DANƖƐL 5:2 - WƖA TENIŊ

² Bɛlɩsaza fa sɩɩ nyʋa sɩŋ-la ŋɩɩ, ʋ ŋaa ba mʋ paa sɛlɩmɛ arɩ hɔpʋla nyʋnyʋalʋsʋ-la ʋ nyɩmma Nebukadineza fa sɩ paa Wɩa dɩɩ-balɩŋ sɩ hɛ Jerusalɛm lɛ a kaa kɔ, dɩ ʋ dɩ ʋ nɩhɩasɩŋ, ʋ haalaa arɩ haala-la ʋ sɩ bile aŋ bɩ jaa kaa nyʋa sɩnɩŋ.

DANƖƐL 5:2 ပူးပေါင်းရင်းမြစ်များ

2 SAMƲƐL 9:7

Devit bʋla pʋ, “Sɩ́ leŋe dɩ ŋ bɔyɛ joŋ, mɩ jaŋ chaasa dagɛ mɩ chonuŋ a pɩŋ a tɩŋ ŋ nyɩmma Jonataŋ wɩaa. Mɩ jaŋ joŋ tintee-la kala sɩ ŋaa ŋ naabalɩma Sɔɔl kʋŋ a pɩŋ, aŋ ka dɩ ŋ didii kɩaa ma mɩ dɩa lɛ bʋa na-kala.”

2 KUOROO 24:13

Nebukadineza sii paa kɩalɩŋ kala sɩ hɛ La TƖƖNA dɩɩ-bal-la lɛ arɩ kɩalɩŋ kala sɩ hɛ kuoru dɩa lɛ, a pɛ sɛlɩmɛ kɩalɩŋ kala Solomoŋ fa sɩ ŋaa bil Wɩa dɩɩ-bal-la lɛ a kaa mʋ Babɩlɔŋ arɩ La TƖƖNA fa sɩ bʋl ŋɩɩ.

2 KUOROO 25:15

Nebuzaradaŋ fa pɛ paa kɩalɩŋ kala ba sɩ kɛŋ sɛlɩmɛ sɩ chaasa zɔŋ koo hɔpʋla kaa ŋaa nɛ, kʋmɩsɩrɩ gbansɩŋ arɩ nyiniŋ hɛntɛrɛɛ.

2 IZIRAL TƖŊŊAA NAABARƖŊ 11:20

Ŋɩɩ nɛ Rihobuam bɩra jaa Abɩsalɔm tolo Maaka, ba hambolibiisiŋ nɛ fa ŋ-la: Abija, Ataɩ, Ziza arɩ Sɛlɔmɩf.

2 IZIRAL TƖŊŊAA NAABARƖŊ 15:16

Kuoro Asa nahɩma Maaka nɛ fa paala ŋaa haalaa kuoro ʋ kaa laa, a tɩŋ ʋ sɩ pɛ veŋ-haal-la ba sɩɩ yɩrɛ Asɩra daaŋ a kpʋkpaarɛ. Ŋɩɩ nɛ Asa keri daa-la lo a bori ʋ kala a kaa mʋ Kɩdɩrɔŋ fuonaaŋ a nyɩgɛ.

2 IZIRAL TƖŊŊAA NAABARƖŊ 36:10

Duoŋ puso bʋa lɛ, kuoro Nebukadineza tɩŋ ba kʋ kɛŋ Jehoyachiŋ a kaa mʋ Babɩlɔŋ, a paa La TƖƖNA dɩɩ-bal-la tʋɔŋ kɩaa dɔnsʋŋ sɩ kɛŋ yuŋuŋ pɛ, aŋ leŋ Jehoyachiŋ nɩɛra Zedikaaya mɩɩra dii Juda tinteeŋ kuoruŋ.

2 IZIRAL TƖŊŊAA NAABARƖŊ 36:18

Ʋ paa Wɩa dɩɩ-bal-la tʋɔŋ tɩntɩnnɩ kɩaa kala, kʋbalaa arɩ kʋbiisiŋ, a paa dʋa-la kala sɩ hɛ La TƖƖNA dɩɩ-bal-la tʋɔŋ, a paa kuoro arɩ ʋ tɩntɩnnɩ-hɩasɩŋ ma dʋa kala a kaa mʋ Babɩlɔŋ tinteeŋ.

ƐZƖRA 5:14

Ʋ paa Wɩa dɩɩ-bal-la tʋɔŋ sɛlɩmɛ arɩ hɔpʋla kɩalɩŋ Nebukadineza sɩ paa Jerusalɛm lɛ a kaa mʋ Babɩlɔŋ a joŋo bil ʋ vene dɩa lɛ. Ŋɩɩ nɛ kuoro Siirus joŋ kɩalɩŋ pɩ baal kʋbala ba sɩɩ yɩrɛ Sɛsɩbaza ʋ sɩ lɩɩsa ʋ ŋaa Juda nɩaa nɩhɩaŋ.’

JƐRƖMAAYA 27:7

Tinteyee kala jaŋ tɩma pɩ ʋ dɩ ʋ nanʋala arɩ ʋ nihiŋ see dɩ bʋa-la ʋ tɩtɩa tinteeŋ sɩ jaŋ tel yie, ŋɩɩ lɛ nɛ tintee daŋ arɩ kuori-balaa jaŋ yuo diiu dɩ ʋ tɩmaa pɩba.

JƐRƖMAAYA 50:35

Laalɩŋ jaŋ jʋʋ Babɩlɔŋ nɩaa, Laal-la jaŋ kpʋ nɩalɩŋ sɩ hɛ Babɩlɔŋ lɛ, ba tɩntɩnnɩ-hɩasɩŋ arɩ ba wʋjɩnnaa.

JƐRƖMAAYA 52:19

Nebuzaradaŋ fa pɛ paa kɩalɩŋ kala ba sɩ kɛŋ sɛlɩmɛ sɩ chaasa zɔŋ koo hɔpʋla kaa ŋaa nɛ, taasɩ gbansɩŋ, nyiniŋ hɛntɛrɛɛ, kʋmɩsɩrɩ gbansɩŋ, puposuŋ, kɩalɩŋ nyuŋ chaanaa sɩɩ chɩŋ, gbansɩŋ arɩ kʋnyʋalaa gbansɩŋ.

DANƖƐL 1:2

La Tɩɩna joŋ Juda kuoro Jehoyakim hɛ ʋ nɩsɩŋ lɛ, ʋ pɛ paa tɩntɩnnɩ kɩalɩŋ dɔnsʋŋ sɩ hɛ Wɩa dɩɩ-balɩŋ lɛ. Ʋ paa kɩaa deemba a kaa mʋ Babɩlɔŋ nɛ a bil ʋ vene dɩa lɛ, lee-la ʋ sɩɩ bil ʋ sɩɩfɩaŋ kɩaa.

DANƖƐL 5:11

Baal kʋbala nɛ hɛ ŋ tinteeŋ lɛ, vesiŋ doluŋ hɛ ʋ lɛ. Ŋ nyɩmma Nebukadineza kuoruŋ bʋa lɛ, ʋ na dɩ ʋ kɛŋ wʋjɩmɩŋ a jɩŋ wɩaa sɩaa a nagɛ vesiŋ. Kuoro lɩɩsʋ ʋ ŋaa chichiribee, nɩalɩŋ sɩ yie beŋ chɛnwʋlaa aŋ dɩdagɛ wɩaa, wʋjɩnnaa arɩ vʋgʋraa kuoro.

DANƖƐL 5:13

Ŋɩɩ nɛ ba kɛŋ Danɩɛl kɔ kuoro sɩpaaŋ. Ʋ pɩɛsʋ, “Ŋ nɛ Danɩɛl, Juda nɩalɩŋ dɔŋɔ mɩ nyɩmma kuoro sɩ yuo kɛsɛ a kaa kɔɔ?

DANƖƐL 5:18

Kuoro, Wɩa sɩ kɩɩ kʋŋkala pɩ ŋ nyɩmma Nebukadineza doluŋ nɛ, a leŋ ʋ ŋaa nɩbal, ba zizilu ʋ kɛŋ yɩrɩŋ.

DANƖƐL 5:23

Ŋ mɩɩra kɛŋ ŋ tɩtɩa yʋgɛ arɩ ŋ nɛ kɩɩ La TƖƖNA sɩ hɛ Wɩa jaŋ lɛ. Ŋ ŋaa ba paa ʋ dɩɩ-balɩŋ nyʋnyʋalʋ-la kaa kʋ pɩŋ nɛ, ŋ dɩ ŋ nɩhɩasɩŋ, ŋ haalaa arɩ haala-la ŋ sɩ bile aŋ bɩ jaa kaa nyʋa sɩnɩŋ. Ŋ dɛnnɛ vesi-la ba sɩ kɛŋ sɛlɩmɛ arɩ hɔpʋla, kɔlɩɩŋ, hɔɔŋ, daaŋ arɩ tabɩaa a ŋaa nɛ, kɩalɩŋ sɩ bɩ na, a bɩ wɩaa ka nɩɩ, a bɩ wɩaa ma jɩŋ, aŋ vɩa dɩ ŋ zil Wɩa, nɩɩ-la nɩsɩŋ lɛ ŋ mɩɩsɩŋ arɩ ŋ wɩɩ wɩɩkala sɩ hɛ.

DANƖƐL 5:3

Ŋɩɩ nɛ ba paa sɛlɩmɛ arɩ hɔpʋla nyʋnyʋalʋ-la ba fa sɩ paa Wɩa dɩɩ-balɩŋ sɩ hɛ Jerusalɛm lɛ a kaa kɔ. Kuoro arɩ ʋ nɩhɩasɩŋ, ʋ haalaa arɩ haala-la ʋ sɩ bile aŋ bɩ jaa kaa nyʋa sɩnɩŋ.

DANƖƐL 5:30

Tɩtaŋ-la tɩtɩa nɛ ba kpʋ Babɩlɔŋ kuoro Bɛlɩsaza.

DANƖƐL 5:4

Ba faa nyʋa sɩŋ-la nɛ, aŋ dɩdɛnnɛ vesi-la ba sɩ kɛŋ sɛlɩmɛ arɩ hɔpʋla, kɔlɩɩŋ, hɔɔŋ, daaŋ arɩ tabɩaa a kaa ŋaa.

NAMBABA 7:79

Ʋ Wɩɩsʋllɩ kɩaa ʋ sɩ kaa kɔ nɛ ŋ-la: Hɔpʋla pɩrata yuŋuŋ sɩ ŋaa kilo bala arɩ kpaa magɛ dɔŋɔ arɩ hɔpʋla gbaŋa ba sɩ kaa mɩmɩsɛ kɩaa yuŋuŋ sɩ ŋaa mʋa tuo kilo bala. Ba magɩsɛ ba kʋŋkala arɩ ŋɩɩ ba sɩɩ magɩsɛ Wɩa dɩa lɛ nɛ. Ʋ hɛ nʋʋŋ munuŋ sɩ bɩɩ nʋgʋgʋ lɛ a hɛ su ba kʋŋkala dɩ ba kaa sʋl mɩaa Wɩɩsʋlʋŋ,