DANƖƐL 3:12 - WƖA TENIŊ

¹² Ama Juu tɩmma-la dɔnsʋŋ ŋ sɩ lɩɩsa ba ŋaa nɩhɩasɩŋ a bibeŋ Babɩlɔŋ tinteeŋ sɛsɩŋ dɔnsʋŋ, Sadɩrak, Mɛsak arɩ Abedinego bɩ ŋ-na kuoro niiŋ ka to. Ba bɩ ŋ vesiŋ ka kpaarɛ a bɩra bɩ kʋ-la ma ŋ sɩ leŋe ba kɛŋ sɛlɩmɛ ŋaa bil ka chʋɔlɛ.”

DANƖƐL 3:12 ပူးပေါင်းရင်းမြစ်များ

ƐSƖTA 3:8

Ŋɩɩ nɛ Hamaŋ sii mʋ kuoro Zɛzɛs teeŋ a bʋla pʋ, “Nɩa kʋbala ba nɛ gɔllɔ hɔŋ ŋ tinteeŋ kala lɛ, ŋ nɩaa tʋɔŋ. Ba naabarɩŋ arɩ ŋ nɩaa naabarɩŋ bɩ dɔŋɔ naga. Ba-na bɩ ŋ niiŋ wɩaa kaa tɩtɩŋ. Kuoro, ŋ bɩ maga dɩ ŋ leŋ dɩ ba hɔŋ ŋ nɩaa tʋɔŋ.

NAMAGABA 27:4

Baanɩŋ ŋaa kʋbɔŋ nɛ a chichei wɩaa, ama yarɩ-bieri ma nɛ bɩra bɔmɔ kɩɩʋ.

TƖƖCHA 4:4

Mɩ bɩra na dɩ tɩntɩmɩɩ-la kala nɩaa sɩɩ tɩŋ arɩ kɩalɩŋ kala ba sɩ yie na lɩɩ ba yaraa sɩɩ bieri ba dɔŋɔ nyuŋ nɛ. Wɩɩŋ deeŋ ma bɩ bʋbʋɔ kɛnɛ, ʋ nagɛ nʋʋ sɩɩ kiri peliŋ nɛ.

DANƖƐL 1:7

Tɩntɩnnɩ-hɩaŋ-la fa hɛ yɩrɩ-falaa nɛ a pɩba. Ʋ hɛ Danɩɛl yɩrɩŋ Bɛlɩtɛsaza, Hananaaya ma yɩrɩŋ Sadɩrak, a hɛ Mɩsal yɩrɩŋ Mɛsak, ka Azarɩa ma yɩrɩŋ ŋaa Abedinego.

DANƖƐL 2:48

Ŋɩɩ nɛ kuoro leŋ Danɩɛl dɩchɩnɩŋ yuŋ woruŋ a joŋ kɩaa ma yʋgɛ a dii zile ʋ lɛ. Ʋ leŋ ʋ bibeŋ Babɩlɔŋ tinteeŋ kala aŋ ŋaa ʋ wʋjɩnnaa ma kala nɩhɩaŋ.

DANƖƐL 2:49

Danɩɛl sʋl kuoro ʋ leŋ Sadɩrak, Mɛsak arɩ Abedinego ma ŋaa nɩhɩasɩŋ Babɩlɔŋ tinteeŋ sɛsɩŋ dɔnsʋŋ, ka Danɩɛl tɩtɩa ha hɛ kuoro dɩa lɛ a tɩtɩŋ.

DANƖƐL 3:11

nɩɩ-la kala sɩ́ bɩ tuu kpirime chʋɔlɛ kʋ-la, ba jaŋ joŋ tɩɩna yuo hɛ nyiŋ-balɩŋ tʋɔŋ.

DANƖƐL 3:16

Sadɩrak, Mɛsak arɩ Abedinego bʋla pɩ kuoro Nebukadineza, “Kuoro, la bɩ chɛ dɩ la bʋl wɩaa ŋ sɩpaaŋ a laa la tɩtɩa wɩɩŋ deeŋ lɛ.

DANƖƐL 3:29

Ŋɩɩ wɩaa mɩ hɛ niiŋ nɛ, nʋʋkala sɩ hɛ tintee kala lɛ koo yikoro kala nɩaa sɩ jaŋ bʋl wɩɩkala a tɩgɛ Sadɩrak, Mɛsak arɩ Abedinego lɛ, ba kɛmba kaa keri muno muno aŋ ŋmoo ba dɩɩsɩŋ lo dɩ ba pɩŋ jikpeeŋ, bɛɛ wɩaa vene dɔŋ kala tuo sɩ jaŋ wuo laa ʋ nɩaa ta ŋ-la.”

DANƖƐL 3:30

Ŋɩɩ nɛ kuoro leŋ Sadɩrak, Mɛsak arɩ Abedinego ŋaa nɩbala Babɩlɔŋ tinteeŋ lɛ.

DANƖƐL 6:13

Ŋɩɩ nɛ ba bʋla pɩ kuoro, “Danɩɛl, Juda nɩalɩŋ ba sɩ yuo kɛsɛ dɔŋɔ vɩa ŋ-na kuoro niiŋ nɛ, a bɩ boŋ-la ŋ sɩ tɔ a leŋ ba ŋmʋnsa bil kaa tɩtɩŋ. Ʋ ha yie chʋɔlɛ Wɩa naansɩɩŋ butori nɛ tapʋlɩɩ kala.”

DANƖƐL 6:14

Kuoro sɩ nɩɩ wɩɩŋ deeŋ, ʋ tʋɔŋ faasa chei, ʋ kɛŋ ʋ tʋɔŋ dɩ ʋ laa Danɩɛl ta. Ʋ chɛ wombiiŋ ʋ sɩ jaŋ to laa Danɩɛl ta halɩɩ, wɩa tuu jʋʋ.

Tɩntɩŋŋaa 17:7

Ka Jaasɩŋ laaba bil ʋ dɩa lɛ. Ba kala chei wɩɩ-la la kuoru-balɩŋ sɩ bile nɛ aŋ bʋl dɩ kuoru dɔŋ nɛ hɛ nɩmɛ, baa yɩrɛ Yesu.”

Tɩntɩŋŋaa 5:28

“La bʋla pɩma arɩ sɩɩfɩɛsɩŋ: Má bɩra sɩ́ wɩɩkala dagʋ Yesu yɩrɩŋ lɛ. Ama ma bee na, ma kɛŋ wɩɩ-la kaa gaara cheŋ Jerusalɛm kala aa chɛ ma joŋ cheeriŋ pɩla a tɩŋ baala deeŋ sʋʋŋ wɩaa.”