DANƖƐL 2:44 - WƖA TENIŊ

⁴⁴ Kuoroo deemba kuoruŋ bʋa lɛ Wɩa sɩ hɛ ʋ jaŋ lɛ a bibeŋ kʋŋkala jaŋ bil kuoro ba sɩ bɩ jaŋ wuo giru, koo ba bɩ jaŋ laa a pɩ nɩa dɔsɛ. Ʋ jaŋ yuo dii kuorusu-la kala a leŋ dɩ ba kuoruŋ dɛrɛ, ama ʋ-na jaŋ hɛ nɩmɛ a kaa mʋ wuu.

DANƖƐL 2:44 ပူးပေါင်းရင်းမြစ်များ

WƖAA DƖ-SUOMUŊ 49:10

Kuori-dantɩga-la bɩ jaŋ kɔ dɩ ʋ lɩɩ ŋ nɩsɩŋ lɛ koo dɩ ʋ paala sʋrɩsɛ ŋ naasɩŋ bʋbʋɔŋ, a mʋʋ yi nɩɩ-la sɩ maga dɩ ʋ tɩɩʋ. Tinteyee kala jaŋ tuto ŋ niiŋ.

2 SAMƲƐL 7:13

Ʋ nɛ nɩɩ-la sɩ jaŋ saa dɩa pɩmɛ. Mɩ jaŋ leŋ dɩ ʋ kuoruŋ chɩŋ a kaa mʋ wuu.

2 SAMƲƐL 7:16

Ŋ doho nɩaa nɛ jaŋ didii kuoruŋ a kaa mʋ wuu.”

WƖA YƖƖLAA 145:13

Ŋ kuoruŋ bɩ dɩdɛrɩ kɛnɛ, ŋ nɛ kuoro a kaa mʋ wuu. La Tɩɩna kɛŋ niiri-la kala ʋ sɩ hɛ a tɩtɩŋ nɛ, a cho kɩalɩŋ kala ʋ sɩ ŋaa.

AZAAYA 60:12

Dɩ tintee koo kuoru-gentine nɩaa nɛ hɛ nɩmɛ a bɩ sɛyɛ dɩ ba tɩma pɩpɩŋ, ba kala jaŋ sʋʋ dɛrɛ, ka dɩ ba tinteeŋ pɩŋ jikpeeŋ.

ƐZƖKƖƐL 37:25

Ba jaŋ hɔŋ tintee-la mɩ fa sɩ joŋo pɩ mɩ tɩntɩnna Jekɔb lɛ, lee-la ba naabalɩmaba fa sɩ hɔnɔ. Ba dɩ ba biiriŋ arɩ ba nihee kala jaŋ hɔŋ nɩmɛ a kaa mʋ wuu. Mɩ tɩntɩnna Devit nɛ jaŋ ŋaa ba sɩpaalaara a kaa mʋ wuu.

DANƖƐL 2:28

ama Wɩa sɩ hɛ ʋ jaŋ lɛ nɩɩ dagɛ wʋkpuŋkperisiŋ bʋbʋɔŋ. Ʋ nɛ joŋ wɩalɩŋ maachie sɩ jaŋ ŋaa a dagɛ ŋ-na kuoro Nebukadineza. Ŋ duoso-la arɩ wɩalɩŋ kala ŋ sɩ pɩna na ŋ bɔsɔ lɛ nɛ ŋ-la:

DANƖƐL 2:34

Ŋ sɩɩ beŋ ŋɩɩ, ŋ na dɩ bʋŋ yɛrɛ lɩɩ ʋ tɩtɩa lɛ peeliŋ nyuŋ, ka nuhuobiine dee bɩ yɛrɛ, ʋ kʋ tuu ŋmoo kʋ-la ba sɩ mɛ naachɛyɛ-la ba sɩ kɛŋ hɔɔŋ arɩ chʋrʋŋ mɛ a yɛrɛ muno muno.

DANƖƐL 2:35

Ŋɩɩ nɛ hɔɔ-la, chʋrʋ-la, kɔlɩɩ-la, hɔpʋla-la arɩ sɛlɩmɛ-la kala yɛrɛ muno muno bʋa-la tɩtɩa lɛ a nagɛ mɩɩ-jɔrʋŋ sɩ hɛ taha lɛ. Peliŋ tii paa viiri ba bɩ jɩŋ lee-la kala ba sɩ to. Ama bʋŋ-la sɩ ŋmoo kʋ-la ba sɩ mɛ yɛrɛ mɩɩra bɩrɩmɛ peel-bal a su dʋnɩa kala.

DANƖƐL 2:37

Kuoro, ŋ nɛ ŋaa kuoroo kala kuoro. Wɩa sɩ hɛ ʋ jaŋ lɛ a bibeŋ kʋŋkala joŋ kuoruŋ, doluŋ arɩ yɩrɩŋ pɩŋ nɛ.

DANƖƐL 2:43

Ŋ sɩ na hɔɔŋ dɩ ʋ guoli chʋrʋŋ ba sɩ nyɩga lɛ ŋɩɩ, ŋɩɩ nɛ nɩalɩŋ ma jaŋ guoli dɔŋɔ lɛ, aŋ bɩ jaŋ kɛŋ nii-bala a nagɛ hɔɔŋ arɩ chʋrʋŋ sɩ bɩ dɔŋɔ lɛ mɛrɛ ŋɩɩ.

DANƖƐL 4:3

Ʋ wʋmagɩlaa ŋaa wʋbala nɛ, ʋ wʋkpuŋkperisiŋ ma ŋaa wʋduoru. Ʋ kuoruŋ bɩ dɩdɛrɩŋ kɛnɛ, ʋ nɛ kuoro sɩ hɛ nɩmɛ a kaa mʋ wuu.

DANƖƐL 4:34

Jɩsɩ-la balɩpɛ harɩŋ, mɩ-na Nebukadineza kɛŋ mɩ nyuŋ je wɩa-nyuŋ, mɩ wʋjɩmɩŋ mɩɩra kɔ mɩ nyuŋ. Ŋɩɩ nɛ mɩ dɛnnɛ Wɩa sɩ kɩɩ kʋŋkala. Mɩ zilu a leŋ ʋ yɩrɩŋ yɩrɛ, ʋ nɛ sɩ hɛ nɩmɛ a kaa mʋ wuu. Ʋ doluŋ bɩ dɩdɛrɩŋ kɛnɛ, ʋ nɛ kuoro sɩ hɛ nɩmɛ a kaa mʋ wuu.

DANƖƐL 6:26

Mɩ hɛ niiŋ nɛ aa pɩ nʋʋ na-kala sɩ hɛ mɩ tinteeŋ sɛmɛ kala lɛ, arɩ ʋ maga dɩ ma fá Danɩɛl Wɩa nɛ a zizilu. Ʋ nɛ Wɩa sɩ weye. Ʋ nɛ hɛ nɩmɛ a kaa mʋ deeŋ deeŋ. Ʋ kuoruŋ bɩ jaŋ kɔ dɩ ʋ tele, ʋ doluŋ bɩ jaŋ dɛrɛ.

DANƖƐL 6:27

Ʋ yie lɩɩsɛ nɩaa wɩaa lɛ nɛ, a laaba ta. Ʋ ŋaa wʋmagɩlaa arɩ wʋkpuŋkperisiŋ nɛ Wɩa-jaŋ arɩ tinteeŋ kala lɛ. Ʋ nɛ laa Danɩɛl ta naachigee niiŋ lɛ.

DANƖƐL 7:27

Ba jaŋ joŋ doluŋ arɩ kuoruŋ yuŋuŋ kala sɩ hɛ dʋnɩa lɛ a pɩ Wɩa sɩ kɩɩ kʋŋkala nɩaa. Ba kuoruŋ doluŋ bɩ jaŋ dɛrɛ. Kuoroo kala sɩ hɛ dʋnɩa lɛ jaŋ to ba niiŋ a tɩma pɩpɩba.”

DANƖƐL 8:25

Ʋ jaŋ nyɩsɛ nɩaa a dʋa. Ʋ jaŋ kɛŋ ʋ tɩtɩa arɩ ʋ nɛ kɩɩ kʋŋkala. Dɩ nɩaa nɛ hɔnɔ ta jɩa a bɩɩnɛ wɩɩ bɩbaa jʋʋ, kuoru-la jaŋ cheiba yʋgɛ. Ʋ jaŋ kɛŋ kuoroo kala kuoro yuo yuosuŋ, ama Wɩa jaŋ cheyu dɩ nuhuobiiŋ bɩ pɛ.

MƖKA 4:7

Mɩ jaŋ leŋ dɩ gbɛrɩgɛ-la kʋkaanaa arɩ nɩalɩŋ ba sɩ kire ta ŋaa tintee-duo, dɩ mɩ-na ma TƖƖNA bemba Zaayɔŋ peel-la nyuŋ a chɩŋ tapʋlɩɩ-la a kaa mʋ wuu.

HAGAƖ 2:22

Mɩ jaŋ kɛŋ kuoru kpasɩnɩŋ wuro chu, a chei dol-la ba sɩ kaa bibeŋ tintee-wogusu-la. Mɩ jaŋ kiri laalɩŋ janɩŋ torukoba arɩ nɩalɩŋ sɩ kɛmba vɩvɛŋ, janɩŋ jaŋ sʋʋ dɩ nɩalɩŋ sɩɩ jɩlba gʋra kpʋ dɔŋɔ.”

HAGAƖ 2:7

Mɩ jaŋ kɛŋ tinteyee kala jigisi, ŋɩɩ lɛ nɛ tinteyee nɩaa jaŋ kɛŋ dʋa-la ba sɩ cho woruŋ kaa kɔ, dɩ mɩ laa su mɩ dɩɩ-balɩŋ deeŋ. Mɩ jaŋ leŋ dɩ mɩ tʋla su mɩ dɩɩ-balɩŋ deeŋ. Mɩ-na ma TƖƖNA doluŋ kala Tɩɩna nɛ bʋla.

Matiu 28:18

Yesu kʋ kpagɛba a bʋla pɩba, “Wɩa joŋ doluŋ kala a pɩmɛ nɛ Wɩa-jaŋ arɩ dʋnɩa kala lɛ.

Jɔɔŋ 12:34

Ŋɩɩ nɛ nɩalɩŋ bʋl, “Ba dagɛla arɩ ba ŋmʋnsɛ Wɩa teniŋ tʋɔŋ a bʋl dɩ Kirisito, Nɩɩ-la Wɩa sɩ lɩɩsa bɩ jaŋ sʋʋ, dɩ ʋ jaŋ hɛ nɩmɛ deeŋ deeŋ. Ɛɛ nɛ saa ŋ bʋl dɩ ba jaŋ kɛŋ Nuhuobiine Bie a kpaasɛ daagɛsɛ nyuŋ? Kʋbɛɛ nɛ saa Nuhuobiine Bie deeŋ wɩaa ŋ sɩɩ bʋl?”

Hiburu TƖŊŊAA 12:28

Wɩa joŋ ʋ kuorii-la sɩ bɩ wuo jigisi nɛ a pɩpɩla. Ŋɩɩ wɩaa, má leŋ dɩ la fáʋ a lɔllʋ, aŋ pɛ chʋchʋɔlʋ arɩ sɩɩfɩɛsɩŋ,

Jɔɔŋ Wʋnaalaa 11:15

Ŋɩɩ nɛ Wɩa tɩndaarɩ-pɛɩ-la ŋmʋʋ ʋ nyile. Mɩ nɩɩ yikori-balaa dɩ baa bʋl wɩaa, Wɩa-jaŋ lɛ. Ba sɩ, “Dʋnɩa kuorii-la lɛɛlɛ ŋaa La Tɩɩna Wɩa arɩ Kirisito, Nɩɩ-la ʋ sɩ lɩɩsa kʋa nɛ. Wɩa jaŋ dii kuoruŋ a kaa mʋ wuu.”

Jɔɔŋ Wʋnaalaa 2:27

Tɩɩna jaŋ bibeŋ dʋnɩa nɩaa arɩ hɔɔŋ dantɩga. Ʋ jaŋ ŋmooba yɛrɛ muno muno a nagɛ pupoiŋ. Dol-la mɩ Nyɩmma sɩ joŋo pɩmɛ, ʋ tɩtɩa nɛ mɩ jaŋ joŋo pʋ.