DANƖƐL 11:4 - WƖA TENIŊ

⁴ Ʋ ŋɩɩ harɩŋ ʋ kuoruŋ jaŋ tel dɩ ba kaa kpaa dʋnɩa sɛsɩŋ banɛsɛ-la. Ʋ doho nʋʋ bɩra bɩ jaŋ dii kuoruŋ ʋ nyuŋ lɛ koo a kɛŋ ʋ dol-la ŋaa wɩɩ, bɛɛ wɩaa ba jaŋ laa ʋ kuoruŋ a pɩ nɩwogusuŋ.

DANƖƐL 11:4 ပူးပေါင်းရင်းမြစ်များ

WƖA YƖƖLAA 39:6

Ʋ nagɛ daaliimiŋ nɛ, ʋ bɩ diene aŋ lɩlɛl. Nuhuobiine lɔlʋŋ kala ŋaa pɛɩ nɛ, ʋ yie chɛ kɩaa bil aŋ bɩ jɩŋ nɩɩ-la sɩ jaŋ dii kɩalɩŋ.

TƖƖCHA 4:8

Baal kʋbala nɛ fa hɛ nɩmɛ ʋ dʋndʋŋ, ʋ bɩ bii kɛnɛ, ʋ bɩ naambii ma kɛnɛ, aŋ ka ʋ lɔlʋŋ fa bɩ dɛrɛ, ʋ sɩɩŋ fa bɩ ʋ dʋa ka su. Ŋɩɩ nɛ ʋ pɩɛsɛ ʋ tɩtɩa, “Kʋbɛɛ nɛ mɩ lɔlɔ pɩpa, bɛɛ nɛ tɩɩ mɩ bɩ chɛ dɩ nɩɩ kɩalɩŋ mɩ sɩ kɛnɛ sɩma?” Wɩɩŋ deeŋ ma bɩ bʋbʋɔ kɛnɛ, tʋɔ-chei tɩntɩmɩɩ nɛ.

JƐRƖMAAYA 12:15

Ama dɩ mɩ nɛ churiba dɛrɛ, mɩ jaŋ bɩra fá ba nenige aŋ kɛŋ ba kʋŋkala mɩɩra kɔ ba tinteeŋ arɩ ba dʋa leriŋ.

JƐRƖMAAYA 12:17

Ama dɩ tintee kala nɩaa nɛ bɩ jegile nɩɩ, mɩ jaŋ churiba ta a cheiba gbelem gbelem. Mɩ-na ma TƖƖNA nɛ bʋla.”

JƐRƖMAAYA 18:7

Dɩ mɩ nɛ bʋla bʋa na-kala lɛ arɩ mɩ jaŋ churi tintee nɩaa koo kuoru-gentine a yige lo a cheiba,

JƐRƖMAAYA 31:40

a kɛŋ fuonaa-la lɛ ba sɩɩ hugi sʋʋnʋŋ aŋ joŋ tʋɔrʋŋ ma tɩta, a pɛ lere-la kala ba sɩ dɩŋa lɛ a mʋ yi Kɩdɩrɔŋ Fuonaaŋ sɩ hɛ wɩɩpɔsʋŋ dɩɩrɩŋ, a kɛŋ ŋɩɩ mʋ yi Janɩŋ Boi-baal-la sɩ hɛ je-gʋnʋŋ lɛ. Leree deemba kala jaŋ ŋaa dɩ-zɔmɔ a pɩ mɩ-na ma TƖƖNA. Ba bɩra bɩ jaŋ kɔ dɩ ba churi tabal-la koo a ŋmobu lo.”

JƐRƖMAAYA 45:4

La TƖƖNA bʋla pɩmɛ, “Bʋl ŋ-la a pʋ: ‘Wɩɩ-la mɩ-na ma TƖƖNA sɩ bʋla nɛ ŋ-la: Mɩ jaŋ yigi kʋ-la mɩ sɩ saa a lo, a churi kʋ-la ma mɩ sɩ chɔnsɔ tintee-la kala lɛ.

JƐRƖMAAYA 49:36

Mɩ jaŋ kɛŋ dʋndɔŋŋɔɔ lɩɩ dʋnɩa sɛmɛ kala kʋ hɛ Ɛlam lɛ. Mɩ jaŋ kɛmba pɩsa hɛ dʋnɩa sɛmɛ kala, ba jaŋ mʋ yoŋ-baga tintee kala lɛ.

ƐZƖKƖƐL 37:9

Ŋɩɩ nɛ ʋ bʋla pɩmɛ, “Bʋl wɩaa mɩ doluŋ lɛ a pɩ wiese. Bʋla pɩ wiese arɩ mɩ-na ma TƖƖNA Wɩɩjarɩbakɔ sɩ ʋ lɩɩ dʋnɩa loŋgorunuŋ banɛsɛ a kʋ jʋʋ nɩsʋʋnʋŋ deemba a leŋ dɩ ba bɩra kɛŋ mɩɩsɩŋ.”

DANƖƐL 7:2

Danɩɛl sɩ, “Mɩ duosoo tʋɔŋ tɩtaŋ-la, mɩ na pel-duoŋ sɩ lɩɩ wɩa-nyuŋ kʋ tuu dʋnɩa loŋgorunuŋ banɛsɛ kala a kɛŋ mʋgʋ-balɩŋ vuugi.

DANƖƐL 7:6

Ʋ ŋɩɩ harɩŋ mɩ bɩra na baga kʋa dɔŋɔ mɩ sɩpaaŋ, ʋ ma nagɛ kpeye. Kɩŋkɛnsɩŋ banɛsɛ hɛ ʋ duguno lɛ a nagɛ diibie kɩaa. Baga kʋa deeŋ fa kɛŋ nyusuŋ banɛsɛ nɛ, ba joŋ doluŋ pʋ dɩ ʋ dii kuoruŋ.

DANƖƐL 7:8

Mɩ fa sɩɩ beŋ nyilli-la, nyil-bie kʋbala kʋ lɩɩ ba tʋtʋɔbaanɩŋ, a churi nyilli-la batori sɩ laa sɩpaaŋ hɛ nɩmɛ. Nyile deeŋ fa kɛŋ sɩaa nɛ ba nagɛ nuhuobiine sɩaa a kɛŋ niiŋ a bʋbʋl babiibal wɩaa.

DANƖƐL 8:22

Nyilli-la banɛsɛ sɩ nyʋ nyile-la sɩ boro leriŋ ŋaa kuori-gentisiŋ banɛsɛ nɛ sɩ jaŋ sii dii kuoruŋ a kɛŋ tintee-la kpaa, ama ba bɩ jaŋ kɛŋ doluŋ a magɛ bumbuŋ kuoru-la.

DANƖƐL 8:8

Gbuŋgbogo-la bɩrɩmɛ geriwoŋŋu, arɩ ʋ doluŋ sɩ yʋga ma kala, ama ba ha yɩ ʋ ma nyil-duo-la bori nɛ. Ka nyil-duoruŋ banɛsɛ mɩɩra nyʋ nyile-la leriŋ. Ba kʋŋkala chaasɛ dʋnɩa loŋgorunu-la banɛsɛ dɔŋɔ.

ZƐKARƖYA 2:6

La TƖƖNA sɩ, “Má kɔ, má kɔ. Má fá lɩɩ wɩɩpɔsʋŋ nagʋa tinteeŋ lɛ. Mɩ kɛmma pɩsa hɛ dʋnɩa loŋgorunuŋ banɛsɛ-la lɛ nɛ.

ZƐKARƖYA 6:5

Ʋ bʋla pɩmɛ, “Dɩnsɩŋ banɛsɛ sɩ hɛ Wɩa-jaŋ lɛ nɛ ŋɩɩ. Ba lɩɩ La TƖƖNA sɩ tɩɩ dʋnɩa kala sɩpaaŋ nɛ a kʋkɔ ŋɩɩ.

Matiu 12:25

Yesu wuo jɩŋ ba tʋɔbɩɩnaa a bʋla pɩba, “Dɩ tinteeŋ nɩaa nɛ hɛ nɩmɛ a bɩ nii-bala kɛnɛ, ba tintee-la jaŋ tel. Dɩ taŋ nɩaa koo naambiiriŋ ma nɛ bɩ nii-bala kɛnɛ, ba dɩa jaŋ tel.

Luuk 12:20

Ŋɩɩ nɛ Wɩa bʋla pʋ, ‘Nɩyaarɩ! Tɩtaŋɩŋ deeŋ mɩ jaŋ leŋ dɩ ŋ sʋʋ. Kɩalɩŋ saa ŋ sɩ chɛ bil ŋ tɩtɩa lɛ, kʋbɛɛ nɛ jaŋ dii?’ ”

Jɔɔŋ Wʋnaalaa 7:1

Wɩaa deemba kala harɩŋ, mɩ na Wɩa tɩndaaraa banɛsɛ dɩ ba chɩŋ dʋnɩa laŋgorunuŋ banɛsɛ-la lɛ. Ba fa kɛŋ peliŋ nɛ dɩ ʋ sɩ́ lu hɛ tinteeŋ arɩ mʋgʋ-balɩŋ arɩ tɩɩsɩŋ kala lɛ.