DANƖƐL 3:16 - WƖA TENIŊ

¹⁶ Sadɩrak, Mɛsak arɩ Abedinego bʋla pɩ kuoro Nebukadineza, “Kuoro, la bɩ chɛ dɩ la bʋl wɩaa ŋ sɩpaaŋ a laa la tɩtɩa wɩɩŋ deeŋ lɛ.

DANƖƐL 3:16 ပူးပေါင်းရင်းမြစ်များ

TƖƖCHA 4:12

Nʋʋ jaŋ wuo ŋmoo nɩbala, ama dɩ ba nɛ ŋaa balɩa, ʋ bɩ jaŋ wuoba. Ŋmɛŋ-biee batori bɩ ŋɩɩ lɩmaa kɛrɛ.

DANƖƐL 1:7

Tɩntɩnnɩ-hɩaŋ-la fa hɛ yɩrɩ-falaa nɛ a pɩba. Ʋ hɛ Danɩɛl yɩrɩŋ Bɛlɩtɛsaza, Hananaaya ma yɩrɩŋ Sadɩrak, a hɛ Mɩsal yɩrɩŋ Mɛsak, ka Azarɩa ma yɩrɩŋ ŋaa Abedinego.

DANƖƐL 3:12

Ama Juu tɩmma-la dɔnsʋŋ ŋ sɩ lɩɩsa ba ŋaa nɩhɩasɩŋ a bibeŋ Babɩlɔŋ tinteeŋ sɛsɩŋ dɔnsʋŋ, Sadɩrak, Mɛsak arɩ Abedinego bɩ ŋ-na kuoro niiŋ ka to. Ba bɩ ŋ vesiŋ ka kpaarɛ a bɩra bɩ kʋ-la ma ŋ sɩ leŋe ba kɛŋ sɛlɩmɛ ŋaa bil ka chʋɔlɛ.”

DANƖƐL 3:28

Ŋɩɩ nɛ Nebukadineza bʋl, “Má dɛnnɛ Sadɩrak, Mɛsak arɩ Abedinego Wɩa, ʋ nɛ tɩŋ ʋ tɩndaara ʋ kʋ laa ʋ tɩntɩnnaa ta. Ba laaʋ dii nɛ a vɩa mɩ-na kuoro niiŋ aŋ sɛɩ a joŋ ba mɩɩsɩŋ ta a kɩɩ ba sɩ jaŋ to vene dɔŋ koo a kpaarɛ vene dɔŋ, dɩ ba Wɩa dee.