ mɩ-na ma TƖƖNA Wɩa sɩ joŋ mɩ baanɩŋ tiŋ Babɩlɔŋ nɩaa lɛ a tɩŋ ʋ dɩɩ-bal-la wɩaa.

DANƖƐL 8:11

Ʋ paala kɛŋ ʋ tɩtɩa yʋgɛ arɩ ʋ nɛ Wɩa, a leŋ ba bɩra bɩ tapʋlɩɩ kala Wɩɩsʋlʋŋ pʋsʋŋ kpʋa a ŋɩŋaa Wɩɩsʋlʋŋ. Ʋ ŋaa ŋɩɩ nɛ a leŋ Wɩa dɩɩ-bal-la kɛŋ disiniŋ.

DANƖƐL 11:12

Dɩ ba nɛ yuo dii laalɩyuoru-daŋ-la, Ijipiti kuoru-la nyuŋ jaŋ nyaasɛ dɩ ʋ kpʋ laalɩyuoroo bʋɩ-bʋɩba, ama ʋ ha bɩ jaŋ yuo didii deeŋ deeŋ.