3 Ŋɩɩ nɛ kuoro Nebukadineza pɩ ʋ tɩntɩnnɩ-hɩaŋ ba sɩɩ yɩrɛ Asɩpɛnas wombiiŋ, dɩ ʋ kɛŋ Iziral tɩmma-la dɔnsʋŋ sɩ lɩɩ kuoru dɩa arɩ nɩalɩŋ ma dɩchɩnɩŋ sɩ yuŋŋie kaa kɔ ʋ teeŋ.
Ŋɩɩ nɛ Nebukadineza yuo kɛŋ Jehoyachiŋ a kaa mʋ Babɩlɔŋ a pɛ kɛŋ ʋ naaŋ, ʋ haalaa, tɩntɩnnɩ-hɩasɩŋ arɩ Juda tinteeŋ sɩpaalaaraa kala.
‘Bʋa kʋbala jaŋ yi, kɩalɩŋ kala sɩ hɛ ŋ kuoru dɩa lɛ arɩ kɩalɩŋ ŋ naabalɩmaba sɩ dʋa a kaa kɔ jɩnɩŋ, ba jaŋ chʋŋ ba kala a kaa mʋ Babɩlɔŋ. Kʋŋkala bɩ jaŋ ka. La TƖƖNA nɛ bʋla.
Ba jaŋ kɛsɛ ŋ doho nɩaa dɔnsʋŋ arɩ ŋ tɩtɩa bii-lʋlaa a kaa mʋ Babɩlɔŋ a feriba dɩ ba tɩtɩŋ Babɩlɔŋ kuoro dɩa lɛ.’ ”
Chɛŋ-pɛɩ lɛ nɛ Nɛtanɩa nanʋala Ɩsɩmɛl sɩ ŋaa Ɛlɩsama ma nihiŋ a ŋaa kuoro doho nʋʋ, aŋ ŋaa kuoro tɩntɩnnɩ-hɩasɩŋ dɔŋɔ ma sii kɛsɛ baalaa fii ba kɔ Ahɩkam nanʋala Gedalia teeŋ Mɩzɩpa lɛ. Ba kala hɔŋ a didii kɩaa.
Ma jaŋ kɛŋ hambolibiisiŋ arɩ hantolibiisiŋ, ama ma bɩ jaŋ tɩɩba, bɛɛ wɩaa ba jaŋ yuo kɛsɛba dɩ ba ŋaa yosi.