2 La Tɩɩna joŋ Juda kuoro Jehoyakim hɛ ʋ nɩsɩŋ lɛ, ʋ pɛ paa tɩntɩnnɩ kɩalɩŋ dɔnsʋŋ sɩ hɛ Wɩa dɩɩ-balɩŋ lɛ. Ʋ paa kɩaa deemba a kaa mʋ Babɩlɔŋ nɛ a bil ʋ vene dɩa lɛ, lee-la ʋ sɩɩ bil ʋ sɩɩfɩaŋ kɩaa.
Ʋ kuoruŋ gentisiŋ nɛ fa ŋaa Babɩlɔŋ, Ɛrɛk, Akad arɩ Kalɩnɛ sɩ hɛ Babɩlɔŋ tinteeŋ lɛ.
Ba sii gɔllɔ lɩɩ wɩɩpɔsʋŋ dɩɩrɩŋ a kʋ na tintee-taala kʋbala sɩ hɛ Babɩlɔŋ tinteeŋ lɛ, a hɔŋ nɩmɛ.
Jehoyakim kuoruŋ bʋa lɛ nɛ Babɩlɔŋ kuoro Nebukadineza kʋ yuo dii Juda tinteeŋ a kɛŋ Jehoyakim a fʋgʋ hɛ ʋ tou jɩsɩŋ batori. Ŋɩɩ harɩŋ lɛ nɛ ʋ vɩa Nebukadineza harɩŋ tonuŋ.
Jehoyakim fa ŋaa jɩsɩŋ mara arɩ banɔŋ nɛ aŋ dii Juda tinteeŋ kuoruŋ. Ʋ hɔŋ Jerusalɛm lɛ a bemba jɩsɩŋ fii arɩ kʋbala. Ʋ fa ŋaa wʋbɔŋŋɔɔ nɛ ʋ TƖƖNA Wɩa teeŋ.
Nebukadineza fa pɛ paa La TƖƖNA dɩɩ-bal-la tʋɔŋ kɩaa dɔnsʋŋ nɛ a kaa mʋ Babɩlɔŋ a joŋo bil ʋ kuoru dɩa lɛ.
Ŋɩɩ nɛ kuoro Siirus leŋ ba paa La TƖƖNA dɩɩ-bal-la kɩalɩŋ kuoro Nebukadineza fa sɩ paa Jerusalɛm lɛ a kaa mʋ bil ʋ vesiŋ dɩa lɛ a kaa kʋ lɩɩ.
Dɩ bʋa-la nɛ yie, La TƖƖNA jaŋ tiire laa ʋ nɩkaanaa a lɩɩ Asiiria arɩ Ijipiti sɛmɛ-la sɩ hɛ bʋbʋɔŋ arɩ Ijipiti sɛmɛ sɩ hɛ nyuŋ arɩ Kus, Ɛlam, Babɩlɔŋ, Hamaf a pɛ tinteye-la kala mʋgʋ-balɩŋ sɩ gollo chu lɛ.
Kʋbɛɛ nɛ leŋe ba yuo dii Iziral tɩŋŋaa a paa ba kɩaa ŋɩɩ? La TƖƖNA nɛ, Nɩɩ-la harɩŋ la sɩ lɩa a ŋaa wʋbɔmʋŋ. Ba vɩa dɩ ba to ʋ wombiiŋ nɛ, a bɩ wɩalɩŋ ʋ sɩ dagɛba sɛyɛ.
La TƖƖNA bɩra bʋl wɩaa pɩ Jɛrɩmaaya a mʋ tɩgɛ Juda nɩaa lɛ, bʋa-la lɛ Josaaya nanʋala Jehoyakim sɩ dii Juda tinteeŋ kuoruŋ ʋ jɩ-nɛsɛ lɛ, dɩ Nebukadineza ma sɩ dii Babɩlɔŋ kuoruŋ, ʋ jɩ-bumbuŋ lɛ nɛ ŋɩɩ.
Ŋɩɩ nɛ mɩ bʋla pɩ Wɩɩsʋllɩ sɩpaalaaraa arɩ nɩalɩŋ kala, “Wɩɩ-la La TƖƖNA sɩ bʋla nɛ ŋ-la: ‘Má sɩ́ nɩalɩŋ sɩ sɩ ba ŋaa Wɩa wʋlaabʋlla-la teeŋ jegilu. Ba sɩ: Ʋ bɩ dieni, ka dɩ ba mɩɩra kɛŋ La TƖƖNA dɩa tɩntɩnnɩ kɩalɩŋ kaa lɩɩ Babɩlɔŋ kɔ. Ba nyɩɛ wɩaa nɛ a pɩpɩma ŋɩɩ.
Jɩsɩŋ balɩa pɛgɛ, mɩ jaŋ kɛŋ Wɩa dɩɩ-balɩŋ tɩntɩnnɩ kɩalɩŋ Babɩlɔŋ kuoro Nebukadineza fa sɩ kʋ paa daha a kaa mɩɩra kɔ.
Ama Babɩlɔŋ kuoro Nebukadineza sɩ kʋʋ yuo tinteeŋ deeŋ nɛ, la sɩ, ‘Má kɔ, la maga la mʋ Jerusalɛm, a wuo fori Babɩlɔŋ tɩŋŋaa arɩ Siiria laalɩyuoroo nɩsɩŋ lɛ.’ Ŋɩɩ nɛ tɩɩ la hɛ Jerusalɛm lɛ ŋɩɩ.”
“Heele bʋl tinteyee tʋɔŋ, kɛŋ jɔnjɔŋ je a heele bʋlʋ, sɩ́ wɩɩkala joŋo faa, ama bʋl, ‘Ba jaŋ yuo dii Babɩlɔŋ. Ba jaŋ hɛ vene-la ba sɩɩ yɩrɛ Bɛl hɩɩsɩŋ, fawʋllʋŋ jaŋ faasa jʋʋ vene-la ba sɩɩ yɩrɛ Maduk. Ʋ kɩalɩŋ ba sɩ mɛ kala jaŋ dii hɩɩsɩŋ dɩ fawʋllʋŋ faasa kɛŋ ba tɔŋŋɔɔ.’
Mɩ jaŋ dɔgɩsɛ vene-la ba sɩɩ yɩrɛ Bɛl sɩ hɛ Babɩlɔŋ lɛ, a leŋ dɩ ʋ lusi kɩalɩŋ kala ʋ sɩ liŋe. Tinteyee nɩaa bɩra bɩ jaŋ kpaarʋ, Babɩlɔŋ kɛrɛ jaŋ tel.
Ŋɩɩ nɛ ba kɛŋ Danɩɛl kɔ kuoro sɩpaaŋ. Ʋ pɩɛsʋ, “Ŋ nɛ Danɩɛl, Juda nɩalɩŋ dɔŋɔ mɩ nyɩmma kuoro sɩ yuo kɛsɛ a kaa kɔɔ?
Kuoro, Wɩa sɩ kɩɩ kʋŋkala pɩ ŋ nyɩmma Nebukadineza doluŋ nɛ, a leŋ ʋ ŋaa nɩbal, ba zizilu ʋ kɛŋ yɩrɩŋ.
Ŋɩɩ nɛ ʋ yie kpaarɛ ʋ jomba-la, a nyɩgɛ kʋsʋɔrʋsʋŋ pɩpɩba. Ʋ jomba-la lɛ nɛ ʋ to nɩna kɩalɩŋ kala ʋ sɩɩ chɛ, a didii kʋdii sɩŋŋaa.
Ʋ bʋl, “Ba kaa mʋmʋ Babɩlɔŋ tinteeŋ nɛ dɩ ba saa dɩa pʋ. Dɩ dɩa-la nɛ dɛrɛ, ba jaŋ joŋ sime-la bil nɩmɛ ʋ dɩchɩnɩŋ.”
Bɛɛ nɛ tɩɩ nɩbala wuo kiri Iziral tɩŋŋaa bʋɩ? Koo nɩaa balɩa yuo a dii Iziral tɩŋŋaa bʋɩ fii? Dɩ mɩ-na ba TƖƖNA sɩ kɛŋ doluŋ dee bɩ ba joŋo pa koo dɩ mɩ-na ba Wɩa dee bɩ ba harɩŋ mɩɩra, nʋʋ bɩ wɩɩ wuo ŋaa.
La TƖƖNA sɩ na baanɩŋ Iziral tɩŋŋaa nyuŋ ŋɩɩ, ʋ jomba hɛ laalɩyuoroo nɩsɩŋ lɛ, ba yuoba a paa ba kɩaa kala. Ʋ jomba hɛ ba dʋndɔmɔ-la kala sɩ golliba nɩsɩŋ lɛ nɛ, nɩalɩŋ nɩsɩŋ lɛ ba sɩ bɩ wuo fori.
La TƖƖNA baanɩŋ sii Iziral tɩŋŋaa nyuŋ, ʋ jomba hɛ Aram Naharem tɩŋŋaa kuoru kʋbala ba sɩɩ yɩrɛ Kusaŋ-Risatem nɩsɩŋ lɛ. Iziral tɩŋŋaa fa hɛ kuoro deeŋ nɩsɩŋ lɛ jɩsɩŋ chori nɛ.
Ŋɩɩ nɛ La TƖƖNA leŋ Kɛnaŋ tɩŋŋaa kuoro Jabɩŋ sɩ hɛ Hazɔ lɛ aŋ bibemba yuo dii Iziral nɩaa. Ʋ laalɩyuoroo nɩhɩaŋ ma nɛ fa ŋaa Sɩsɛra a hɛ taŋ-la ba sɩɩ yɩrɛ Harɔsɛf Hagoyim lɛ.
Ba sɩ kaa mʋ ŋɩɩ, ba kaa jʋʋ bil ba vene-la ba sɩɩ yɩrɛ Dagɔŋ dɩa lɛ, ʋ chɩna kpagʋ.