DANƖƐL 1:8 - WƖA TENIŊ

⁸ Ama Danɩɛl fa kɛŋ ʋ tʋɔŋ arɩ ʋ bɩ jaŋ dii kuoro dɩa kʋdiilee koo a nyʋa ʋ sɩnɩŋ dɩ ŋɩɩ leŋ dɩ ʋ kɛŋ disiniŋ. Ŋɩɩ nɛ ʋ sʋl tɩntɩnnɩ-hɩaŋ-la dɩ ʋ pɛ ʋ lɛ dɩ ʋ sɩ́ kɩalɩŋ dii a kɛŋ disiniŋ.

DANƖƐL 1:8 ပူးပေါင်းရင်းမြစ်များ

1 KUOROO 5:5

La TƖƖNA fa hɛ niiŋ pɩ mɩ nyɩmma Devit nɛ arɩ ʋ nanʋal-la sɩ jaŋ laa ʋ nyuŋ a dii kuoruŋ nɛ jaŋ saa ʋ dɩɩ-balɩŋ a pʋ. Ŋɩɩ tʋɔbɩɩnaa nɛ mɩ kɛŋ dɩ mɩ saa dɩɩ-balɩŋ a pɩ mɩ Tɩɩna Wɩa.

WƖA YƖƖLAA 106:28

Ŋɩɩ nɛ ŋ nɩaa ma pɛ kpʋkpaarɛ vene-la ba sɩɩ yɩrɛ Baal sɩ hɛ peel-la ba sɩɩ yɩrɛ Pio lɛ, a didii vʋɩ-kpaarɛ kɩaa.

WƖA YƖƖLAA 119:106

Mɩ hɛ niiŋ nɛ aŋ chɩna gbɛrɛ arɩ mɩ jaŋ to tʋɔpʋl wombie-la ŋ sɩ bile dɩ la tuto.

WƖA YƖƖLAA 119:115

Ma nɩbɔŋŋɔɔ deemba, má sʋʋsa lɩɩ mɩ teeŋ, ka dɩ mɩ wuo to wɩalɩŋ mɩ Wɩa sɩ daga.

WƖA YƖƖLAA 141:4

Lɩɩsɛmɛ tʋɔbɩɩŋ bɔŋŋɔɔ lɛ, dɩ mɩ sɩ́ nɩbɔŋŋɔɔ lɛ pɛ a ŋaa wʋbɔŋ kala. Sɩ́ leŋe dɩ mɩ pɛ nɩalɩŋ sɩɩ ŋaa wʋbɔŋŋɔɔ lɛ, a dii ba gbiele kʋdiilee.

NAMAGABA 23:3

Sɩ́ ʋ kʋdiile-la sɩma lɛ to, ʋʋ chɛ dɩ ʋ kɛmba nyɩsa kɛnɩŋ nɛ.

DANƖƐL 1:5

Kuoro bɩra bʋla pɩba dɩ ba ŋaa ʋ dɩa kʋdiilee arɩ sɩŋ-la ʋ dɩ ʋ dɩa nɩaa sɩ yie dii kɩaa aŋ nyʋnyʋa a pɩpɩba tapʋlɩɩ kala. Ba jaŋ dagɛba jɩsɩŋ batori ka dɩ ba-na tɩma pɩpɩ kuoro.

DANƖƐL 5:4

Ba faa nyʋa sɩŋ-la nɛ, aŋ dɩdɛnnɛ vesi-la ba sɩ kɛŋ sɛlɩmɛ arɩ hɔpʋla, kɔlɩɩŋ, hɔɔŋ, daaŋ arɩ tabɩaa a kaa ŋaa.

Tɩntɩŋŋaa 11:23

Ʋ sɩ mʋa, ʋ na ŋɩɩ Wɩa sɩ pɛ nɩalɩŋ lɛ. Ʋ tʋɔŋ tɔrɛ. Ʋ bʋl wɩaa nyaasɛ ba nyuŋ woruŋ dɩ ba kɛŋ wʋtɩtɩɩ a to La Tɩɩna Yesu arɩ ba tʋɔŋ kala.

Tɩntɩŋŋaa 15:20

Ama má leŋ dɩ la ŋmʋnsɛ teniŋ pɩba a bʋla pɩba dɩ ba bɩra sɩ́ vʋɩyaa kɩaa dii, a sɩ wʋlɩɩlɩŋ ŋaa, a sɩ́ pʋsʋŋ sɩ sʋʋ pimee dii, a sɩ́ pʋsʋŋ chalɩŋ ma dii.

1 Kɔrɩntɩ Nɩaa 7:37

Ama dɩ baal nɛ hɛ nɩmɛ a jɩŋ ʋ tʋɔŋ lɛ arɩ ʋ jaŋ hɔŋ aŋ bɩ haal jɩŋ, a bɩɩnɛ wɩɩ-la lɛ a mʋ dɛrɛ, a wuo kɛŋ ʋ tɩtɩa woruŋ haalaa wɩaa lɛ, a wuo jɩŋ arɩ ʋ bɩ jaŋ jaa hatolo-la ʋ sɩ sʋga, ʋ tɩɩna ŋaa wʋzɔŋ nɛ.

2 Kɔrɩntɩ Nɩaa 9:7

Nʋʋkala magɛ dɩ ʋ tɩa magɛ ŋɩɩ ʋ tʋɔbɩɩnaa sɩ daga nɛ. Ʋ bɩ maga dɩ ʋ ŋaa saka saka. Ʋ bɩ maga dɩ ʋ bɩɩnɛ arɩ baa fʋgʋ nɛ dɩ ʋ pɩ kɩalɩŋ. Nʋʋkala maga dɩ ʋ tɩa kɩaa ʋ tʋɔtɔrʋŋ lɛ nɛ, bɛɛ wɩaa Wɩa cho nɩɩ-la sɩɩ pa arɩ tʋɔtɔrʋŋ nɛ.

MOSIS BƖRA WULLI WƖA WOMBIIŊ 32:38

Vesi-la sɩ dii ma vʋɩ-kpaarɛ kɩaa nʋʋŋ leree aŋ nyʋnyʋa ma tɩɩnɛnɛɛ sɩnɩŋ, má leŋ dɩ ba sii a pɛ ma lɛ, a tɔ hɛ ma lɛ.