AMƆS 9:9 - WƖA TENIŊ

⁹ Mɩ jaŋ pa wombiiŋ dɩ ba kɛŋ ma Iziral tɩŋŋaa a chɩgɩsɛ a nagɛ ba sɩ joŋ mɩaa hɛ chese lɛ a chesi. Mɩ jaŋ chesima tinteyee tʋɔŋ a lɩɩsɛ ma nɩalɩŋ sɩ ŋaa nɩyaayasɩŋ a ta.

AMƆS 9:9 ပူးပေါင်းရင်းမြစ်များ

AZAAYA 27:12

Ama bʋa deeŋ lɛ La TƖƖNA jaŋ kɛsɛ Iziral tɩŋŋaa kʋŋ kʋŋ a kʋ hɛ dɔŋɔ lɛ, a chɩŋ Efireti fuo-la lɛ, a kaa mʋ yi Ijipiti tinteeŋ niiŋ. Ʋ jaŋ lɩɩsɛba a nagɛ ba sɩ yie chaarɛ mɩaa a lɩɩsɛ mɩɩ-biiŋ aŋ ka mɩɩ-jɔrʋŋ ŋɩɩ.

AZAAYA 28:28

Ba yie nɔŋ mɩaa nɛ aŋ-na kaa ŋaa boroboro. Nʋʋkala bɩ ʋ mɩaa ka ŋmoo deeŋ deeŋ. Ʋ yie kɛŋ toruko jʋʋ nʋɔsɛ nɛ, ama ʋ bɩ jaŋ leŋ dɩ janɩŋ nʋɔsa bugili.

AZAAYA 30:28

Ʋ wiese peliŋ nagɛ fuoŋ lɩɩŋ sɩ suo a jɩla sɩɩrɛ nɛ, dɩ ʋ chei tinteyee kala a paa chesi. Ʋ joŋ niiŋ koŋ nɛ a hɛ nɩaa niiree lɛ dɩ ʋ lɛrɛ ba mʋ hɛ sʋʋŋ lɛ.

JƐRƖMAAYA 31:36

La TƖƖNA sɩ, “Dɩ kɩaa deemba mɩ sɩ daga nɛ wuo lɛl mɩ sɩaa lɛ, ŋɩɩ-na Iziral doho ma jaŋ lɛl, a bɩra sɩ́ tintee ŋaa mɩ teeŋ.”

JƐRƖMAAYA 46:28

Mɩ tɩntɩnna Jekɔb, sɩ́ fawʋllʋŋ fá bɛɛ wɩaa mɩ hɛ ŋ teeŋ nɛ, mɩ-na ma TƖƖNA nɛ bʋla. Mɩ jaŋ chei tinteye-la kala mɩ sɩ kɛmma pɩsa hɛ gbelem gbelem, ama, mɩ bɩ jaŋ chei ma kala gbelem gbelem. Mɩ jaŋ lɛrɛ ma dɩgɩlɩŋ arɩ wʋtɩtɩɩ. Mɩ bɩ jaŋ lemma ta pɛɩ.”

JƐRƖMAAYA 49:36

Mɩ jaŋ kɛŋ dʋndɔŋŋɔɔ lɩɩ dʋnɩa sɛmɛ kala kʋ hɛ Ɛlam lɛ. Mɩ jaŋ kɛmba pɩsa hɛ dʋnɩa sɛmɛ kala, ba jaŋ mʋ yoŋ-baga tintee kala lɛ.

ƐZƖKƖƐL 20:38

Mɩ jaŋ tʋɔsɛ ma tʋɔŋ nɩalɩŋ sɩ vɩamɛ aŋ ŋaa wʋbɔŋŋɔɔ. Mɩ jaŋ kɛmba kaa lɩɩ tinteye-la ba sɩ hɔnɔ lɛ, ama mɩ bɩ jaŋ leŋ dɩ ba jʋʋ Iziral tinteeŋ. Ŋɩɩ nɛ ma jaŋ jɩŋ arɩ mɩ nɛ ma TƖƖNA.

ƐZƖKƖƐL 36:19

Mɩ kɛmba pɩsa hɛ tinteyee lɛ nɛ, ba jaasɛ tintee-wogusuŋ lɛ, a tɩŋ ba mɛlɛ arɩ ba wʋŋaalaa wɩaa mɩ dɔgɩsɛba.

ƐZƖKƖƐL 39:28

Ŋɩɩ lɛ nɛ mɩ nɩaa jaŋ jɩŋ arɩ mɩ nɛ ba TƖƖNA Wɩa, a kɛmba mʋ yoŋ-baga tintee-wogusuŋ lɛ, aŋ kɛmba mɩɩra kɔ ba tɩtɩa tinteeŋ. Ba kʋbala ma bɩ harɩŋ ka.

ƐZƖKƖƐL 5:10

Jerusalɛm, ŋ lɛ nyɩmmaba jaŋ chaŋ ba biiriŋ, dɩ biiriŋ ma chɩchaŋ ba nyɩmmaba. Mɩ jaŋ dɔgʋsʋŋ, aŋ kɛŋ ŋ nɩalɩŋ sɩ ka kaa pɩsa hɛ lee-kala.

ƐZƖKƖƐL 5:12

Nyanyalaa arɩ losuŋ jaŋ kpʋ nɩalɩŋ dɔnsʋŋ sɩ hɛ ŋ lɛ, ba jaŋ kpʋ dɔnsʋŋ ma laalɩŋ lɛ taŋ-la harɩŋ, ka mɩ kɛŋ ba dɔnsʋŋ ma pɩsɛ lee-kala, aŋ kire to ba harɩŋ arɩ laalɩŋ.

LEVI DOHO NƖAA 26:33

Mɩ jaŋ leŋ dɩ laalɩŋ kirima dɩ ma fá a pɩsa jʋʋ tintee-wogusuŋ, ka ma tinteeŋ arɩ ma tasɩŋ pɩŋ jikpeeŋ.

Luuk 22:31

Ŋɩɩ nɛ Yesu bʋla pɩ Saamɔŋ Pɩɩta, “Saamɔŋ, Saamɔŋ, Sɩtaanɩ laa wombiiŋ nɛ dɩ ʋ magɩsɛ ma kala, dɩ ʋ pɔrɛ nɩzɔŋŋɔɔ nɩbɔŋŋɔɔ lɛ, a nagɛ paara sɩ yie chaarɛ mɩɩ-jɔrʋŋ ta, aŋ ka mɩɩ-biiŋ ŋɩɩ.

MOSIS BƖRA WULLI WƖA WOMBIIŊ 28:64

La TƖƖNA jaŋ kɛmma pɩsa hɛ dʋnɩa tinteyee kala lɛ. Nɩmɛ nɛ ma jaŋ kpaarɛ vesiŋ ba sɩ kɛŋ daaŋ arɩ tabɩaa a ŋaa, vesi-la ma dɩ ma naabalɩmaba sɩ bɩ jɩŋ.