DANƖƐL 12:3 - WƖA TENIŊ

³ Nɩalɩŋ sɩ kɛŋ wʋjɩmɩŋ jaŋ tʋtʋl a nagɛ wɩa-nyuŋ kɩaa. Nɩalɩŋ ma sɩ dagɛ nɩaa ba joŋ tʋɔpʋla wombiiŋ jaŋ nagɛ chɛnwʋlaa a kaa mʋ wuu.

DANƖƐL 12:3 ပူးပေါင်းရင်းမြစ်များ

MOSIS KƐŊ IZIRAL TƖŊŊAA LƖƖ 34:35

ba yie na arɩ ʋ sɩaa ka tʋl. Mosis yie bɩra joŋ nyu-bɛlɛ-la a tɔ ʋ sɩaa, see dɩ ʋʋ chɛ ʋ mʋ La TƖƖNA sɩpaaŋ ʋ kaa suri.

NAMAGABA 11:30

Tʋɔpʋl tɩɩna nagɛ tɩa-la sɩɩ pɩ mɩɩsɩŋ nɛ, nɩɩ-la kala sɩ laa nɩaa mɩɩsɩŋ tɩta ŋaa wʋjɩnnʋ nɛ.

NAMAGABA 3:35

Nɩalɩŋ sɩ kɛŋ wʋjɩmɩŋ jaŋ laa yɩrɩŋ, ama nɩyaaraa-na jaŋ dii hɩɩsɩŋ.

NAMAGABA 4:18

Tʋɔpʋl tɩŋŋaa wombiiŋ nagɛ taŋ sɩ pʋlaa kɔ leriŋ pʋpʋllɛ nɛ, a pʋllɛ ŋɩɩ a mʋ yi bʋa-la lɛ leriŋ sɩ chaasa pʋlla dɛrɛ.

TƖƖCHA 12:9

Nɩɩ-la sɩɩ dagɛ nɩaa fa kɛŋ wʋjɩmɩŋ nɛ woruŋ, a joŋ wɩalɩŋ ʋ sɩ jɩma a dagɛ nɩaa. Ʋ chaasa hɔnɔ bɩɩnɛ wɩaa nɛ aŋ magɛ namagaba ba lɩɩ aŋ ka pɩ dɔŋɔ.

AZAAYA 53:11

Hɛɛ-la ʋ sɩ na harɩŋ lɛ, ʋ jaŋ kɛŋ tʋɔtɔrʋŋ. Ʋ jaŋ jɩŋ arɩ hɛɛ-la ʋ sɩ na bɩ pɛɩ ŋaa. Mɩ tɩntɩnna sɩ ŋaa tʋɔpʋl tɩɩna wɩaa, ʋ jaŋ laa nɩ-daŋ wʋbɔŋŋɔɔ ta.

JƐRƖMAAYA 23:22

Ama dɩ ba nɛ fa jɩŋ mɩ tʋɔbɩɩnaa, ba fa jaŋ heele bʋl mɩ wɩaa a pɩ mɩ nɩaa, dɩ ba bɩrɩma lɩɩ ba wombii bɔmɔ-la arɩ wʋbɔmɔ-la ba sɩɩ ŋaa lɛ.

DANƖƐL 11:33

Ba tʋɔŋ nɩalɩŋ sɩ kɛŋ wʋjɩmɩŋ jaŋ dagɛ nɩ-daŋ. Ama bʋa dɔŋ jaŋ yi dɩ ba kpʋba laalɩŋ lɛ koo a nyɩgɛba koo a yuo kɛsɛba koo a paa ba kɩaa.

DANƖƐL 11:35

Nɩalɩŋ dɔnsʋŋ sɩ kɛŋ wʋjɩmɩŋ jaŋ na hɛɛŋ, dɩ ŋɩɩ ŋaa wɩɩ sɩ jaŋ chɛsɛba a pɩɩsɛ ba disiniŋ ta ka dɩ ba zɔŋ a kaa mʋ yi dɩdɛrɩ-la Wɩa sɩ daga.

DANƖƐL 12:10

Wɩa jaŋ chɛsɛ nɩ-daŋ a pɩɩsɛ ba disiniŋ ta, dɩ ba zɔŋ. Ama nɩbɔŋŋɔɔ ha jaŋ ŋɩŋaa wʋbɔŋŋɔɔ. Nɩbɔmɔ-la kʋŋkala bɩ jaŋ jɩŋ wɩaa sɩaa, ama nɩalɩŋ sɩ kɛŋ wʋjɩmɩŋ jaŋ jɩŋ ba sɩaa.

Matiu 13:43

Tʋɔpʋl tɩŋŋaa-na jaŋ tʋtʋl a nagɛ wɩɩpɔsʋŋ sɩɩ tʋl ŋɩɩ ba Nyɩmma Wɩa kuorii-la tʋɔŋ. Dɩgɩlaa tɩŋŋaa, má wuoli ma dɩgɩlaa a nɩɩ wɩaa deemba.”

Matiu 19:28

Ŋɩɩ nɛ Yesu bʋla pɩ ʋ harɩ-tooro-la, “Wʋtɩtɩɩ nɛ mɩ bʋlaa pɩma, dɩ dʋnɩa falɩɩ-la nɛ yie, mɩ-na Nuhuobiine Bie jaŋ hɔŋ mɩ kuoru kpasa nyuŋ Wɩa pʋlʋmʋŋ tʋɔŋ. Bʋa-la lɛ, ma harɩ-tooroo deemba fii arɩ balɩa-la sɩ to mɩ harɩŋ, ma ma jaŋ hɔŋ kuoru kpasɩnɩŋ fii arɩ balɩa nyuŋ a bibeŋ Iziral tinteyee fii arɩ balɩa-la a dii ba sarɩya.

Matiu 24:45

Ŋɩɩ nɛ La Tɩɩna Yesu mɩɩra pɩɛsɛba, “Kʋbɛɛ nɛ saa ŋaa tɩntɩnnɩ-tɩtɩɩ-la sɩ jɩŋ wɩaa? Ʋ nɛ nɩɩ-la ʋ kʋhɩaŋ sɩ yie lɩɩsɛ dɩ ʋ bibeŋ ʋ dɩa, aŋ pɛ pɩpɩ ʋ tɩntɩnnɩ-dɔsʋŋ ma kʋdiilee bʋa-la lɛ sɩ maga.

Jɔɔŋ 4:36

Nɩalɩŋ kala sɩ ŋaa kɩalɩŋ hɛ dɔŋɔ lɛ, ba jaŋ laa ba time. Kɩalɩŋ ma ma sɩ ŋaa hɛ dɔŋɔ lɛ, ba ma nɛ ŋaa nɩalɩŋ sɩ laa mɩ wɩaa dii. Ba nɛ jaŋ kɛŋ mɩɩsɩ-la sɩ bɩ dɛrɛ. Ŋɩɩ wɩaa, nɩalɩŋ sɩ kɛsɛ nɩalɩŋ sɩ laa mɩ wɩaa dii arɩ nɩalɩŋ sɩ bʋl Wɩa wɩaa pɩpɩ nɩaa, ba kala tʋɔŋ jaŋ tɔrɛ.

Jɔɔŋ 5:35

Jɔɔŋ fa nagɛ chaanɩŋ nɛ a chaanɛ, ma fa cho dɩ ma nɩɩ ʋ chaaŋ-la sɩma mʋapɩlɩɩ.

Tɩntɩŋŋaa 13:1

Nɩalɩŋ sɩ laa Yesu wɩaa dii aa hilimi Antɩɔk lɛ, Wɩa wʋlaabʋllaa arɩ nɩalɩŋ sɩɩ dagɛ nɩaa fa hɛ ba tʋɔŋ nɛ. Ba yɩraa nɛ: Banabas, arɩ Simioŋ ba sɩɩ yɩrɛ nɩ-bine, arɩ Lusias sɩ lɩɩ Siriini, arɩ Sɔɔl arɩ Maneyaŋ. (Tintee-la kuoro Hɛrɔd nɛ dɩɛsɛ Maneyaŋ.)

1 Kɔrɩntɩ Nɩaa 3:10

Tɩntɩmɩɩ-la mɩ sɩɩ tɩŋ, Wɩa nɛ joŋ doluŋ pɩmɛ. Mɩ nagɛ dɩɩ-saara sɩ jɩŋ dɩa saanɩŋ woruŋ nɛ a bil Wɩa dɩa-la gentine. Nʋʋ ma dɔŋ nɛ saa dɩa-la ʋ jɩl. Nʋʋkala saa fɩɛlɛ ʋ sɩaa ŋɩɩ ʋ sɩɩ saa dɩa-la.

Ɛfɛsɩs Nɩaa 4:11

Kirisito lɩɩsɛ nɩaa dɔnsʋŋ ba ŋaa ʋ nanzɔɔba, dɔnsʋŋ ma ŋaa Wɩa wʋlaabʋllaa, a leŋ dɔnsʋŋ ma gɔllɔ bʋl Wɩa wɩaa a pɩpɩ nɩaa, dɔnsʋŋ ma bibeŋ nɩalɩŋ sɩ laa ʋ wɩaa dii, ka dɔnsʋŋ ma dɩdagɛ nɩalɩŋ sɩ laa ʋ-na Yesu wɩaa dii.

Hiburu TƖŊŊAA 5:12

Ma sɩ nɩɩ Wɩa wʋzɔmɔ-la, ʋ diene nɛ. Ʋ fa maga dɩ ma nɛ dɩdagɛ nɩaa, ama ma haa chɛ dɩ nʋʋ nɛ dɩdagɛma Wɩa niiŋ wɩalɩŋ ma sɩ nɩa bumbuŋ. Ʋ naga maa chɛ yɩlɩŋ nɛ, ma ha bɩ kʋduoruŋ wuo didii.

2 Pɩɩta 3:15

Mɩ naambiiriŋ, ʋ maga dɩ ma jɩŋ arɩ La Tɩɩna Yesu kɛŋ kenyiri nɛ. Ʋ ŋaa ŋɩɩ dɩ ʋ wuo laama ta nɛ. Wɩaa deemba tɩtɩa nɛ la naambii-chooluŋ Pɔɔl ma ŋmʋnsa pɩma. Wɩa nɛ pʋ wʋjɩmɩŋ deeŋ ʋ kaa bʋl wɩalɩŋ.

Jɔɔŋ Wʋnaalaa 1:20

Wʋkpuŋkpere-la ŋ sɩ na a mʋ tɩgɛ chɛnwʋla-la balɩpɛ ŋ sɩ na mɩ na-diiŋ lɛ arɩ chaaŋ daasɩ-la balɩpɛ bʋbʋɔŋ nɛ: Chɛnwʋlaa balɩpɛ-la nɛ ŋaa Wɩa tɩndaara-la sɩɩ beŋ nɩalɩŋ sɩ laa Yesu wɩaa dii a hihilimi a hɛ tasɩ-la balɩpɛ-la sɩ hɛ Esia tinteeŋ lɛ. Chaaŋ daasɩ-la balɩpɛ nɛ ŋaa nɩalɩŋ sɩ laa Yesu wɩaa dii a hihilimi tasɩŋ balɩpɛ-la sɩ hɛ Esia tinteeŋ lɛ.

SƖPAALAARAA 5:31

La TƖƖNA, a leŋ dɩ ŋ dʋndɔŋŋɔɔ kala sʋʋ a nagɛ Sɩsɛra, aŋ leŋ dɩ nɩalɩŋ sɩ choŋ chaanɛ a nagɛ wɩɩpɔsʋŋ.” Ŋɩɩ nɛ Iziral tɩŋŋaa hɔŋ tintee-la lɛ arɩ fɩɛlɩŋ jɩsɩŋ mahɩŋ balɩa.