DANƖƐL 10:1 - WƖA TENIŊ

¹ Siirus sɩ dii Pɛsɩa tinteeŋ kuoruŋ, ʋ jɩ-tori lɛ nɛ Wɩa joŋ wɩaa dagɛ Danɩɛl (ba sɩ kaa yɩrɛ Bɛlɩtɛsaza ma). Wɩalɩŋ sɛnɛ ŋaa wʋtɩtɩɩba nɛ, a ŋaa wɩaa sɩ mʋ tɩgɛ laal-bal kʋbala lɛ. Ba dagɛ wɩalɩŋ bʋbʋɔŋ pʋ a nagɛ duosoo tʋɔŋ nɛ.

DANƖƐL 10:1 ပူးပေါင်းရင်းမြစ်များ

WƖAA DƖ-SUOMUŊ 41:32

Wɩɩ-la sɩ tɩɩ ŋ-na Ijipiti tinteeŋ kuoro duoso-la ŋaa balɩa bʋbʋɔŋ nɛ Wɩa chaasɛ kɛŋ ʋ tɩtɩa hɛ dɔŋɔ nɛ dɩ ʋ ŋaa wɩɩ, ʋ bɩ jaŋ dieni.

2 IZIRAL TƖŊŊAA NAABARƖŊ 36:22

Siirus sɩ dii Pɛsɩa tinteeŋ kuoruŋ ʋ jɩ-bumbuŋ lɛ, La TƖƖNA sɩɩ chɛ dɩ ʋ leŋ dɩ wɩɩ-la ʋ sɩ to Jɛrɩmaaya lɛ bʋl kʋ ŋaa wʋtɩtɩɩ, ʋ digi Pɛsɩa kuoro Siirus tʋɔŋ nɛ, ʋ ŋaa ba ŋmʋnsɛ heele deeŋ a pɩ ʋ tinteeŋ nɩaa kala:

ƐZƖRA 3:7

Ŋɩɩ nɛ ba joŋ moribiee pɩ dɩɩ-saaraa arɩ kapɩntaba, a joŋ kʋdiilee, kʋnyʋalaa arɩ nʋʋŋ pɩ Sɩdɔŋ arɩ Taaya tɩŋŋaa dɩ ba kɛŋ kuolu doloo duori mʋgʋ-balɩŋ a lɩɩ Lɛbanɔŋ a kɔ Jopa, arɩ Pɛsɩa tinteeŋ kuoro Siirus sɩ dagɛ ŋɩɩ.

ƐZƖRA 4:3

Ama Zerubabɛl, Jesua arɩ Iziral tɩŋŋaa dɩa dɩa nɩhɩasɩ-la nɩkaanaa bʋl, “Ma bɩ jaŋ wuo pɛ la lɛ dɩ la saa La TƖƖNA dɩɩ-bal-la. La dʋndʋŋa jaŋ saa dɩa-la a pɩ La TƖƖNA, Iziral tɩŋŋaa Wɩa, arɩ Pɛsɩa kuoro Siirus sɩ dagɛ la ŋɩɩ.”

ƐZƖRA 4:5

Ŋɩɩ nɛ ba joŋ moribiee pɩ nɩaa ka dɩ ba kʋ bʋl wɩaa a birigi wɩalɩŋ kala ba sɩ bɩɩna dɩ ba ŋaa, bʋa-la kala lɛ Siirus sɩ ŋaa Pɛsɩa tinteeŋ kuoro a kaa mʋ bʋa-la lɛ Daarus ma sɩ dii Pɛsɩa tinteeŋ kuoruŋ.

ƐZƖRA 6:14

Ŋɩɩ nɛ Juu tɩŋŋaa nɩhɩasɩ-la bɩra sɩsaa dɩa-la. Bʋa-la lɛ Wɩa wʋlaabʋllaa Hagaɩ arɩ Zɛkarɩya sɩ ŋaa Ido doho nʋʋ fa bʋl wɩaa nyaasɛ ba nyuŋ nɛ woruŋ. Ŋɩɩ nɛ ba saa Wɩa dɩɩ-bal-la dɛrɛ arɩ Iziral tɩŋŋaa Wɩa sɩ bʋl ŋɩɩ, arɩ Pɛsɩa tinteeŋ kuoroo deemba Siirus, Daarus arɩ Atazɛzɛs ma sɩ pa wombiiŋ ŋɩɩ.

ƐZƖRA 6:3

Kuoro Siirus sɩ dii kuoruŋ ʋ jɩ-bumbuŋ lɛ nɛ ʋ pa wombiiŋ dɩ ba wasa saa Wɩa dɩɩ-bal-la Jerusalɛm lɛ, dɩ ʋ ŋaa lee ba sɩ jaŋ ŋɩŋaa Wɩɩsʋlʋŋ. Má bil ʋ gentine, dɩa-la leŋiŋ jaŋ ŋaa naakieliŋ mahɩŋ banɛsɛ arɩ fii, dɩ ʋ jalɩŋ ma ŋaa naakieliŋ mahɩŋ banɛsɛ arɩ fii.

AZAAYA 44:28

Mɩ nɛ bʋla pɩ Siirus, ‘Ŋ nɛ jaŋ beŋ mɩ nɩaa nyuŋ,’ a ŋaa wɩalɩŋ kala mɩ sɩɩ chɛ. Ŋ jaŋ leŋ dɩ ba wasa saa Jerusalɛm arɩ mɩ-na Wɩa dɩɩ-bal-la.”

DANƖƐL 1:17

Wɩa pɩ bapʋɔsɛ biisiŋ deemba banɛsɛ wʋjɩmɩŋ arɩ jɩma dɩ ba wuo jɩŋ teniŋ arɩ wɩɩkala. Danɩɛl-na paala wuo jɩŋ wɩalɩŋ ba sɩ yie na arɩ duosoo tʋɔŋ arɩ duosi dosunuŋ kala bʋbʋɔŋ nɛ.

DANƖƐL 1:21

Ŋɩɩ nɛ Danɩɛl ha tɩma pɩpɩ kuoro ŋɩɩ halɩɩ a kʋ yi Siirus sɩ dii Pɛsɩa tinteeŋ kuoruŋ ʋ jɩ-bumbuŋ lɛ.

DANƖƐL 1:7

Tɩntɩnnɩ-hɩaŋ-la fa hɛ yɩrɩ-falaa nɛ a pɩba. Ʋ hɛ Danɩɛl yɩrɩŋ Bɛlɩtɛsaza, Hananaaya ma yɩrɩŋ Sadɩrak, a hɛ Mɩsal yɩrɩŋ Mɛsak, ka Azarɩa ma yɩrɩŋ ŋaa Abedinego.

DANƖƐL 10:14

Lɛɛlɛ mɩ kɔ dɩ mɩ bʋl wɩɩ-la maachie sɩ jaŋ ŋaa ŋ nɩaa lɛ nɛ a pɩŋ. Wɩɩ-la ŋ sɩ na a nagɛ duosoo tʋɔŋ tɩgɛ maachie wɩalɩŋ sɩ jaŋ ŋaa lɛ nɛ.”

DANƖƐL 11:2

“Lɛɛlɛ mɩ jaŋ bʋl wɩɩ-la sɩ jaŋ sɛnɛ ŋaa pɩŋ. Kuoroo batori jaŋ dii kuoruŋ Pɛɛsɩa tinteeŋ lɛ aŋ ka pɩ dɔŋɔ. Ka dɩ kuoru-nɛsɛ kʋ dii a kɛŋ kɩaa kɩɩ ba kala. Ʋ dʋa-la nɛ ʋ jaŋ kaa laa doluŋ. Ʋ jaŋ yigi nʋʋkala hɛ dɩ ba sii chɩŋ Giriisi tinteeŋ nɩaa lɛ.

DANƖƐL 12:4

Ŋ-na Danɩɛl, sɩ́ wɩaa deemba bʋla pɩ nʋʋkala. Kɛŋ teŋ-la tɔ a joŋ kʋa magɩlɛ a kaa mʋ yi dʋnɩa dɩdɛrɩŋ. Nɩaa jaŋ yʋgɛ a lɩɩ daha a mʋ daha a chɩchɛ dɩ ba wʋjɩmɩŋ pʋŋa pɛ.”

DANƖƐL 12:9

Ʋ bʋla pɩmɛ, “Danɩɛl, ŋ-na mʋ ŋ dɩ-mʋʋlʋŋ, wɩalɩŋ faa nɛ ba tɔ bil see dʋnɩa dɩdɛrɩŋ yie.

DANƖƐL 2:21

Ʋ nɛ kɛŋ bʋa bʋa kala kaa bɩrɩmɛ, ʋ nɩɩ bil kuoroo, ʋ nɩɩ kiri kuoroo. Ʋ nɩɩ pɩ wʋjɩnnaa wʋjɩmɩŋ a leŋ nɩalɩŋ ma sɩ kɛŋ dɩgɩlɩŋ jegilee jɩŋ wɩaa sɩaa.

DANƖƐL 4:8

Ʋ ŋɩɩ harɩŋ, Danɩɛl kɔ mɩ teeŋ, mɩ bʋl duoso-la pʋ. (Ʋ nɛ ba haa yɩrɛ Bɛlɩtɛsaza, mɩ vene yɩrɩŋ nɛ ba joŋo hɛ pʋ. Vesiŋ doluŋ fa hɛ ʋ lɛ nɛ.)

DANƖƐL 5:12

Baa yɩrɛ baala deeŋ Danɩɛl nɛ, ka kuoro ma fa kɛnʋ yɩyɩrɛ Bɛlɩtɛsaza. Ʋ fa na dɩ ʋ kɛŋ wʋjɩmɩŋ nɛ a jɩŋ wɩaa sɩaa a dɩdagɛ duosoo bʋbʋɔŋ, a wuo dɩdagɛ namagaba ma bʋbʋɔŋ aa wasɛ wɩalɩŋ sɩ hɛyɛ nɩaa teeŋ. Yɩrɛ Danɩɛl, ʋ jaŋ kʋ dagɛ kɩalɩŋ ba sɩ ŋmʋnsa bʋbʋɔŋ pɩŋ.”

DANƖƐL 5:17

Ŋɩɩ nɛ Danɩɛl bʋla pɩ kuoro, “Kɛŋ kɩalɩŋ ŋ sɩ jaŋ joŋo pɩmɛ, koo ŋ joŋo pɩ nʋʋ-dɔŋ. Ama mɩ jaŋ karɩmɛ kɩalɩŋ ba sɩ ŋmʋnsa, aŋ dagɛ ba bʋbʋɔŋ ma pɩŋ.

DANƖƐL 6:28

Ŋɩɩ nɛ Danɩɛl wɩɩkala vɛŋ woruŋ Daarus arɩ Siirus, Pɛsɩa tɩmma-la kuoruŋ bʋa lɛ.

DANƖƐL 8:16

Ka mɩ nɩɩ yikoro dɩ ʋ nagɛ nuhuobiine yikoro a lɩɩ Ʋlaɩ fuo-la lɛ aa yɩrɛ, “Gebiral, dagɛ baala deeŋ wɩalɩŋ ʋ sɩ na a nagɛ duosoo tʋɔŋ bʋbʋɔŋ.”

DANƖƐL 8:26

Wɩalɩŋ ŋ sɩ na a nagɛ duosoo tʋɔŋ tɩgɛ dɩdaanɩŋ arɩ chʋchʋɔŋ Wɩɩsʋlʋŋ kɩalɩŋ lɛ sɛnɛ jaŋ kʋ ŋaa wʋtɩtɩɩ, ama pɔ ŋ sɩ́ bʋla pɩ nʋʋkala, bɛɛ wɩaa ba ŋaa maachie wɩaa nɛ.”

Luuk 1:20

Wɩalɩŋ mɩ sɩ bʋla pɩŋ jaŋ ŋaa, aŋ ka ŋ bɩ laa dii. Ŋɩɩ wɩaa ŋ bɩra bɩ wɩaa jaŋ wuo bʋl, see tapʋlɩɩ-la sɩ yie dɩ wɩaa deemba mɩ sɩ bʋla pɩŋ ŋaa.”

Jɔɔŋ Wʋnaalaa 19:9

Ŋɩɩ nɛ Wɩa tɩndaarʋ-la bʋla pɩmɛ, “Ŋmʋnsɛ wɩɩŋ deeŋ, ‘Wɩa jaŋ pɛ nɩalɩŋ ba sɩ yɩra dɩ ba kʋ gbieli Pie-bie-la hajaarɩ gbiele a dii kʋdiilee nɩmɛ.’ ” Ŋɩɩ nɛ Wɩa tɩndaarʋ-la bʋla pɩmɛ, “Wɩa niiŋ wɩaa wʋtɩtɩɩba nɛ ŋɩɩ.”