DANƖƐL 5:11 - WƖA TENIŊ

¹¹ Baal kʋbala nɛ hɛ ŋ tinteeŋ lɛ, vesiŋ doluŋ hɛ ʋ lɛ. Ŋ nyɩmma Nebukadineza kuoruŋ bʋa lɛ, ʋ na dɩ ʋ kɛŋ wʋjɩmɩŋ a jɩŋ wɩaa sɩaa a nagɛ vesiŋ. Kuoro lɩɩsʋ ʋ ŋaa chichiribee, nɩalɩŋ sɩ yie beŋ chɛnwʋlaa aŋ dɩdagɛ wɩaa, wʋjɩnnaa arɩ vʋgʋraa kuoro.

DANƖƐL 5:11 ပူးပေါင်းရင်းမြစ်များ

WƖAA DƖ-SUOMUŊ 41:38

Ŋɩɩ nɛ Ijipiti tinteeŋ kuoro pɩɛsɛ ʋ nɩhɩasɩŋ, “La jaŋ bɩra wuo na nʋʋ sɩ nagɛ baala deeŋ Wɩa dɩma-la hɛ ʋ lɛ?”

2 SAMƲƐL 14:17

Kuoro, mɩ nɩhɩaŋ, mɩ bʋl mɩ tʋɔŋ lɛ arɩ ŋ wʋbʋlaa jaŋ wuo laamɛ ta dɩ mɩ wiesi, bɛɛ wɩaa ŋ-na kuoro nagɛ Wɩa-tɩndaara nɛ, a jɩŋ wʋzɔmʋŋ arɩ wʋbɔmʋŋ bʋa. A leŋ dɩ La TƖƖNA ŋ Wɩa chɩŋ ŋ harɩŋ.”

ƐZƖKƖƐL 28:3

Ŋ bɩɩna ŋ jɩŋ wɩaa kɩɩ Danɩɛl nɛ, a jɩŋ wɩɩ-kalaa?

ƐZƖKƖƐL 28:4

Ŋ kɛŋ ŋ wʋjɩmɩŋ arɩ ŋ sɩ jɩŋ wɩaa sɩaa nɛ a dʋa kɩaa pɩ ŋ tɩtɩa, a dʋa sɛlɩmɛ arɩ hɔpʋla a su ŋ chʋgʋsʋŋ dɩɩsɩŋ.

DANƖƐL 1:4

Ba maga ba ŋaa bapʋɔsɛ biisiŋ sɩ́ bɩ nyɔɔ kala kɛnɛ nɛ, a ŋaa nɩzɔmɔ sɩ kɛŋ ba tɩtɩa hɛ dɔŋɔ dɩ ba gʋnnɛ wɩɩkala, a kɛŋ dɩgɩlɩŋ jegilee, a ŋaa nɩaa ba sɩ daga ba kɛŋ wʋjɩmɩŋ a jaŋ wuo guu jɩŋ wɩaa sɩaa woruŋ, a magɛ dɩ ba tɩtɩŋ kuoru dɩa lɛ. Ʋʋ chɛ dɩ Asɩpɛnas dagɛba Babɩlɔŋ tɩŋŋaa yikoro karɩmɩŋ arɩ ʋ ŋmʋnsʋŋ nɛ.

DANƖƐL 2:11

Wɩɩ-la kuoro sɩ pɩɛsa chaasa ŋaa wʋhaa nɛ. Nʋʋkala bɩ jaŋ wuo dagɛ wɩɩ-la ŋ-na kuoro sɩɩ chɛ, see vesiŋ, ba ma saa bɩ nuhuobiinee tʋɔŋ guolo.”

DANƖƐL 2:22

Ʋ nɛ yie joŋ wɩalɩŋ sɩ kpere arɩ wɩalɩŋ sɩ faa a dagɛ nɩaa. Ʋ nɛ jɩŋ wɩalɩŋ sɩ hɛ birimiŋ tʋɔŋ, ʋ lɛ nɛ pʋlʋmʋŋ hɛ.

DANƖƐL 4:18

Duoso-la mɩ-na kuoro Nebukadineza sɩ duoso nɛ ŋɩɩ. Lɛɛlɛ Bɛlɩtɛsaza, dagɛ ʋ bʋbʋɔŋ pɩmɛ, bɛɛ wɩaa wʋjɩnna-la kala sɩ hɛ mɩ tinteeŋ lɛ kʋŋ bɩ wuo dagɛ ʋ bʋbʋɔŋ pɩmɛ. Ama ŋ-na jaŋ wuo, bɛɛ wɩaa vesiŋ doluŋ hɛ ŋ lɛ nɛ.”

DANƖƐL 4:5

Tɩtaŋ kʋbala mɩ duosi, duoso-la leŋ fawʋllʋŋ kɛmmɛ. Mɩ sɩ pɩŋ mɩ bɔsɔ lɛ, mɩ na wɩaa nɛ sɩ leŋe fawʋllʋŋ kɛmmɛ.

DANƖƐL 4:6

Ŋɩɩ nɛ mɩ ŋaa ba kɛŋ Babɩlɔŋ wʋjɩnnaa kala kɔ mɩ sɩpaaŋ dɩ ba dagɛ duoso-la bʋbʋɔŋ a pɩmɛ.

DANƖƐL 5:14

Mɩ nɩa dɩ vesiŋ doluŋ hɛ ŋ lɛ nɛ, ŋ kɛŋ jɩma, a jɩŋ wɩaa sɩaa a kɛŋ wʋjɩmɩŋ woruŋ.

DANƖƐL 5:7

Kuoro ŋaa ba yɩrɛ Babɩlɔŋ nɩalɩŋ sɩ yie beŋ chɛnwʋlaa aŋ dɩdagɛ wɩaa, wʋjɩnnaa arɩ vʋgʋraa ba kɔ. Ʋ bʋla pɩba, “Nɩɩ-la kala sɩ wuo karɩmɛ kɩalɩŋ ba sɩ ŋmʋnsa a dagɛ ba bʋbʋɔŋ pɩmɛ, mɩ jaŋ joŋ gɛrɩ-vachalɩŋ a laalʋ, a joŋ sɛlɩmɛ banzɔlɔ a hɛ ʋ baŋŋaa, aŋ leŋ dɩ ʋ ŋaa nɩ-tori-la sɩ jaŋ kɛŋ doluŋ a bibeŋ mɩ tinteeŋ.”

Tɩntɩŋŋaa 12:22

Ŋɩɩ nɛ nɩalɩŋ faasa ŋɩŋaa goŋ a bʋl, “Wɩa nɩɩ bʋl ŋɩɩ, nuhuobiine dee.”

Tɩntɩŋŋaa 14:11

Nɩ-daŋ-la fa sɩ na wɩɩ-la Pɔɔl sɩ ŋaa, ba kala kpɩkpɩa goŋ aa bʋl arɩ Likoonia yikoro lɛ, “Vesiŋ nɛ bɩrɩmɛ nuhuobiine a kʋ tuu la tʋɔŋ.”

Tɩntɩŋŋaa 16:16

Chɛɛ kʋbala la bɩra mʋ Wɩa dɩ-chʋɔlʋŋ. Yoŋ toli-bie kʋbala kʋ chenla. Jɩma nɛ kɛnʋ, ʋ vʋga pɩpɩ nɩaa. Ʋ vʋga na moribiee yʋgɛ a pɩ nɩalɩŋ sɩ tɩɩʋ.

Jɔɔŋ Wʋnaalaa 3:9

Má bee na, mɩ jaŋ leŋ dɩ nɩalɩŋ sɩɩ to Sɩtaanɩ a nyɩɛ wɩaa arɩ ba ŋaa Juu tɩŋŋaa nɛ aŋ bɩ Juu tɩmma ŋaa, kpirimi ma sɩpaaŋ, dɩ ba jɩŋ arɩ mɩ choma nɛ.