DANƖƐL 4:16 - WƖA TENIŊ

¹⁶ dɩ ʋ tʋɔbɩɩnaa bɩrɩmɛ a nagɛ pʋna kɩaa jɩsɩŋ balɩpɛ a sɩ́ nuhuobiine kɩaa nagʋ.

DANƖƐL 4:16 ပူးပေါင်းရင်းမြစ်များ

2 SAMƲƐL 18:32

Ŋɩɩ nɛ kuoro bɩra pɩɛsʋ ma, “Ka Abɩsalɔm, wɩɩkala bɩ ʋ ŋaa?” Kus tɩɩna-la bʋl, “Mɩ fa jaŋ cho dɩ nɩalɩŋ kala sɩ ŋaa ŋ-na kuoro mɩ nɩhɩaŋ dʋndɔŋŋɔɔ arɩ nɩalɩŋ kala sɩ vɩaŋ aŋ yuyuoŋ, dɩ ba dɩdɛrɩŋ kala nagɛ bapʋɔsɩ-bie-la.”

AZAAYA 6:10

La TƖƖNA bɩra bʋl, “Leŋ dɩ nɩaa deemba tʋɔŋ dol, ŋaa dɩ ba dɩgɩlaa kparɩmɛ, aŋ ŋaa dɩ ba sɩaa ma tɔ. Dɩ ŋɩɩ dee ba jaŋ na wɩaa koo a nɩɩ wɩaa a bɩrɩmɛ ba tʋɔbɩɩnaa a kɔ mɩ teeŋ dɩ mɩ laaba ta.”

DANƖƐL 11:13

Siiria kuoru-la ha jaŋ bɩra chɛ laalɩyuoru-daŋ sɩ nyɩgɩla woruŋ aŋ yʋga kɩɩ bumbuŋ nɩalɩŋ. Dɩ jɩsɩŋ baŋmɛnɛ nɛ bala, dɩ ʋ bɩra mʋ yuo Ijipiti tinteeŋ kuoro.

DANƖƐL 12:7

Baal-la sɩ laalɛ gɛrɩpɛ fʋfʋlʋŋ gɛrɩŋ a chugili fuo-la nyuŋ, kɛŋ ʋ nɩsaa balɩa kala je wɩa-nyuŋ, ka mɩ nɩɩ dɩ ʋ ŋmɩɛsɛ Wɩa sɩ hɛ nɩmɛ deeŋ deeŋ a bʋl, “Ʋ jaŋ ŋaa jɩsɩŋ batori arɩ kpaa magɛ dɔŋɔ. Dɩ ba nɛ to naasɩŋ a dɔgɩsɛ Wɩa nɩaa dɛrɛ, wɩaa deemba ma kala jaŋ ŋaa dɛrɛ.”

DANƖƐL 4:23

Kuoro, ŋ na Wɩa tɩndaara dɩ ʋ lɩɩ Wɩa-jaŋ kʋʋ tuu aŋ bʋbʋl, ‘Má keri tɩa-la a cheyu, ama má leŋ ʋ gentine arɩ naapoloo sɩ tuu tinteeŋ chɩŋ yaŋ tʋɔŋ dɩ ma kɛŋ chɔrʋmɔɔ ba sɩ kɛŋ hɔɔŋ ŋaa arɩ chɔrʋmɔ ba sɩ kɛŋ kɔlɩɩŋ ŋaa a vɔɔ. Má leŋ dɩ ʋ guoli baga kɩaa tʋɔŋ dɩ nyalɩŋ nyala hɛ ʋ lɛ. Má leŋ dɩ ʋ hɛ nɩmɛ a nagɛ baga kʋŋ halɩɩ jɩsɩŋ balɩpɛ.’

DANƖƐL 4:25

Ba jaŋ kiriŋ dɩ ŋ lɩɩ nɩaa tʋɔŋ a mʋ guoli baga kɩaa tʋɔŋ. Ŋ jaŋ dii yaŋ a nagɛ nɛŋ, dɩ nyalɩŋ nyala hɛ ŋ lɛ jɩsɩŋ balɩpɛ. Ŋɩɩ nɛ ŋ jaŋ jɩŋ arɩ Wɩa sɩ kɩɩ kʋŋkala nɛ kɛŋ doluŋ a bibeŋ nuhuobiinee kuoruŋ, ʋ jaŋ wuo joŋo pɩ nɩɩ-la kala ʋ sɩ cho.

DANƖƐL 7:25

Ʋ jaŋ bʋl wɩaa lɩɩ Wɩa sɩ kɩɩ kʋŋkala harɩŋ, aŋ nyagɛ Wɩa nɩaa bil, aŋ wʋwalɩmɛ dɩ ʋ kɛŋ wombii-la Wɩa sɩ bile dɩ ba tuto wɩaa bɩrɩmɛ. Ba jaŋ joŋ Wɩa nɩaa hɛ ʋ nɩsɩŋ lɛ jɩsɩŋ batori arɩ kpaa magɛ dɔŋɔ.

DANƖƐL 7:28

Wɩɩ-la dɩdɛrɩŋ nɛ ŋ-la. Mɩ-na Danɩɛl tʋɔbɩɩnaa walɩmɛmɛ nɛ woruŋ, mɩ sɩaa biri, ka mɩ joŋ wɩɩ-la hɛ mɩ tʋɔŋ lɛ.

Hiburu TƖŊŊAA 1:11

Wɩa-nyuŋ arɩ tinteeŋ kala jaŋ lɛl, ama ŋ-na jaŋ hɛ nɩmɛ. Ba kala jaŋ kɔsɛ, a nagɛ gɛnnɩŋ sɩɩ kɔsɛ ŋɩɩ.

Jɔɔŋ Wʋnaalaa 12:14

Ŋɩɩ nɛ Wɩa joŋ kachuu-balɩŋ kɩŋkɛnsɩŋ pɩ haal-la, dɩ ʋ wuo fil a kagɛ dɩŋ-la lɛ a mʋ tinteeŋ, lee-la Wɩa sɩ wasa bil ʋ lɛ. Nɩmɛ nɛ Wɩa benu jɩsɩŋ batori arɩ kpaa magɛ dɔŋɔ.