DANƖƐL 5:12 - WƖA TENIŊ

¹² Baa yɩrɛ baala deeŋ Danɩɛl nɛ, ka kuoro ma fa kɛnʋ yɩyɩrɛ Bɛlɩtɛsaza. Ʋ fa na dɩ ʋ kɛŋ wʋjɩmɩŋ nɛ a jɩŋ wɩaa sɩaa a dɩdagɛ duosoo bʋbʋɔŋ, a wuo dɩdagɛ namagaba ma bʋbʋɔŋ aa wasɛ wɩalɩŋ sɩ hɛyɛ nɩaa teeŋ. Yɩrɛ Danɩɛl, ʋ jaŋ kʋ dagɛ kɩalɩŋ ba sɩ ŋmʋnsa bʋbʋɔŋ pɩŋ.”

DANƖƐL 5:12 ပူးပေါင်းရင်းမြစ်များ

WƖA YƖƖLAA 16:3

Ŋ nɩaa wɩaa chaasa zɔŋ nɛ woruŋ, mɩ tʋɔŋ tɔrɛ ba nyuŋ nɛ.

NAMAGABA 12:26

Tʋɔpʋl tɩɩna yie fɩɛlɛ ʋ sɩaa nɛ a dii nandɔŋɔ koo tanlɔŋɔ. Ama nɩbɔmʋŋ-na yie yeŋŋi nɛ.

NAMAGABA 17:27

Nɩɩ-la sɩ jɩŋ ʋ niiŋ kɛnɩŋ ŋaa wʋjɩnnʋ nɛ. Nɩɩ-la sɩ jɩŋ wɩaa sɩaa bɩ baanɩŋ kɛnɛ.

ƐZƖKƖƐL 28:3

Ŋ bɩɩna ŋ jɩŋ wɩaa kɩɩ Danɩɛl nɛ, a jɩŋ wɩɩ-kalaa?

DANƖƐL 1:17

Wɩa pɩ bapʋɔsɛ biisiŋ deemba banɛsɛ wʋjɩmɩŋ arɩ jɩma dɩ ba wuo jɩŋ teniŋ arɩ wɩɩkala. Danɩɛl-na paala wuo jɩŋ wɩalɩŋ ba sɩ yie na arɩ duosoo tʋɔŋ arɩ duosi dosunuŋ kala bʋbʋɔŋ nɛ.

DANƖƐL 1:7

Tɩntɩnnɩ-hɩaŋ-la fa hɛ yɩrɩ-falaa nɛ a pɩba. Ʋ hɛ Danɩɛl yɩrɩŋ Bɛlɩtɛsaza, Hananaaya ma yɩrɩŋ Sadɩrak, a hɛ Mɩsal yɩrɩŋ Mɛsak, ka Azarɩa ma yɩrɩŋ ŋaa Abedinego.

DANƖƐL 2:26

Ŋɩɩ nɛ kuoro pɩɛsɛ Danɩɛl (ʋ nɛ baa yɩrɛ Bɛlɩtɛsaza ma), “Ŋ jaŋ wuo dagɛ wɩɩ-la mɩ sɩ na duosoo tʋɔŋ aŋ dagɛ ʋ bʋbʋɔŋ maa?”

DANƖƐL 4:19

Ŋɩɩ nɛ Danɩɛl (ba sɩ kaa yɩrɛ Bɛlɩtɛsaza) tʋɔŋ faasa chei a dieni mʋa. Ʋ tʋɔbɩɩnaa leŋ fawʋllʋŋ kɛnʋ. Kuoro bʋl, “Bɛlɩtɛsaza, sɩ́ leŋe dɩ duoso-la koo ʋ bʋbʋɔŋ leŋ dɩ fawʋllʋŋ kɛnɩŋ.” Bɛlɩtɛsaza ma bʋl, “Mɩ nɩhɩaŋ, mɩ fa cho dɩ duoso-la ŋaa nɩalɩŋ sɩ bɛrɩŋ wɩɩ nɛ, dɩ wɩɩ-la duoso-la sɩɩ dagʋ ma ŋaa ŋ dʋndɔŋŋɔɔ lɛ.

DANƖƐL 4:8

Ʋ ŋɩɩ harɩŋ, Danɩɛl kɔ mɩ teeŋ, mɩ bʋl duoso-la pʋ. (Ʋ nɛ ba haa yɩrɛ Bɛlɩtɛsaza, mɩ vene yɩrɩŋ nɛ ba joŋo hɛ pʋ. Vesiŋ doluŋ fa hɛ ʋ lɛ nɛ.)

DANƖƐL 5:14

Mɩ nɩa dɩ vesiŋ doluŋ hɛ ŋ lɛ nɛ, ŋ kɛŋ jɩma, a jɩŋ wɩaa sɩaa a kɛŋ wʋjɩmɩŋ woruŋ.

DANƖƐL 5:16

Mɩ bɩra nɩa dɩ ŋ jaŋ wuo dagɛ wɩaa bʋbʋɔŋ a wuo wʋwasɛ wɩalɩŋ sɩ hɛyɛ nɩaa teeŋ. Dɩ ŋ nɛ wuo karɩmɛ kɩalɩŋ ba sɩ ŋmʋnsa a dagɛ ba bʋbʋɔŋ pɩmɛ, mɩ jaŋ joŋ gɛrɩ-vachalɩŋ a laalɩŋ a joŋ sɛlɩmɛ banzɔlɔ a hɛ ŋ baŋŋaa, aŋ leŋ dɩ ŋ ŋaa nɩ-tori-la sɩ jaŋ kɛŋ doluŋ a bibeŋ mɩ tinteeŋ.”

DANƖƐL 6:3

Danɩɛl tɩntɩŋŋaa nɛ fa lɩɩ sɩɩŋ a kɩɩ ʋ nɩhɩa-dɔsʋ-la arɩ sɩpaalaara-la kala. Ʋ sɩ wuo wɩaa ŋɩŋaa ŋɩɩ, kuoro bɩbɩɩnɛ dɩ ʋ leŋ dɩ ʋ nɛ bibeŋ ʋ tinteeŋ kala.

DANƖƐL 6:4

Ŋɩɩ nɛ nɩhɩasɩ-la arɩ sɩpaalaara-la tɩŋ ŋɩɩ wɩaa a wʋwalɩmɛ dɩ ba na dɩ Danɩɛl chei wɩɩ ʋ tɩntɩŋŋaa lɛ, ama ba bɩ wuo na wɩɩ. Ba bɩ ʋ wʋcheeli kala na, bɛɛ wɩaa ʋ fa kɛŋ wʋtɩtɩɩ, a bɩ nɩaa ka gɩrɩmɛ a kɛŋ sɩɩfɩɛsɩŋ ʋ tɩntɩŋŋaa lɛ.

Koloosi Nɩaa 1:29

Ŋɩɩ wɩaa mɩ faasa hɛ mɩ doluŋ kala nɛ a tɩtɩŋ, arɩ Wɩa sɩ joŋ ʋ dol-bal-la pɩmɛ dɩ mɩ kaa tɩtɩŋ ŋɩɩ.