DANƖƐL 1:7 - WƖA TENIŊ

⁷ Tɩntɩnnɩ-hɩaŋ-la fa hɛ yɩrɩ-falaa nɛ a pɩba. Ʋ hɛ Danɩɛl yɩrɩŋ Bɛlɩtɛsaza, Hananaaya ma yɩrɩŋ Sadɩrak, a hɛ Mɩsal yɩrɩŋ Mɛsak, ka Azarɩa ma yɩrɩŋ ŋaa Abedinego.

DANƖƐL 1:7 ပူးပေါင်းရင်းမြစ်များ

WƖAA DƖ-SUOMUŊ 41:45

Ŋɩɩ nɛ Ijipiti tinteeŋ kuoro hɛ Josɛf yɩrɩŋ Zefena-Panɩa. Ʋ joŋ Pɔtɩfɛra tolo Asɛnaf pʋ ʋ jaa. Pɔtɩfɛra nɛ ŋaa Wɩɩsʋllɩ sɩpaalaara taŋ-la ba sɩɩ yɩrɛ Ɔŋ lɛ. Ŋɩɩ nɛ Josɛf sii gɔllɛ Ijipiti tinteeŋ kala.

2 KUOROO 23:34

Ŋɩɩ nɛ Ijipiti tinteeŋ kuoro Neko leŋ Josaaya nanʋala Ɛlɩakɩm dii kuoruŋ ʋ nyɩmma nyuŋ lɛ, aŋ kɛŋ ʋ yɩrɩŋ bɩrɩmɛ a yɩyɩrʋ Jehoyakim. Ŋɩɩ nɛ Ijipiti tinteeŋ kuoro kɛŋ Jehuahas kaa mʋ Ijipiti tinteeŋ ʋ sʋʋ nɩmɛ.

2 KUOROO 24:17

Ŋɩɩ nɛ Babɩlɔŋ kuoro leŋ Jehoyachiŋ nyɩmma kʋbie ba sɩɩ yɩrɛ Mataanɩa dii kuoruŋ ʋ nyuŋ lɛ, aŋ kɛŋ ʋ yɩrɩŋ bɩrɩmɛ a yɩyɩrʋ Zedikaaya.

DANƖƐL 1:19

Kuoro bʋl wɩaa ba teeŋ, a na dɩ nʋʋkala tuo a magɛ Danɩɛl, Hananaaya, Mɩsɩɛl arɩ Azarɩa. Ŋɩɩ nɛ kuoro leŋ ba tɩma pʋpʋ.

DANƖƐL 1:3

Ŋɩɩ nɛ kuoro Nebukadineza pɩ ʋ tɩntɩnnɩ-hɩaŋ ba sɩɩ yɩrɛ Asɩpɛnas wombiiŋ, dɩ ʋ kɛŋ Iziral tɩmma-la dɔnsʋŋ sɩ lɩɩ kuoru dɩa arɩ nɩalɩŋ ma dɩchɩnɩŋ sɩ yuŋŋie kaa kɔ ʋ teeŋ.

DANƖƐL 10:1

Siirus sɩ dii Pɛsɩa tinteeŋ kuoruŋ, ʋ jɩ-tori lɛ nɛ Wɩa joŋ wɩaa dagɛ Danɩɛl (ba sɩ kaa yɩrɛ Bɛlɩtɛsaza ma). Wɩalɩŋ sɛnɛ ŋaa wʋtɩtɩɩba nɛ, a ŋaa wɩaa sɩ mʋ tɩgɛ laal-bal kʋbala lɛ. Ba dagɛ wɩalɩŋ bʋbʋɔŋ pʋ a nagɛ duosoo tʋɔŋ nɛ.

DANƖƐL 2:26

Ŋɩɩ nɛ kuoro pɩɛsɛ Danɩɛl (ʋ nɛ baa yɩrɛ Bɛlɩtɛsaza ma), “Ŋ jaŋ wuo dagɛ wɩɩ-la mɩ sɩ na duosoo tʋɔŋ aŋ dagɛ ʋ bʋbʋɔŋ maa?”

DANƖƐL 2:49

Danɩɛl sʋl kuoro ʋ leŋ Sadɩrak, Mɛsak arɩ Abedinego ma ŋaa nɩhɩasɩŋ Babɩlɔŋ tinteeŋ sɛsɩŋ dɔnsʋŋ, ka Danɩɛl tɩtɩa ha hɛ kuoro dɩa lɛ a tɩtɩŋ.

DANƖƐL 4:5

Tɩtaŋ kʋbala mɩ duosi, duoso-la leŋ fawʋllʋŋ kɛmmɛ. Mɩ sɩ pɩŋ mɩ bɔsɔ lɛ, mɩ na wɩaa nɛ sɩ leŋe fawʋllʋŋ kɛmmɛ.

DANƖƐL 4:8

Ʋ ŋɩɩ harɩŋ, Danɩɛl kɔ mɩ teeŋ, mɩ bʋl duoso-la pʋ. (Ʋ nɛ ba haa yɩrɛ Bɛlɩtɛsaza, mɩ vene yɩrɩŋ nɛ ba joŋo hɛ pʋ. Vesiŋ doluŋ fa hɛ ʋ lɛ nɛ.)

DANƖƐL 5:12

Baa yɩrɛ baala deeŋ Danɩɛl nɛ, ka kuoro ma fa kɛnʋ yɩyɩrɛ Bɛlɩtɛsaza. Ʋ fa na dɩ ʋ kɛŋ wʋjɩmɩŋ nɛ a jɩŋ wɩaa sɩaa a dɩdagɛ duosoo bʋbʋɔŋ, a wuo dɩdagɛ namagaba ma bʋbʋɔŋ aa wasɛ wɩalɩŋ sɩ hɛyɛ nɩaa teeŋ. Yɩrɛ Danɩɛl, ʋ jaŋ kʋ dagɛ kɩalɩŋ ba sɩ ŋmʋnsa bʋbʋɔŋ pɩŋ.”