DANƖƐL 2:2 - WƖA TENIŊ

² Ŋɩɩ nɛ kuoro yɩrɛ chichiribee, vʋgʋraa, nɩalɩŋ sɩ yie beŋ chɛnwʋlaa aŋ dɩdagɛ wɩaa, arɩ wʋjɩnnaa kala dɩ ba kʋ dagɛ ʋ duoso-la bʋbʋɔŋ. Ba kʋ chɩŋ ʋ sɩpaaŋ.

DANƖƐL 2:2 ပူးပေါင်းရင်းမြစ်များ

WƖAA DƖ-SUOMUŊ 41:8

Ʋ sɩ sii chʋchʋɔ-fɩɛla, ʋ tʋɔŋ kala vʋgʋmɛ. Ʋ yɩrɛ ʋ jaŋ wʋjɩnnaa arɩ nɩalɩŋ kala sɩ ŋaa chichiribe kala hɛ dɔŋɔ lɛ a bʋl ʋ duoso-la pɩba, ama nʋʋkala bɩ wuo dagɛ duoso-la bʋbʋɔŋ pʋ.

ƐSƖTA 1:13

Ʋ fa ŋaa ba naaba wɩɩ nɛ dɩ kuoro pɩɛsɛ wʋjɩnnaa a mʋ tɩgɛ wombie-la ba sɩ bile dɩ ba tuto arɩ wʋtɩtɩɩ wɩaa. Ŋɩɩ nɛ ʋ yɩrɛ ʋ wʋjɩnnaa a pɩɛsɛba wɩɩ-la sɩ maga dɩ ʋ ŋaa.

MOSIS KƐŊ IZIRAL TƖŊŊAA LƖƖ 7:11

Ŋɩɩ nɛ Ijipiti tinteeŋ kuoro yɩrɛ ʋ jaŋ wʋjɩnnaa, vʋgʋraa arɩ ba chichiribee kala, ba ma ŋaa ŋɩɩ tɩtɩa arɩ ba chichiribiŋ.

AZAAYA 19:3

Ijipiti tɩŋŋaa tʋɔbɩɩnaa kala jaŋ vʋgʋmɛ, ka dɩ mɩ leŋ dɩ wɩalɩŋ ma kala ba sɩ vʋʋra bil, dɩ ba ŋaa wʋpɛɩba. Ba jaŋ pɩɛsɛ tɔŋŋɔɔ arɩ lɛlɛɛ, vʋgʋraa arɩ kantɔŋŋɔɔ a chɩchɛ dɩ ba pɛ ba lɛ.

AZAAYA 8:19

Ama, nɩaa jaŋ bʋla pɩma arɩ ma mʋ vʋgʋraa arɩ chichiribee teeŋ a chɛ na wɩaa. Ba nɛ yie lʋaraa bʋl wɩaa arɩ yikori-bie ŋɩɩ. Wɩa dee nɩaa maga dɩ ba pɩɛsɛ a na wɩɩ-la sɩ maga dɩ ba ŋaa? Bɛɛ nɛ tɩɩ ma pɩpɩɛsɛ nɩsʋʋnʋŋ dɩ ma na nɩweyee wɩaa?

DANƖƐL 1:20

Wɩɩ na-kala kuoro sɩ pɩɛsa a mʋ tɩgɛ wʋjɩmɩŋ arɩ wɩaa sɩaa jɩmɩŋ lɛ, ʋ na dɩ ba nɛ kpɩa ʋ tinteeŋ chichiribee arɩ vʋgʋraa kala naansɩɩŋ fii.

DANƖƐL 1:4

Ba maga ba ŋaa bapʋɔsɛ biisiŋ sɩ́ bɩ nyɔɔ kala kɛnɛ nɛ, a ŋaa nɩzɔmɔ sɩ kɛŋ ba tɩtɩa hɛ dɔŋɔ dɩ ba gʋnnɛ wɩɩkala, a kɛŋ dɩgɩlɩŋ jegilee, a ŋaa nɩaa ba sɩ daga ba kɛŋ wʋjɩmɩŋ a jaŋ wuo guu jɩŋ wɩaa sɩaa woruŋ, a magɛ dɩ ba tɩtɩŋ kuoru dɩa lɛ. Ʋʋ chɛ dɩ Asɩpɛnas dagɛba Babɩlɔŋ tɩŋŋaa yikoro karɩmɩŋ arɩ ʋ ŋmʋnsʋŋ nɛ.

DANƖƐL 2:10

Nɩalɩŋ bʋla pɩ kuoro, “Nʋʋkala tuo dʋnɩa lɛ sɩ jaŋ wuo ŋaa wɩɩ-la ŋ-na kuoro sɩɩ chɛ. Kuoru kala tuo, ʋ doluŋ cho dɩ ʋ magɛ ŋɩɩ kala, ʋ ha bɩ wʋdoho deeŋ joŋo pɩɛsɛ chichiribu koo nɩalɩŋ sɩ yie beŋ chɛnwʋlaa aŋ dɩdagɛ wɩaa koo wʋjɩnnʋ.

DANƖƐL 2:27

Danɩɛl bʋl, “Wʋjɩnnʋ, vʋgʋrʋ koo chichiribu koo nɩalɩŋ sɩ yie beŋ chɛnwʋlaa a dɩdagɛ wɩaa kʋŋ tuo sɩ jaŋ wuo dagɛ ŋ-na kuoro wʋkpuŋkpere-la ŋ sɩɩ chɛ,

DANƖƐL 3:8

Bʋa deeŋ lɛ nɛ Babɩlɔŋ nɩaa dɔnsʋŋ kʋ lɩɩ a bʋl wɩaa lɩɩ Juu tɩŋŋaa harɩŋ.

DANƖƐL 4:3

Ʋ wʋmagɩlaa ŋaa wʋbala nɛ, ʋ wʋkpuŋkperisiŋ ma ŋaa wʋduoru. Ʋ kuoruŋ bɩ dɩdɛrɩŋ kɛnɛ, ʋ nɛ kuoro sɩ hɛ nɩmɛ a kaa mʋ wuu.

DANƖƐL 4:6

Ŋɩɩ nɛ mɩ ŋaa ba kɛŋ Babɩlɔŋ wʋjɩnnaa kala kɔ mɩ sɩpaaŋ dɩ ba dagɛ duoso-la bʋbʋɔŋ a pɩmɛ.

DANƖƐL 5:7

Kuoro ŋaa ba yɩrɛ Babɩlɔŋ nɩalɩŋ sɩ yie beŋ chɛnwʋlaa aŋ dɩdagɛ wɩaa, wʋjɩnnaa arɩ vʋgʋraa ba kɔ. Ʋ bʋla pɩba, “Nɩɩ-la kala sɩ wuo karɩmɛ kɩalɩŋ ba sɩ ŋmʋnsa a dagɛ ba bʋbʋɔŋ pɩmɛ, mɩ jaŋ joŋ gɛrɩ-vachalɩŋ a laalʋ, a joŋ sɛlɩmɛ banzɔlɔ a hɛ ʋ baŋŋaa, aŋ leŋ dɩ ʋ ŋaa nɩ-tori-la sɩ jaŋ kɛŋ doluŋ a bibeŋ mɩ tinteeŋ.”

1 SAMƲƐL 6:2

ŋɩɩ harɩŋ nɛ Fɩlɩsɩtɩa tɩŋŋaa sii yɩrɛ nɩalɩŋ sɩɩ kpaarɛ ba vʋɩyaa arɩ vʋgʋraa kala kʋ hɛ dɔŋɔ a pɩɛsɛba, “Ɛɛ nɛ la jaŋ ŋaa La TƖƖNA niiriŋ daga-la? Má dagɛla ŋɩɩ la sɩ jaŋ to a kɛnʋ mʋ bil ʋ dɩ-biliŋ.”