DANƖƐL 3:1 - WƖA TENIŊ

¹ Kuoro Nebukadineza fa ŋaa ba kɛŋ sɛlɩmɛ a mɛ kʋŋ nɛ bil, ʋ leŋiŋ ŋaa naakieliŋ mara arɩ balɩpɛ, ʋ jalɩŋ ma ŋaa naakieliŋ butori. Ʋ joŋo bil tintee-taala kʋbala lɛ baa yɩrɛ Dura a hɛ Babɩlɔŋ tinteeŋ lɛ.

DANƖƐL 3:1 ပူးပေါင်းရင်းမြစ်များ

1 KUOROO 12:28

Ŋɩɩ nɛ Jerobuam pɩɛsɛ nɩaa ba dagʋ wɩaa. Ʋ kɛŋ sɛlɩmɛ libi kɩaa balɩa sɩ nagɛ nɛ-bel-biisiŋ, aŋ bʋla pɩ ʋ nɩaa, “Ma jaŋ walɩmɛ ma tɩtɩa, ma sɩ jaŋ mʋ Jerusalɛm a dɩdɛnnɛ La TƖƖNA. Iziral tɩmma, má na vesi-la sɩ laama ta Ijipiti tinteeŋ lɛ a kɛmma kaa kʋ lɩɩ nɛ ŋ-la.”

ƐSƖTA 1:1

Wɩɩŋ deeŋ nɛ ŋaa bʋa-la lɛ Zɛzɛs sɩɩ beŋ tasɩŋ zɔlɔ arɩ mara arɩ balɩpɛ a chɩŋ Indɩa lɛ a kaa mʋ Kus.

WƖA YƖƖLAA 135:15

Tinteyee dɔnsʋŋ nɩaa kɛŋ hɔpʋla arɩ sɛlɩmɛ nɛ a libi tɔŋŋɔɔ. Ba tɩtɩa nɩsaa nɛ ŋaa kɩaa deemba.

MOSIS KƐŊ IZIRAL TƖŊŊAA LƖƖ 20:23

Má pʋpɔ ma sɩ́ vene kala ŋaa a pɛ mɩ lɛ. Má pʋpɔ ma sɩ́ sɛlɩmɛ koo hɔpʋla kaa libi vene kala aa zilu.

MOSIS KƐŊ IZIRAL TƖŊŊAA LƖƖ 32:31

Ŋɩɩ nɛ Mosis mɩɩra mʋ La TƖƖNA teeŋ a bʋl, “Ou, nɩaa deemba ŋaa wʋbɔŋ-bal nɛ, ba kɛŋ sɛlɩmɛ nɛ libi vene pɩ ba tɩtɩa.

AZAAYA 2:20

Tapʋlɩɩ-la, nuhuobiinee jaŋ joŋ tɔmɔ-la kala ba sɩ kɛŋ hɔpʋla arɩ sɛlɩmɛ libi a kpʋkpaarɛ, a yuo pɩ taatɩaa arɩ jɩnnɩŋ.

AZAAYA 30:22

Ŋɩɩ nɛ ma jaŋ paa tɔmɔ-la ma sɩ kɛŋ hɔpʋla arɩ sɛlɩmɛ taara tɔ a yuo ta, a nagɛ haala sɩ lɩɩsɛ amuosii yuo ta aŋ bʋl, “Má mʋ aŋ ka mɩ.”

AZAAYA 46:6

Nɩaa dɔnsʋŋ yie chaarɛ sɛlɩmɛ ba lʋagaba lɛ, a joŋ hɔpʋla a magɩsɛ sanɩa lɛ, a joŋo pɩ libire ʋ libi vene pɩba, ka ba timu aŋ kpʋkpaarɛ.

JƐRƖMAAYA 10:9

Ba yie kɛŋ hɔpʋla ba sɩ kaa lɩɩ Taasɩs nɛ a libiba, a kɛŋ sɛlɩmɛ ma ba sɩ kaa lɩɩ lee-la ba sɩɩ yɩrɛ Ufas a libi. Kɩaa deemba saara arɩ libire sɩ ŋaa nɛ ba yie joŋ gɛrɩŋ sɩ nagɛ diibelimbine arɩ gɛrɩ-vachalɩŋ a laalɛ. Gɛrɩpɛ-yuori gɔgɔɔ nɛ yuo gɛnnɩŋ deemba kala.

JƐRƖMAAYA 16:20

Nuhuobiinee jaŋ wuo ŋaa ba tɩtɩa vesiŋ? Oo, ama ba bɩ Wɩa ŋaa.

DANƖƐL 2:48

Ŋɩɩ nɛ kuoro leŋ Danɩɛl dɩchɩnɩŋ yuŋ woruŋ a joŋ kɩaa ma yʋgɛ a dii zile ʋ lɛ. Ʋ leŋ ʋ bibeŋ Babɩlɔŋ tinteeŋ kala aŋ ŋaa ʋ wʋjɩnnaa ma kala nɩhɩaŋ.

DANƖƐL 2:49

Danɩɛl sʋl kuoro ʋ leŋ Sadɩrak, Mɛsak arɩ Abedinego ma ŋaa nɩhɩasɩŋ Babɩlɔŋ tinteeŋ sɛsɩŋ dɔnsʋŋ, ka Danɩɛl tɩtɩa ha hɛ kuoro dɩa lɛ a tɩtɩŋ.

DANƖƐL 3:14

Nebukadineza pɩɛsɛba, “Wʋtɩtɩɩ nɛɛ, Sadɩrak, Mɛsak arɩ Abedinego, ma bɩ mɩ vesiŋ ka kpaarɛ koo aa chʋɔlɛ kʋ-la mɩ sɩ leŋe ba kɛŋ sɛlɩmɛ ŋaa bil?

DANƖƐL 3:30

Ŋɩɩ nɛ kuoro leŋ Sadɩrak, Mɛsak arɩ Abedinego ŋaa nɩbala Babɩlɔŋ tinteeŋ lɛ.

DANƖƐL 5:23

Ŋ mɩɩra kɛŋ ŋ tɩtɩa yʋgɛ arɩ ŋ nɛ kɩɩ La TƖƖNA sɩ hɛ Wɩa jaŋ lɛ. Ŋ ŋaa ba paa ʋ dɩɩ-balɩŋ nyʋnyʋalʋ-la kaa kʋ pɩŋ nɛ, ŋ dɩ ŋ nɩhɩasɩŋ, ŋ haalaa arɩ haala-la ŋ sɩ bile aŋ bɩ jaa kaa nyʋa sɩnɩŋ. Ŋ dɛnnɛ vesi-la ba sɩ kɛŋ sɛlɩmɛ arɩ hɔpʋla, kɔlɩɩŋ, hɔɔŋ, daaŋ arɩ tabɩaa a ŋaa nɛ, kɩalɩŋ sɩ bɩ na, a bɩ wɩaa ka nɩɩ, a bɩ wɩaa ma jɩŋ, aŋ vɩa dɩ ŋ zil Wɩa, nɩɩ-la nɩsɩŋ lɛ ŋ mɩɩsɩŋ arɩ ŋ wɩɩ wɩɩkala sɩ hɛ.

DANƖƐL 5:4

Ba faa nyʋa sɩŋ-la nɛ, aŋ dɩdɛnnɛ vesi-la ba sɩ kɛŋ sɛlɩmɛ arɩ hɔpʋla, kɔlɩɩŋ, hɔɔŋ, daaŋ arɩ tabɩaa a kaa ŋaa.

HOSIA 2:8

Ʋ bɩ sɛyɛ arɩ mɩ nɛ nɩɩ-la sɩ pʋ mɩaa, girep nɛnɛɛ sɩ-falɩŋ arɩ nʋʋŋ, a pʋ hɔpʋla arɩ sɛlɩmɛ, kɩalɩŋ ʋ sɩ joŋo pɩ vene-la ba sɩɩ yɩrɛ Baal.

HOSIA 8:4

Ba bil kuoroo nɛ, ka mɩ jɩma tuo, a lɩɩsɛ sɩpaalaaraa ma, ka mɩ dee bɩ ŋɩɩ daga. Ba kɛŋ hɔpʋla arɩ sɛlɩmɛ nɛ libi tɔŋŋɔɔ a pɩ ba tɩtɩa, sɩ jaŋ cheiba.

HABAKU 2:19

Wɩɩŋ puu nɩɩ-la sɩ bʋla pɩ daaŋ, “Sii a bɩrɩmɛ kʋwei,” koo a bʋla pɩ tabɩɩŋ sɩ bɩ mɩɩsɩŋ kɛnɛ, “Sii.” Tɔmʋŋ jaŋ wuo dagɛ nɩaa wɩalɩŋ sɩ maga baa ŋaa? Sɛlɩmɛ arɩ hɔpʋla nɛ ba kaa tɔʋ, ʋ bɩ wiese kɛnɛ.

Tɩntɩŋŋaa 17:29

La saa sɩ ŋaa ʋ biiriŋ, ʋ bɩ maga dɩ la bɩɩnɛ arɩ Wɩa nagɛ kɩalɩŋ nuhuobiine sɩ kɛŋ sɛlɩmɛ kaa mɛ nɛ, koo kʋ-la ba sɩ kɛŋ hɔɔŋ koo tabɩɩŋ kaa ŋaa nɛ. Ʋ bɩ naga kɩaa deemba nuhuobiine sɩ kɛŋ ʋ jɩma kaa ŋaa nɛ.

Tɩntɩŋŋaa 19:26

Ma tɩtɩa nɩa nɛ a nɩna wɩalɩŋ ma Pɔɔl sɩɩ bʋl. Ʋ sɩ: Vʋɩya-la nuhuobiinee sɩɩ libu, ba bɩ wɩa ŋaa. Ʋ saa wuo kɛŋ nɩ-daŋ nyusuŋ bɩrɩmɛ ba sɛɩ wɩɩ-la. Ʋ ŋaa ŋɩɩ Ɛfɛsɩs deeŋ arɩ Esia tinteeŋ jesiŋ kala lɛ nɛ.

MOSIS BƖRA WULLI WƖA WOMBIIŊ 7:25

Má nyɩgɛ ba vesi-la kala. Má sɩ́ vesi-la sɛlɩmɛ arɩ hɔpʋla paa a kɛŋ. Dɩ ma nɛ ŋaa ŋɩɩ, ʋ jaŋ lɔrɛ a pɩma, bɛɛ wɩaa ma TƖƖNA Wɩa ka kɩsɛ ŋɩɩ nɛ.

Jɔɔŋ Wʋnaalaa 9:20

Dʋnɩa nɩkaana-la nyanyal bɔŋŋɔɔ deemba sɩ bɩ kpʋa, ba ma ha bɩ bɩrɩma lɩɩ ba wʋbɔŋŋɔɔ ŋaanɩŋ lɛ. Ba haa to Sɩtaanɩ nɛ a kpʋkpaarɛ vʋɩyaa. Sɛlɩmɛ arɩ hɔɔŋ arɩ kɔlɩɩŋ nɛ ba kaa mɛ vʋɩya-la dɔnsʋŋ, dɔnsʋŋ ma ŋaa tabɩaa, dɔnsʋŋ ma ŋaa tɩɩsɩŋ. Vʋɩya-la bɩ na, ba bɩ wɩaa maa nɩɩ, ba bɩra bɩ wuo vɩvɛŋ ma.