DANƖƐL 12:9 - WƖA TENIŊ

⁹ Ʋ bʋla pɩmɛ, “Danɩɛl, ŋ-na mʋ ŋ dɩ-mʋʋlʋŋ, wɩalɩŋ faa nɛ ba tɔ bil see dʋnɩa dɩdɛrɩŋ yie.

DANƖƐL 12:9 ပူးပေါင်းရင်းမြစ်များ

AZAAYA 29:11

Ma teeŋ wɩalɩŋ ma sɩ na arɩ duosoo tʋɔŋ bɩra bɩ bʋbʋɔ kɛnɛ. Ba nagɛ wɩaa ba sɩ joŋo hɛ teniŋ lɛ a kaa pilime tɔ nɛ. Dɩ ma nɛ joŋ teŋ-la a pɩ nɩɩ-la sɩ jɩŋ karɩmɩŋ, aŋ bʋla pʋ, “Laa sʋlʋŋ, karɩmɛ wɩɩŋ deeŋ pɩla.” Ʋ jaŋ bʋl, “Mɩ bɩ jaŋ wuo, bɛɛ wɩaa ba kaa pilime tɔ nɛ.”

AZAAYA 8:16

Mɩ harɩ-tooroo, má pɔ wɩalɩŋ Wɩa sɩ joŋo pɩmɛ a kɛmba woruŋ.

DANƖƐL 10:14

Lɛɛlɛ mɩ kɔ dɩ mɩ bʋl wɩɩ-la maachie sɩ jaŋ ŋaa ŋ nɩaa lɛ nɛ a pɩŋ. Wɩɩ-la ŋ sɩ na a nagɛ duosoo tʋɔŋ tɩgɛ maachie wɩalɩŋ sɩ jaŋ ŋaa lɛ nɛ.”

DANƖƐL 11:40

Dʋnɩa dɩdɛrɩ-la Wɩa sɩ daga nɛ yie, Ijipiti tinteeŋ kuoro jaŋ sii mʋ dɩ ʋ yuo Siiria kuoro. Siiria kuoru-la jaŋ kɛŋ ʋ laalɩŋ janɩŋ torukoba arɩ ja-jɩllaa a pɛ lɩɩŋ daboru-dandaŋ lɛ a lɩɩ chemu. Ʋ jaŋ mʋ tɔ tinteyee yʋgɛ hɛ a yuoba a nagɛ lɩɩŋ sɩ tɔ leriŋ.

DANƖƐL 12:4

Ŋ-na Danɩɛl, sɩ́ wɩaa deemba bʋla pɩ nʋʋkala. Kɛŋ teŋ-la tɔ a joŋ kʋa magɩlɛ a kaa mʋ yi dʋnɩa dɩdɛrɩŋ. Nɩaa jaŋ yʋgɛ a lɩɩ daha a mʋ daha a chɩchɛ dɩ ba wʋjɩmɩŋ pʋŋa pɛ.”

DANƖƐL 12:8

Mɩ nɩɩ wɩalɩŋ ʋ sɩ bʋla, aŋ bɩ ba bʋbʋɔŋ wuo jɩŋ. Ŋɩɩ nɛ mɩ pɩɛsɛ, “Mɩ nɩhɩaŋ, ɛɛ nɛ wɩalɩŋ kala dɩdɛrɩŋ jaŋ nagɛ?”

DANƖƐL 8:26

Wɩalɩŋ ŋ sɩ na a nagɛ duosoo tʋɔŋ tɩgɛ dɩdaanɩŋ arɩ chʋchʋɔŋ Wɩɩsʋlʋŋ kɩalɩŋ lɛ sɛnɛ jaŋ kʋ ŋaa wʋtɩtɩɩ, ama pɔ ŋ sɩ́ bʋla pɩ nʋʋkala, bɛɛ wɩaa ba ŋaa maachie wɩaa nɛ.”

Jɔɔŋ Wʋnaalaa 10:4

Bʋa-la lɛ duonuŋ sɩ kpɩa, mɩ faa chɛ dɩ mɩ ŋmʋnsɛ wɩalɩŋ bil. Ŋɩɩ nɛ nʋʋ yikoro lɩɩ wɩa-nyuŋ a bʋla pɩmɛ, “Leŋ dɩ wɩalɩŋ duonuŋ sɩ kpɩa bʋl hɛ ŋ tʋɔŋ, sɩ́ ŋmʋnsa bil.”