DANƖƐL 10:9 - WƖA TENIŊ

⁹ Ŋɩɩ nɛ mɩ nɩɩ dɩ ʋ bʋl wɩaa. Mɩ sɩ nɩɩ ʋ yikoro ŋɩɩ, mɩ tele chu tinteeŋ a kpaŋa pɩŋ.

DANƖƐL 10:9 ပူးပေါင်းရင်းမြစ်များ

WƖAA DƖ-SUOMUŊ 15:12

Wɩɩ-muluŋ sɩ tuu jʋʋ, doŋ faasa kɛŋ Abɩram. Ʋ nyuŋ ŋmɛrɛ, fawʋllʋŋ kɛnʋ woruŋ.

WƖAA DƖ-SUOMUŊ 2:21

Ŋɩɩ nɛ La TƖƖNA Wɩa leŋ Adam pɩŋ doŋ a yuo naaŋ. Ʋ sɩ pɩŋ doŋ ŋɩɩ, Wɩa lɩɩsɛ ʋ sɛmpɛrɩ-biiŋ dɔŋɔ aŋ kɛŋ lee-la tɔ.

JOB 33:15

Ʋ yie wuo to duosoo lɛ tɩtaŋɩŋ nɩaa sɩ pɩna, koo nʋʋ sɩ na wɩaa arɩ duosoo tʋɔŋ nɩaa sɩ pɩŋ doŋ.

JOB 4:13

Wɩɩ-la fa nagɛ nʋʋ sɩɩ duosu nɛ, bʋa-la lɛ nɩaa sɩ faasa pɩŋ doŋ.

SOLOMOŊ YƖƖL-SƖMƖŊ 5:2

Mɩ pɩŋ doŋ nɛ, ama mɩ tʋɔŋ-na bɩ pɩna. Mɩ dɩgɩlɩŋ nɩa arɩ mɩ hɩɩla ka du boro. Mɩ dɩhaala, mɩ hɩɩla, mɩ kokomo, mɩ nɩɩ-la sɩ bɩ nyɔɔ kala kɛnɛ: Suri boiŋ pɩmɛ. Mɩ nyuŋ kala nɛ fɩɛla arɩ nyalɩŋ, bʋrʋŋ ma tele daŋ mɩ nyuŋ lɛ.

DANƖƐL 10:16

Ŋɩɩ nɛ kʋ-la sɩ nagɛ nuhuobiine bɩra digi mɩ niipinee lɛ, mɩ bɩra wuo bʋl wɩaa. Mɩ bʋla pɩ nɩɩ-la sɩ chɩŋ mɩ sɩpaaŋ, “Mɩ nɩhɩaŋ, wɩɩ-la mɩ sɩ na a nagɛ duosoo tʋɔŋ leŋe mɩ na hɛɛŋ kɩŋkɛŋ nɛ a bɩ mɩ nandaa kala wuo.

DANƖƐL 8:18

Ʋ fa sɩɩ bʋl wɩaa mɩ teeŋ ŋɩɩ, mɩ kpaŋa pɩŋ nɛ mɩ sɩaa chu tinteeŋ. Ŋɩɩ nɛ ʋ kɛmmɛ chʋʋlɛ mɩ sii chɩŋ.

HABAKU 3:16

Mɩ nɩɩ wɩaa deemba kala nɛ a chichel, mɩ niipinee ŋmuŋmoo dɔŋɔ, mɩ yaraa kala sʋʋ, mɩ naasɩŋ chichel. Ama mɩ jaŋ dii kenyiri aŋ gbɛrɛ tapʋlɩɩ-la wʋbɔŋŋɔɔ sɩ jaŋ jʋʋ tinteye-la sɩ kʋ tɔla hɩhɛ.

Luuk 22:45

Ʋ sɩ chʋɔlɛ Wɩa dɛrɛ, ʋ sii a mɩɩra mʋ ʋ harɩ-tooroo teeŋ, dɩ ba pɩŋ doŋ, bɛɛ wɩaa ba tʋɔŋ cheye nɛ woruŋ.

Luuk 9:32

Pɩɩta arɩ ʋ nandɔnsʋŋ fa pɩŋ doŋ nɛ, ama ba hirige sii a na Yesu sɩɩ tʋl ŋɩɩ, a na nɩalɩŋ balɩa ma sɩ chɩŋ ʋ teeŋ.

Jɔɔŋ Wʋnaalaa 1:17

Mɩ sɩ naʋ ŋɩɩ, mɩ tuu tel ʋ sɩpaaŋ a pɩŋ nɩmɛ chɩm a nagɛ dɩ mɩ sʋba. Ŋɩɩ nɛ ʋ joŋ ʋ nadiiŋ nɩsɩŋ daŋ mɩ lɛ aŋ bʋla pɩmɛ, “Sɩ́ fawʋllʋŋ fá, mɩ nɛ ŋaa Nɩɩ-la fa sɩ hɛ nɩmɛ bumbuŋ arɩ Nɩɩ-la sɩ jaŋ hɛ nɩmɛ dʋnɩa dɩdɛrɩŋ.