DANƖƐL 2:18 - WƖA TENIŊ

¹⁸ Ʋ bʋla pɩba dɩ ba sʋl Wɩa sɩ hɛ ʋ jaŋ lɛ a bibeŋ kʋŋkala dɩ ʋ fá ba nenige a dagɛba wʋkpuŋkpere-la bʋbʋɔŋ, dɩ ba sɩ́ ʋ dɩ ʋ nandɔnsʋŋ kpʋ a pɛ wʋjɩnna-la sɩ hɛ Babɩlɔŋ lɛ.

DANƖƐL 2:18 ပူးပေါင်းရင်းမြစ်များ

WƖAA DƖ-SUOMUŊ 18:28

Dɩ nɩaa mahɩŋ balɩa arɩ banɔŋ nɛ ŋaa tʋɔpʋl tɩŋŋaa taŋ-la lɛ, ŋ ha jaŋ kpʋ nɩalɩŋ?” Ŋɩɩ nɛ Wɩa bʋl, “Dɩ tʋɔpʋl tɩŋŋaa mahɩŋ balɩa arɩ banɔŋ nɛ hɛ nɩmɛ, mɩ bɩ jaŋ chei taŋ-la nɩaa kala.”

WƖA YƖƖLAA 136:26

Má lɔllɛ Wɩa sɩ hɛ ʋ jaŋ lɛ. Ʋ chonuŋ bɩ dɛrɛ.

WƖA YƖƖLAA 50:15

Má yɩrɛmɛ tapʋlɩɩ-la wɩaa sɩ jʋʋma, mɩ jaŋ laama ta dɩ ma zilmi.”

WƖA YƖƖLAA 91:15

Dɩ ba nɛ yɩrɛmɛ, mɩ jaŋ sɛɩ. Dɩ ba nɛ jʋʋ wɩɩ ma, mɩ jaŋ hɛ ba teeŋ, a laaba ta a zilba.

AZAAYA 37:4

Ŋ bɩ pɔ ŋ Tɩɩna Wɩa jaŋ nɩɩ wɩalɩŋ Asiiria kuoro sɩ tɩŋ ʋ laalɩyuori-hɩaŋ ʋ kɔ a tʋʋsɛ Wɩa sɩ weye joŋŋoo. Ŋ Tɩɩna Wɩa sɛnɛ nɩɩ wɩalɩŋ nɛ, ʋ jaŋ lɛrɛ nɩɩ-la sɩ bʋlba dɩgɩlɩŋ. Ŋɩɩ wɩaa, sʋl Wɩa pɩ la nɩkaana-la sɩ hɛ nɩmɛ.’ ”

JƐRƖMAAYA 33:3

“Yɩrɛmɛ, mɩ jaŋ sɛɩ, a dagɩŋ wʋduoruŋ arɩ wɩalɩŋ sɩ faa ŋ bɩ ba jɩŋ.

ƐZƖKƖƐL 36:37

Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: “Mɩ jaŋ bɩra jegile nɩɩ Iziral tɩŋŋaa sʋla a pɛ ba lɛ. Mɩ jaŋ leŋ dɩ ba faasa pʋŋa yʋgɛ a nagɛ pie-laalɩŋ.

DANƖƐL 2:23

Mɩ nyɩmmaba Wɩa, mɩɩ lɔllʋŋ aa dɛnnɩŋ. Ŋ nɛ pɩmɛ wʋjɩmɩŋ arɩ doluŋ, ŋ nɛ leŋe mɩ jɩŋ wɩɩ-la la sɩ pɩɛsɩŋ chɩchɛ, ŋ nɛ leŋe la jɩŋ kuoro duoso.”

DANƖƐL 3:17

Kuoro, dɩ ba nɛ jonla yuo hɛ nyiŋ-balɩŋ tʋɔŋ, Wɩa-la la sɩɩ to jaŋ laala ta ʋ lɛ, a laala ta ŋ nɩsɩŋ ma lɛ.

DANƖƐL 4:26

Wɩa tɩndaara sɩ sɩ dɩ ba leŋ tɩa-la gentine arɩ ʋ naapoloo ŋɩɩ, ʋ bʋbʋɔŋ nɛ, Wɩa jaŋ bɩra joŋ ŋ kuoruŋ pɩŋ dɩ ŋ nɛ kʋ jɩŋ arɩ Wɩa sɩ hɛ ʋ jaŋ lɛ nɩɩ beŋ kʋŋkala.

JONA 1:9

Ŋɩɩ nɛ Jona bʋla pɩba, “Mɩ ŋaa Hiburu tɩɩna nɛ, mɩɩ chʋɔlɛ mɩ Tɩɩna Wɩa nɛ, ʋ nɛ ŋaa wɩa-nyuŋ, mʋgʋ-balɩŋ arɩ tinteeŋ.”

MALAKAƖ 3:18

Ŋɩɩ nɛ nʋʋkala jaŋ na dabaŋ-la sɩ hɛ tʋɔpʋl tɩŋŋaa arɩ nɩbɔŋŋɔɔ pɛgɛ, nɩalɩŋ sɩɩ to mɩ-na Wɩa arɩ nɩalɩŋ sɩ bɩ mɩ ka to.”

Matiu 18:12

Ŋɩɩ nɛ Yesu magɛ namaga a bʋl, “Nʋʋ nɛ fa hɛ nɩmɛ a kɛŋ piesee zɔlɔ, ŋɩɩ nɛ ba tʋɔŋ dɔŋɔ lɛl.” Yesu pɩɛsɛ, “Ɛɛ nɛ ma bɩɩnɛ arɩ ʋ jaŋ ŋaa? Ʋ bɩ jaŋ leŋ piesee mahɩŋ banɛsɛ arɩ fii arɩ nibi-la a ta peelee nyuŋ aŋ lɩɩ gɔllɔ chɩchɛ pie-lɛlɩɩ-laa?

Matiu 18:19

Mɩ jaŋ bɩra bʋla pɩma arɩ ma nɩaa balɩa nɛ kɛŋ nii-bala a chʋɔlɛ Wɩa a chɩchɛ kʋŋ mɩ Nyɩmma sɩ hɛ Wɩa-jaŋ teeŋ, ʋ jaŋ joŋo pɩma.

Tɩntɩŋŋaa 12:4

Ba sɩ kɛŋ Pɩɩta, ba kɛnʋ kaa mʋ tɔ dɩa. Nɩmɛ nɛ ba ŋaa laalɩyuoroo fii arɩ balɩdʋ bibenu. Banɛsɛ yie benu mʋa, banɛsɛ ma bɩra kʋ laaba lɛ. Hɛrɔd fa bɩɩna dɩ dɩɩsɩŋ kiele bal gbiele-la nɛ bal, ka ʋ kɛnʋ lɩɩ pɩ nɩalɩŋ dɩ ba dii ʋ sarɩya.

Rom Tɩŋŋaa 15:30

Mɩ naambiiriŋ, mɩɩ sʋlma La Tɩɩna Yesu Kirisito yɩrɩŋ lɛ, arɩ chono-la Wɩa Dɩŋ-zɔŋ-la sɩ joŋo pɩla, dɩ ma pɛ mɩ lɛ a chaasa chʋɔlɛ Wɩa pɩmɛ,

2 Pɩɩta 2:9

Wɩaa deemba kala dagɛla arɩ Wɩa jɩŋ wombii-la ʋ sɩ jaŋ to a laa tʋɔpʋl tɩŋŋaa ta nɛ, dɩ Sɩtaanɩ sɩ́ wuo magɩsɛba dɩ ba ŋaa wʋbɔŋ. Ba bɩra dagɛla ŋɩɩ Wɩa sɩ jaŋ ŋaa a dɔgɩsɛ nɩbɔŋŋɔɔ ma a kaa mʋ yi tapʋlɩɩ-la ʋ sɩ jaŋ dii dʋnɩa nɩaa sarɩya.

1 SAMƲƐL 17:37

La TƖƖNA sɩ lɩɩsɛmɛ naachigee arɩ lʋgʋmaa niiŋ lɛ, ʋ jaŋ lɩɩsɛmɛ Fɩlɩsɩtɩa tɩɩna deeŋ ma nɩsɩŋ lɛ.” Ŋɩɩ nɛ Sɔɔl bʋla pɩ Devit, “Mʋ, La TƖƖNA jaŋ chɩŋ ŋ harɩŋ.”