DANƖƐL 2:47 - WƖA TENIŊ

⁴⁷ Kuoro bʋla pɩ Danɩɛl, “Wʋtɩtɩɩ, ŋ Wɩa nɛ Wɩa sɩ kɩɩ vesiŋ kala, a ŋaa kuoroo kala kuoro a kɛŋ wʋkpuŋkperisiŋ dɩdagɛ nɩaa, ŋɩɩ nɛ tɩɩ ŋ wuo dagɛ wʋkpuŋkpere deeŋ bʋbʋɔŋ ŋɩɩ.”

DANƖƐL 2:47 ပူးပေါင်းရင်းမြစ်များ

WƖAA DƖ-SUOMUŊ 41:39

Ŋɩɩ nɛ Ijipiti tinteeŋ kuoro bʋla pɩ Josɛf, “Wɩa sɩ leŋe ŋ wuo jɩŋ wɩaa deemba kala, nʋʋkala bɩra tuo sɩ jaŋ wuo jɩŋ wɩaa bʋbʋɔŋ a kɛŋ wʋjɩmɩŋ a magɩŋ.

2 KUOROO 5:15

Ŋɩɩ nɛ Naamaŋ arɩ ʋ tɩntɩnnaa kala mɩɩra mʋ Wɩa wʋlaabʋllʋ-la teeŋ. Naamaŋ mʋ chɩŋ ʋ sɩpaaŋ aŋ bʋl, “Lɛɛlɛ mɩ jɩma arɩ Wɩa tuo dʋnɩa sɛmɛ na-kala see Iziral lɛ. Mɩɩ sʋlʋŋ, laa zile kɩaa deemba ŋ tɩntɩnna teeŋ.”

JOB 12:19

Ʋ nɛ yie kɛŋ Wɩɩsʋllɩ sɩpaalaaraa arɩ nɩalɩŋ sɩ kɛŋ doluŋ a kaa muuri.

WƖA YƖƖLAA 136:2

Má lɔllɛ Wɩa sɩ kɛŋ doluŋ a kɩɩ vesiŋ kala. Ʋ chonuŋ bɩ dɛrɛ.

WƖA YƖƖLAA 136:3

Má lɔllɛ La Tɩɩna sɩ kɛŋ doluŋ kʋŋkala lɛ. Ʋ chonuŋ bɩ dɛrɛ.

WƖA YƖƖLAA 72:11

Leŋ dɩ kuoroo kala kpikpirimi ʋ sɩpaaŋ, dɩ tinteyee kala nɩaa tɩma pʋpʋ.

WƖA YƖƖLAA 82:1

Wɩa hɔŋ ʋ kuoru kpasa nyuŋ nɛ ʋ jaŋ lɛ, aŋ yɩrɛ ʋ tɩntɩnnaa hilimi a dii ba sarɩya a bʋla pɩba,

WƖA YƖƖLAA 96:4

La TƖƖNA nɛ yʋga kɩɩ kʋŋkala a magɛ dɩ la faasa dɛnnʋ, ʋ nɛ maga dɩ la fá a kɩɩ vene kala.

ƐZƖKƖƐL 26:7

Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ jaŋ kɛŋ Babɩlɔŋ kuoro Nebukadineza sɩ kɛŋ doluŋ kɩɩ dʋnɩa kuoroo kala kɔ dɩ ʋ yuo Taaya. Ʋ jaŋ lɩɩ wɩɩpɔsʋŋ nagʋa dɩɩrɩŋ a kɛŋ laalɩyuori daŋ, a pɛ janɩŋ, janɩŋ torukoba arɩ ja-jɩllaa sɩ yʋga lɛ.

DANƖƐL 11:36

Siiria kuoru-la jaŋ ŋaa wɩɩ-la kala ʋ sɩ cho, a kɛŋ ʋ tɩtɩa yʋga kɩɩ vene kala a bʋl wɩalɩŋ sɩ bɩ maga a tʋʋsɛ Wɩa sɩ kɩɩ kʋŋkala joŋŋoo. Wɩaa jaŋ vɛŋ woruŋ pʋ a kaa mʋ yi bʋa-la lɛ Wɩa sɩ dɔgʋsʋ arɩ baanɩŋ, bɛɛ wɩaa Wɩa jaŋ ŋaa wɩɩ-la ʋ sɩ bɩɩna dɩ ʋ ŋaa.

DANƖƐL 2:19

Tɩtaŋɩŋ, Wɩa joŋ wʋkpuŋkpere-la sɩ faa bʋbʋɔŋ a dagɛ Danɩɛl duosoo tʋɔŋ. Ŋɩɩ nɛ Danɩɛl dɛnnɛ Wɩa sɩ hɛ ʋ jaŋ lɛ

DANƖƐL 2:22

Ʋ nɛ yie joŋ wɩalɩŋ sɩ kpere arɩ wɩalɩŋ sɩ faa a dagɛ nɩaa. Ʋ nɛ jɩŋ wɩalɩŋ sɩ hɛ birimiŋ tʋɔŋ, ʋ lɛ nɛ pʋlʋmʋŋ hɛ.

DANƖƐL 2:28

ama Wɩa sɩ hɛ ʋ jaŋ lɛ nɩɩ dagɛ wʋkpuŋkperisiŋ bʋbʋɔŋ. Ʋ nɛ joŋ wɩalɩŋ maachie sɩ jaŋ ŋaa a dagɛ ŋ-na kuoro Nebukadineza. Ŋ duoso-la arɩ wɩalɩŋ kala ŋ sɩ pɩna na ŋ bɔsɔ lɛ nɛ ŋ-la:

DANƖƐL 2:29

Kuoro, ŋ sɩ pɩŋ bɔsɔ lɛ, ŋ tʋɔbɩɩnaa mʋ wɩalɩŋ sɩ jaŋ ŋaa maachie lɛ nɛ. Wɩa sɩ joŋ wʋkpuŋkperisiŋ dɩdagɛ nɩaa, dagɩŋ wɩalɩŋ maachie sɩ jaŋ ŋaa nɛ.

DANƖƐL 2:30

Lɛɛlɛ, wʋkpuŋkpere deeŋ Wɩa sɩ joŋo dagɛ mɩ-na, ʋ bɩ naga mɩ sɩ kɛŋ wʋjɩmɩŋ yʋgɛ a kɩɩ nɩalɩŋ dɔnsʋŋ wɩaa nɛ tɩɩ, ama dɩ ŋ-na kuoro wuo jɩŋ ŋ duosoo arɩ wɩalɩŋ ŋ sɩ pɩna na bʋbʋɔŋ.

DANƖƐL 2:37

Kuoro, ŋ nɛ ŋaa kuoroo kala kuoro. Wɩa sɩ hɛ ʋ jaŋ lɛ a bibeŋ kʋŋkala joŋ kuoruŋ, doluŋ arɩ yɩrɩŋ pɩŋ nɛ.

DANƖƐL 3:15

Lɛɛlɛ dɩ ma nɛ nɩa dɩ ba ŋmʋʋ nyile, ŋmʋlʋŋ, a du cheŋ, kɔnɛ arɩ gɔgʋ kɩaa, dɩ ma nɛ jaŋ tuu kpirimi a chʋɔlɛ kʋ-la mɩ sɩ leŋe ba kɛŋ sɛlɩmɛ ŋaa bil, ʋ chaasa ŋaa wʋzɔŋ nɛ. Ama dɩ ma nɛ vɩa dɩ ma chʋɔlʋ, ba jaŋ guu jomma yuo hɛ nyiŋ-balɩŋ tʋɔŋ. Ka dɩ mɩ na vene-la sɩ jaŋ wuo laama ta mɩ nɩsɩŋ lɛ.”

DANƖƐL 3:28

Ŋɩɩ nɛ Nebukadineza bʋl, “Má dɛnnɛ Sadɩrak, Mɛsak arɩ Abedinego Wɩa, ʋ nɛ tɩŋ ʋ tɩndaara ʋ kʋ laa ʋ tɩntɩnnaa ta. Ba laaʋ dii nɛ a vɩa mɩ-na kuoro niiŋ aŋ sɛɩ a joŋ ba mɩɩsɩŋ ta a kɩɩ ba sɩ jaŋ to vene dɔŋ koo a kpaarɛ vene dɔŋ, dɩ ba Wɩa dee.

DANƖƐL 3:29

Ŋɩɩ wɩaa mɩ hɛ niiŋ nɛ, nʋʋkala sɩ hɛ tintee kala lɛ koo yikoro kala nɩaa sɩ jaŋ bʋl wɩɩkala a tɩgɛ Sadɩrak, Mɛsak arɩ Abedinego lɛ, ba kɛmba kaa keri muno muno aŋ ŋmoo ba dɩɩsɩŋ lo dɩ ba pɩŋ jikpeeŋ, bɛɛ wɩaa vene dɔŋ kala tuo sɩ jaŋ wuo laa ʋ nɩaa ta ŋ-la.”

DANƖƐL 4:17

Wɩɩ-la Wɩa tɩndaaraa sɩ heele bʋl nɛ ŋɩɩ, dɩ nɩalɩŋ sɩ kɛŋ mɩɩsɩŋ jɩŋ arɩ Wɩa sɩ kɩɩ kʋŋkala nɛ kɛŋ doluŋ a bibeŋ nuhuobiinee kuoruŋ, a jaŋ wuo jomba pɩ nɩɩ-la kala ʋ sɩ cho dɩ ʋ bibeŋ. Ʋ jaŋ wuo paala jomba pɩ nɩbiisiŋ dɩ ba bibeŋ.’

DANƖƐL 4:25

Ba jaŋ kiriŋ dɩ ŋ lɩɩ nɩaa tʋɔŋ a mʋ guoli baga kɩaa tʋɔŋ. Ŋ jaŋ dii yaŋ a nagɛ nɛŋ, dɩ nyalɩŋ nyala hɛ ŋ lɛ jɩsɩŋ balɩpɛ. Ŋɩɩ nɛ ŋ jaŋ jɩŋ arɩ Wɩa sɩ kɩɩ kʋŋkala nɛ kɛŋ doluŋ a bibeŋ nuhuobiinee kuoruŋ, ʋ jaŋ wuo joŋo pɩ nɩɩ-la kala ʋ sɩ cho.

DANƖƐL 4:32

Mɩ jaŋ kiriŋ dɩ ŋ lɩɩ nɩaa tʋɔŋ a mʋ guoli baga kɩaa tʋɔŋ. Ŋ jaŋ dii yaŋ a nagɛ nɛŋ jɩsɩŋ balɩpɛ. Ŋɩɩ nɛ ŋ jaŋ jɩŋ arɩ Wɩa sɩ kɩɩ kʋŋkala nɛ kɛŋ doluŋ a bibeŋ nuhuobiinee kuoruŋ. Ʋ jaŋ wuo joŋo pɩ nɩɩ-la kala ʋ sɩ cho.”

DANƖƐL 5:11

Baal kʋbala nɛ hɛ ŋ tinteeŋ lɛ, vesiŋ doluŋ hɛ ʋ lɛ. Ŋ nyɩmma Nebukadineza kuoruŋ bʋa lɛ, ʋ na dɩ ʋ kɛŋ wʋjɩmɩŋ a jɩŋ wɩaa sɩaa a nagɛ vesiŋ. Kuoro lɩɩsʋ ʋ ŋaa chichiribee, nɩalɩŋ sɩ yie beŋ chɛnwʋlaa aŋ dɩdagɛ wɩaa, wʋjɩnnaa arɩ vʋgʋraa kuoro.

AMƆS 3:7

Wɩɩ na-kala mɩ-na ma Tɩɩna Wɩɩjarɩbakɔ sɩ bɩɩna dɩ ma ŋaa, mɩ yie leŋ mɩ tɩntɩnna-la sɩ ŋaa mɩ wʋlaabʋllaa jɩŋ nɛ.

1 Kɔrɩntɩ Nɩaa 14:25

Wɩalɩŋ kala sɩ hɛ ʋ tʋɔŋ lɛ jaŋ kʋ lɩɩ pʋlʋmʋŋ Wɩa sɩpaaŋ. Ŋɩɩ nɛ ʋ jaŋ tuu kpirimi Wɩa sɩpaaŋ a chʋɔlʋ, a bʋl arɩ wʋtɩtɩɩ, Wɩa hɛ ma teeŋ nɛ.

MOSIS BƖRA WULLI WƖA WOMBIIŊ 10:17

Ma TƖƖNA Wɩa nɛ kɩɩ vene kala. Ʋ nɛ kɛŋ doluŋ kʋŋkala lɛ a magɛ dɩ ma zizilu. Ʋ bɩ nɩaa kaa pʋpɔrɛ, nʋʋkala ma bɩ ʋ wuo kpal dɩ ʋ ŋaa wɩɩ.

1 Timoti 6:15

Wɩa jaŋ leŋ dɩ ʋ kɔ bʋa-la lɛ ʋ sɩ bene dɩ ʋ maga dɩ ʋ kɔ. Wɩa dʋndʋŋa nɛ maga la dɛnnɛ, a ŋaa Wɩɩ-balɩŋ sɩɩ beŋ kʋŋkala. Ʋ nɛ ŋaa kuoru-balɩŋ a kɛŋ kuoroo kala doluŋ. Ʋ nɛ ŋaa kʋŋkala Tɩɩna.

JOSUA 22:22

“Wɩa nɛ ŋaa doluŋ kala Tɩɩna, ʋ nɛ kɛŋ doluŋ, ʋ-na jɩŋ wɩɩ-la sɩ tɩɩ la ŋaa ŋɩɩ nɛ, la saa chɛ dɩ ma ma jɩŋ nɛ. Dɩ la nɛ vɩa La TƖƖNA niiŋ, ŋɩɩ-na ʋ sɩ́ leŋe dɩ la kɛŋ mɩɩsɩŋ.

Jɔɔŋ Wʋnaalaa 1:5

arɩ Yesu Kirisito teeŋ. Ʋ nɛ ŋaa wɩalɩŋ sɩada tɩɩna a kɛŋ wʋtɩtɩɩ. Ʋ nɛ ŋaa Nɩɩ-la sɩ sʋba aŋ laa sɩpaaŋ sii sʋʋŋ lɛ. Ʋ nɛ kɛŋ dʋnɩa kuoroo kala doluŋ. Má leŋ dɩ la dɛnnʋ, a tɩŋ ʋ sɩ chola ŋɩɩ a joŋ ʋ chalɩŋ a jaasɛ, a lɩɩsɛla wʋbɔŋŋɔɔ lɛ.

Jɔɔŋ Wʋnaalaa 17:14

Ba dɩ Pie-bie-la jaŋ yuo dɔŋɔ, ama Pie-bie-la jaŋ yuo diiba, bɛɛ wɩaa ʋ nɛ ŋaa nɩalɩŋ kala sɩɩ beŋ nɩaa Kʋhɩaŋ, a kɛŋ kuoroo kala ma doluŋ. Ʋ dɩ ʋ harɩ-tooroo nɛ jaŋ yuo diiba. Nɩaa deemba nɛ ŋaa nɩalɩŋ Wɩa sɩ yɩra aŋ lɩɩsɛ, ba ŋaa nɩaa sɩ kɛŋ wʋtɩtɩɩ.”

Jɔɔŋ Wʋnaalaa 19:16

Ba ŋmʋnsɛ yɩrɩŋ deeŋ nɛ hɛ gɛrɩ-duduoŋ-la ʋ sɩ laala lɛ arɩ ʋ naapuiŋ lɛ: “KUOROO KALA KUOROO ARƖ LA TƖNNABA KALA TƖƖNA.”