DANƖƐL 10:12 - WƖA TENIŊ

¹² Ŋɩɩ nɛ ʋ bɩra bʋl, “Danɩɛl, sɩ́ fawʋllʋŋ fá. Tapʋl-bumbuŋ-la ŋ sɩ joŋ ŋ nyuŋ hɛ dɩ ŋ jɩŋ wɩalɩŋ sɩaa a kɛŋ ŋ tɩtɩa muuri Wɩa sɩpaaŋ ŋɩɩ, ʋ laa ŋ sʋla nɛ a tɩmmɛ dɩ mɩ kʋ bʋl wɩalɩŋ ŋ sɩɩ chɛ a pɩŋ.

DANƖƐL 10:12 ပူးပေါင်းရင်းမြစ်များ

WƖA YƖƖLAA 69:10

Mɩ yel a vɩa kʋdiilee, ka ba ha tʋtʋʋsɛmɛ.

AZAAYA 35:4

Bʋla pɩ nɩalɩŋ kala sɩ bɩ bɔɩ-duoŋ kɛnɛ: Má nyɩrɛ bɔyɛ a sɩ́ leŋe dɩ fawʋllʋŋ kɛmma. Ma Wɩa jaŋ joŋ ʋ baanɩŋ a fɩɩsɛ ma dʋndɔŋŋɔɔ lɛ, ʋ jaŋ kʋ laama ta.

AZAAYA 41:10

Má sɩ́ fawʋllʋŋ fá, mɩ hɛ ma teeŋ nɛ. Má sɩ́ leŋe dɩ ma tʋɔŋ vʋgʋmɛ, mɩ nɛ ma Wɩa. Mɩ jaŋ pɛ ma lɛ a pɩma doluŋ, mɩ jaŋ pɔma a laama ta.

AZAAYA 41:14

La TƖƖNA, ma Laataara sɩ ŋaa Iziral tɩŋŋaa Wɩa a bɩ disiniŋ kɛnɛ sɩ, “Iziral tɩŋŋaa ma muuro nɛ a bɩ doluŋ ma kɛnɛ, ama má sɩ́ fawʋllʋŋ fá, mɩ jaŋ pɛ ma lɛ.

AZAAYA 58:9

Mɩ-na ma TƖƖNA jaŋ jegile nɩɩ ma Wɩɩsʋlʋŋ. Dɩ ma nɛ bunso pɩmɛ, mɩ jaŋ pɛ ma lɛ, dɩ ma nɛ bɩ nɩaa ka dɔgɩsɛ, a bɩ mɛl-bɔŋ kala doho kɛnɛ arɩ dɔŋɔ, a bɩ wʋbɔŋŋɔɔ ka bʋl dɔŋɔba teeŋ,

AZAAYA 65:24

Ba jaŋ yɩyɩrɛmɛ, a ha bɩ dɛrɛ ka dɩ mɩ sɛɩ, ba jaŋ bʋbʋl wɩaa mɩ teeŋ, a ha bɩ dɛrɛ ka mɩ nɩɩ.

DANƖƐL 10:11

Ʋ yɩrɛmɛ, “Danɩɛl, Wɩa choŋ nɛ woruŋ a tɩmmɛ ŋ teeŋ. Sii chɩŋ a fɩɛlɛ ŋ sɩaa a jegile nɩɩ wɩalɩŋ mɩ sɩɩ chɛ dɩ mɩ bʋla pɩŋ.” Ʋ sɩ bʋl ŋɩɩ pɩmɛ, mɩ sii chɩŋ a chichel.

DANƖƐL 10:19

Ʋ bʋla pɩmɛ, “Wɩa choŋ nɛ woruŋ, sɩ́ fawʋllʋŋ fá, kɛŋ yarɩfɩɛlaa a faasa dol.” Ʋ sɩ bʋl ŋɩɩ, mɩ bɩra kɛŋ doluŋ a bʋl, “Mɩ nɩhɩaŋ, bʋl wɩaa pɩmɛ, ŋ sɩ folo pɩmɛ doluŋ.”

LEVI DOHO NƖAA 16:29

Wɩɩŋ deeŋ ŋaa nii nɛ ma sɩ jaŋ tuto a kaa mʋ wuu: Jɩna na-kala chɛŋ pɛɩ lɛ tapʋlaa fii chɛɛŋ, Iziral tɩɩna koo nʋhʋɔrʋ kala sɩ hɛ ma tʋɔŋ maga dɩ ʋ vɔɔ niiŋ a sɩ́ tɩntɩmɩɩ kala tɩŋ,

LEVI DOHO NƖAA 16:31

Tapʋlɩɩ-la maga dɩ ʋ ŋaa chɛ-wiesii nɛ dɩ ma vɔɔ niiŋ a sɩ́ tɩntɩmɩɩ kala tɩŋ. Wɩɩŋ deeŋ ŋaa nii nɛ ma sɩ jaŋ tuto a kaa mʋ wuu.

NAMBABA 29:7

Chɛŋ-pɛɩ-la tʋɔŋ tapʋl fii chɛɛŋ, má vɔɔ niiŋ a sɩ́ tɩntɩmɩɩ kala tɩŋ, aŋ hilimi mɩ yɩrɩŋ lɛ.

Matiu 28:10

Ŋɩɩ nɛ Yesu bʋla pɩba, “Má sɩ́ leŋe dɩ fawʋllʋŋ kɛmma. Má mʋ bʋla pɩ mɩ harɩ-tooroo dɩ ba mʋ Galilii, ba jaŋ namɛ nɩmɛ.”

Matiu 28:5

Ŋɩɩ nɛ Wɩa tɩndaarʋ-la bʋla pɩ haala-la sɩ hɛ nɩmɛ, “Má sɩ́ fawʋllʋŋ fá. Mɩ jɩma arɩ Yesu nɛ maa chɛ, nɩɩ-la ba sɩ kpaasa mɛrɛ daagɛsɛ nyuŋ.

Maak 16:6

Ŋɩɩ nɛ ʋ bʋla pɩba, “Má sɩ́ fawʋllʋŋ fá, mɩ jɩma arɩ Yesu sɩ lɩɩ Nazarɛt nɛ maa chɛ, nɩɩ-la ba sɩ kpaasa mɛrɛ daagɛsɛ nyuŋ. Ʋ tuo daha. Ʋ sie nɛ. Má kʋ na lee-la ba sɩ joŋu bil.

Luuk 1:13

Ŋɩɩ nɛ Wɩa tɩndaarʋ-la bʋla pʋ, “Zɛkarɩya, sɩ́ leŋe dɩ fawʋllʋŋ kɛnɩŋ. Wɩalɩŋ ŋ sɩ sʋl Wɩa chɩchɛ, ʋ joŋo pɩŋ nɛ. Ŋ haala Ɛlɩzabɛt jaŋ lʋl baal. Ŋ jaŋ hɛ ʋ yɩrɩŋ Jɔɔŋ.

Luuk 1:30

Ŋɩɩ nɛ Wɩa tɩndaarʋ-la bʋla pʋ, “Mɛɛrɩ, Wɩa cho ŋ wɩaa, sɩ́ leŋe dɩ fawʋllʋŋ kɛnɩŋ.

Luuk 2:10

Ŋɩɩ nɛ Wɩa tɩndaarʋ-la bʋla pɩba, “Má sɩ́ leŋe dɩ fawʋllʋŋ kɛmma. Mɩ kɛŋ wʋzɔŋŋɔɔ nɛ kɔ dɩ mɩ bʋla pɩma. Nɩɩ-la kala sɩ nɩɩ wʋzɔmɔ-la, ʋ tʋɔŋ jaŋ tɔrɛ.

Luuk 24:38

Ŋɩɩ nɛ Yesu pɩɛsɛba, “Bɛɛ nɛ tɩɩ fawʋllʋŋ kɛmma, ma tʋɔbɩɩnaa bibegili?

Tɩntɩŋŋaa 27:24

a bʋla pɩmɛ, ‘Pɔɔl, sɩ́ fawʋllʋŋ fá. Ŋ jaŋ mʋ chɩŋ kuoru-balɩŋ Siiza sɩpaaŋ. Wɩa tɩŋ ŋ wɩaa nɛ a leŋ ŋ dɩ nɩalɩŋ kala sɩ hɛ lɩɩŋ daboro tʋɔŋ, kɛŋ mɩɩsɩŋ.’

Jɔɔŋ Wʋnaalaa 1:17

Mɩ sɩ naʋ ŋɩɩ, mɩ tuu tel ʋ sɩpaaŋ a pɩŋ nɩmɛ chɩm a nagɛ dɩ mɩ sʋba. Ŋɩɩ nɛ ʋ joŋ ʋ nadiiŋ nɩsɩŋ daŋ mɩ lɛ aŋ bʋla pɩmɛ, “Sɩ́ fawʋllʋŋ fá, mɩ nɛ ŋaa Nɩɩ-la fa sɩ hɛ nɩmɛ bumbuŋ arɩ Nɩɩ-la sɩ jaŋ hɛ nɩmɛ dʋnɩa dɩdɛrɩŋ.