DANƖƐL 4:13 - WƖA TENIŊ

¹³ Mɩ sɩ pɩna a duduosi duoso deeŋ ŋɩɩ, mɩ bɩra beŋ a na Wɩa tɩndaara dɩ ʋ lɩɩ Wɩa-jaŋ a kʋʋ tuu.

DANƖƐL 4:13 ပူးပေါင်းရင်းမြစ်များ

MOSIS BƖRA WULLI WƖA WOMBIIŊ 33:2

Ʋ sɩ, “La TƖƖNA lɩɩ Sɩnaɩ peel-la lɛ nɛ a mʋ chugili ʋ nɩaa nyuŋ, a chaana hɛ ba lɛ a chɩŋ Ɛdɔm lɛ a kaa mʋ yi Paraŋ peel-la. Ʋ kɔ arɩ Wɩa tɩndaarɩ-daŋ nɛ a lɩɩ ʋ peel-la wɩɩpɔsʋŋ nadiiŋ dɩɩrɩŋ lere-la sɩ chullo a tutuu.

DANƖƐL 8:13

Ŋɩɩ nɛ mɩ nɩɩ dɩ Wɩa tɩndaaraa ka bʋl wɩaa, dɔŋɔ pɩɛsɛ ʋ dɔŋɔ, “Ɛɛ nɛ wɩaa deemba mɩ sɩ na a nagɛ duosoo tʋɔŋ jaŋ diene magɛ aŋ na ŋaa? Ɛɛ nɛ wʋbɔŋ-la sɩ leŋe ba bɩra bɩ pʋsʋŋ kpʋ ŋaa Wɩɩsʋlʋŋ tapʋlɩɩ kala jaŋ ŋaa a diene magɛ? Ɛɛ nɛ ba jaŋ ŋaa disiniŋ hɛ Wɩa dɩɩ-balɩŋ lɛ aŋ nʋɔsɛ Wɩa nɩaa a diene magɛ?”

DANƖƐL 7:1

Bɛlɩsaza sɩ dii Babɩlɔŋ kuoruŋ, ʋ jɩ-bumbuŋ lɛ nɛ tɩtaŋ kʋbala Danɩɛl pɩŋ a duoso na wɩaa, a ŋmʋnsɛ duoso-la bil.

Juud 1:14

Baal kʋbala ba sɩɩ yɩrɛ Ɛnɔk fa bʋl wɩaa Wɩa doluŋ lɛ faafaa kala nɛ a tɩgɛ nɩaa deemba lɛ. Ʋ fa ŋaa Adam nihi-lɩɛrɩ-pɛmɩŋ nɛ. Ʋ sɩ, “Má bee na, La Tɩɩna Wɩa ka kɔ nɛ arɩ ʋ tɩndaaraa bʋɩ fii fiiba sɩ bɩ disiniŋ kɛnɛ,

ZƐKARƖYA 14:5

Ma jaŋ fá to lɩɩ-libe-la, bɛɛ wɩaa ʋ jaŋ kɛŋ ŋɩɩ mʋ yi lee-la ba sɩɩ yɩrɛ Azɛl. Ma jaŋ fá a nagɛ ma sɩ fá lɩɩ tinteeŋ sɩ zigile lɛ ŋɩɩ Juda kuoro Uzia kuoruŋ bʋa lɛ. Mɩ TƖƖNA Wɩa jaŋ kɔ, ʋ dɩ ʋ tɩndaaraa kala.

DANƖƐL 4:23

Kuoro, ŋ na Wɩa tɩndaara dɩ ʋ lɩɩ Wɩa-jaŋ kʋʋ tuu aŋ bʋbʋl, ‘Má keri tɩa-la a cheyu, ama má leŋ ʋ gentine arɩ naapoloo sɩ tuu tinteeŋ chɩŋ yaŋ tʋɔŋ dɩ ma kɛŋ chɔrʋmɔɔ ba sɩ kɛŋ hɔɔŋ ŋaa arɩ chɔrʋmɔ ba sɩ kɛŋ kɔlɩɩŋ ŋaa a vɔɔ. Má leŋ dɩ ʋ guoli baga kɩaa tʋɔŋ dɩ nyalɩŋ nyala hɛ ʋ lɛ. Má leŋ dɩ ʋ hɛ nɩmɛ a nagɛ baga kʋŋ halɩɩ jɩsɩŋ balɩpɛ.’

DANƖƐL 4:5

Tɩtaŋ kʋbala mɩ duosi, duoso-la leŋ fawʋllʋŋ kɛmmɛ. Mɩ sɩ pɩŋ mɩ bɔsɔ lɛ, mɩ na wɩaa nɛ sɩ leŋe fawʋllʋŋ kɛmmɛ.

WƖA YƖƖLAA 89:7

Ŋ tɩndaaraa kala tʋɔŋ, ŋ-na Wɩa nɛ ba chaasaa fá woruŋ. Kɩalɩŋ kala sɩ golluŋ ka fáŋ nɛ, ŋ nɛ kɩɩ ba kala.

Jɔɔŋ Wʋnaalaa 14:10

Wɩa jaŋ na baanɩŋ kɩŋkɛŋ ʋ tɩɩna nyuŋ. Wɩa jaŋ faasa na baanɩŋ ʋ nyuŋ a dɔgɩsʋ woruŋ dɩ ʋ na hɛɛŋ a nagɛ nɩa sɩ nyʋa sɩ-duoŋ a bugi. Ba jaŋ joŋ jiribiiŋ nyiniŋ a dɔgɩsɛ tɩɩna. Ba jaŋ ŋaa ŋɩɩ Wɩa tɩndaara-la sɩ bɩ disiniŋ kɛnɛ arɩ Pie-bie-la sɩpaaŋ.

Luuk 4:34

a bʋl, “Yesu ŋ sɩ lɩɩ Nazarɛt, bɛɛ kʋŋ nɛ ŋ chɛ ŋ ŋaala lɛ? Ŋ kɔ dɩ ŋ kpʋla nɛɛ? Mɩ jɩmɩŋ nɛ. Ŋ ŋaa Wɩa tʋɔpʋl Tɩɩna nɛ.”

Maak 1:24

“Yesu sɩ lɩɩ Nazarɛt, bɛɛ nɛ ŋ chɩchɛ ŋ ŋaa la lɛ? Ŋ kɔ dɩ ŋ kpʋla nɛɛ? Mɩ jɩmɩŋ nɛ, ŋ nɛ ŋaa Wɩa tʋɔpʋl Tɩɩna.”

Matiu 25:31

Dɩ mɩ-na Nuhuobiine Bie nɛ dii mɩ kuoruŋ a kɔ, mɩ dɩ Wɩa tɩndaaraa kala jaŋ kɔ. Ŋɩɩ nɛ mɩ jaŋ hɔŋ mɩ kuoru kpasa nyuŋ a chaanɛ.

DANƖƐL 7:23

Wɩɩ-la ʋ sɩ bʋla pɩmɛ nɛ ŋ-la, “Baga kʋnɛsɛ-la ŋaa kuori-gentiŋ-nɛsɛ nɛ sɩ jaŋ dii kuoruŋ dʋnɩa lɛ. Ʋ dɩ kuori-gentisi-la dɔnsʋŋ wɩaa bɩ jaŋ nagɛ dɔŋɔ, ʋ jaŋ kpʋ dʋnɩa nɩaa a nʋɔsɛba bʋrɩgɛ.

DANƖƐL 7:17

Ʋ sɩ, “Baga kɩaa kʋbala-la banɛsɛ ŋaa kuoru-gentisiŋ banɛsɛ nɛ sɩ jaŋ hɛ dʋnɩa lɛ a kɛŋ doluŋ.

DANƖƐL 4:10

Wɩalɩŋ mɩ sɩ pɩna na arɩ duosoo tʋɔŋ nɛ ŋ-la: Mɩ na tɩa mɩ sɩpaaŋ dɩ ʋ chɩŋ tinteeŋ tʋtʋɔbaanɩŋ. Ʋ fa duomo nɛ woruŋ.

WƖA YƖƖLAA 103:20

Má dɛnnɛ La Tɩɩna, ma-na ʋ tɩndaaraa sɩ kɛŋ doluŋ a tuto ʋ niiŋ a sɛɩ ʋ wɩaa.

DANƖƐL 4:17

Wɩɩ-la Wɩa tɩndaaraa sɩ heele bʋl nɛ ŋɩɩ, dɩ nɩalɩŋ sɩ kɛŋ mɩɩsɩŋ jɩŋ arɩ Wɩa sɩ kɩɩ kʋŋkala nɛ kɛŋ doluŋ a bibeŋ nuhuobiinee kuoruŋ, a jaŋ wuo jomba pɩ nɩɩ-la kala ʋ sɩ cho dɩ ʋ bibeŋ. Ʋ jaŋ wuo paala jomba pɩ nɩbiisiŋ dɩ ba bibeŋ.’

JOB 12:24

Ʋ nɛ yie leŋ ba sɩpaalaaraa yaarɛ a leŋ ba yeŋŋi a lɛl,