DANƖƐL 10:16 - WƖA TENIŊ

¹⁶ Ŋɩɩ nɛ kʋ-la sɩ nagɛ nuhuobiine bɩra digi mɩ niipinee lɛ, mɩ bɩra wuo bʋl wɩaa. Mɩ bʋla pɩ nɩɩ-la sɩ chɩŋ mɩ sɩpaaŋ, “Mɩ nɩhɩaŋ, wɩɩ-la mɩ sɩ na a nagɛ duosoo tʋɔŋ leŋe mɩ na hɛɛŋ kɩŋkɛŋ nɛ a bɩ mɩ nandaa kala wuo.

DANƖƐL 10:16 ပူးပေါင်းရင်းမြစ်များ

MOSIS KƐŊ IZIRAL TƖŊŊAA LƖƖ 4:10

Ŋɩɩ nɛ Mosis bʋla pɩ La TƖƖNA, “Mɩ TƖƖNA, mɩ-na ŋ tɩntɩnna, mɩ bɩ wʋbʋllʋ ŋaa, a lɩɩ bʋa-la kala lɛ ŋ sɩ suomo bʋl wɩaa mɩ teeŋ arɩ lɛɛlɛ kala. Mɩ nandelimiŋ yuŋŋie arɩ wɩaa bʋlʋŋ.”

MOSIS KƐŊ IZIRAL TƖŊŊAA LƖƖ 4:13

Ŋɩɩ nɛ Mosis bʋl, “Mɩ TƖƖNA, mɩɩ sʋlʋŋ mɩɩra tɩŋ nʋʋ dɔŋ.”

TƖƖCHA 1:18

Dɩ ŋ nɛ kɛŋ wʋjɩmɩŋ kɩŋkɛŋ, wɩaa yie faasa walɩmɩŋ nɛ. Dɩ ŋ nɛ jɩŋ wɩaa sɩaa ma kɩŋkɛŋ, ŋɩɩ nɛ wɩaa ma yie wʋwɩɩŋ.

AZAAYA 6:7

Ʋ kɛŋ nyiŋ-hal-la kʋ digi mɩ niiŋ lɛ aŋ bʋl, “Bee na, nyiniŋ deeŋ sɩ digi ŋ niipinee ŋ-la, ŋ wʋcheelee arɩ ŋ wʋbɔŋŋɔɔ kala nɛ mɩ pɩɩsa ta ŋɩɩ.”

JƐRƖMAAYA 1:9

Ŋɩɩ nɛ La TƖƖNA lɩɩsɛ ʋ nɩsɩŋ a digi mɩ niiŋ lɛ, aŋ bʋla pɩmɛ, “Lɛɛlɛ mɩ joŋ mɩ niiŋ wɩaa a hɛ ŋ niiŋ lɛ nɛ.

ƐZƖKƖƐL 1:26

Kʋ-la sɩ nagɛ wɩa-nyuŋ a chugili kɩalɩŋ sɩ weye nyuŋ ma nyuŋ, kʋŋ kʋbala chɩŋ a nagɛ kuoru kpasa ba sɩ kɛŋ tabɩɩ kʋbala sɩ nagɛ diibelimbine a tʋtʋl a ŋaa, ka kʋŋ hɔŋ kuoru kpasa-la nyuŋ a nagɛ nuhuobiine.

ƐZƖKƖƐL 3:27

Ama dɩ bʋa dɔŋ nɛ kʋ yi, mɩ jaŋ bʋl wɩaa pɩŋ, a bɩra suri ŋ niiŋ dɩ ŋ wuo bʋbʋl wɩaa, a bʋl wɩalɩŋ mɩ-na ba TƖƖNA Wɩɩjarɩbakɔ sɩ bʋla a pɩba. Nɩalɩŋ dɔnsʋŋ jaŋ jegile nɩɩ, ama dɔnsʋŋ ma bɩ jaŋ jegile nɩɩ, bɛɛ wɩaa ba ŋaa nɩa sɩ vɩa mɩ niiŋ nɛ.”

ƐZƖKƖƐL 33:22

Dɩdaaŋ-la sɩ bala ka baal-la-na kɔ mɩ teeŋ, La TƖƖNA dol-la fa hɛ mɩ lɛ nɛ. Ʋ suri mɩ niiŋ nɛ, ka baal-la-na kɔ mɩ teeŋ ŋɩɩ chʋchʋɔŋ, mɩ bɩra wuo bʋbʋl wɩaa.

DANƖƐL 12:8

Mɩ nɩɩ wɩalɩŋ ʋ sɩ bʋla, aŋ bɩ ba bʋbʋɔŋ wuo jɩŋ. Ŋɩɩ nɛ mɩ pɩɛsɛ, “Mɩ nɩhɩaŋ, ɛɛ nɛ wɩalɩŋ kala dɩdɛrɩŋ jaŋ nagɛ?”

DANƖƐL 4:19

Ŋɩɩ nɛ Danɩɛl (ba sɩ kaa yɩrɛ Bɛlɩtɛsaza) tʋɔŋ faasa chei a dieni mʋa. Ʋ tʋɔbɩɩnaa leŋ fawʋllʋŋ kɛnʋ. Kuoro bʋl, “Bɛlɩtɛsaza, sɩ́ leŋe dɩ duoso-la koo ʋ bʋbʋɔŋ leŋ dɩ fawʋllʋŋ kɛnɩŋ.” Bɛlɩtɛsaza ma bʋl, “Mɩ nɩhɩaŋ, mɩ fa cho dɩ duoso-la ŋaa nɩalɩŋ sɩ bɛrɩŋ wɩɩ nɛ, dɩ wɩɩ-la duoso-la sɩɩ dagʋ ma ŋaa ŋ dʋndɔŋŋɔɔ lɛ.

DANƖƐL 7:15

Mɩ-na Danɩɛl sɩ duoso na wɩalɩŋ, ba chaasa walɩmɛmɛ nɛ woruŋ.

DANƖƐL 7:28

Wɩɩ-la dɩdɛrɩŋ nɛ ŋ-la. Mɩ-na Danɩɛl tʋɔbɩɩnaa walɩmɛmɛ nɛ woruŋ, mɩ sɩaa biri, ka mɩ joŋ wɩɩ-la hɛ mɩ tʋɔŋ lɛ.

DANƖƐL 8:15

Mɩ-na Danɩɛl fa sɩ na wɩalɩŋ a nagɛ duosoo tʋɔŋ a wʋwalɩmɛ dɩ mɩ jɩŋ ʋ bʋbʋɔŋ, kʋŋ guu kʋ chɩŋ mɩ sɩpaaŋ a nagɛ nuhuobiine.

DANƖƐL 8:17

Gebiral sɩ kʋ kpagɛ lee-la mɩ fa sɩ chɩna, fawʋllʋŋ faasa kɛmmɛ mɩ tele chu. Ʋ bʋl, “Nuhuobiiŋ, jɩŋ arɩ wɩalɩŋ ŋ sɩ na a nagɛ duosoo tʋɔŋ ka dagɛ dʋnɩa dɩdɛrɩŋ wɩaa nɛ.”

DANƖƐL 8:18

Ʋ fa sɩɩ bʋl wɩaa mɩ teeŋ ŋɩɩ, mɩ kpaŋa pɩŋ nɛ mɩ sɩaa chu tinteeŋ. Ŋɩɩ nɛ ʋ kɛmmɛ chʋʋlɛ mɩ sii chɩŋ.

DANƖƐL 8:27

Wɩɩŋ deeŋ harɩŋ, mɩ-na Danɩɛl bɛsɩmɛ nɛ a pɩŋ nyanyalaa a yi tapʋlɩa. Ŋɩɩ nɛ mɩ bɩra sii a tɩtɩŋ kuoro tɩntɩŋŋaa. Wɩalɩŋ mɩ sɩ na a nagɛ duosoo tʋɔŋ fa kperimi nɛ. Mɩ fa bɩ ba bʋbʋɔŋ jɩŋ.

DANƖƐL 9:21

mɩ fa haa chʋɔlɛ Wɩa ŋɩɩ nɛ aŋ na Gebiral, baal-la mɩ fa sɩ laa sɩpaaŋ duoso na dɩ ʋ file kɔ mɩ teeŋ dɩdaanɩŋ Wɩɩsʋlʋŋ bʋa lɛ.

Luuk 1:64

Zɛkarɩya sɩ ŋaa ŋɩɩ dɛrɛ, ʋ niiŋ suri ʋ bɩra suomi a bʋbʋl wɩaa a dɩdɛnnɛ Wɩa.

Luuk 21:15

bɛɛ wɩaa mɩ jaŋ joŋ wʋjɩmɩŋ a hɛ ma nyuŋ lɛ dɩ ma bʋl wɩalɩŋ ma dʋndɔŋŋɔɔ sɩ bɩ jaŋ wuo kaalɛrɛ arɩ wʋtɩtɩɩ dee.

Jɔɔŋ 20:28

Ŋɩɩ nɛ Tɔmas yɩrʋ a bʋl, “Mɩ Tɩɩna, ŋ nɛ mɩ Wɩa.”

JOSUA 5:14

Ŋɩɩ nɛ baal-la bʋl, “Aɩ, mɩ nɛ ŋaa La TƖƖNA laalɩyuoroo kʋhɩaŋ.” Ŋɩɩ nɛ Josua tuu tele chu tinteeŋ a zilu aŋ pɩɛsʋ, “Mɩ nɩhɩaŋ, wʋbɛɛ nɛ ŋ chɩchɛ dɩ ŋ tɩntɩnna ŋaa?”

Jɔɔŋ Wʋnaalaa 1:13

Ka nʋʋ chɩŋ ba tʋtʋɔbaanɩŋ a nagɛ Nuhuobiine Bie, a laalɛ gɛrɩ-duduoŋ, a kɛŋ sɛlɩmɛ gɛrɩpɛlɩɛɛ-bie a vɔɔ ʋ bɔyɛ.

SƖPAALAARAA 13:8

Ŋɩɩ nɛ Manʋa sʋl La TƖƖNA a bʋl, “Mɩ Tɩɩna, mɩɩ sʋlʋŋ, leŋ Wɩa nɩɩ-la ŋ sɩ tɩma ʋ kɔ la teeŋ bɩra kɔ a dagɛla ŋɩɩ la sɩ jaŋ dagɛ bile dɩ la nɛ lʋlʋ.”

SƖPAALAARAA 6:13

Gɩdɩɔŋ pɩɛsɛ, “Mɩɩ sʋlʋŋ, dɩ La TƖƖNA nɛ hɛ la teeŋ, bɛɛ nɛ tɩɩ wɩaa deemba kala ŋaa la lɛ? Ka wʋkpuŋkperisi-la kala wɩaa, la nyɩmmaba sɩ bʋla pɩla, nɩɩ nɛ ba hɛ? Ba sɩ sɩ La TƖƖNA Wɩa nɛ kɛnla kaa lɩɩ Ijipiti tinteeŋ lɛ kɔ, ama lɛɛlɛ La TƖƖNA vɩala ta nɛ a jonla la hɛ Midiaŋ tɩŋŋaa nɩsɩŋ lɛ.”

SƖPAALAARAA 6:15

Gɩdɩɔŋ pɩɛsɛ La TƖƖNA, “Ɛɛ nɛ mɩ jaŋ ŋaa a laa Iziral tɩŋŋaa ta? Manasɛ doho nɩaa tʋɔŋ, mɩ nyɩŋ-nɩa nɛ bɩ doluŋ kɛnɛ. Mɩ dɩa nɩaa ma tʋɔŋ, mɩ nɛ ba kʋbie.”