DANƖƐL 5:18 - WƖA TENIŊ

¹⁸ Kuoro, Wɩa sɩ kɩɩ kʋŋkala pɩ ŋ nyɩmma Nebukadineza doluŋ nɛ, a leŋ ʋ ŋaa nɩbal, ba zizilu ʋ kɛŋ yɩrɩŋ.

DANƖƐL 5:18 ပူးပေါင်းရင်းမြစ်များ

2 KUOROO 25:28

Evil-Merodak fa kɛŋ Jehoyachiŋ nɛ woruŋ, a pʋ dɩchɩnɩŋ a kɩɩ kuorusu-la dɔnsʋŋ kala ba fa sɩ kɛsɛ tɔ bɩnɩŋ dɩa Babɩlɔŋ lɛ.

WƖA YƖƖLAA 47:2

Ʋ maga dɩ ma fá La Tɩɩna sɩ kɩɩ kʋŋkala nɛ, ʋ nɛ kuoru-balɩŋ sii beŋ dʋnɩa kala.

WƖA YƖƖLAA 7:17

Mɩ jaŋ lɔllɛ La Tɩɩna a tɩŋ ʋ tʋɔpʋla wɩaa, a yɩɩ yɩɩlaa a dɛnnʋ, ʋ nɛ kɩɩ kʋŋkala.

WƖA YƖƖLAA 9:2

Wɩa sɩ kɩɩ kʋŋkala, mɩ jaŋ yɩɩ yɩɩlaa arɩ tʋɔtɔrʋŋ a tɩŋ ŋ wɩaa. Mɩ jaŋ yɩɩ yɩɩlaa a dɛnnɩŋ.

WƖA YƖƖLAA 92:8

Ama ŋ-na La TƖƖNA nɛ jaŋ beŋ la kala a kaa mʋ wuu.

JƐRƖMAAYA 25:9

mɩ jaŋ yɩrɛ nɩaa kala sɩ hɛ wɩɩpɔsʋŋ nagʋa arɩ mɩ tɩntɩnna Babɩlɔŋ kuoro Nebukadineza a hɛ dɔŋɔ, a kɛmba kʋ hɛ tinteeŋ deeŋ arɩ ʋ nɩaa arɩ tinteye-la kala sɩ gollu lɛ. Mɩ-na ma TƖƖNA nɛ bʋla. Mɩ jaŋ chei ba kala gbelem gbelem dɩ ba ŋaa mɔmɩa dɩ nɩaa sisieri ba lɛ, nɩaa jaŋ naba dɩ fawʋllʋŋ kɛmba dɩ ba hihirigi. Ba jaŋ pɩŋ jikpeeŋ a kaa mʋ wuu.

JƐRƖMAAYA 27:5

mɩ kɛŋ mɩ dol-balɩŋ arɩ mɩ naduoŋ nɛ a ŋaa dʋnɩa arɩ nuhuobiine arɩ pʋsʋ-la kala sɩ hɛ ʋ lɛ. Mɩ yie jomba pɩ nʋʋ na-kala mɩ tʋɔŋ sɩ tɔrɛ ʋ nyuŋ nɛ.

JƐRƖMAAYA 27:7

Tinteyee kala jaŋ tɩma pɩ ʋ dɩ ʋ nanʋala arɩ ʋ nihiŋ see dɩ bʋa-la ʋ tɩtɩa tinteeŋ sɩ jaŋ tel yie, ŋɩɩ lɛ nɛ tintee daŋ arɩ kuori-balaa jaŋ yuo diiu dɩ ʋ tɩmaa pɩba.

JEMBIEE 3:35

a vɩa dɩ ba leŋ dɩ nuhuobiine na wɩalɩŋ sɩ maga dɩ ʋ na. Wɩa sɩ kɩɩ kʋŋkala bɩ ŋɩɩ cho.

JEMBIEE 3:38

Wɩa sɩ kɩɩ kʋŋkala nɛ yie leŋ wʋlɔrʋnʋŋ arɩ wʋzɔŋŋɔɔ kala kɔ.

ƐZƖKƖƐL 31:11

Mɩ joŋu hɛ tintee-wogusuŋ kuoro nɩsɩŋ lɛ, ʋ dɔgʋsʋ a tɩŋ ʋ wʋbɔŋŋɔɔ wɩaa. Mɩ vɩaʋ ta nɛ,

DANƖƐL 4:17

Wɩɩ-la Wɩa tɩndaaraa sɩ heele bʋl nɛ ŋɩɩ, dɩ nɩalɩŋ sɩ kɛŋ mɩɩsɩŋ jɩŋ arɩ Wɩa sɩ kɩɩ kʋŋkala nɛ kɛŋ doluŋ a bibeŋ nuhuobiinee kuoruŋ, a jaŋ wuo jomba pɩ nɩɩ-la kala ʋ sɩ cho dɩ ʋ bibeŋ. Ʋ jaŋ wuo paala jomba pɩ nɩbiisiŋ dɩ ba bibeŋ.’

DANƖƐL 4:19

Ŋɩɩ nɛ Danɩɛl (ba sɩ kaa yɩrɛ Bɛlɩtɛsaza) tʋɔŋ faasa chei a dieni mʋa. Ʋ tʋɔbɩɩnaa leŋ fawʋllʋŋ kɛnʋ. Kuoro bʋl, “Bɛlɩtɛsaza, sɩ́ leŋe dɩ duoso-la koo ʋ bʋbʋɔŋ leŋ dɩ fawʋllʋŋ kɛnɩŋ.” Bɛlɩtɛsaza ma bʋl, “Mɩ nɩhɩaŋ, mɩ fa cho dɩ duoso-la ŋaa nɩalɩŋ sɩ bɛrɩŋ wɩɩ nɛ, dɩ wɩɩ-la duoso-la sɩɩ dagʋ ma ŋaa ŋ dʋndɔŋŋɔɔ lɛ.

DANƖƐL 4:2

Ʋ ŋaa mɩ nɛ dɩ mɩ bʋl wʋkpuŋkperisi-la arɩ wʋmagɩla-la Wɩa sɩ kɩɩ kʋŋkala sɩ ŋaa pɩmɛ a pɩma.

DANƖƐL 4:32

Mɩ jaŋ kiriŋ dɩ ŋ lɩɩ nɩaa tʋɔŋ a mʋ guoli baga kɩaa tʋɔŋ. Ŋ jaŋ dii yaŋ a nagɛ nɛŋ jɩsɩŋ balɩpɛ. Ŋɩɩ nɛ ŋ jaŋ jɩŋ arɩ Wɩa sɩ kɩɩ kʋŋkala nɛ kɛŋ doluŋ a bibeŋ nuhuobiinee kuoruŋ. Ʋ jaŋ wuo joŋo pɩ nɩɩ-la kala ʋ sɩ cho.”

DANƖƐL 4:34

Jɩsɩ-la balɩpɛ harɩŋ, mɩ-na Nebukadineza kɛŋ mɩ nyuŋ je wɩa-nyuŋ, mɩ wʋjɩmɩŋ mɩɩra kɔ mɩ nyuŋ. Ŋɩɩ nɛ mɩ dɛnnɛ Wɩa sɩ kɩɩ kʋŋkala. Mɩ zilu a leŋ ʋ yɩrɩŋ yɩrɛ, ʋ nɛ sɩ hɛ nɩmɛ a kaa mʋ wuu. Ʋ doluŋ bɩ dɩdɛrɩŋ kɛnɛ, ʋ nɛ kuoro sɩ hɛ nɩmɛ a kaa mʋ wuu.

DANƖƐL 5:21

Ba kiru ta, ʋ lɩɩ nɩaa tʋɔŋ, ʋ tʋɔbɩɩnaa nagɛ pʋna kɩaa, ʋ guoli kosuŋ tʋɔŋ a dii yaŋ a nagɛ nɛŋ. Nyalɩŋ nyala hɛ ʋ lɛ halɩɩ, a mʋ yi bʋa-la lɛ ʋ sɩ kʋ jɩŋ, dɩ Wɩa sɩ kɩɩ kʋŋkala nɛ kɛŋ doluŋ nuhuobiinee kuoruŋ nyuŋ, a jaŋ wuo jomba pɩ nɩɩ-la kala ʋ sɩ cho.

DANƖƐL 6:22

Mɩ Wɩa tɩŋ ʋ tɩndaara nɛ, ʋ kʋ tɔ naachige-la niiŋ. Ba bɩ mɩ chaŋa, bɛɛ wɩaa ʋ na dɩ mɩ bɩ wɩɩ cheye, a bɩ wɩɩ cheye ŋ-ma Kuoro lɛ.”

Tɩntɩŋŋaa 26:13

Mɩ sɩɩ mʋ wombiiŋ lɛ mɩ nyɩna, arɩ wɩɩ-hɛɛ-siesee mɩ na pʋlʋmʋŋ dɩ ʋ lɩɩ wɩa-nyuŋ a chaana hɛ mɩ dɩ nɩalɩŋ fa sɩɩ vɛŋ lɛ. Ʋ pʋlla kɩɩ wɩɩpɔsʋŋ.

Tɩntɩŋŋaa 26:19

Ŋɩɩ wɩaa kuoro, mɩ bɩ yikoro-la sɩ lɩɩ wɩa-nyuŋ wɩaa vɩa.

Tɩntɩŋŋaa 7:48

Ka Wɩa sɩ kɩɩ kʋŋkala, bɩ dɩɩsɩ-la nuhuobiinee sɩ saa ka jʋʋ. Wɩa wʋlaabʋllaa dɔŋɔ nɛ fa sɩ,

MOSIS BƖRA WULLI WƖA WOMBIIŊ 32:8

Wɩa sɩ kɩɩ kʋŋkala kɛŋ tinteeŋ a kpaa tinteyee kala nɛ, a kɛŋ nuhuobiine kaa pɔrɛ a dagɛ ba tinteeŋ bʋa, a leŋ ʋ tɩndaaraa bibemba.