DANƖƐL 1:1 - WƖA TENIŊ

¹ Jehoyakim sɩ dii Juda tinteeŋ kuoruŋ ʋ jɩ-tori lɛ nɛ, Babɩlɔŋ kuoro Nebukadineza kʋ golli Jerusalɛm kala chu a yuou.

DANƖƐL 1:1 ပူးပေါင်းရင်းမြစ်များ

2 KUOROO 23:36

Jehoyakim fa ŋaa jɩsɩŋ mara arɩ banɔŋ nɛ aŋ dii Juda tinteeŋ kuoruŋ. Ʋ hɔŋ Jerusalɛm lɛ a bemba jɩsɩŋ fii arɩ kʋbala nɛ. Ʋ naaŋ yɩrɩŋ nɛ fa Zebida, Pedaaya tolo. Ʋ lɩɩ taŋ-la ba sɩɩ yɩrɛ Ruma nɛ.

2 KUOROO 24:13

Nebukadineza sii paa kɩalɩŋ kala sɩ hɛ La TƖƖNA dɩɩ-bal-la lɛ arɩ kɩalɩŋ kala sɩ hɛ kuoru dɩa lɛ, a pɛ sɛlɩmɛ kɩalɩŋ kala Solomoŋ fa sɩ ŋaa bil Wɩa dɩɩ-bal-la lɛ a kaa mʋ Babɩlɔŋ arɩ La TƖƖNA fa sɩ bʋl ŋɩɩ.

AZAAYA 39:7

Ba jaŋ kɛsɛ ŋ doho nɩaa dɔnsʋŋ arɩ ŋ tɩtɩa bii-lʋlaa a kaa mʋ Babɩlɔŋ a feriba dɩ ba tɩtɩŋ Babɩlɔŋ kuoro dɩa lɛ.’ ”

JƐRƖMAAYA 25:1

La TƖƖNA bɩra bʋl wɩaa pɩ Jɛrɩmaaya a mʋ tɩgɛ Juda nɩaa lɛ, bʋa-la lɛ Josaaya nanʋala Jehoyakim sɩ dii Juda tinteeŋ kuoruŋ ʋ jɩ-nɛsɛ lɛ, dɩ Nebukadineza ma sɩ dii Babɩlɔŋ kuoruŋ, ʋ jɩ-bumbuŋ lɛ nɛ ŋɩɩ.

JƐRƖMAAYA 35:1

Bʋa-la lɛ Josaaya nanʋala Jehoyakim sɩ dii Juda tinteeŋ kuoruŋ nɛ, La TƖƖNA bʋla pɩ Jɛrɩmaaya:

JƐRƖMAAYA 35:11

Ama Babɩlɔŋ kuoro Nebukadineza sɩ kʋʋ yuo tinteeŋ deeŋ nɛ, la sɩ, ‘Má kɔ, la maga la mʋ Jerusalɛm, a wuo fori Babɩlɔŋ tɩŋŋaa arɩ Siiria laalɩyuoroo nɩsɩŋ lɛ.’ Ŋɩɩ nɛ tɩɩ la hɛ Jerusalɛm lɛ ŋɩɩ.”

JƐRƖMAAYA 36:1

Josaaya nanʋala Jehoyakim sɩ dii Juda tinteeŋ kuoruŋ ʋ jɩ-nɛsɛ lɛ nɛ, La TƖƖNA bʋl wɩɩŋ deeŋ a pɩ Jɛrɩmaaya:

JƐRƖMAAYA 45:1

Josaaya nanʋala Jehoyakim sɩ dii Juda tinteeŋ kuoruŋ, ʋ jɩsɩŋ banɛsɛ lɛ nɛ Wɩa wʋlaabʋlla Jɛrɩmaaya bʋl wɩaa pɩ Neria nanʋala Baruk. Jɛrɩmaaya sɩ bʋl wɩalɩŋ ka Baruk ŋmʋnsa hɛ teniŋ lɛ ʋ ŋɩɩ harɩŋ, ʋ bʋl:

JƐRƖMAAYA 50:1

Wɩɩ-la La TƖƖNA sɩ to ʋ wʋlaabʋlla Jɛrɩmaaya lɛ a bʋla tɩgɛ Babɩlɔŋ nɩaa arɩ ba tinteeŋ lɛ nɛ ŋ-la:

JƐRƖMAAYA 52:12

Nebukadineza sɩ dii kuoruŋ, ʋ jɩsɩŋ fii arɩ nibi, chɛŋ nɔŋ, tapʋl-fii lɛ, ŋɩɩ nɛ Nebuzaradaŋ sɩ ŋaa laalɩyuoro-la sɩɩ pɔ kuoro kʋhɩaŋ, aŋ pɛ ŋaa ʋ tɩntɩnnʋ kɔ Jerusalɛm.

JƐRƖMAAYA 52:28

Nɩalɩŋ Nebukadineza sɩ kɛsɛ mʋ yoŋ-baga niiŋ nɛ ŋ-la: Ʋ sɩ dii kuoruŋ jɩ-pɛɩ lɛ, ʋ kɛsɛ Juu tɩŋŋaa bʋɩ batori arɩ mara arɩ batori nɛ.

DANƖƐL 5:13

Ŋɩɩ nɛ ba kɛŋ Danɩɛl kɔ kuoro sɩpaaŋ. Ʋ pɩɛsʋ, “Ŋ nɛ Danɩɛl, Juda nɩalɩŋ dɔŋɔ mɩ nyɩmma kuoro sɩ yuo kɛsɛ a kaa kɔɔ?