DANƖƐL 2:20 - WƖA TENIŊ

²⁰ a bʋl, “Mɩɩ dɛnnɛ Wɩa a kaa mʋ wuu, wʋjɩmɩŋ arɩ doluŋ ŋaa ʋ kɩaa nɛ.

DANƖƐL 2:20 ပူးပေါင်းရင်းမြစ်များ

WƖAA DƖ-SUOMUŊ 14:20

Mɩɩ dɛnnɛ Wɩa sɩ kɩɩ kʋŋkala sɩ joŋ ŋ dʋndɔŋŋɔɔ hɛ ŋ nɩsɩŋ lɛ.” Ŋɩɩ nɛ Abɩram kɛŋ kɩalɩŋ kala ka kpaa puguloo fii a joŋ dɔŋɔ pɩ Mɛlɩkɩzɛdɛk.

1 KUOROO 8:56

“Má dɛnnɛ La TƖƖNA, ʋ kɛŋ nii-la ʋ sɩ hɛ tɩŋ nɛ a leŋ la hɔŋ arɩ fɩɛlɩŋ. Wʋzɔmɔ-la kala ʋ sɩ bʋla pɩ ʋ tɩntɩnna Mosis arɩ ʋ jaŋ ŋaa, ba kala nɛ ʋ ŋaa.

1 IZIRAL TƖŊŊAA NAABARƖŊ 29:20

Ŋɩɩ nɛ Devit bʋla pɩ nɩalɩŋ kala sɩ hilime, “Má dɛnnɛ ma TƖƖNA Wɩa.” Ŋɩɩ nɛ ba kala dɛnnɛ La TƖƖNA, ba naabalɩmaba Wɩa, aŋ tuu kpirimi a zil La TƖƖNA arɩ kuoro Devit.

2 IZIRAL TƖŊŊAA NAABARƖŊ 20:21

Jehosafat sɩ bʋl wɩalɩŋ nɩalɩŋ teeŋ dɛrɛ, ʋ lɩɩsɛ nɩaa dɩ ba laa laalɩyuoro-la sɩpaaŋ a yɩɩ yɩɩlaa a pɩ La TƖƖNA, a dɛnnʋ a tɩŋ ʋ tʋla arɩ zɔmʋŋ wɩaa a bʋl, “Má lɔllɛ La TƖƖNA, ʋ chonuŋ bɩ dɛrɛ.”

NƐHƖMAAYA 9:5

Ŋɩɩ nɛ Levi doho nɩaa deemba: Jesua, Kadɩmɩɛl, Banɩ, Hasabineya, Sɛrɛbɩa, Hodia, Sɛkanɩa arɩ Pɛtahɩa bʋla pɩ nɩalɩŋ, “Má sii chɩŋ a dɛnnɛ ma TƖƖNA Wɩa sɩ hɛ nɩmɛ a kaa mʋ deeŋ deeŋ. Má zil ʋ yɩrɩ-balɩŋ arɩ la sɩ bɩ jaŋ wuo zilu a magɛ ŋɩɩ sɩ maga ma kala.” Aŋ bɩra chʋɔlɛ Wɩa a bʋl,

JOB 12:13

Wɩa nɛ ŋaa wʋjɩmɩŋ arɩ doluŋ kala Tɩɩna, ʋ nɩɩ chagɩlɛ nɩaa a jɩŋ wɩaa bʋbʋɔŋ ma.

WƖA YƖƖLAA 113:1

Má dɛnnɛ La Tɩɩna. Ma nɩalɩŋ kala sɩ ŋaa La Tɩɩna tɩntɩnnaa, má dɛnnʋ.

WƖA YƖƖLAA 113:2

Má leŋ dɩ La Tɩɩna yɩrɩŋ yɩrɛ bʋa na-kala lɛ, a chɩŋ lɛɛlɛ a kaa mʋ wuu.

WƖA YƖƖLAA 115:18

Ama la nɩalɩŋ sɩ weye nɛ jaŋ dɛnnʋ, a chɩŋ lɛɛlɛ a kaa mʋ wuu. Má dɛnnɛ La Tɩɩna.

WƖA YƖƖLAA 147:5

La Tɩɩna nɛ yʋga, a kɛŋ doluŋ ma, ʋ wʋjɩmɩŋ bɩ dɩdɛrɩ kɛnɛ.

WƖA YƖƖLAA 41:13

Má dɛnnɛ La Tɩɩna, Iziral tɩŋŋaa Wɩa a kaa mʋ wuu. Amɩɩ. Amɩɩ.

WƖA YƖƖLAA 50:23

Dɩ ŋ nɩɩ lɔllɛ mɩ-na Wɩa, Wɩɩsʋlɩɩ-la sɩɩ tɔrɛ mɩ tʋɔŋ nɛ ŋɩɩ. Nɩɩ-la wʋŋaalaa sɩ tʋʋla, mɩ-na ma Wɩa jaŋ leŋ dɩ ʋ jɩŋ arɩ mɩ kɛŋ doluŋ dɩ mɩ laaʋ ta.”

WƖA YƖƖLAA 62:11

Wɩa bʋl wʋbala nɛ ka mɩ nɩɩ wɩaa balɩa: Ʋ sɩ doluŋ kala ŋaa ʋ-na Wɩa kʋŋ nɛ,

NAMAGABA 8:14

Mɩ jɩŋ nɩaa chagɩlɩŋ, a jɩŋ wɩaa jense bʋlʋŋ ma, mɩ jɩŋ wɩaa a kɛŋ doluŋ ma.

JƐRƖMAAYA 32:19

Ŋ wɩaa kala ŋaa wʋbala nɛ, ŋ wʋŋaalaa ma kala ŋaa wʋduoru. Ŋ sɩaa ka na nuhuobiinee wʋŋaalaa kala nɛ. Ŋ yie tiŋ nʋʋkala a lɩɩ ŋɩɩ ʋ mɛlɛ arɩ ʋ wʋŋaalaa sɩ naga nɛ.

ƐZƖKƖƐL 28:3

Ŋ bɩɩna ŋ jɩŋ wɩaa kɩɩ Danɩɛl nɛ, a jɩŋ wɩɩ-kalaa?

Matiu 6:13

Sɩ́ leŋe dɩ wɩɩkala kɛnla hɛ wʋbɔmʋŋ lɛ, ama lɩɩsɛla wʋbɔŋŋɔɔ lɛ [bɛɛ wɩaa kuorii-la arɩ doluŋ arɩ yɩrɩ-la ŋaa ŋ kɩaa nɛ, lɛɛlɛ a kaa mʋ deeŋ deeŋ. Amɩɩ].’

Juud 1:24

Má leŋ la zizil Wɩa. Ʋ nɛ kɛŋ doluŋ, ʋ jaŋ wuo pɛ ma lɛ dɩ ma sɩ́ wʋbɔŋŋɔɔ ŋaa, a pɛ ma lɛ dɩ ma sɩ́ wʋcheeli kala kɛŋ ʋ sɩpaaŋ, a kɛŋ tʋɔtɔrʋŋ woruŋ.

Jɔɔŋ Wʋnaalaa 5:12

Yɩɩl-la ba fa sɩɩ yɩɩ arɩ yikori-balɩŋ nɛ ŋ-la: “Pie-bie-la ba sɩ kpʋa nɛ maga dɩ ʋ kɛŋ doluŋ a bibeŋ nɩaa. Ʋ nɛ maga dɩ ʋ kɛŋ kɩaa, arɩ wʋjɩmɩŋ, arɩ doluŋ kʋŋkala lɛ. Ʋ nɛ maga dɩ ʋ kɛŋ yɩrɩŋ, dɩ nɩaa dɛnnʋ a chʋɔlʋ.”