DANƖƐL 3:13 - WƖA TENIŊ

¹³ Kuoro Nebukadineza faasa na baanɩŋ a leŋ ba yɩrɛ Sadɩrak, Mɛsak arɩ Abedinego ba kɔ ʋ sɩpaaŋ.

DANƖƐL 3:13 ပူးပေါင်းရင်းမြစ်များ

DANƖƐL 3:19

Ŋɩɩ nɛ Nebukadineza faasa na baanɩŋ Sadɩrak, Mɛsak arɩ Abedinego nyuŋ, a kɛŋ ʋ sɩaa chei. Ʋ leŋ ba wasa gɩrɛ nyiniŋ, ʋ faasa lɩŋ woruŋ, ʋ lɩmɩŋ kɩɩ bumbuŋ-la naansɩɩŋ bʋlɩpɛ.

DANƖƐL 2:12

Wɩɩŋ deeŋ leŋ kuoro baanɩŋ sii kɩŋkɛŋ. Ʋ pa wombiiŋ dɩ ba kpʋ wʋjɩnna-la kala sɩ hɛ Babɩlɔŋ lɛ.

Tɩntɩŋŋaa 24:24

Tapʋlaa baŋmɛnɛ harɩŋ Fɛlɩs kɛŋ ʋ haala ba kɔ. Ʋ yɩrɩŋ nɛ Dirusila. Ʋ fa ŋaa Juu tɩɩna nɛ. Ŋɩɩ nɛ Fɛlɩs tɩma yɩrɛ Pɔɔl dɩ ʋ kɔ. Ʋ sɩ kɔ, ʋ bʋl Yesu Kirisito laa diiniŋ wɩaa pʋ ʋ jijegili.

Luuk 21:12

Ka dɩ wɩaa deemba kala-na ŋaa, ba jaŋ kɛsɛma a to naasɩŋ dɔgɩsɛma. Ba jaŋ jomma hɛ nɩaa nɩsɩŋ lɛ dɩ ba dii ma sarɩya Wɩɩchʋɔlɛ dɩɩsɩŋ lɛ a kɛmma tɔ dɩa. Ba jaŋ kɛmma kaa mʋ kuoroo arɩ nɩbalaa sɩpaaŋ a tɩŋ mɩ wɩaa.

Luuk 6:11

Yesu fa sɩ ŋaa ŋɩɩ, baanɩŋ faasa kɛŋ Farisii tɩŋŋaa arɩ Wɩa teniŋ kerichiba-la. Ba vʋvʋʋrɛ ŋɩɩ ba sɩ jaŋ ŋaa ʋ lɛ.

Maak 13:9

Ama má kɛŋ ma tɩtɩa woruŋ. Ba jaŋ kɛmma kaa mʋ nɩalɩŋ sɩ yie hilime vʋvʋʋrɛ wɩaa teeŋ dɩ ba dii ma sarɩya. Ba jaŋ ŋmooma Wɩɩchʋɔlɛ dɩɩsɩŋ lɛ. Ma jaŋ chɩŋ kuoroo arɩ taŋ kʋhɩasɩŋ sɩpaaŋ a tɩŋ mɩ wɩaa a ŋaa mɩ pɛ-naaraa.

Matiu 10:18

A tɩŋ mɩ wɩaa, ba jaŋ kɛmma kaa mʋ kuoroo arɩ taŋ nɩhɩasɩŋ sɩpaaŋ dɩ ma ŋaa mɩ pɛ-naaraa. Ba jaŋ kɛmma kaa mʋ nɩalɩŋ sɩ bɩ Juu tɩŋŋaa ŋaa ma sɩpaaŋ.

NAMAGABA 29:22

Baaŋ-tɩɩna ka hɛ yuosuŋ nɛ, nɩɩ-la baanɩŋ sɩɩ sii lɩma lɩma yie ŋaa wʋbɔŋŋɔɔ yʋgɛ nɛ.

NAMAGABA 27:3

Tabɩɩŋ yuŋŋie nɛ, ka hagɩla ŋaa chʋga, ama nɩyaarɩŋ wʋŋaalaa sɩ yie hɛ wɩalɩŋ nɛ yuŋŋie kɩɩ ba kala.

NAMAGABA 17:12

Nʋʋ sɩ cheŋ lʋgʋmʋŋ sɩ chɛ ʋ bie lɔl ka ʋ yaraa hosi, nɛ kpɩa ŋ sɩ cheŋ nɩyaarɩŋ dɩ ʋʋ ŋaa nɩyaarɛ wɩaa.

WƖAA DƖ-SUOMUŊ 4:5

ama ʋ tʋɔŋ bɩ Keeŋ arɩ ʋ kɩaa nyuŋ tɔrɔ. Ŋɩɩ nɛ Keeŋ faasa na baanɩŋ a kɛŋ sɩaa chei.

DANƖƐL 1:7

Tɩntɩnnɩ-hɩaŋ-la fa hɛ yɩrɩ-falaa nɛ a pɩba. Ʋ hɛ Danɩɛl yɩrɩŋ Bɛlɩtɛsaza, Hananaaya ma yɩrɩŋ Sadɩrak, a hɛ Mɩsal yɩrɩŋ Mɛsak, ka Azarɩa ma yɩrɩŋ ŋaa Abedinego.