DANƖƐL 1:4 - WƖA TENIŊ

⁴ Ba maga ba ŋaa bapʋɔsɛ biisiŋ sɩ́ bɩ nyɔɔ kala kɛnɛ nɛ, a ŋaa nɩzɔmɔ sɩ kɛŋ ba tɩtɩa hɛ dɔŋɔ dɩ ba gʋnnɛ wɩɩkala, a kɛŋ dɩgɩlɩŋ jegilee, a ŋaa nɩaa ba sɩ daga ba kɛŋ wʋjɩmɩŋ a jaŋ wuo guu jɩŋ wɩaa sɩaa woruŋ, a magɛ dɩ ba tɩtɩŋ kuoru dɩa lɛ. Ʋʋ chɛ dɩ Asɩpɛnas dagɛba Babɩlɔŋ tɩŋŋaa yikoro karɩmɩŋ arɩ ʋ ŋmʋnsʋŋ nɛ.

DANƖƐL 1:4 ပူးပေါင်းရင်းမြစ်များ

WƖAA DƖ-SUOMUŊ 41:46

Josɛf fa ŋaa jɩsɩŋ mara arɩ fii nɛ, ka ʋ dɩ Ijipiti tinteeŋ kuoro suomo tɩtɩŋ. Josɛf sii Ijipiti tinteeŋ kuoro sɩpaaŋ, a gɔllɛ Ijipiti tinteeŋ kala.

2 SAMƲƐL 14:25

Iziral tinteeŋ kala lɛ, baal kala fa tuo a zɔŋ nɩaa jɩmʋ a magɛ Abɩsalɔm. A chɩŋ ʋ nyuŋ a kaa tuu ʋ naachɛyɛɛ, ʋ fa bɩ nyɔɔ kala kɛnɛ.

NAMAGABA 22:29

Nɩɩ-la kala sɩ jɩŋ ʋ tɩntɩŋŋaa woruŋ, ʋ jaŋ tɩŋ kuoro sɩpaaŋ. Ʋ bɩ jaŋ tɩŋ nɩalɩŋ sɩ bɩ nɩfɩɛma ŋaa teeŋ.

TƖƖCHA 7:19

Wʋjɩmɩŋ nɛ yie leŋ wʋjɩnna kɛŋ doluŋ a kɩɩ nɩduoruŋ fii sɩɩ beŋ tabalɩŋ.

AZAAYA 36:11

Ŋɩɩ nɛ Ɛlɩakɩm arɩ Sɛbɩna arɩ Jʋa ma bʋla pɩ Asiiria kuoro laalɩyuori-hɩaŋ-la, “Laa sʋlʋŋ, kɛŋ Aramek tɩŋŋaa yikoro bʋl wɩalɩŋ a pɩla, laa nɩɩʋ nɛ, aŋ leŋ Hiburu tɩŋŋaa yikoro. La bɩ chɛ dɩ nɩalɩŋ sɩ sagɛ kɛrɛ nyuŋ nɩɩ.”

JƐRƖMAAYA 5:15

La TƖƖNA bɩra sɩ, “Ou, Iziral tɩmma, Mɩ kɛŋ tintee dɔŋ nɩaa nɛ a lɩɩ dɩ-bolii a kʋkɔ dɩ mɩ hɛ ma lɛ. Tintee-la nɩaa hɛ nɩmɛ faafaa kala nɛ a kɛŋ doluŋ woruŋ. Ma bɩ ba yikoro jɩŋ. Ma bɩ ba wʋbʋlʋŋ ma ka nɩɩ.

DANƖƐL 2:10

Nɩalɩŋ bʋla pɩ kuoro, “Nʋʋkala tuo dʋnɩa lɛ sɩ jaŋ wuo ŋaa wɩɩ-la ŋ-na kuoro sɩɩ chɛ. Kuoru kala tuo, ʋ doluŋ cho dɩ ʋ magɛ ŋɩɩ kala, ʋ ha bɩ wʋdoho deeŋ joŋo pɩɛsɛ chichiribu koo nɩalɩŋ sɩ yie beŋ chɛnwʋlaa aŋ dɩdagɛ wɩaa koo wʋjɩnnʋ.

DANƖƐL 2:2

Ŋɩɩ nɛ kuoro yɩrɛ chichiribee, vʋgʋraa, nɩalɩŋ sɩ yie beŋ chɛnwʋlaa aŋ dɩdagɛ wɩaa, arɩ wʋjɩnnaa kala dɩ ba kʋ dagɛ ʋ duoso-la bʋbʋɔŋ. Ba kʋ chɩŋ ʋ sɩpaaŋ.

DANƖƐL 3:8

Bʋa deeŋ lɛ nɛ Babɩlɔŋ nɩaa dɔnsʋŋ kʋ lɩɩ a bʋl wɩaa lɩɩ Juu tɩŋŋaa harɩŋ.

DANƖƐL 4:7

Ba sɩ kɛŋ chichiribee, nɩalɩŋ sɩ yie beŋ chɛnwʋlaa aŋ dɩdagɛ wɩaa, vʋgʋraa arɩ wʋjɩnna-la kɔ, mɩ bʋl duoso-la pɩba, ama ba bɩ wuo dagɛ ʋ bʋbʋɔŋ pɩmɛ.

DANƖƐL 5:11

Baal kʋbala nɛ hɛ ŋ tinteeŋ lɛ, vesiŋ doluŋ hɛ ʋ lɛ. Ŋ nyɩmma Nebukadineza kuoruŋ bʋa lɛ, ʋ na dɩ ʋ kɛŋ wʋjɩmɩŋ a jɩŋ wɩaa sɩaa a nagɛ vesiŋ. Kuoro lɩɩsʋ ʋ ŋaa chichiribee, nɩalɩŋ sɩ yie beŋ chɛnwʋlaa aŋ dɩdagɛ wɩaa, wʋjɩnnaa arɩ vʋgʋraa kuoro.

DANƖƐL 5:7

Kuoro ŋaa ba yɩrɛ Babɩlɔŋ nɩalɩŋ sɩ yie beŋ chɛnwʋlaa aŋ dɩdagɛ wɩaa, wʋjɩnnaa arɩ vʋgʋraa ba kɔ. Ʋ bʋla pɩba, “Nɩɩ-la kala sɩ wuo karɩmɛ kɩalɩŋ ba sɩ ŋmʋnsa a dagɛ ba bʋbʋɔŋ pɩmɛ, mɩ jaŋ joŋ gɛrɩ-vachalɩŋ a laalʋ, a joŋ sɛlɩmɛ banzɔlɔ a hɛ ʋ baŋŋaa, aŋ leŋ dɩ ʋ ŋaa nɩ-tori-la sɩ jaŋ kɛŋ doluŋ a bibeŋ mɩ tinteeŋ.”

DANƖƐL 9:1

Medi tɩɩna kʋbala nɛ fa hɛ nɩmɛ ʋ yɩrɩŋ nɛ Daarus, a dii kuoruŋ Babɩlɔŋ tinteeŋ. Ʋ nyɩmma yɩrɩŋ nɛ fa Zɛsɛs.

ZƐKARƖYA 2:4

a bʋla pʋ: “Fá mʋ bʋla pɩ bapʋɔsɩ-bie-la, ‘Jerusalɛm jaŋ ŋaa tabal kɛrɩsɩŋ sɩ bɩ gollo, a tɩŋ nɩaa arɩ pʋsʋŋ sɩ jaŋ faasa yʋgɛ ʋ lɛ wɩaa.

Tɩntɩŋŋaa 7:20

Bʋa-la lɛ nɛ ba fa lʋl Mosis. Ʋ fa ŋaa bii-zɔŋ-bie nɛ woruŋ. Ba benu ʋ nyɩmma dɩa lɛ chɛnsɩŋ batori, aŋ ka ba joŋu kaa lɩɩ ta.

Tɩntɩŋŋaa 7:22

Ba dagʋ Ijipiti tɩŋŋaa wʋjɩmɩŋ kala. Ʋ wʋŋaalaa arɩ ʋ wʋbʋlaa leŋ ʋ ŋaa nɩbal.

Ɛfɛsɩs Nɩaa 5:27

Ʋ ŋaa ŋɩɩ dɩ nɩalɩŋ sɩ laa ʋ wɩaa dii aa hilimi, dɩ ba wuo zɔŋ kɩŋkɛŋ, a sɩ́ disiŋ koo wʋcheeli kala kɛŋ, dɩ wʋbɔŋ kala sɩ́ ba lɛ lagɩsʋ, a sɩ́ nyɔɔ kala kɛŋ.

SƖPAALAARAA 8:18

Ŋɩɩ nɛ Gɩdɩɔŋ pɩɛsɛ Zɛba arɩ Zalɩmʋna, “Nɩbɛɛ ba doho nɛ ma kpʋ Tabɔ lɛ?” Ba bʋl, “Ba nagɛ ŋɩɩ ŋ sɩ naga nɛ, ba kʋŋkala nagɛ kuoru-bii nɛ.”