AMƆS 8:9 - WƖA TENIŊ

⁹ La Tɩɩna Wɩɩjarɩbakɔ sɩ, “Tapʋlɩɩ-la, mɩ jaŋ leŋ dɩ wɩɩpɔsʋŋ jʋʋ, dɩ leriŋ kala biri lim wɩɩhɛyɛ.

AMƆS 8:9 ပူးပေါင်းရင်းမြစ်များ

JOB 5:14

Taŋ yie pʋl ŋɩɩ nɛ ka birimiŋ tɔba, ba lɩlaarɛ wɩɩhɛyɛ a nagɛ tɩtaŋɩŋ.

AZAAYA 13:10

Chɛnwʋlaa sɩ hɛ wɩa-nyuŋ arɩ ba nagɩsɩŋ kala bɩ jaŋ chaanɛ. Wɩɩpɔsʋŋ ma jaŋ biri, chɛnɛ ma pʋlʋmʋŋ bɩ jaŋ chaanɛ.

JƐRƖMAAYA 13:16

Má zil ma TƖƖNA Wɩa, ka dɩ ʋ-na leŋ dɩ leriŋ biri, dɩ ma gɛrɛ dundollu-la sɩ kɛŋ birimiŋ lɛ. Maa chɛ dɩ ma na pʋlʋmʋŋ nɛ, ama ʋ jaŋ kɛŋ pʋlʋŋ-la bɩrɩmɛ birimiŋ lim, a ŋaa dɩ leriŋ faasa biri woruŋ.

JƐRƖMAAYA 15:9

Naaŋ-la sɩ kɛŋ biiriŋ balɩpɛ jaŋ yiegi, a wiese lʋlɔl. Ʋ wɩɩ-muluŋ jaŋ jʋʋ, ka ʋ ha ŋaa wɩɩhɛyɛ. Ba jaŋ hɩɩsʋ a jolimu. Mɩ jaŋ kpʋ nɩalɩŋ sɩ ka a bɩ sʋba ba dʋndɔŋŋɔɔ sɩpaaŋ. Mɩ-na ma TƖƖNA nɛ bʋla.”

ƐZƖKƖƐL 32:7

Dɩ mɩ nɛ cheyiŋ dɛrɛ, mɩ jaŋ leŋ dɩ wɩa-nyuŋ kala biri dɩ chɛnwʋlaa sɩ́ wuo chaanɛ. Mɩ jaŋ leŋ dɩ duoŋ-bɩlɩmbaanɩŋ tɔ wɩɩpɔsʋŋ, aŋ leŋ dɩ chɛnɛ ma sɩ́ wuo chaanɛ.

AMƆS 4:13

Má bee na, mɩ nɛ ŋaa peelee arɩ peliŋ, a kɛŋ mɩ tʋɔbɩɩnaa a dagɛ nuhuobiine. Mɩ nɛ yie ŋaa taŋ biri, aŋ vɩvɛŋ peelee nyuŋ. Mɩ yɩrɩŋ nɛ ma Tɩɩna Wɩa doluŋ kala Tɩɩna.”

AMƆS 5:8

La TƖƖNA nɛ ŋaa chɛnwʋlaa a leŋ ba chɩŋ ba dɩchɩnaa, ʋ nɛ kɛŋ birimiŋ a bɩrɩmɛ pʋlʋmʋŋ, a bɩra kɛŋ pʋlʋmʋŋ ma a bɩrɩmɛ birimiŋ. Ʋ nɛ yie leŋ mʋgʋ-balɩŋ lɩɩŋ bɩrɩmɛ duonuŋ a nɩɩ hɛ tinteeŋ lɛ. Ʋ yɩrɩŋ nɛ La TƖƖNA.

MƖKA 3:6

Ŋɩɩ wɩaa ma nɩalɩŋ sɩ sɩ ma ŋaa mɩ wʋlaabʋllaa nɛ, ma wɩa jaŋ jʋʋ, dɩ ma taŋ biri. Tɩtaŋɩŋ ma bɩ jaŋ na wɩɩkala arɩ duosoo tʋɔŋ, leriŋ jaŋ biri, ka mɩ bɩ jaŋ joŋ wɩɩkala dagɛma.

ZƐKARƖYA 14:7

Tapʋlɩɩ-la jaŋ ŋaa tapʋl-dabaŋ, ʋ bɩ jaŋ kɛŋ wɩɩhɛyɛ koo tɩtaŋɩŋ, dɩ wɩa nɛ jʋa ma, leriŋ ha jaŋ pʋllɛ. La TƖƖNA dʋndʋŋa nɛ jɩŋ tapʋlɩɩ-la.

Matiu 24:29

Ŋɩɩ nɛ Yesu bɩra bʋla pɩba, “Tapʋlɩa-la hɛɛŋ deeŋ sɩ jaŋ dɛrɛ, ʋ bɩra bɩ jaŋ dieni dɩ taŋ nɛ pʋla ma, leriŋ jaŋ biri, chɛnɛ ma bɩra bɩ jaŋ pɔsɛ. Chɛnwʋlaa jaŋ lɩɩ wɩa-nyuŋ kʋ tuu titel. Ba jaŋ kiri wɩa-nyuŋ kɩalɩŋ kala sɩ kɛŋ doluŋ dɩ ba lɩɩ ba leree.

Matiu 27:45

Wɩa kʋ magɛ nyu-gbaŋa, leriŋ kala biri lim a mʋ yi dɩdaanɩŋ kerifi batori.

Maak 15:33

Wɩa sɩ kʋ magɛ nyu-gbaŋa, leriŋ kala biri lim a mʋ yi dɩdaanɩŋ kerifi batori.

Luuk 23:44

Wɩa sɩ kʋ magɛ nyu-gbaŋa, leriŋ kala biri lim a mʋ yi dɩdaanɩŋ, ka leriŋ bɩra pʋllɛ.

Jɔɔŋ Wʋnaalaa 6:12

Pie-bie-la sɩ kɛŋ kelli-la ba sɩ kaa mɛrɛ teŋ-la dʋmʋŋ tɩɩna kaa lɛrɛ, mɩ bee na dɩ tinteeŋ faasa zigili. Ŋɩɩ nɛ wɩɩpɔsʋŋ kala biri lim a nagɛ chɛŋ-birimiŋ, chɛŋ-pʋla ma fɩɛsɛ a nagɛ chalɩŋ.

Jɔɔŋ Wʋnaalaa 8:12

Ŋɩɩ nɛ Wɩa tɩndaarɩ-nɛsɛ-la ma ŋmʋʋ ʋ nyile. Ʋ sɩ ŋmʋʋ ŋɩɩ, wɩɩpɔsʋŋ, dɩ ŋ nɛ kaa kpaa butori, sɛmɛ dɔŋɔ biri, chɛnɛ ma dɩ ŋ nɛ kaa kpaa butori, sɛmɛ dɔŋɔ biri, chɛnwʋlaa ma, dɩ ŋ nɛ kaa kpaa butori, sɛmɛ dɔŋɔ biri. Wɩɩhɛyɛ pʋlʋmʋŋ arɩ tɩtaŋɩŋ ma kpaa butori sɛmɛ dɔŋɔ biri.