DANƖƐL 2:23 - WƖA TENIŊ

²³ Mɩ nyɩmmaba Wɩa, mɩɩ lɔllʋŋ aa dɛnnɩŋ. Ŋ nɛ pɩmɛ wʋjɩmɩŋ arɩ doluŋ, ŋ nɛ leŋe mɩ jɩŋ wɩɩ-la la sɩ pɩɛsɩŋ chɩchɛ, ŋ nɛ leŋe la jɩŋ kuoro duoso.”

DANƖƐL 2:23 ပူးပေါင်းရင်းမြစ်များ

WƖAA DƖ-SUOMUŊ 18:17

Ŋɩɩ nɛ La TƖƖNA bʋl, “Wɩɩ-la mɩ sɩɩ chɛ dɩ mɩ ŋaa, ʋ bɩ maga dɩ mɩ kaa faa Abɩraham.

WƖAA DƖ-SUOMUŊ 31:42

Dɩ mɩ nyɩmma Abɩraham Wɩa arɩ Aɩzɩk sɩɩ fá Wɩa-la fa bɩ mɩ harɩŋ chɩna, ŋ fa jaŋ lemmi ta arɩ na-hɩllɩŋ. Ama Wɩa na hɛɛ-la mɩ sɩ na nɛ ŋ nɩsɩŋ lɛ, ŋɩɩ nɛ tɩɩ Wɩa laa pɛ mɩ lɛ a dɩa bʋl wɩaa pɩŋ tɩtaŋɩŋ ŋɩɩ.”

1 KUOROO 18:36

Dɩdaanɩŋ Wɩɩsʋlʋŋ bʋa sɩ yie, Wɩa wʋlaabʋlla Ɩlaaja kʋ lɩɩ chɩŋ a chʋɔlɛ Wɩa a bʋl, “Mɩ Tɩɩna sɩ ŋaa Abɩraham, Aɩzɩk arɩ Jekɔb Wɩa, jɩnɩŋ leŋ dɩ ba jɩŋ arɩ ŋ nɛ ŋaa Wɩa a hɛ Iziral lɛ, a bɩra leŋ dɩ ba jɩŋ arɩ mɩ ŋaa ŋ tɩntɩnnʋ nɛ, wɩaa deemba kala mɩ sɩɩ ŋaa, ŋ nɛ hɛmɛ.

1 KUOROO 8:57

A leŋ dɩ La TƖƖNA Wɩa hɛ la teeŋ arɩ ʋ fa sɩ hɛ la naabalɩmaba teeŋ ŋɩɩ. Mɩɩ sʋlʋ dɩ ʋ hɛ la ma teeŋ a sɩ́ la vɩa ta.

1 IZIRAL TƖŊŊAA NAABARƖŊ 29:10

Ŋɩɩ nɛ Devit chɩŋ nɩalɩŋ kala sɩpaaŋ a dɛnnɛ La TƖƖNA a bʋl, “Mɩɩ dɛnnɩŋ La TƖƖNA, la naabalɩma Jekɔb Wɩa, a leŋ dɩ ŋ yɩrɩŋ yɩrɛ a kaa mʋ wuu.

1 IZIRAL TƖŊŊAA NAABARƖŊ 29:13

Lɛɛlɛ, la Wɩa, laa lɔllʋŋ a dɩdɛnnɛ ŋ yɩrɩ zɔmʋŋ.

2 IZIRAL TƖŊŊAA NAABARƖŊ 20:6

aŋ bʋl, “La TƖƖNA, la naabalɩmaba Wɩa, ŋ hɛ ŋ jaŋ lɛ nɛ. Ŋ nɩɩ beŋ tinteyee kala sɩ hɛ dʋnɩa lɛ. Doluŋ kala hɛ ŋ nɩsɩŋ lɛ nɛ, nʋʋkala bɩ ŋ sɩpaaŋ wuo chɩŋ.

WƖA YƖƖLAA 21:2

Ŋ ŋaa wɩalɩŋ kala ʋ sɩɩ chɛ nɛ a pʋ. Wɩalɩŋ ʋ sɩ pɩɛsɩŋ chɩchɛ, ŋ bɩ ʋ vɔmɔ.

WƖA YƖƖLAA 21:4

Ʋ sʋlʋŋ nɛ dɩ ŋ pʋ mɩɩsɩŋ, ŋ joŋ mɩɩ-duduoŋ a pʋ.

WƖA YƖƖLAA 25:14

La Tɩɩna, ŋ ŋaa nɩalɩŋ kala sɩɩ toŋ nandɔŋ nɛ. Ŋ leŋe ba kala jɩŋ nii-la sɩ hɛ ŋ dɩ ba pɛgɛ nɛ.

WƖA YƖƖLAA 50:14

Mɩ nɛ Wɩa, mɩ nɛ kɩɩ kʋŋkala. Wɩɩsʋlɩɩ-la doho mɩ sɩɩ chɛ nɛ, dɩ ma lʋlɔllɛmɛ, aŋ lɩɩsɛ niiri-la ma sɩ hɛ pɩmɛ.

MOSIS KƐŊ IZIRAL TƖŊŊAA LƖƖ 3:15

Ŋɩɩ nɛ Wɩa bɩra bʋla pɩ Mosis, “Mʋ bʋla pɩ Iziral tɩŋŋaa, mɩ-na ma TƖƖNA, ma naabalɩmaba Abɩraham, Aɩzɩk arɩ Jekɔb Wɩa nɛ tɩmmɛ ma teeŋ. Mɩ yɩrɩŋ nɛ ma TƖƖNA. Ŋɩɩ nɛ ma doho nɩaa jaŋ yɩyɩrɛmɛ a kaa mʋ wuu.

NAMAGABA 21:22

Wʋjɩnna nɛ yie yuo nɩduoruŋ taŋ, a yigi ba dɩ-duoru-la ba sɩ joŋ ba yɩɛlaa hɛ a lo.

NAMAGABA 24:5

Wʋjɩnna nɛ kɛŋ doluŋ kɩŋkɛŋ a kɩɩ nɩduoŋ, nɩɩ-la sɩ jɩŋ wɩaa, ʋ doluŋ pʋŋa pɩpɛ nɛ.

NAMAGABA 8:14

Mɩ jɩŋ nɩaa chagɩlɩŋ, a jɩŋ wɩaa jense bʋlʋŋ ma, mɩ jɩŋ wɩaa a kɛŋ doluŋ ma.

TƖƖCHA 7:19

Wʋjɩmɩŋ nɛ yie leŋ wʋjɩnna kɛŋ doluŋ a kɩɩ nɩduoruŋ fii sɩɩ beŋ tabalɩŋ.

TƖƖCHA 9:16

Ŋɩɩ nɛ mɩ bʋl, “Wʋjɩmɩŋ nɛ kpɩa doluŋ.” Ama nʋʋkala bɩ nyaabɩ-la wʋjɩmɩɩ-la joŋo dɩ ʋ ŋaa kʋŋ, ba bɩ wɩalɩŋ ma ʋ sɩ bʋla jegile nɩɩ.

TƖƖCHA 9:18

Wʋjɩmɩŋ nɛ kpɩa laalɩyuori kɩaa, ama wʋbɔŋ ŋaarɩ bala yie chei wʋzɔŋŋɔɔ yʋgɛ nɛ.

AZAAYA 12:1

Dɩ tapʋlɩɩ-la nɛ yie, ma jaŋ bʋl, “Mɩ jaŋ dɛnnɩŋ La TƖƖNA, ŋ fa paala na baanɩŋ nɛ mɩ nyuŋ, ama ŋ leŋe ŋ baaŋ-la fɩɛlɛ nɛ, aŋ ŋaa mɩ tʋɔŋ pɩŋ dɩ-bala.

JƐRƖMAAYA 33:3

“Yɩrɛmɛ, mɩ jaŋ sɛɩ, a dagɩŋ wʋduoruŋ arɩ wɩalɩŋ sɩ faa ŋ bɩ ba jɩŋ.

DANƖƐL 1:17

Wɩa pɩ bapʋɔsɛ biisiŋ deemba banɛsɛ wʋjɩmɩŋ arɩ jɩma dɩ ba wuo jɩŋ teniŋ arɩ wɩɩkala. Danɩɛl-na paala wuo jɩŋ wɩalɩŋ ba sɩ yie na arɩ duosoo tʋɔŋ arɩ duosi dosunuŋ kala bʋbʋɔŋ nɛ.

DANƖƐL 2:18

Ʋ bʋla pɩba dɩ ba sʋl Wɩa sɩ hɛ ʋ jaŋ lɛ a bibeŋ kʋŋkala dɩ ʋ fá ba nenige a dagɛba wʋkpuŋkpere-la bʋbʋɔŋ, dɩ ba sɩ́ ʋ dɩ ʋ nandɔnsʋŋ kpʋ a pɛ wʋjɩnna-la sɩ hɛ Babɩlɔŋ lɛ.

AMƆS 3:7

Wɩɩ na-kala mɩ-na ma Tɩɩna Wɩɩjarɩbakɔ sɩ bɩɩna dɩ ma ŋaa, mɩ yie leŋ mɩ tɩntɩnna-la sɩ ŋaa mɩ wʋlaabʋllaa jɩŋ nɛ.

Matiu 11:25

Bʋa-la tɩtɩa lɛ Yesu guu yɩrɛ, “Mɩ Nyɩmma, ŋ nɛ ŋaa wɩa-nyuŋ arɩ tinteeŋ kala Tɩɩna. Mɩɩ lɔllʋŋ arɩ ŋ sɩ kɛŋ wɩalɩŋ ŋ sɩ joŋo faa a dagɛ nɩalɩŋ sɩ bɩ wɩaa jɩŋ, aŋ bɩ joŋo dagɛ nɩalɩŋ sɩ kɛŋ wʋjɩmɩŋ.

Luuk 10:21

Bʋa-la tɩtɩa lɛ Yesu tʋɔŋ tɔrɛ Wɩa Dɩŋ-zɔmʋŋ doluŋ lɛ ʋ bʋl, “Mɩ Nyɩmma, ŋ nɛ ŋaa wɩa-nyuŋ arɩ tinteeŋ kala Tɩɩna. Mɩɩ lɔllʋŋ arɩ ŋ sɩ kɛŋ wɩalɩŋ ŋ sɩ joŋo faa a dagɛ nɩalɩŋ sɩ bɩ wɩaa jɩŋ, aŋ bɩ joŋo dagɛ nɩalɩŋ sɩ kɛŋ wʋjɩmɩŋ. Mɩ Nyɩmma, mɩɩ lɔllʋŋ. Ŋ tɩtɩa tʋɔtɔrʋŋ lɛ nɛ ŋ ŋaa ŋɩɩ.”

Jɔɔŋ 11:41

Ŋɩɩ nɛ ba kɛŋ tabɩɩ-la suri. Yesu wʋla beŋ wɩa-nyuŋ aŋ bʋl, “Mɩ Nyɩmma, mɩɩ lɔllʋŋ arɩ ŋ sɩ jegile nɩɩ mɩ teeŋ.

Jɔɔŋ 15:15

Mɩ bɩra bɩ jaŋ kɛmma kaa yɩrɛ mɩ tɩntɩnnaa, bɛɛ wɩaa tɩntɩnna bɩ wɩɩ-la ʋ kʋhɩaŋ sɩɩ ŋaa jɩŋ. Ama mɩ-na bʋl wɩalɩŋ kala mɩ Nyɩmma sɩ bʋla pɩmɛ pɩma nɛ. Ŋɩɩ nɛ tɩɩ mɩ kɛmma yɩyɩrɛ mɩ nandɔnsʋŋ.

Jɔɔŋ Wʋnaalaa 1:1

Wɩaa deemba nɛ Wɩa joŋo pɩ Yesu Kirisito dɩ ʋ joŋo dagɛ ʋ tɩntɩnnaa, dɩ ba jɩŋ wɩalɩŋ sɩ jaŋ ŋaa lɛɛlɛ. Wɩa tɩŋ ʋ tɩndaara ʋ kɔ ʋ tɩntɩnna Jɔɔŋ teeŋ a bʋl wɩalɩŋ pʋ.

Jɔɔŋ Wʋnaalaa 5:5

Ŋɩɩ nɛ nɩhɩasɩ-la mara arɩ banɛsɛ-la dɔŋɔ bʋla pɩmɛ, “Sɩ́ yel, bee na nɩɩ-la ba sɩɩ yɩrɛ Juda nɩaa tʋɔŋ Naachigiŋ, ʋ lɩɩ Devit doho nɩaa tʋɔŋ nɛ, ʋ yuo dii Sɩtaanɩ nɛ. Ʋ kɛŋ doluŋ ʋ sɩ jaŋ lɛrɛ kɩalɩŋ balɩpɛ-la ba sɩ kaa mɛrɛ teŋ-la aŋ suru.”